韓閣 (新都城中心二期) (已結業)

星期日去食野都唔算太逼，但望住佢地既枱就已經覺得逼，四人枱其實係兩張二人枱，拍埋再加隔板，其實真係覺得好逼。前菜果兩小碟，如果話係韓式餐廳就未免太失色喇。叫左個無骨豬手，個人覺得太乾身，朋友就覺得好食唔油膩。野食呢方面真係見人見智。鐵板香辣魷魚筒，有大蔥，紅蘿白響底。唔覺得辣。上枱果陣有把鉸剪，本來感覺就幾好既。但同時間又不停上菜，基本上就唔夠位擺，朋友一邊剪佢地就一邊上。頓時感覺超差。最終餐廳方面幫我地拆左中間既隔板先可以放晒四個餸。豆腐海鮮湯可以加餸，加左兩隻鮑魚都只係加$30。鮑魚煮到啱啱好，其餘的魷魚，海蝦都夠晒鮮味，仲有蜆添。甜辣黃金豆腐磚，係今餐最正既餸。外脆內滑，如果鍾意食臭豆腐既，就會覺得感覺一樣，當然入面既豆腐係滑滑的，唔係霉霉地既感覺啦。果個甜辣醬可以㨂正常/多辣/走辣，我地要正常既，小小辣好惹味。埋單$330 無加一。好耐無試過喇。抵食

今次係Lunch Time去寶琳發現以前食過想再食多次，發覺都總係幾多人食呢間☺️以韓國嘢嚟講，呢度都幾實惠👍🏻無論Lunch定Dinner都比出面啲韓國餐廳平啲🥰而且質素都唔錯，所以CP值都幾高，同埋呢度Lunch可以加啲小食😍一兩個人嚟食都可以試多啲野❤️牛骨蘿蔔湯飯 $72加配原條大魚片串&特選肥牛 $34角落評分：🌕🌕🌕🌕🌕呢個係Lunch先會有，因為Dinner淨係得湯無飯架😂首先個湯好清甜，入口已經Feel到啲牛肉味好突出，但一啲都唔騷同都幾淋🤩而且個湯唔係淨係得牛骨，總有唔少牛肉食👍🏻蘿蔔份量好多，索晒啲湯嘅精華，所以好清甜😍整體覺得呢個湯好值得叫，配埋飯食好好味🥰最正可以加埋韓國魚糕串同肥牛，超豐富❤️芝士岩漿炒飯 $74角落評分：🌕🌕🌕🌕🌕滿滿嘅芝士係鋪晒成個鐵板，十分邪惡🤩個炒飯都好夠味，係標準韓式豬腩肉炒飯，而且唔係好辣👍🏻食個陣撈啲芝士同炒飯一齊食，真係估唔到咁夾🥰食呢個記得要親熱食，唔係等啲芝士凍左就無晒果個口感☺️小食追加炸韓式餃子 $10炸紫菜粉絲卷 $10炸雞件配蜜糖芥末醬 $38角落評分：🌕🌕🌕🌕🌑紫菜粉絲卷都炸得幾脆，不過入面粉絲就麻麻，似一團糕多過粉絲☺️餃

其實之前已經外賣食過幾次，但堂食就真係第一次。之前買外賣食其實已經覺得麻麻地，但係附近真係冇咩韓國餐廳可以選擇，所以朋友表示好想食韓國料理的時候都係決定去食呢間。第一次係入面堂食，入邊貼咗好多韓國電影電視劇海報以營造韓國餐廳感覺。尋日晏晝兩點左右去食，都唔使等到即刻入到去，而且入邊都幾多空位。餐牌選擇都幾多，但我哋最尾淨係點咗餃子年糕拉麵，同海鮮煎餅。餃子年糕拉麵味道正常，但食到最後個湯底會好杰。而海鮮煎餅就比較乾身同埋海鮮料比較少。最後兩樣嘢埋單160，如果唔係太追求正宗韓國料理味道的話，呢間CP值都還算不錯

相信呢間小店對於香港人黎講都唔陌生，過去幾年一直都陪伴住香港人面對逆境，佢哋除咗立場正確之外，食物味道都好正路，係好食嘅小店💛今次叫左個一人套餐，另外散點左其他主食同小食，好豐富呢！香辣牛肋骨湯好濃香既牛味，辣味唔會蓋過牛骨湯既味道，兩者互相balance,層次豐富，牛肋骨炆到好軟身同時唔會炆到散晒，肉身保留有牛味，牛骨湯加白飯當泡飯食真心好食蝦冷麵大推呢個，個冷麵好爽口彈牙，加埋好清新既湯，入面仲有雪梨肉，好開胃😍蝦肉就正正常常咁啦牛肉紫菜飯卷食韓國菜個人最鍾意就係紫菜飯卷，貪佢有好多配菜味道夠晒豐富，呢度既紫菜飯卷仲配有麻油，咸咸香香，唔錯！小食：芝士雞翼&芝士麻薯波波個人認為呢度既招牌菜都應該非芝士莫屬，兩款芝士小食都水準之上，下次黎食想試多啲芝士類菜式🤤喺將軍澳來講，呢間小店絕對有存在嘅意義，因為將軍澳一帶太多中高價位既商場食肆啦！呢度既價錢定位真係算非常之仁慈，性價比都幾高架

