韓閣 (新都城中心二期) (已結業)

放假成個人都唔想郁，今次被安排坐 VIP房仲用 QR code 落單，所有食物好快送上真正既嘆住食🤗🔸香葉鹹蛋黃炸雞翼🔸韓閣特色紫菜明太子蛋卷🔸芝士岩漿炒飯🔸牛骨湯飯✍︎︎ 香葉鹹蛋黃炸雞翼見到個名都好開心，大家都鐘意食韓式炸雞，加埋蛋黃系肥但熱辣辣好香口🥰✍︎︎ 韓閣特色紫菜明太子蛋卷呢個都系餐廳推介，中和左蛋黃既膩，水準中規中矩。✍︎︎ 芝士岩漿炒飯我抗拒唔到拉絲既誘惑，一路見住溶溶地既芝士，撈系充滿蛋漿既炒飯中，講起都開始肚餓🤤✍︎︎ 牛骨湯飯我最愛湯飯，飲完個人好舒服～

韓閣韓閣想食韓國菜但疫情無得飛，唯有食番啲韓式菜安慰下自己啦！今日去左將軍澳嘅韓閣，叫左傳統甜辣味炸雞，牛肉雜菜手卷，紫菜肉鬆蛋捲同埋真露煮海蜆。傳統甜辣味炸雞雖然只係叫左半份，但係有足6 大舊。上菜時仲有熱辣辣同脆卜卜，雞肉甜甜辣辣又juicy ！ 而店員仲好貼心咁俾埋手套我地，唔使食到成手都係！牛肉雜菜手卷手卷中間滿滿都係牛肉同蔬菜，唔會淨係得舊飯，加埋芝麻同麻油香味，有不過嘅口感同味道！紫菜肉鬆蛋捲上面舖滿肉鬆同紫菜，咬落去厚厚嘅蛋捲，有厚實同豐富的口感！真露煮海蜆呢個真係好有驚喜！ 湯有蜆肉嘅加持，本身鮮甜，加埋略帶牛油香味，令人想飲埋成個湯。好彩酒唔濃， 所以都唔會飲醉！ 個湯仲岩岩好咁配埋滑豆腐、洋蔥等等韓閣堂食都包餐前小食，今次嘅小食有四款包括泡菜，小魚乾，海帶同豆芽， 味道都唔錯！總括來講，雖然無去到韓國， 但係韓閣都令到我滿足！

一直都對韓國美食有種憧憬， 食一餐韓國晚餐都可以猶如韓劇中男女主角般浪漫。三重芝士炸雞半份，$118。 炸雞算係韓國必食食物之一， 三重芝士味道有別於傳統韓式炸雞， 多咗份濃厚口感同埋芝士味道， 個人認為喺賣相同味道上都有所昇華。 半份大概有六件雞， 兩個人絕對啱啱好。傳統豬肉泡菜湯，$52。 加份年糕片15蚊。 個人認為正常辣度 最正宗， 配搭韓式年糕片 非常好味。 湯裏邊有幾嚿豆腐， 同埋經過醃製嘅醬油豬肉， 都係充滿滿滿嘅韓式味道！

仲記得當年第一次食係係荃灣店印象中係一間性價比高既小店原來寶琳已經有佢地既分店韓閣特式蛋卷 - 紫菜明太子蛋卷 + 明太子 永遠都係Perfect match蛋卷唔算係帶有甜味個種 但係配合明太子唔錯丫海鮮煎餅唔算係一個非常豐富既一個煎餅但係配合埋附上既醬汁 都幾有韓國風味五花腩炸醬麵原本坐低前想叫佢地既冷麵但係一見到五花腩 + 炸醬麵 就決定改變主意五花腩脂肪比例好好 一層一層 配合味道剛好 如果麵可以乾身少少會更好鐵板辣醬雞 - 芝士版 ( +白飯）送 牛骨清湯（一碗）今晚最正既一個選擇 喜愛食辣既朋友 建議你可以試試加芝士是必需的 芝士味非常濃郁配合本身韓式辣醬 配搭非常好份量亦都非常多 個人覺得眼前既係二人份量黎（凍）梅汁食左咁多濃味既野食叫返杯酸酸甜甜既飲品都唔錯丫

