韓大叔大排檔

營業中

休息中

跟朋友在時代廣場逛完街，就想在銅鑼灣食個韓式晚餐。上網見呢間餐廳介紹都不錯，附近餐廳挺多，但人流也不少，所以就試試。沒有訂座，Walkin要等一會，好快便有店員安排入座，有3款小前菜，芽菜泡菜味道都很正宗，望望餐牌再望望旁邊桌點了什麼，好幾桌都點了海鮮煎餅，還有韓式溶岩芝士煎蛋捲。和朋友決定食豐富一點，叫了醬油海鮮拼盤拼紫菜飯，醬油蝦和鮑魚非常入味，蟹膏和呈啫喱狀的蟹肉拌入紫菜飯，味道一絕。緊接是韓式魷魚拌麵，鐵板上菜，魷魚剛好不會太熟，彈牙鮮味，加上辣醬和麵，味道很夾很好味。而海鮮煎餅配魚露，外脆內軟，韓式Pizza。還有溶岩芝士蛋捲的重點是芝士融了跟雞蛋混合，味道非常特別，煎得份外軟熟。桂花烏龍水果茶，解膩又解渴，不會太甜。整體環境服務味道都很理想，值得一試。

🐾韓大叔大排檔呢排成日睇韓劇搞到好想食韓國料理，所以就去咗呢間喺公司附近bookmark左一排嘅韓國餐廳同朋友享受下~ 餐廳近住地鐵站地理環境方便，行韓式大排檔裝修別具韓國風味。✨醬油海鮮拼盤醬油蟹/醬油鮑魚/醬油三文魚醬油醃得勁入味，鹹鹹地好開胃蟹肉多蟹膏油脂豐富，鮑魚大大粒彈牙爽口，三文魚香嫩入口即溶，作為前菜超好食令人滿足✨芝士炸雞炸雞炸得外脆內嫩，夠juicy ! 外皮淋上濃濃芝士醬汁大大增加鹹香口感，必點之選✨韓式豬五花炒年糕 微甜辣醬汁令人開胃，豬五花大大塊配上煙靭年糕好吃之餘也非常飽肚，超抵食✨泡菜牛肉豆腐湯 湯底帶微辣吸收牛肉豆腐精華，鮮味十足。內有韓式粉絲搭配牛肉豆腐吃層次夠豐富✨雪糕窩夫朱古力煙靭窩夫加上半溶化朱古力雪糕，啖啖甜蜜為整頓晚飯留下一個美好的完結✨馬格利生米酒 每次食韓國料理都必點嘅米酒，易入口之餘香醇口感搭配各種食物都好夾

銅鑼灣搵嘢食呢間樓上韓國餐廳原來都好多人幫襯！平時夜晚爆場 記得預約定先黎呀😋餐廳好有大排檔氛圍 幾溫馨適合飲住酒傾下計.今次叫左晚市二人餐 $688/兩位份量好足 食到非常之飽！.✨三色前菜✨醬油海鮮拼盤包括醬油蟹一隻 醬油鮑魚兩隻 醬油三文魚一份味道濃郁 鹹鹹的非常開胃！鮑魚不會太硬 好好吃🤤.✨炸雞半份 （芝士）淋上芝士醬好邪惡 炸得剛剛好不油膩.✨韓式豬五花炒年糕✨泡菜牛肉豆腐湯炒年糕細細條的更加入味這兩款菜兩個都好吃不過味道有點相似 大家可以選擇不同款式喔.✨雪糕窩夫 （朱古力）味道正常 算是比較有誠意嘅甜品😋.✨馬格利生米酒 +$20平時比較少飲酒 呢款意外地易入喉！甜甜的 不自覺就飲曬成壺了😂

