順德村煲仔生滾粥 (已結業)

師傅都好耐冇同好友食家"乜都放入窿"單獨食飯, 數下手指都有至少兩個多月, 於是師傅就相約一個飯局! 同好友食家"乜都放入窿"食飯就最爽, 皆因佢人如其名, 真係乜都放入口(窿), 所以可以試好多不同菜式和不同類別的食店; 可惜是次好友食家"乜都放入窿"喺飯局前一天開始病, 所以未到飯局當天, 亦唔知當晚食咩好, 皆因有可能取消嘛!到了飯局當天, 師傅再細問好友食家"乜都放入窿"係咩情況, 而好友食家"乜都放入窿"就話飯局可以, 不過以清淡為主; 有見及此, 師傅就決定同好友食家"乜都放入窿"食粥清清腸胃! 於是又上黎開飯網搜尋, 結果見到呢間食店又高分, 又就腳, 最重要係喺師傅個環頭, 仲要從未試過, 所以就決同好友食家"乜都放入窿"定黎呢間食店!約實好友食家"乜都放入窿", 大家準時會合, 於是就向著目的地進發! 當抵達後發現店內食客非常之多, 可幸兩個人, 所以只需等一陣就已經有位! 一坐底即刻睇下有咩吸引, 見到粥嘅種類甚多, 有幾款都幾吸引, 於是同好友食家"乜都放入窿"商量後, 就決定一人揀一款粥, 再加小食; 於是好友食家"乜都放入窿"就柯打滑雞魚雲粥, 而師傅就揀左魚

一直都好想試下奄仔蟹粥，除夕夜一於來試下，外賣了三碗，不過好細碗，堂食抵好多，因為堂食是一細煲仔，外賣縮水左一半!有D唔抵，但佢都係一碗一隻蟹，可能仲係冬天，D蟹都仲有膏，D粥好綿，好鮮，好味，不過真是建議大家堂食著數D

大冷天一碗「順德村煲仔生滾粥」，以鮮魚湯粥底生滾的綿滑粵式魚湯蟹粥暖身,蟹肉不是重點,純粹是替魚湯粥增添一點鮮味,反而粥底綿滑,雖然有少少「味」但比較同街幾間老式魚湯粥,情況不算嚴重,至少我也可接受。

同家人一行4人去廟街搵食, 其中一人想食粥，上來openrice 見食評不錯, 就想去試試, 行入去見地方不大但又放了2張大台，台放得很貼本身都不其望坐得好，但一中年男待應(應該不是老闆)安排坐大台的一邊, 但與隔離台放得太貼, 跟本坐不下4人，另一張大台只坐幾位食客在等食, 店鋪員工又不安排其他單丁人坐埋一張台，你要是叫我到店外等等安排位是沒有問題的, 但最後那中年店員竟然說坐不下你去另一間食吧, 今時今日請著呢位員工真係再好食的東西吃下也沒有味, 消費者是付錢消費的, 如果不想做生意請不要開店吧

在同事的推介下, 認識這間吃粥專門店. 可惜上次與3位友人遲左2秒, 晚上差不多7時左右, 只剩2個吉位, 最終轉到附近另一間西餐廳用膳. 2/11/2011的晚上, 放工與老公2人再闖這間吃粥專門店, 終於品嚐美味晚餐, 當日食了奄仔蟹粥, 鮮魚餃粥, 薑蔥魚腩及油炸鬼. 本人極力推介薑蔥魚腩,首先是以一窩熱騰騰的端上, 不會太多汁, 薑蔥很多, 魚腩厚度適中, 魚肉表面有點焦, 好似煎過 , 入口有丁點甜及薑蔥味, 甘香, 正, . 自問我是一個不太喜歡吃魚的人, 但我都被它的味道所吸引, 魚腩沒有細骨, 吃時很放心. 以前只吃過薑蔥焗蟹, 原本薑蔥魚腩一樣出色. 至於粥品方面, 之前已有很多食評寫過, 我唯一的意見是, 好就好食, 不過吃完會口渴, 好似落左味精. 無論如何, 我都覺得值得一試, 下次帶埋媽咪來幫襯. 溫馨提示, 由於座位有限, 人數方面要留意, 只有2張大圓枱, 其餘只適合2-3人坐. 多人可能分枱坐.