想擴大搵食嘅版圖，最近嘅新界區就係將軍澳板塊🤪 今次入到嚟新都城中心，除左係冒險樂園玩彩虹池玩到忘形之外😂亦俾我搵到性價比好高嘅韓式小店😋裝修以工業風設計為主，吸引嘅係菜式款式多，晚市仲做緊好多推廣優惠，價錢實惠😃👍🏻 仲有會員制邊食邊儲分，岩晒附近住嘅居民🤭《 芝士岩漿炒飯 》$98 5 / 5 🌟🌟🌟🌟🌟店舖人氣主打🤩 唔洗$100真係好親民！鐵板邊係滿滿嘅芝士同蛋，拉絲撈埋中間秘製醬汁炒飯，配料有泡菜、五花腩等，豐富又有鑊氣😋 《 韓式醬油燴雞配粉絲什菜 》 $62 4.5 / 5哩個性價比高，雞肉份量超多，仲要好多都係雞髀肉位🤤 反而薯仔較少😋👍🏻 粉絲Q彈掛汁，味道清甜，對比芝士炒飯黎講無咁濃味😋《 韓閣雜錦蛋卷 》 $62 4 / 5脆卜卜嘅蟹子夾埋泡菜嘅爽脆，配上軟滑芝士同蛋卷🤤 口感豐富多層次👍🏻 係食起上嚟有啲論盡，太多蟹子好易四圍掉🤪《 暖暖3.6牛乳紫薯奶 》 $28跟餐 4 / 5賣相吸引嘅新推出飲品🤤 影完相記得刮埋圍住杯嘅紫薯蓉，淡淡紫薯味都幾香，可以再重手啲都得🤤《 百香果桂花烏龍 》 $26跟餐 4 / 5清新嘅百香果配上桂花烏龍，少糖之選，另加

肥雞中意幫襯小店，因為食物質素通常令人有驚喜。 今次肥雞就揀咗位於將軍澳新都城嘅韓閣，一入到去雖然舖頭唔大但係都坐滿曬，證明呢間鋪頭嘅食物質素有返咁上下 。 肥雞因為肚餓快咗個炸醬五花腩麵,要讚讚佢嘅五花腩， 佢係已經之前鹵過， 有少少似台式滷肉嗰陣味道， 五花腩嘅油脂一放入口已經溶左，非常高質。 整咗個韓國雜錦蛋捲， 上面有蟹子，鋪滿紫菜，田田厚實嘅蛋捲，你食得出係用咗鰹魚湯嘅湯底去撈啲蛋漿，水準唔錯。 再嚟再肥雞最鍾意嘅蟹子蟹膏炸軟殼蟹壽司， 呢個真係超正， 價錢又平， 用料十足， 蟹膏處理得非常好， 鮮香腳蟹子蟹膏配埋香脆嘅軟殼蟹， 令到肥雞覺得係呢間舖頭必食嘅菜式。 仲有佢嘅海鮮煎餅， 食落去有少少似薄撐， 口感香脆， 點解海鮮醬油簡直送啤酒一流。