因為『黑白大廚』同『拜托冰箱』兩套飲食綜藝節目，不知不覺間對韓國嘅飲食文化產生左興趣。所以呢晚就特登搵左呢間韓大叔大排檔感受一下韓國菜嘅風味。我哋兩個人食，叫左個『晚市二人餐』。個餐都算幾抵食，有海鮮拼盤，炸雞，再加兩個自選嘅主菜，仲有野飲同甜品。真係好啱兩個人吹水食野一整晚。講吓食物質素，我覺得絕對係中上以上水準。個人最喜歡嘅係個『海鮮拼盤』，有醬油蟹，醬油鮑魚同埋醬油三文魚，鮮味十足。至於主菜，我哋首先揀左『明洞燒汁牛肉粉絲』，個粉絲炒得幾香口惹味，要泥送酒就最適合不過。另外我哋仲揀左『泡菜牛肉豆腐湯』，如果食滯咗少少，飲啖豆腐湯就最啱，可以中和返啲油膩感。總括而言，整晚嘅體驗都唔錯，餐廳環境幾有韓國大排檔風味，食物質素亦都係中上水準，如果想同三五知己食飯飲杯吹水，我覺得呢間餐廳真係唔錯嘅選擇。

話說很久沒到港島區用膳，剛巧在銅鑼灣上一日堂，就順勢約同學仔落堂後在銅鑼灣食個晚餐。同學仔想食韓國菜,就上網搜尋搵到呢間樓上舖,呢座大廈挺多食肆,因為我們入座時間尚早,人流不算多,但食到一半發現已經入座率超過一半了。侍應不是韓大叔,全部都是年輕人, 應該是Oppa才對吧,哈哈!見我們第一次到店,就介紹了好幾款菜式給我們,就跟著Oppa 的推介點了幾樣。醬油海鮮拼盤配紫菜飯醬油蟹非常鮮味,拌紫菜飯中和濃味一流韓式鐵板魷魚炒麵熱辣辣香噴噴,辣醬炒魷魚很惹味海鮮煎餅這個十分推薦,沾少許魚露,鹹鹹香香,外脆內軟,眼見枱枱都有點這道菜溶岩芝士蛋捲要襯熱吃,裡面的芝士半溶狀況,跟雞蛋超夾冰橙特飲好特別一條橙柱，飲完一整杯，橙片融化後又可以食，很滿足的一杯飲料

韓大叔大排檔早幾日試咗一間韓國餐廳～上菜速度真係同間舖頭名有得揮，叫大排檔！我哋叫咗二人餐，好快就已經上齊菜，我哋可以慢慢喺度食😍二人餐包括咗醬油海鮮拼盤，即係有醬油蟹，醬油鮑魚同埋醬油三文魚！仲有炸雞半份！主菜方便，我哋揀咗燒汁牛肉粉絲同埋泡菜牛肉豆腐湯！呢個二人餐仲包咗兩杯嘢飲同埋兩份甜品😍先講醬油蟹，好多蟹膏😍😍食得出好新鮮嘅感覺～醬油三文魚份量唔太多，過下口癮真係非常唔錯😊炸雞方面，我哋揀咗甜辣味～好好食呀，炸得好脆口！個醬汁完全冇辣嘅成份，適合唔食得辣嘅朋友。主菜嘅牛肉粉絲超級大碟，我覺得簡直係可以三個人去食！粉絲彈牙，炒得好好～而且牛肉嘅比例都唔少！另外仲有個泡菜牛肉湯，好足料！出牛肉湯入面都有少少粉絲，多多牛肉及多多豆腐！食完主菜後，其實已經好飽好飽😂😂呢個二人餐真係好抵食🤍🤍