韓國菜百吃不厭🇰🇷實在太喜歡韓國美食，如炸雞、餃子、部隊鍋、泡菜、牛骨湯等等數之不盡。 今晚同朋友黎將軍澳新都城「韓閣」，韓風裝潢佈置特別，食物價錢親民，值得一再光顧。-食物款式選擇多❤️傳統雜錦海帶湯配料相當豐富，有甘甜的手工魚糕片、皮薄餡豐的泡菜豬肉餃及豬肉粉絲餃、爽彈鮮蝦、嫩滑豆腐及海帶，湯底清甜無添加味精。 還有大量蔬菜及韓國粉絲，健康又味美的菜式。-❤️牛骨蘿蔔湯跟飯！用心精製•每天限量供應！牛骨炆燉入味，肉質軟嫩，牛味濃郁。湯底鮮香，還配有大量的蔬菜、香菇及蘿蔔，甚有韓式風味。-❤️香炒黑糖炸雞膇翼十分有驚喜！ 一上枱聞到濃濃的黑糖香。 炸雞表面金黃亮澤，皮酥脆非常，均勻地沾滿黑糖漿，肉質juicy 嫩口! 十二分回味

記得之前係荃灣食過韓閣既炸雞好食，今日咁岩入咗新都城做嘢。見到原來呢度都有分店。嘩原來下午茶餐好多款式入去搵個卡位坐吓先！睇吓menu 食邊款炸雞先！三重芝士味炸雞半份嘩拉哂絲既芝士正呀！炸雞脆卜卜好香脆雞肉又嫩滑有肉汁配埋啲三重芝士真係好邪惡！但我鐘意😍最後果件雞先係最正因為剩番最多芝士撈埋一齊嚟食😋即燒原條魷魚皇香噴噴岩岩燒起魷魚上面仲鋪咗啲芝麻好惹味魷魚皇食落好鮮味 very good 👍 食炸雞又點少得啤酒呢梗係要叫番杯啤酒送炸雞啦！Sapporo 生啤夠哂冰涷🍺凍百香果桂花烏龍

🇭🇰肥ne&肥兔岀巡😺🐰今次我地嚟到寶琳嘅新都城中心！！～入面有林林總總嘅餐廳，而今次食嘅呢間係有好多foodies都曾經介紹過嘅🇰🇷韓式餐廳 - 韓閣💁🏻‍♂️💁🏼‍♀️餐廳整體裝修都係一啲韓風潮流，影相打卡都會似置身係韓國度📸今次喺午餐時段肥ne同肥兔order咗: 🐈五花腩炸醬麵🐈芝士岩漿炒飯！！味道、打卡都係必叫推介！👍🏻😼😼😼食物質素(🐈x6最高)：🐈🐈🐈$性價比(🐈x6最高) ：🐈🐈🐈

近排發現到一間好掋食既韓國野要介紹俾大家❗️♥ 鐵板原條香辣魷魚筒 🦑 $92鐵板形式上枱，切好都仲係熱辣辣，原條魷魚辣辣地十分惹味，好有咬口♥ 心多多蛋卷🥚 $78心大心細既我就揀咗呢款一客有三種口味，分別有泡菜辣醬🌶、紫菜明太子同埋芝士二重奏🧀各兩件，蛋卷好軟熟，芝士味好濃😋泡菜味較辣🥵♥ 芝士岩漿炒飯🧀 $102海量既芝士多到痴線😍芝士完完全全甘包圍住炒飯🤩 cheese holic 必點❗️不過會食到好濟🤣記得要趁熱撈勻黎食，炒飯仲有韓式泡菜豬肉調味，食落冇咁單調♥ 香炒黑糖炸雞鎚翼 🍗$68本身想食鹹蛋黃味但係見到餐牌寫住必食推介，一份有5件上枱熱辣辣，有配上手套可以用手拎住嚟食😆黑糖炒得好入味炸粉都唔會太厚♡ 下次可以再試吓佢啲水冷麵同埋飯卷，餐廳有好多種類選擇價錢又抵食