睇得多韓劇就好想食下啲韓國嘢，所以最近就去咗將軍澳嘅——韓閣 @korean_loft_cafe 一解韓國餐嘅癮💕呢間嘅韓式食物真係款式好多，好多樣我都有興趣想試🤤不得不提，餐廳嘅員工服務態度都好好，而且上菜都好快，熱辣辣好有效率👍🏻._.💛|韓閣特式蛋捲|（紫菜明太子）甜甜地嘅蛋捲包住又咸又香嘅明太子餡料，面頭鋪滿紫菜同蟹子，軟綿綿蛋捲口感+好有口感嘅蟹子粒，裏面嘅餡料仲要係熱辣辣嘅🔥非常好食😋· 🧀|芝士岩漿炒飯|（人氣料理）鍾意食芝士嘅人見到呢個炒飯一定心心眼😍因為啲芝士多到圍住中間嘅炒飯，每一啖炒飯都食到濃濃嘅芝士😳仲要係拉絲嘅💛真係好邪惡🤤·🐥|炸雞|（蜂蜜牛油味）食韓國嘢又點少得炸雞🍗我哋揀咗蜂蜜牛油味🧈牛油係蒜香味較重，鍾意味道冇咁濃嘅可以沾少啲牛油，味道加埋蜂蜜味一樣咁好食😋雞肉鮮嫩多汁，好正👍🏻·🍮|自私食心太軟配藍莓|（冬日暖粒粒系列）最後甜品揀咗冬日暖粒粒系列嘅心太軟作結🍮心太軟嘅朱古力好濃味，配埋少許藍莓🫐中和返個甜味，好滋味滿足🤤💕._.@korean_loft_cafe📍韓閣📍將軍澳欣景路8號新都城中心2期1015號舖

🍜 韓閣 (新都城中心) (將軍澳) 🍜-新都城本身就好少韓國餐廳，今次開正係屋企樓下仲唔值得去試吓！😍我都有喺荃灣分店食過覺得好食😇一直都念念不忘😌見到平日終於唔使排隊就試吓😙😙-豬肉粉絲餃紫菜粉絲卷配芝士(💰58):豬肉餃子皮有少少偏厚🤣但係配芝士食就啱啱好感覺上有少少解溜😂本身好鍾意食粉絲嘅我見到呢個紫菜粉絲卷真係抗拒唔到😢仲要炸過個紫菜脆口🥲好正-部隊鍋(💰98):想食拉麵最啱就叫呢個部隊鍋😌入邊有好多唔同配料例如腸仔午餐肉等等🤤但係我哋因為都想食海鮮😌見到佢有得加帆立貝同鮑魚就加埋🥰 每樣兩隻加$55😇我覺得可以接受✌🏻不過呢個對朋友來講有啲太辣🥲所以唔食得辣嘅朋友要注意-芝士岩漿炒飯(💰68):呢個超級抵🤣之前喺荃灣食過就係佢令到我念念不忘😌依家有lunch set淨係$68仲有嘢飲🤭一嚟到就好大浸芝士香味🧀😻入邊有泡菜同豬肉,但係對朋友來講都係有啲太辣😹😹😹—(非專業,完全跟據個人口味☺)食物:8/10環境:8/10服務:8/10人均消費:$100———————————————▪店舖名稱: 韓閣 (新都城中心) (將軍澳)▪店舖地址:🔸 將軍澳欣景路8號新都城中心2期10

我係一個超鍾意食韓國菜既人自從"來自星星的你"之後就愛上炸雞配啤酒今日入黎新都城中心shopping順便食埋晚餐又比我搵到一間食韓國野既小店7:30入座唔駛等位眼見入座率已經有一大半我同朋友ORDER左幾樣野一齊Share甜辣炸雞 - 半份 ($118)窩心位係炸雞可以叫半份適合2-3位share真心要讚下炸雞炸到金黃色 好香脆  表面炸到金黃色 但d雞肉超嫩滑 再配合埋個甜辣醬 好食!!!!!泡菜豬肉芝士飯卷 ($46)超鍾意食泡菜所以呢個泡菜卷絕對係不二之選個芝士食落唔會膩 因為泡菜可以中和返海蜆大醬湯 ($58)D蜆份量簡直係多到驚人同埋呢個大醬湯唔會好似坊間其他韓國舖頭咁有陣奇怪既味好飲好飲!!燒魷魚 ($68)我地加配左個特價小食見佢係期間限定 好似好吸引咁個魷魚燒得好香又大隻又爽重點推介：炸雞