完全想不到這麼豐富🤣🤣 每一份都超大份！韓大叔大排檔位於銅鑼灣登龍街永光中心，踏入店內就感受到濃厚的韓式氛圍，店內裝潢簡潔燈光讓人放鬆👀我們點了韓式鐵板燒生鰻魚、炸雞（半份）、海鮮煎餅和韓式魷魚拌麵。生鰻魚煎得外焦內嫩，搭配醬汁非常美味。炸雞外酥內嫩，蜜糖芥末醬的甜味讓人一口接一口。海鮮煎餅金黃酥脆，鮮味十足，而魷魚拌麵辣味適中，麵條彈牙。人蔘雞湯清甜鮮嫩，適合喜歡滋補的人。荔枝梳打和桂花烏龍水果茶清爽可口，下次還要再來！

近日於銅鑼灣試營的「韓大叔大排檔」，主打新派韓式大排檔菜式。晚市七點前離座可享75折優惠，折後人均消費約$150，性價比不俗。 首試「椰漿柚子年糕」，椰奶香氣溫潤，搭配柚子醬的酸甜，平衡了年糕的濃郁感，口感煙韌不黏牙，唔太濃味，個汁又唔會太杰；「韓式熔岩芝士蛋捲」蛋皮煎得細嫩，內裹半融芝士，切開時呈流心效果，芝香濃郁但略感飽滯，建議多人分享食。 「明洞燒汁牛肉粉絲」鑊氣足，牛肉片軟嫩，粉絲吸飽甜鹹燒汁，但個粉絲會有少少韌；「雙拼炸雞」選了甜辣與芝士口味，外皮酥脆且肉質多汁，都媲美得上韓國食嘅炸雞。 環境以復古韓式大排檔為主題，燈光稍暗但座位寬敞。服務效率一般，但店員態度友善。整體而言，折扣後價位合理，適合三五好友聚餐嚐鮮，建議趁優惠時段體驗。

呢間韓國餐廳除咗食物一流之外，店員服務態度都非常好，難怪平日都全場爆滿加排隊新出咗個超抵晚市雙人餐，三色前菜包括泡菜、芽菜➕青瓜🥒醬油海鮮併盤有1️⃣隻醬油蟹、2️⃣隻醬油鮑魚➕1份醬油三文魚，第一次食醬油三文魚，比想像中好味😋，醬油蟹更加係鮮甜無比，鮑魚彈牙有嚼勁蜂蜜芥末炸雞都十分出色，炸雞外層金黃酥脆，搭配甜中帶辣嘅蜂蜜芥末醬，內裡鮮嫩多汁，食落滋味滿滿明洞燒汁牛肉粉絲都好好味😋，粉絲充滿牛肉香氣，咬落Q彈，每一口都係滿滿嘅韓國街頭風味呢度嘅人蔘雞湯都比我想像中好食，個湯清甜鮮美，雞肉香滑，食落溫潤滋補雪糕窩夫揀咗草莓➕焦糖口味，香軟嘅窩夫夾住雪糕一齊食，真係非常滿足嘅一餐飲品叫咗荔枝梳打➕ 桂花烏龍水果茶，前者香甜解膩，後者搭配新鮮水果，既清新又好飲

openrice 訂坐午市套餐有85折 單點75折， 兩個人叫了兩個套餐好想吃炒大腸， 就單點了大腸 $118套餐 海鮮豆腐湯 $88本人蝦過敏， 跟大叔講過， 就換成魷魚海鮮量沒有被減少配白飯， 石鍋上好夠熱炸雞套裝有四款口味， 韓大叔推薦甜辣、蜜糖芥末我地選左蜜糖芥末新鮮炸， 好香脆， 蜜糖芥末醬沒有很多，配搭得很好。跟餐仲有辣炒年糕，年糕比較煮得過火，如果可以保持口感煙靭更加好。單點辣炒大腸呢個真係好好食， 配有生菜、蒜片、青楊辣椒片一齊食， 口感、味道都好夾飲埋soju， 真係開心。大叔服務非常到家， 人有好， 完全唔介意我地多問題， 又阻住佢食飯，呢個野真係會再幫襯。相比起樓下街鋪兩間新開韓國過江龍我都試食過！ 我寧願上樓食！

