韓食家 (已結業)

附近沒有這麼好吃的韓式餐廳特別是個炸雞，雞肉好滑多汁，外脆薄皮!!!牛肋骨湯也很不錯，足料，好淋室內有人手畫的趣味漫畫，好像在哪裏見過的服務態度積極，價錢合理。。。

黎到食韓國野, 基本上入到呢間餐廳都唔需要等位，呢個係唯一嘅優點!!一定要食下佢既韓式炸雞. 份量就岩岩好, 但嘢食真係貴左D，食物質素OK啦，部隊鍋，午餐肉公仔麵炒埋一堆，覺得就唔係咁抵食

同三個朋友一齊去叫左個4人餐再加一個老闆推介既食物,本身4人餐已經係好飽又好食,炸雞明顯唔係反炸果種,啲炸粉唔多,啲雞啱啱好,好正,又大件,之後仲有個芝士蛋卷,超邪惡,超超超X好食,仲有牛肋骨既湯,勁重黑椒味,仲7-8舊牛肋骨,,之後仲有兩個主食都好正,仲有一個我都唔記得叫咩名老闆推介,係一個面包挖空放應該係忌廉芝士汁拼炸雞,炸雞點個芝士汁超好食,跟住個包吸曬啲汁又勁正。呢間野除左好食就係好抵食仲有好X好食。唔好問點解無其他相,因為好食到食曬都影到相

尋晚出街買外賣，行過見到餐牌好似都吾錯，買左份飯卷同流心芝士蛋卷俾屋企人食，自己想試下辣豆腐湯，但好難外賣拎走，咁就坐低食埋先辣豆腐湯超正，辣得黎好爽，豆腐滑，勁多泡菜豆腐同雞，雖然個湯好紅但辣味調得好好，同場叫多一杯啤酒嘆下雞肉同豆腐份量好夠料返到屋企打開飯卷，幾香麻油味，挾上手有少少散開重有流心芝士蛋卷，入面有海量半溶芝士，雖然拎返屋企已經凍左少少，但都重好好味等外賣都吾會好耐，十分有驚喜嘅韓式小店，推介🥰

今晚收工同同事見到呢間新開張既韓式餐廳，即管入去試下新野先~食韓國野更係一定要叫炸雞！Menu有幾隻味揀，我地叫左一份蜜糖炸雞+避風塘味，D雞炸到脆卜卜，重要無骨，超正！有驚喜！估唔到普通一條街都可以食到Ｄ咁好味既炸雞，下次一定要試埋其他既味 我地重叫左牛肋骨湯，估唔到又幾鮮甜，2個人食份量岩岩好最後叫左個卡邦尼年糕，略嫌有少少硬，可能我地放到最後先食，所以凍左，但整體都ＯＫ，重有好多煙肉配料見到隔離枱叫左個炸醬麵，好想試，但太飽，等下次lunch外賣番公司試~整體黎講，食物價錢合理，質素又唔差，抵食，職員超有禮貌，不過坐得耐冷氣有Ｄ凍，會再幫襯

夜晚放工約左朋友食飯...呢條街係好多野食呀...但竟然有新開左間韓式野食!!🤩睇到門口以為係做外賣，但原來都有堂食架...再睇埋menu有set又有散叫...好貼心🤤即刻同朋友入去~~選擇困難症...好多野都想試....連炸雞都有十幾款揀🤤職員聽到我地有困難就過黎介紹左佢地既炸雞😆佢地又親切又攪笑....最後我地叫左1份炸雞兩款口味~蜜糖蒜香同四川宮保...等左一陣...好快就有得食🥰先上半份既咸蛋黃炸雞，好足料好多咸蛋黃，炸雞外脆內滑🤤跟著就到四川宮保，完全冇失望，真係好韓式宮保🤣食辣一定要試🤤食食下發覺原來加幾十蚊就有冰凍生啤喇...又點可以放過呢😌呢餐誤打誤撞，竟然有驚喜...滿足🥰🥰下次再黎要試埋其他先😌

公司附近開了新餐廳，入去打算試下新野，結果非常失望，主打韓國餐，中午選擇不算多，叫左個牛肉拌飯，醬汁唔好食，不正宗，不是韓式辣醬，牛肉份量少，泡菜唔好食，性價比極低，俾人感覺完全無心機做，其實韓國菜相比下算易做，咁既質素咁既價錢相信在同區有更多更好的選擇環境服務正常，沒有什麼大問題，乾淨企理題外話，見到坐我對面的女士叫左部隊鍋，原來只係辛辣麵加香腸+2舊年糕，$6x ，太過份了吧。。。。不會再有下次

最近新一家新開的韓國餐廳，看到店內光潔亮麗，於是大家就進去準備嚐鮮。午市套餐都是傳統的韓國平民食品，如炒粉絲、Bibimbap、牛肋湯等。最後我點了極具代表性的Bibimbap，結果讓我很失望。首先，大家大概期待八色蔬菜都會切成幼絲，突顯廚子刀功細膩而且賣相更佳。可是一上菜看到的蔬菜種類不多，而且切成粗枝，予人感覺烹煮馬虎。隨飯附上的辣椒醬，完全沒有任何一種五辛香味，完全滅掉bibimbap的精髓所在，加上整體飯菜不是熱烘烘，那一刻只有但求飽肚的心態😩另外還用了$15加購了小份炸雞，吃了甜辣口味。醬汁方面只甜不辣，而且只集中在盤底，完全沒有均勻地掛在雞塊身上；外皮不夠香脆，可是雞肉嫩滑，飽滿多汁，算是唯一值得安慰的。其他人吃了牛肉炒粉絲和牛肉蓋飯，都一致認為味道質感很一般。最後不忘拍下這張椅子，設計很奇怪，椅背勁後，仲要一壓就黎會爆裂咁，坐得有點不安心😦人均消費還要$70多，所以結論是 - 不會再來。

見佢近公司，又新開，試下，之前路過都見要等位。下午12:25分，有好多位喎（竟然⋯）。坐低先每位比兩味前菜，泡菜+青瓜/泡菜+煮薯仔。泡菜好咸⋯⋯⋯五個人叫左一個八色牛肉伴飯、三個牛肋骨湯配飯，及一個辣豆腐湯配飯跟牛肉。伴飯（$58）個賣相幾靚既（無影相），自然動作撈左 2/3 佢比既伴飯醬（比平時食開既醬為稀，汁咁既），就出事⋯ 唔記得先試下個醬，結果好咸⋯⋯ 呢個係我自己責任，如果落少啲汁係會好食既。牛肋骨湯（$78），等左十五分鐘送上枱，嘩，係睇唔到邊度有牛肋骨既，只見到有蛋絲浮面同有白蘿蔔⋯⋯ 要用筷子撈先見到有四五粒平時食蒸排骨咁上下大細既牛肋骨⋯ 好，可能湯先係重點，試下，well.. 蘿蔔湯味囉。豆腐湯（$58），湯底似韓國辣醬開水，豆腐全舊放喺湯入面，牛肉係肥牛不過不失。總結係無下次。

All ingredients were of poor quality.In particular the beef was low grade and hard to chew. The smell of the meat was odd. Vegetables had the taste of water as if they were unfrozen.Food came out warm; there is obviously no Korean cooking skills or Overall there was no taste and the Korean Spices were watered down and did not taste authentic. The free water was low quality tap water. All other drinks are extra pay.Chairs were comfortable. Service is good.NOT AUTHENTIC KOREAN FOOD. This is a lo