今日同男朋友係將軍澳食晚飯揀咗呢間「韓閣」去開餐 😋餐廳可以用QR code落單夠方便！我地叫左幾樣野食甜辣年糕跟粉絲年糕煙韌粉絲入味泡菜豬肉芝士手卷夾係手卷入面嘅芝士入口即溶同泡菜豬肉好夾🤤韓閣特式蛋卷我地揀咗紫菜明太子口味明太子鹹鹹哋令蛋卷嘅甜更突出！濃蕃茄帆立貝海鮮湯呢個海鮮湯好驚喜因為勁多海鮮而且隻隻都好大隻我地加左粉絲雖然只係加$12，但份量超多好吸湯好味！野飲仲有半價我地叫左人蔘茶同梅汁！

星期三晚約左韓國朋友一齊食韓餐 入店時間都算晏 成八點幾 淨得幾張檯食緊嘢 唔算太忙 原本都好地地 韓國朋友好開心介紹嘢食 D炸雞都算好味 成張檯都擺滿晒嘢好開心但成件事最衰嘅就係！！！有個女侍應上緊菜 但張檯就冇位 -我朋友話「可唔可以幫手攞開呢個？」 -佢好寸咁答「你睇吓我仲有冇手？」我以為佢無心 都一齊笑個frd點知佢走嘅時候又係度細細聲暗寸「如果我有三隻手就好啦」我聽到真係極嬲！好好地一餐飯就咁比人破壞左！乜宜家侍應咁大脾氣？最激氣嘅事係九點幾臨十點嘅時候 我地幾個仲係度食緊嘢傾計 佢無啦啦行過黎「我要收到呢支醬」全程唔問我地食晒未就攞走左辣椒醬 跟住手指我朋友前面嘅另一支醬話「仲有果支」 我地幾個呆晒 我朋友乜都冇講 好心攞比佢點知佢又點我朋友做嘢 「攞埋果個兜」「邊個啊？」我frd問「擺刀叉果個囉！」全程冇一句「唔該」 係咪黑住塊面！寸人 點人做嘢！ 我想問貴公司係咪請唔到人 先請d咁嘅人？ 真係嬲到爆炸！唔會再幫襯 絕對唔會再推薦比任何人！

韓風襲港, 韓食在香港也大受歡迎, 韓閣位於將軍澳新都城中心, 韓風格調裝修, 環境舒適清雅, 門口陳設著餐牌, 店員有禮貌。熱門嘅韓食當然要點炸雞啦, 半份少辣甜辣味炸雞嘅份量也不少, 外層炸得酥脆, 沾滿韓式辣醬汁, 雞件大大件, 肉質厚實有質感, 和一般細件韓式炸雞嘅口感不同。韓式醬油燴雞和炸雞嘅口感又有所不同, 雞件相當腍滑, 韓式醬油很入味又美味, 還有薯仔和油滑粉絲, 叫人吃得滋味。紫菜肉鬆蛋卷賣相吸引, 金黃蛋卷上鋪著咸香肉鬆和香脆紫菜, 味道相當討好, 不咸不膩, 又有著厚厚蛋香, 是一道清新口嘅小食。五花腩泡菜炒飯拚太陽蛋味道很香口, 泡菜甜辣惹味, 炒飯又夠鑊氣, 五花腩不肥不膩, 甜甜辣辣, 配合太陽蛋嘅蛋香, 令炒飯更好味道。