上次去食魚粥..好滑..!!!!!!見我朋友去2次都食蟹粥..所以我今次都去試蟹粥..✿ 真係好好味..成隻蟹..d蟹仲有膏架..@v@*上次食糖心皮蛋..今次食子薑皮蛋..-> 我覺得糖心皮蛋好食好多..~*今次仲試埋炒腸粉..好味又夠滑..❥ $12算平啦..依家諗緊下次去食咩粥好..XDDDD

2011年9月16日，20:30好不容易才到小週末。繼續砵蘭街有落。實在太累了，奢侈地坐了一站地鐵到佐敦。目標是慢工出細貨的小店。店正常地座無虛席，攝石人又大顯神功，佔到座位。想要蟹粥，奈何沽清；田雞粥亦是好選擇啊。客人如常的：呆滯的呆滯、埋怨的埋怨。新來的伙計，喃喃自語：慢工出細貨，唔等得？下次請早啦！30分鐘後，粥到了。如常的澎湃。添加入了自助的生菜絲，清鮮味湧現。一粥兩吃的習慣，先吃完粥，再吃配料。粥底如常的厚和鮮。配料田雞，體型大如牛蛙。(在新蛙火鍋店經常吃的)肉鮮甜、有咬厚，證明夠新鮮。當晚極旺場，至愛炒麵沽清。這店不會不再來的。

近日天氣開始漸漸轉熱，吃粥的時間已漸漸遠去，天氣炎熱又怎會去食粥呢。可是佐敦出現了一間人龍長店，專賣煲仔粥，加上近來又受到電視的介紹，登時人氣上升百倍，令本已人多的小店更加墟冚。這店以煲仔粥聞名，材料以魚的不同部位居多，亦有田雞、水蟹等美味的粥料。店中有一幅是店主屋企人畫的魚的不同部位圖，介紹每一個部份的功用及美味之處，十分有趣。我和朋友傾計，不知不覺間過了半個鐘，才開始見到廚房傳出食物。幸好當天正想與朋友閒談，有的是時間，所以繼續傾計。期間，魚皮因是預先製成，所以好快送來了，魚皮爽口彈牙，麻油及豉油的味道令魚皮更加滑溜，十分鮮味。期待已久的薑蔥爆魚雲終於上枱，打開煲蓋，香味即時四散，令人流哂口水。一試之下，真的無懈可撃，魚味濃郁，鮮味十足。魚頭邊位有輕微的焦脆口感，魚雲則非常之滑溜，加上薑蔥的香味，完完全全俾佢俘虜。田雞粥，粥底非常軟滑綿綿，而且帶有膠質，證明煲煮粥底火喉充足，田雞的鮮甜已溶入粥內，十分滋味。煲內的田雞件十分之多，估計有一隻半至兩隻之多，而且肉質仍然嫩滑，沒有因長時間生滾以至鞋口。另一煲是我極力推介之作，平時芥菜、生菜、青紅蘿蔔之類的蔬菜放入粥內見怪不怪，但這裡欲用上