上星期同朋友係同一幢永光中心食日本串燒，中間間lift 停係10樓有幾個潮人出lift，見到個門口裝飾好韓feel, 心諗下次去試下。中午預約2點鐘，全場只有我地一枱，午餐幾十蚊，但小食飲品都要另加錢。點左有手指公讚嘅牛仔骨韓式年糕，新出品嘅魷魚拌飯，加小食魚串，韓式飯團，2杯熱柚子蜜。柚子蜜就係睇到係用現成開水果隻，其實都預左係呢種嘅。先黎個飯團，一咬就勁熱同散開，明顯啱啱用微波爐叮熱。上面加左沙律醬，好奇怪同好----難食。另一小食，魚旦魚糕串，應該又係翻叮，乾爭爭，又係吾好食。牛仔骨年糕牛仔骨只有2件，其他係牛仔肉，個牛肉味道可以，但年糕係淰pat pat@-@魷魚拌飯個味同魚串，同牛仔骨係一樣味，即同一個調味辣醬，都幾辣，味道一般。唯一3款前菜係個酸蘿蔔幾好。埋單250，一個字，伏😅

今晚和女友去了銅鑼灣  韓大叔大排檔, 吃了個晚餐, 剛好新年期間有 85折優惠, 真係開心.    餐廳設計, 頗有品味,  雖然 看不懂 韓文, 感受韓風也寫意. 大電視播放音樂 Video,  韓國 美少女甚標緻, 幻彩燈飾更帶出熱鬧感.前菜 三款, 韓式少辣泡菜,  海 帶, 酸甜蘿蔔絲, 味道正.先送來 韓式溶岩芝士煎蛋卷,   蛋卷內包滿溶岩芝士, 滑溜溜. 一切開即見芝士流出,  芝士蛋味澎湃,  吃得起勁,   芝士迷最岩. 接著 梅子棵果醋真露梳打.   Cass 啤酒,  及 韓式醒酒湯 也一起送到.啤酒涼透心,  醒酒湯熱騰騰.   冷熱衝激, 真係醒神. 排骨好肉又煮得稔, 薯仔入口也即化.  這個湯比泰國冬陰公更好味. 韓式炸雞, 食韓餐必食的至愛.   雞比較大件 ,  炸得好香脆,  我們選擇 蜜糖芥末伴炸雞,  帶辛辣和蜜味, 食得好回味.  韓式鐵板燒生鰻魚,  鰻魚品質肉嫩帶鮮香, 燒得脆皮而不油膩, 點上燒汁,  與洋蔥絲齊吃,  可口惹味, 加些炒芝麻,  真好食. 明洞燒汁牛肉粉絲,  牛肉肉質柔軟, 牛肉味濃郁,  粉絲夠滑又彈牙,  很好吃

今個農曆新年, 約親戚拜年主要食中菜,  吃得有點累.   今晚要轉轉胃口吃韓國菜, 睇 Black Pink Video.訂了 銅鑼灣  韓大叔大排檔,   樓上 餐廳,  裝修有韓日格調.  餐廳內,  氣氛相當輕鬆,  大排檔式的熱鬧.牆櫃排放了韓國飲料, 酒品也不少.左邊食堂有大電視播放著 韓文流行歌曲. 大家 無拘無束, 開始點餐.   晚市主餐牌有 85折.  真吸引.我們叫了Cass 啤酒,  及 梅子棵果醋真露梳打.   吃口韓式泡菜,  頂開胃. 店員好風趣, 他說韓國傳統拜年有韓式年糕, 食了財富增高.  一定要試.大家也有期待.......椰漿柚子年糕, 看來不俗.  口感煙韌,  混上 椰漿柚子, 有韓國柚子氣味. 不會太甜, 韓式醒酒湯, 看去像西式羅宋湯,  湯頭熱辣辣.內有排骨, 菜乾, 薯仔,  帶蕃茄味加點微辣, 保暖益胃.韓式鐵板燒生鰻魚,  鰻魚塗上鰻魚燒汁,  伴上洋蔥絲, 煎得好香口. 鰻魚厚切, 外皮燒得香脆, 肉質彈牙又鮮甜.炸雞, 配上蜜糖芥末,  韓國美食, 酥炸雞已切件, 無骨, 炸得香脆, 啖啖肉, 外皮炸得乾身不油膩, 外脆內軟,

不用去韓國，都可以一次過可以品嚐韓國最受愛戴的美食，難怪如此受年青人歡迎，這夜入座都以年青人為主。銅鑼灣有不少樓上店，整棟大廈都是美食天地，韓大叔大排檔也是其中一份子。走進餐廳，裝潢簡單如在韓國小店一樣，加了點特色擺設，並不是大排擋般簡單。餐牌上有散點或套餐，在韓國甚受歡迎美食都少不了，如韓式炸雞、醬油蟹、煎餅、蛋卷都有供應。飲品以酒類為主，還有梳打特飲等。入座就來了3色涼菜，微辣泡菜、酸甜蘿蔔和微辣大豆芽，全部都是開胃小食。韓大叔醬油拼盤 HKD398，包括了醬油蟹、醬油蝦、鮑魚和紫菜拌飯。醬油蟹都常聽，醬油蝦和鮑魚真的少聽。吃過醬油蟹的人都說好吃，確實去了韓國那麼多次都沒吃，這次就大膽一試。沒想到醬油蟹鮮味十足，蟹膏滿滿。蝦和鮑魚都一樣醬油鮮味無比，還有糖心蛋，再配著紫菜拌飯而吃，風味十足。韓式溶岩芝士煎蛋捲 HKD88，厚厚蛋捲，蛋味香濃，還有溶岩芝士，滿足感滿滿。韓式豬串鍋 HKD268， 一個大鍋有6條豬骨，豬骨肉煮到非常入味，一咬就骨肉分離，好味。鍋中還有不少菜和麵，湯汁帶點微辣，惹味又開胃。梅子果醋梳打 HKD38，清香梅子果醋，幫助消化是不錯選擇。

韓大叔大排檔是年青貪吃界朋友近期常吃的韓國餐廳, 主打韓國的食物, 例如韓式醬油醃漬海鮮、炸雞、芝士煎餅、部隊鍋、馬格利酒等等, 對我而言, 很少吃, 全部食物很有新鮮感, 今晚便相約朋友在這家裝修走年青人型格的韓風餐廳………韓大叔大排檔來個開年飯。馬格利生米酒 ($98/份量約4碗)馬格利是韓國一種用大米發酵而製成的米酒, 帶有米的香及甜味, 亦有少許發酵過程產生的乳酸的酸味, 韓大叔的馬格利米酒雪凍再用茶壺承載上枱, 入口微微的酸清及微微的米香甜, 冰涼爽口, 配濃味的韓國食物很夾。 韓式泡菜 (送)以大白菜最好味, 辣度、鹹味及酸度適中, 很有韓國人的原味道。醬油海鮮拼盤 ($398)韓式醬油醃漬蟹在韓國菜是很有代表性的食物, 怎能不吃吃？顏色很美排設~ 醬油鮑魚口感彈牙~ 醬油蟹的黃膏及紅膏兼備, 黃膏幼滑, 紅膏濃郁甘香, 蟹肉十分滑口鮮味, 還散發著淡淡的醬油豉香及鹹香, 醃漬醬油汁除了醬油外, 還有酒香、蒜香及辣椒的微辣味道, 味道有層次感及豐富。用附送的紫菜米飯放在蟹蓋膏上撈飯來吃, 煙韌的米飯遇上甘香的蟹膏, 十分鮮味, 初嚐韓國醬油蟹的體驗, 感覺十分良好~ 醬油蝦