曾經有朋友推介過呢間餐廳 話係難得喺香港食到好味嘅韓式食品 但係因為屋企距離荃灣太遠 依然冇乜機會食到👉🏻👈🏻但係點知今日偶爾發現佢哋喺寶琳開咗分店 天意比我懷念下韓國旅行嘅感覺 咁就入去啦 店內播放住K-Pop嘅歌曲 牆上貼滿韓國明星海報💕真係霎時之間以為自己返咗韓國又想食炸嘢又想食辣野 個肚得一個點算好？ 發現咗佢有一個係辣炒年糕拉麵拼煎韓式餃子 冇理由唔係佢啦 另外因為特價時段有得加小食 就要左炸紫菜卷同埋炸蝦餅💁🏻‍♀️ 炸物普通 師傅查嘅功夫唔夠 肉眼都見到底下張墊紙好多油 辣炒年糕拉麵 年糕質感好好 都唔錯！

話說之前都bookmark 咗呢間餐廳、不過係荃灣嗰間。Weekend就去咗試、自助攞飛、等咗大約5分鐘就有人安排入座、都算幾快。環境普普通通啦、坐得都幾舒服嘅。雖然自助落單不過店員都好樂意解答我哋嘅問題。食物款式都幾多吓、炸雞、泡菜炒飯、部隊鍋etc 嘅新派韓國嘢都有不過個自助落單個分類做得有啲亂、某啲同一個category 嘅嘢分咗兩個唔同cat、呢點要改善吓。.一行四個人、叫咗四樣嘢、上菜都上得幾快.1、芝士岩漿炒飯成個鐵板都充滿好大量半溶嘅芝士、勁邪惡😈啲芝士多到我可以用嚟加在炸雞上面食😂個飯係泡菜炒飯、入面最少有四塊五花肉、味道適中、唔會太辣/太咸。不過啲芝士聞起嚟有少少發酵嘅味、個人唔太鍾意評分：7.5/10.2、甜辣醬炸雞（半份）甜辣醬嘅味道好開胃、唔會話係死甜/食都好漏炸雞個皮都算幾脆（因為我無即刻食🙈）同埋唔會好油嗰種評分：8.5/10 .3、麻醬雞絲冷麵我叫佢做雞絲粉皮嘅韓式冷麵版😆入邊有紅蘿蔔絲、雞蛋絲、菠菜同雞絲成個style同雞絲粉皮差唔多、味道當然唔會衰得去邊、咁但係當然亦都唔會話好大驚喜😂正常發揮！評分：7.5/10 .4、軟殼蟹蟹膏卷飯呢個就真係麻麻、收

👦🏻👧🏻嗰晚諗唔到食咩 咁啱係寶琳行街經過見到依間🇰🇷嘢 裝修幾有韓國feel又唔算多人排，所以不如試試佢😝估唔到就試到間高汁嘢‼️—————————————————————————紫菜粉絲卷 (4粒) 原價$36➡️特價$8 (限點2款)雖然黎到唔算太熱😌咬落去亦都唔算脆🤥但好在粉絲都爽👍🏻吸到紫菜嘅味唔會好淡😉•🧀流心芝士條 (3條) 原價$36➡️特價$12同樣係特價，依個就熱到燙口🥵炸粉唔厚咬落如果芝士再流心啲會更好🤭但成條野俾我哋感覺就係一條炸左嘅芝士竹輪🥲好大的期望落差🥴•🧀🍚芝士岩漿炒飯 $98覺得係今餐嘅主角❤️外相吸引之餘味道都係🤤飯入面有泡菜同豬肉夠哂入味🥰撈埋啲芝士真係不得了🤩芝味啱啱好唔太膩😋泡菜嘅辣亦都唔太嗆，配合得啱啱好👍🏻Btw以同樣質素嚟講 依間價錢比tst 真係平好多😬建議想食唔使特登出tst👍🏼•傳統泡菜煎餅 $62泡菜足料😋每塊餅都有大舊泡菜而唔係粉多過餡🤪但👧🏻覺得食落咸咗啲☹️👦🏻再一次破壞氣氛形容佢似酒樓嘅薄罉🥲•👦🏻覺得其實依度嘅份量啱啱好夠兩個人食唔會太飽🤪下次可以再試埋其他嘅菜式🤩•📍將軍澳欣景路8號新都城中心2期1015號舖🕗11:30-22: