韓登 (已結業)

近年韓風不斷襲港，不少親朋戚友都先後宣告失手，被一眾韓國明星、音樂、劇集、時裝等等所俘虜（我家中也有）。不過深受歡迎的又豈只以上幾樣？另外還有韓國的傳統美食！前排The One 開了一間全新的韓國菜館叫「韓登」，由於蹴近戲院，因此也幫襯過一兩次。  泡菜炒飯, 3.5/5很多年前在首爾樂天百貨地庫的美食廣場之內，吃過一碟熱騰騰、即叫即炒的泡菜炒飯，滋味的程度，至今依然令人回味無窮。可惜數年之前，樂天百貨將美食廣場重新改建，部份位置已經變成高級超市，那碗叫人神往的泡菜炒飯也從此消失。因此近年一直努力在海外和香港尋找一碟擁有同樣水準的泡菜炒飯，在韓登終於找到有六、七成相似的版本。這道炒飯勝在做得夠乾身，只差了些少火候。加了煙肉成功增強嚼勁，倘若泡菜能夠揀選較優質的貨色，再切絲放入炒飯當中，效果必然更佳（現在是一棵的放在飯面）。  韓式海鮮薄餅, 2/5吃韓國菜常見的韓式海鮮薄餅相對做得比較失準。薄餅入口感覺粉多蔥多但海鮮少，這個配搭一點也不吸引。  韓式炒牛肉, 3/5最後還點了韓式炒牛肉。薄切的牛肉加入少許韓式燒烤醬汁後，味道特別帶點韓式風味。唯一美中不足的是配菜的洋蔥、磨菇和野菜

星期二朋友生日,約左出嚟食飯睇戲, 本來係想去尖東果邊食酸辣粉的,但係我係THE ONE附近落車,朋友話好想食辣嘢,諗起呢度有間韓國嘢,都有辣嘢食的,所以我地就嚟左啦.一坐底先有四碟韓式前菜:豆芽,紫菜,菜,泡菜豆芽都好味,鮮甜,紫菜有兩塊但淋左呀,泡菜味道OK,唔會好辣,仲有一種唔知咩菜,OK啦.餐廳有晚餐同埋散叫既餐牌,我地唔係太多時間,所以散叫左幾樣一齊食呀.有韓式年糕,韓式豬肉粉絲,同埋豆腐蠔鍋, 先嚟韓式粉絲,賣相都OK,味道好淡呀,即刻問仕應攞辣椒醬,加左辣椒醬差好遠,有D菇,豬肉片,甘笋絲,蔥花及蔥絲,粉絲都幾彈牙的,呢個都幾好味的,不過一定要加辣椒醬先好味.韓式炒年糕,係用辣醬炒的,有些蔥花,年糕係圓條狀,個醬唔太辣,但係年糕硬左少少,唔係好入味,麻麻地呀.豆腐蠔鍋,仕應將生蛋打入去一齊食,鍋入面有些蠔,洋蔥,菜,豆腐.....個湯都幾好味,蠔既味道好重,好彩唔係腥的,同埋都唔係細細仔,SIZE都適中,豆腐都好滑好味道的,呢個我食得最多.服務都幾好,不過食物質素俾我預期的差.

自己本身麻麻國野 覺得好淡 無咩特別 今晚行過 聞到幾香 人又唔多 即管試試一坐低 未睇完menu waiter就拎左5樣頭盤 我心諗 咁快既? 如果我唔食你地個set dinner 我散叫你地咪唒功fu lor?! 不過我最後都係叫左個牛肉2人set dinner今次咀鵰男友都幾滿意呢間 睇佢食得滿意 我都好開心

食過一次就夠，絕不會再光顧！一、餐具不全。眼見別桌全都放著一碗一碟一杯一雙筷，自己桌子卻獨欠碗子。侍應送來部隊拉麵和豆腐湯後竟仍視若無睹，更掉頭離去，久久不見踪影。結果要自己動手拿餐具！二、茶水欠奉。店子不算大，用餐期間人少時只有十桌食客，人多時亦僅十四桌，但侍應卻多達四人。四名侍應不時遊手好閒，多次掃視食客卻沒有意識要為之添茶，情願站在一旁天南地北無所事事。舉手良久示意添茶，卻換來侍應漫不經心一句「好」。誰知侍應「好」了便算，從廚房端出一碟菜給鄰桌之後就若無其事繼續跟同事吹水，要再三要求，再能換來一杯熱茶。三、前菜變主菜。四碟前菜，不知怎的沒有在主菜出場前送來。主菜吃了一半，再三追問，才肯補上。四、菜式一般。四道主菜，味道一般。當中的「芝士軟殼蟹」，芝士和軟殼蟹分開來吃還不錯，一起入口則味道怪異，鹹腥不分。惟前菜中的酸泡菜味道一流，不會過辣過酸，入口醒神，振奮味蕾。五、胡亂收碟。豆腐湯、雞軟骨、軟殼蟹，三道菜還未吃完，就有兩名侍應分別急不及待要來收碟，似有趕客之勢。回頭外望，根本沒有食客等位，先是茶水欠奉，現在則趕鬼入巷，不知所謂！六、表達力差不知是否小弟留了短鬍子之故，結帳時侍應改

位於The ONE L4，可能是新開的原故，顧客在這層來說算最多！每個套餐都包前菜三款，是最大路的泡菜，菠菜及大豆芽，但不怎出色，基本上菠菜及大豆芽是吃不出有什麼調味，大豆芽甚至有些不新鮮，教人失望。接着上的是三文魚刺身及燒牛肋骨，三文魚頗厚身及鮮美，牛肋骨份量不少，燒烤好後，在上面灑上葱粒及芝麻，但調味像曰式燒汁，味偏濃甜，反而墊底的洋蔥就清甜自然。跟餐的牛尾清湯，有蛋絲及蘿蔔粒，牛味亦濃，水準不賴。白飯米粒分明，煙韌度較港人吃慣的泰國絲苗强，美中不足的是不夠熱。豆腐蠔窩，微辣，有肉碎，紫菜，豆腐，窩蛋，豆芽及蠔數只，蠔味鮮甜不足，但也沒有腥氣，拌飯吃，算有點韓味了!絕對明白及不會把這兒跟伽倻，阿里郎或新羅寶比較，但見這兒食材份量及質素不差，故只要店家能在調味上加多點心思及多注意上桌時食物的熱度便可。十分惦念上述三家韓菜餐廳的配菜，也是同樣選用樸實的食材，煎蛋卷，蜜糖蕃薯，小魚干等，全都滋味無窮，又有自身特色，店家可參考一下。

有朋友黎香港玩, 就簡左呢間新開冇耐的K﹣TOWN. 首先來的是前菜，個kimchi 真係估唔到咁好食，好新鮮，一食就食得出係自已整的， 唔會太辣，好食過好多韓國餐廳. 我地唔駛3分鐘就食晒碟kimchi. 韓式焗蠔， 隻蠔好大隻，好肥美，有好多cheese, 焗得剛剛好， d cheese 好好食, 我地叫左兩隻， 一人一隻，點知我地食完仲想再食， 之後再加多兩隻。 海鮮豆腐鍋亦唔錯，石頭飯，都很滋味。鐵板牛柳亦值得推介，牛柳很鮮嫩 。總體黎講， 食物真係唔錯， 價錢亦很相宜， 會再去食～

我比較注重健康, 而韓國食物對我而言是數一數二的健康, 所以路過此地沒有選擇小籠包和過甜的台灣菜, 選了韓食。一年去超過10次韓國工幹的我, 覺得這餐並非正宗, 不過價錢公道, 服務體貼, 吃得出老闆用心做生意的的缺心眼。前菜不齊全, 但每碟都很多。 Kimchi不夠辣卻鹹得很;燒魚肉結實, 但太實, 亦同一斃病過鹹;海鮮豆腐鍋亦鹹, 海鮮不足豆腐都很滑, 連紫菜都偏鹹開始懷疑是餐廳的風格;蝦有點不新鮮, 甚至有些頭都快脫下, 如非點餐不建議叫蝦;石頭飯鍋不夠熱, 但料足而且新鮮, 用的是韓國米, 有回到”家鄉”的感覺, 如果有店員懂得最後”沖滾水” 泡飯焦就好了, 不過在香港很難找了。

最鐘意韓食, 加埋韓著先得。The one 買衫順便食飯, 裝修幾靚, 即入。夥計有啲慢, 但係幾好傾。佢介紹話如果兩個人叫個餐, 平平哋, 巧丫。前菜好齊, 我唔食得好辣, 豆豆同菜巧味, 硬啲,個fd就食晒kimchi,佢話唔辣。鐵板牛柳, 好香洋蔥味, like~!粉絲牛肉飯! 我就係牛肉粉絲喇哈哈, 粉絲好彈彈有我塊面咁彈,不過個飯好甜,怪怪…Cheese飯 hor hor, 有豬肉絲, 我fd最鐘意cheese, 但唔夠cheese味, 豬肉有豬肉嘅甜, 似媽咪整果啲,好home feel~~~ like x2~!~餐廳, 我like x 3 lol

約了友人到這裡食lunch，開了幾個月，這次是第一次幫襯在韓國菜來說很公式的前菜，每人一份。泡菜以「免費」前菜來說頗有水準，不會太酸或太辣，而且溫度適中，沒有雪藏已久的感覺部份set附上蘿蔔牛肉湯，很香！而且不是味精湯 我們點了3個set本來點了海鮮豆腐鍋，怎來的卻是泡菜豆腐($55)，原來店員搞錯了... 幸好我們這個也會吃，所以沒有要求轉換洋蔥炒雞肉($55)，以洋蔥配豉油炒很入味，雞肉跟蔥花一起吃很match牛肉粉絲($88)，這個其實之前也是來錯了 店員來了一份像是三文魚的物體，食物放下了三數秒我們才察覺 但這次我們真的要轉，因為想一試這裡的牛肉粉絲份量實在驚人(因為特別貴的關係? )，我們幾經辛苦才食得完，不過味道很重，而且吃起來跟剛才那個雞肉味道有點重覆，下次來時不應同時叫這兩個牛肉粉絲set另外包括一碟芝士軟殼蟹小吃，很好味！到了埋單時候，我們也有點擔心會否計錯錢，因為之前有好幾個菜都來錯了。結果不如所料，店員計我們多了一個set 我們明明3個人為什麼食4個set？我們3個set都是勉強食得完 店員到了lunch time都還未睡醒？幸好這裡食物其實不錯，所以多次出錯也沒

其貌不揚的這個小店, 竟然出奇地好吃, 信不信又你。 我說浪費, 是因為這裡的一切都很好, 就是policy差: 有下午茶menu但係都唔比你, 隔離台客果兩位女士直頭鬧, 我都覺得係應該鬧。話說我同朋友一齊去食野, 3-4點真係唔知食乜, 有兩間我地試過唔得, 呢間arm arm開左無耐, 雖然好唔鐘意韓食, 但姑且一試。裝修我好鐘意, D鄧同背景顏色有D似靚仔denial既壽司鋪, 舒服但出面open window 食客一定唔鐘意比人當動物園D動物感睇。 坐裡面座位舒服, 空間感夠, 燈光充足, 還有因為新所以無乜人, 呢個價錢85分起碼。因為我地係睇倒出面大大個下午茶MENU POSTER至入尼, 女侍應生黑口黑面囉個lunch menu過尼, 我地已經見隔離台客投訴, 之後我自己行出去問”唔係有下午茶咩?” 跟住佢先比個下午茶menu我, 我覺得好過份, 你地想做多D生意都唔應該感做, 服務打個大交叉。唔開心地叫左個什麼醬既方便麵, 同埋一個泡菜豬軟骨湯麵, 奇怪既事就此發生……所謂方便麵係公仔麵, 出尼既大少好比lunch一樣, 非常底食! 麵少許過林, 唔知係米韓國人既公仔

星期六要搵食真的不容易，尤其在尖沙咀區，是日晚上與友人辦完點私務，在尖沙咀搵地方食晚飯，只得這店不需要等位。揭開餐牌，款式不多，而且連韓式食物都不算太多，反而有一半都係日式食品，左揀右揀，揀左牛骨牛筋湯，石頭鍋飯及韓式海鮮薄餅，只是三樣食物都用了個半鐘去等去食。眼見有不少客cancel所order食物，另有坐下後離店，只因太慢，可能新店關係，可說是全未run得順暢，實在無奈！說回食物，牛骨牛筋湯，味道不差，牛骨湯不搶喉，牛筋淋，牛肉亦都林而不o鞋口，牛骨湯味淡口，但另外上碟鹽比客人加落湯中自行調味，鹽可說是靈魂，加後果然更鮮更好味！石頭鍋飯，真的很失敗，本以用熱石鍋另鍋中生肉弄熟，可能搞黎搞去石鍋未夠熱，生肉仍然生肉，要待應拎回廚房加熱先可以整熟Ｄ肉同埋有飯焦咬下！韓式海鮮薄餅，係夠脆身，淡口，冇乜特別！只係三樣野都要成$330，不太化算，亦浪費時間，有很大進步空間！