睇得多韓劇，間唔中就會想食下韓國野。早排嚟新都城見到呢間韓國野已經bookmark咗，今次終於可以試下喇。 餐廳貼滿好多韓劇主題嘅海報，佈置好有心思，加埋韓國音樂，入到去超有韓國feel。餐牌選擇好多，價錢亦都算相宜。食韓國野又點少得食炸雞，我地點咗蜂蜜牛油味炸雞（半份$118）- 炸雞個皮炸得好乾身，香口脆卜卜，入面嘅肉質都juicy。兩個人share半份，啱啱好呀。 紫菜肉鬆蛋卷 ($68) - 呢個真係必食推介，蛋卷好香好滑，上面有勁多紫菜同肉鬆，分量相當多。另外仲有個叫心多多蛋卷，啱晒想試下唔同口味嘅朋友，入面有泡菜辣醬+紫菜明太子+芝士二重奏口味。 燒蟹膏軟殼蟹籽手卷($88) - 軟殼蟹鬆脆炸得好香脆，加埋份量勁多嘅蟹膏、蟹肉、蟹籽同雜菜，味道好豐富，好有層次感㗎。凡order小食，都可以$5點熱飲同$15點特飲，真係好抵。我點咗粟米茶同青檸柚子蜜各一杯，味道都唔錯。 餐牌入面仲有好多新產品同特價小食都好吸引，不過兩個人作戰能力有限，要下次再嚟食過先得。餐廳不設加一服務費，加上本身嘅價位已經相當親民，食物質素好好，性價比好高嘅餐廳呀。 

𝗮 𝗱𝗼𝘄𝗻 𝘁𝗼 𝗲𝗮𝗿𝘁𝗵 𝗲𝗮𝘁𝗲𝗿𝘆 𝗳𝗼𝗿 𝗮 𝗾𝘂𝗶𝗰𝗸 𝗳𝗶𝘅 𝗼𝗳 𝗸𝗼𝗿𝗲𝗮𝗻 𝗳𝗼𝗼𝗱! 𝘄𝗲 𝘁𝗿𝗶𝗲𝗱 𝘁𝗵𝗲 𝗲𝗴𝗴 𝗿𝗼𝗹𝗹, 𝗯𝗲𝗲𝗳 𝗯𝘂𝗹𝗴𝗼𝗴𝗶 𝗸𝗶𝗺𝗯𝗮𝗽, 𝗰𝗼𝗹𝗱 𝗻𝗼𝗼𝗱𝗹𝗲𝘀 𝗮𝗻𝗱 𝗵𝗼𝗻𝗲𝘆 𝗯𝘂𝘁𝘁𝗲𝗿 𝗳𝗿𝗶𝗲𝗱 𝗰𝗵𝗶𝗰𝗸𝗲𝗻. 𝗱𝗲𝗰𝗲𝗻𝘁 𝗽𝗼𝗿𝘁𝗶𝗼𝗻𝘀, 𝗻𝗶𝗰𝗲 𝗳𝗼𝗼𝗱😍.早排去開寶琳發現咗間親民價格免加一嘅韓國菜，仲要選擇超多基本上想食嘅全部都有，蛋卷即叫即整熱辣辣噴哂煙，口感蓬鬆仲好有蛋香，呢個價錢估唔到份量咁澎湃！炸雞竟然可以免費轉雞翼雞鎚，雖然有骨但肉汁更多雞肉更嫩滑，另外主食水冷麵酸酸甜甜食落好解膩，食完炸嘢要降一降火👅

同朋友喺新都城掛住行街行到午餐都未食，諗住求其搵間餐廳食個下午茶，見到呢間食韓國嘢，個餐廳裝修幾有韓國風，都幾吸引，睇過餐牌又啱食，就幫襯呢間，裝修幾靚，好有韓國feel，牆上有好多韓國韓文嘅明星電影或電視劇海報，韓國餐廳例牌會有泡菜，這間也不例外，韓閣特式蛋卷 - 泡菜辣醬（日本蛋選用），蛋卷很有蛋香，很滑溜，口感軟滑，蛋卷有濃郁蛋香之外，亦帶甜味，上面的泡菜亦口感爽脆，辣度適中，與蛋卷同吃可令口感和味道更豐富，而且份量也很多，很抵食，傳統甜辣味炸雞（正常辣）（雞件）（全份），食韓國嘢點可以唔食炸雞，叫咗全份嘅炸雞件，全份，所以有2盤，辣度可以揀少辣/正常辣/大辣，選雞件，一盤大約有5件，很大件很划算，炸雞外脆內嫰，雞皮沾上了傳統甜辣醬，很惹味，而裡面的雞肉啖啖肉，嫰滑有肉汁，實在令人一件接一件，小食 - 一口炸蝦角蝦角脆皮應該是春卷皮，炸得很脆，內裡的蝦肉則大隻彈牙，這個小食性價比很高，總結：這家韓式餐廳裝修有韓國風，桌面和餐具亦乾淨衛生，座位也寛敞舒適，看餐牌有很多選擇，但價錢也不貴，食物質素也好吃，侍應招呼亦主動殷勤。

