影片
為咗就朋友, 嚟到好日唔嚟一次嘅石門車程令我有去咗旅行嘅感覺諗起好耐冇去過食港式韓燒就搵咗間嚟食肉嘅種類都有十幾廿種, 亦有燒海鮮, 夾咗一堆豬牛羊雞返去燒一餐, D 食品都算新鮮唔梅, 燒完換鐵板夠快手前菜魚生選擇足夠, 魚生夠新鮮, REFILL亦足 海鮮略梅， 但調味好比較開心係有豆腐花唔介意大陸啤的話係有得任飲overall 呢餐係好抵食, 同樣價錢喺市區 (SOR.....) 係食唔到呢個質素如果住呢區嘅朋友將呢度當飯堂係一個好選擇
繼續閱讀
公眾假期嚟到呢個商場上興趣班試堂， 跟住就食午餐，見呢間餐廳新開，😅就入去試下。 侍應生態度良好有禮，餐廳入面可能得三成座位有客，我哋揀咗一個定量燒烤餐，一個石頭鍋飯同埋海鮮煎餅， 餐飲有凍五花茶同埋凍豆漿飲飲 任飲，食物質素一般🙄，如果冇咩要求， 淨係醫飽個肚，尚算ok嘅🤐。 我哋見有任飲任食 燒烤餐成人158蚊位， 但我哋食量細，所以冇嗌到， 出面任攞嗰啲食物( 有炸物有冷盤前菜 有湯 雪糕生果等)賣相 真係 好一般🤫，整體來說呢度午餐嘅食物份量偏大👍，性價比算高，我哋三個人(兩大一細)埋單 接近三百蚊。
繼續閱讀
前兩天在餐廳裝修後的第一次再訪，食物還是超多樣化，自助燒烤的、冷盤、熱燻，甜品食物質素也很好，只是應是脆脆的食物好像是放涼了，若能放在恆溫架/箱可能會再好些呢！服務方面也是誠意十足，已做了很久的伯伯還在，還是一樣的開心走全場為大家主動換烤盤架，很貼心啊！在這裏給他一個讚👍🏻。
繼續閱讀
尋晚6點幾去石門接朋友放工, 去到餐聽唔駛等位即入!呢間餐廳我第2次食, 環境夠大, 勁多卡位, 坐得好舒服, 一D都唔迫, 空氣唔會一陣臭油煙味, 食完個身都無臭味;好少韓燒餐廳枱面、餐具、金屬鋏鉗會唔油膩, 職員抹得好乾淨, 而且會提供墊枱紙, 抽取式紙巾;食物區擺放整潔有序, 餐廳以韓、泰菜式為主, 醃製食物味道超讚! 特別係泰式香茅豬扒、泰式豬頸肉、牛肋骨! 我個人中意飲湯, 餐廳提供多種湯選擇, 例如韓式泡菜湯, 超濃人蔘雞湯, 泰國人主理既冬蔭公湯, 中式老火湯, 淨係飲湯都回本, 真係無得輸! 仲要有煲雞蛋豬腳薑, 平時去酒樓叫一碗都幾十蚊, 呢度任食!我見加$28蚊可以要條差不多一尺長既超厚五花腩, 呢個價錢去街市都買唔到! 經理超熱情, 教我可以先落調味粉係五花腩兩面, 直接放落爐度燒, 唔好郁佢, 燒到一邊焦香之後, 才翻另一面燒, 自助區提供生菜, 可用來包住食, 呢28蚊唔慳得! 海鮮類選擇有魚柳、魷魚鬚、青口、秋刀魚、鮮蝦等等, 可能係我太早去, 剛好鮮蝦返貨, 全部好生猛, 係爐度彈有點驚嚇, 目測似乎係基圍蝦, 好鮮甜! 小食、甜品、生果區都好多選擇, 不過其實都已經食到好飽, 試唔到幾多款, 下次再試!
繼續閱讀