影片
今次我和家人喺清明節郊遊完之後幫襯，係佢哋舖頭人流嘅高峰。員工做到透不過氣來，仍然堅持服務坊眾，遇上飯也差啲賣完。不過，佢哋仍然堅持提供好有質素嘅食物和飲品。好有人情味嘅食店❣️😃食物方面：雞扒香而嫩滑，蕃茄汁好好味。咖喱汁亦很可口。越式餐肉冇得頂！豬扒出前一丁合乎期望。八寶河粉好好食。西多士冇得頂！仲有西多士。有機會會再幫襯仲有西多士😋有機會會再幫襯❣️是日亮點係佢哋用鋁飲管。非常環保♻️期望每間茶餐廳都仿效使用。
繼續閱讀
一行六人由愉景灣行去梅窩行咗五個鐘頭，好肚餓，見到呢一間茶記就入咗去，之前完全未食過，見到牆上貼住整齊嘅餐牌，種類廣泛，唔係剩係得麵餐同埋碟頭飯，佢哋竟然有雞尾包，越式肉餅雙蛋飯，同埋素食選擇！行完山例牌會整個餐蛋公仔麵，啲friend仲癲要食回鍋肉餐肉公仔麵同埋西多士補番啲腳骨力，我就係因為太熱食唔落湯麵，所以叫咗個餐蛋治走油烘底。一間村內小店喺西多士上面竟然俾你選擇煉奶或者糖漿，對我嚟講係誠意嘅表現，先攞一分👍我個烘底三文治面有靚坑紋，叫佢走油真係記得，餐肉煎得夠脆，再攞一分，朋友嘅回鍋肉餐肉公仔麵，裏面有兩塊煎到脆面嘅餐肉同埋足夠份量嘅回鍋肉加筍，公仔麵底有咬口，再加分，最後係奶茶個茶底夠香同應有嘅澀味，我心滿意足了。唯一係個凍奶茶在落糖方面重手左，所以嗌第二杯時要減甜。樓面幾位姐姐仲同我哋有傾有講，人情味滿滿，又記得我哋每個人嘅仔細食物要求，好照顧客人，香港傳統嘅茶記應該係咁。很滿意的一餐，多謝你哋。
繼續閱讀
今 日(24-10-2019 Thur)老公生日,一齊請假郊遊,同佢行完銀礦三寶後返嚟,老公話要食嘢=.=”,我哋求祈嚟到呢喥食.我哋要咗$32.00嘅下午茶餐,我要西多士,飲熱杏霜,老公要特長熱狗,凍奶茶.好快,所有嘢都到齊.熱杏霜斟到滿滿一杯沖得都幾甜.西多士薄薄一件,落單時,職員問我要鍊奶定糖漿?我揀糖漿.西多士內裡嘅花生醬係有粒粒嘅,呢個正常冇問題.而老公嘅我就冇試到.服務:好友善有禮.評分係OK
繼續閱讀
本小姐好少搭MTR, 近期更加唔會答, 所以真係從來唔會搭車去東涌，對我嚟講大嶼山永遠係好遙遠嘅地方，總係記得要搭船先至到， 呢個係深深印喺我腦裏面嘅概念。今日好久唔去大嶼山，一去到大嶼山食餐lunch就中伏。去到呢間餐廳，就叫咗個乾炒牛河嚟食。乾炒牛河，炒呢啲牛河嗰個都唔知係咪真係廚師嚟㗎，又或者可能係未滿師，都唔奇！ 有圖有真相！大家都見到呢碟牛河真係好多油！ 雖然好夠色水，但係同時亦都係好咸，牛肉又唔係多片，芽菜又唔夠爽。可以咁講嘅，豉油多個頭，油又多個頭。真係好唔好味。 除咗未到唔好之外，呢度嘅職員態度都唔係好。
繼續閱讀
好悠閒既一日，當然要享受一下，食番個早餐！就如圖所見，簡單既食物會睇得出其功夫，簡單既通粉好夠味，一個煉奶豬脆而唔膩。作為奶茶控既我，當然要飲番杯提提神。香滑既奶茶配上黑白淡奶杯，特別好飲。頂好算係梅窩做早餐既餐廳黎講，順有誠意既。
繼續閱讀