呢晚同朋友嚟到寶琳食韓國野 6點幾去到未見好多人 去到7點幾8點就滿座 入座用餐限時90分鐘 店內播住韓文歌 韓迷朋友聽得好開心🤭入座就送上酸酸辣辣嘅開胃小菜 食物選擇多元化 QRcode自助下單好方便👍🏻🧀芝士岩漿炒飯 💰102份量滿滿嘅芝士超吸引🧀😍炒飯入面仲有豬腩肉 攪拌之後食每啖都充滿芝士香 做到拉絲效果 趁熱食芝士會更好味😋🍗三重芝士炸雞 (半份) 💰118六件炸雞 用咗普通芝士&車打芝士&芝士粒 芝士味道豐富 但就咸咗啲 芝士飯再加芝士炸雞全部都係🧀🧀🧀食完好飽😂🍟香草薯條 💰+20叫炸雞加20蚊就有份薯條 大大份幾抵食 薯條炸得好香炸 唔洗蘸蕃茄醬都有啲咸咸嘅味道🤭🥚心多多蛋卷 💰78鍾意食蛋卷嘅我 又唔知叫邊款好 心多多一次可以食三款蛋卷就最岩我 每款有兩件可以同朋友share🤣配料係放喺蛋卷上面而唔係包喺入面 分別有<泡菜辣醬> <紫菜明太子> <芝士二重奏> 蛋卷香甜好味😉🍸香桃乳酪米酒 💰56米酒味道唔會好哽 淡淡桃香 甜甜哋 容易入口🍑

牛骨蘿蔔湯+粉絲+肥牛湯底好清香～牛骨炆到好淋～牛味好濃超正🤤粉絲同肥牛入口味道唔錯👏👏甜辣年糕泡麵跟餃子整個辣度偏辣～小編見議唔食辣既唔好亂試～年糕甜辣味好夾～入口煙韌🤓餃子大隻咬落啖啖肉～好滿足🤡泡菜煎餅泡菜味濃～煎餅厚薄均勻～食落唔會一口油👍超香蒜脆炸雞鎚翼真係超蒜😍炸粉唔會好厚～咬落熱辣辣勁正🤩好味指數(7級最佳)▁ ▂ ▃ ▄ ▅ ▆ 📍總結:必定再黎試下其他野～牛骨湯超正👍小編極力推介大家試試

之前去過荃灣個間，真係好抵食，原來將軍澳都有分店，座位都幾舒服😌 佈置裝飾亦好花心思，好似去咗韓國🇰🇷咁韓式醬油燴雞配粉絲 送牛骨清湯熱騰騰嘅嘅燴雞，成盆滿滿，雞件好入味，蘿蔔🥕同薯仔🥔好腍，醬汁伴軟滑粉絲，味道一流心多多蛋卷呢款有齊三種口味，係俾心多多揀唔到嘅朋友😂 有泡菜辣醬、紫菜明太子及芝士二重唱各兩件，各有特色，我最鍾意泡菜辣醬，辣辣地好惹味，蛋卷口感綿密，蛋味濃郁。傳統什錦海帶湯真係好多料，兩款餃子🥟、蜆、蘿蔔、香菇、野菜及粉絲🤩 泡菜餃子香口好味，蜆肉無沙鮮甜，粉絲比較爽口另外仲有酥脆嘅紫菜瘋薯棒，及香甜順滑嘅紫薯奶，都一定要試呢度嘅菜式真係大件又好味😋

今晚同朋友一齊嚟將軍澳寶琳食韓國菜，環境輕鬆舒適😌 餐牌選擇多，性價比高仲免加一，真係好抵🤩🌟五花腩泡菜炒飯拼太陽蛋（正常辣）$72份量唔少，太陽蛋同炒飯撈勻一齊食味道微辣加埋泡菜好開胃，仲有大量紫菜係上面，零舍吸引🤩🌟韓閣什錦蛋卷$78賣相好靚，蛋卷熱辣辣，口感滑溜有蛋香👍🌟甜辣芝士年糕$58我至愛嘅煙煙韌韌代表之作😆 加埋拉絲芝士真係冇得輸👍🌟豆腐海鮮湯（正常辣）$58海鮮有新鮮蝦同魷魚，好足料，微辣開胃👍🌟凍檸水$8🌟青檸柚子蜜$18韓國代表飲品柚子蜜，加咗青檸更解膩清新🤩