今午與太太談及晚飯地點 - 對於我們這對少飯夫婦，一星期總有幾晚外出食飯她看到網上講起呢間粥店，加上 OPENRICE 食評有讚冇彈，決定去試一試 在地鐵站行 5分鐘便到，到達時只看到有一個客 (大約 6:35)，店內職員全在廚房等了一會也沒有人來落單，正納悶之際其中一個職員出來，但表示暫不落單聽另一枱客說 7:00 才正式營業 - 這樣我們豈不要等半小時~~~幸好他們 6:50 開始落單 - 當時已有5、6 枱客，太太要一個奄仔蟹粥，我要三寶粥另外要一個油炸鬼、魚皮、炸鯪魚球 (請注意，落單的職員沒有表情，很酷，不要對她太有期望 XD)由落單到有食物到又再等15分鐘，先來的是油器 (其實一早放於舖前，只是沒有人安排分派)因為太餓了，所以先吃了一點 - 不錯，脆脆的之後我的三寶粥先到，太太不吃魚，但用油器 DIP 了魚粥，因魚粥的鮮味，油器變得更美味及後爽魚皮及炸魚球都預備好了，魚皮味道很好，那些豉油完全被吸收，加上有魚皮花生、薑及蔥，味道更佳另外炸魚球都不錯，大大粒，ORDER 小的已有 5 粒，但蜆蚧味道有些腥味，少少失望吃這兩款小食很容易會與羅富記的相比，我與太太都覺得魚皮是這裡

睇完電視介紹想試下，今晚7點幾一個人去到，唔使排隊，坐低叫左順德三寶魚粥(有魚腩、較、咀)同油炸鬼，因為要即煲，等左成四五個字至有得食！粥底唔錯，連煲上好夠熱，魚好鮮味，一個人試唔到太多野，見到人食炸鯪魚球同撈魚皮都好正，下次搵多D人再去試過。

生滾粥食行多，但用煲仔上的生滾粥又食過未？據聞此店閑閑地排隊都要半粒鐘， 所以今晚一收工就即刻去呢度醫肚！ 七點鐘左右嚟到，好彩即刻有位！食到差不多七點半，門外已經開多幾枱兼要排隊等位了！今晚我哋叫咗三款粥同三款美食，每樣食物都係即叫即整，所以都要等十幾廿分鐘至有得食！不過每樣都係熱辣辣，粥又係煲仔上滾熱辣，特別好味，等吓都值得！1) 肉丸粥－－肉丸滑，仲有成六粒肉丸咁多！粥底夠綿！2) 田雞粥－－田雞冇雪味，粥有鮮味。3) 蟹粥－－蟹好足料，有成隻蟹咁多，係三個粥之中最鮮味。4) 薑蔥魚皮－－而家好多人怕有蟲所以都唔多見人有叫，但我覺得呢個係我呢餐最驚喜！魚皮爽滑，薑蔥加上麻油同醬油令魚皮特別鮮甜。5) 炸鯪魚球－－即叫即炸，熱辣彈牙，令人回味！6) 炒腸粉－－呢樣算係比較普通，腸粉也算軟滑，不過碟頭較細。是晚六樣食物共食咗 $148，食完非常滿足！另外此店更有馳名魚粥，用盡魚嘅唔同部位，下次我一定會再嚟試吓！

佐敦吳松街的中段，是有名的「粥林」，由主街至後巷附近，都開著一間間的粥店，每晚為眾位食客提供各款生滾粥品，當中較知名的，包括最旺場的街中之霸新興棧，另外鋮記也是甚有口碑，還以為店鋪眾多之下，已容不下新的經營者，原來不知不覺之間，又多了一間「順德村」，主打的地方，是奉上滾燙的砂煲粥品，而選擇也多，連奄仔海蟹粥也有供應，結果上週四的七時半，也要排隊等侯入座的場面。等了近廿分鐘後，終於能夠入座，看牆上的選擇項目，已經佔了近半個舖位，其中最為人注意的，相信是那幅魚類部位的解剖圖，不失一點趣味，作為「粥林」的一員，這裡的價錢不算昂貴，三十餘元已有一煲三寶粥，分別有魚類的三種部位，不過今天來此，還是想品嚐在香港少遇到的生滾蟹粥，至於魚粥，可以找天再試。品粥之餘，先來點送粥小吃，價值廿五元的生灼薑蔥魚皮，想以前粥店也多有供應，當今人人也以健康安全為上，說怕有寄生蟲，弄致這等風味幾近失傳，其實如處理得宜，絕對不成問題。拖過水後的魚皮剛好火侯，質感上帶有爽勁，撈上醬油和薑蔥後，仍能嚐出當中的鮮味。原本也想等上粥品後才一併進食，結果吃上一塊之後已是停不了口，最後粥來時已吃了近一半。也來一碟炒粉麵，傳統的有

佐敦一直都有好幾間略有盛名的粥店,味道幾好, 大多不過不失!而這間新開順德村煲仔生滾粥粥店, 與附近數間出名的粥店大同小異, 都是以魚作賣點, 再加上順德同鄉特別有親切感! 所以這晚的宵夜與男友刻意的去到附近覓食. 來到門前已看到老板娘親自主理每一煲用小瓦煲盛粥的出品, 真材實料沒有花巧!但得要有耐性等待, 因為所有粥品是即叫即做的, 而且標榜沒有味精!我點了肉丸魚片粥, 男友則點了及弟粥, 另外要了炒麵, 腸粉, 炸鯪魚球, 油炸鬼,. 生菜絲任取肉丸魚片粥,及弟粥: 粥底同樣夠綿夠香, 足料! 炸鯪魚球: 鯪魚球爽口彈牙，有口感, 現叫現炸,無欺場!炒麵: 不過不失油炸鬼: 一般, 如果有現炸就十全十美了!不得不稱讚老板娘一句, 生菜絲放在一角任取! 細心!!!同鄉加油! 希望能保持現有水準就足夠了!**唯一要注意的是後面開魚的地方,最好能保持關上門, 我們在等待期間看到在地上開魚有點不雅, 影響胃口!

從飲食雜誌知道這條街開了間新粥店，上次覓食經過，預先探定位置，原來該店晚上六時才開始營業。食肆由於新開張不久，所以裝修環境比其他粥店乾淨企理，而食品方面亦算新鮮味美，當然可以做得更好看食評始知原來是一家人齊心合力經營，彼此分工合作，各守崗位，希望他們累積經營心得，慢慢改善不足之處，精益求精，生意愈來愈好魚之各部位炸麵(油炸鬼)五元一份，中度脆口，不俗。魚鮫粥：二十六元，粥用小瓦煲上，所以熱騰騰，粥底夠綿、有米香，魚鮫嫩滑好味，但鮮甜味稍覺不足，混和生菜絲，成碗粥算是交足貨了。及第粥：二十六元，粥底同樣夠綿夠香，粥料有豬肝、豬腰、豬肚、豬肉丸，碗粥入口味道較濃，鮮味十足，至於魚鮫粥則較清淡鮮甜，各有其風味，所以撰不同材料的用意在此酥炸鯪魚球(小)：二十元(五粒)，真係即炸，熱騰騰燙口，鯪魚球爽口彈牙，肉質不會鬆散，食得出不是番炸，幾好食，無欺場。該店食品比其他粥店毫不遜色，只是要保持水準和做得更好，才可以令食客回頭，更可從口碑中增添顧客，粥店同人(一家人)加油

十月尾食過一次番尋味，今次第二次幫襯，一樣覺得老板娘好有誠意、用心煮靚粥！上次食過三寶粥(什麼魚咀、魚鮫、魚尾咁上下)、蟹粥，簡直平靚正!今次食得簡單d，叫碗魚腩粥好滑+有魚味 老公叫雞...粥，雖然略咸，都算好食、好滑！好想call齊全家來食咁真材實料粥，不過佢地個後生仔太子爺話下午六時後才開門，星期日又休息，小心摸門釘。希望佢地能夠保持水準，唔洗我返順德至食到咁好味的粥。以前我幫襯開灣仔的『靠X住』，偏貴、又唔係成煲上，以後我都會選擇順德村！