韓城 (已結業)

星期日出左旺角, 差唔多食野時間咁就左睇右睇最後選擇左 係登打士廣場三樓 依間 韓城( 之前未食過依間,試下先, 雖然食評唔多但多數係唔錯既評語, 價錢划算 )我應該係5:00PM到去,我以為未入得因為睇落冇咩人,但其實入得,只係佢地準備中,入到去連埋我地坐果張枱都只有3枱客人^^''  餐廳準備緊既時候就拎飲品飲住先,佢有個雪櫃放係入門口左邊個位拎D罐裝飲品, 食野果到好似仲有二飲品但我冇留意係咩飲品.食物方面 : 拎野食既地方唔算太大, 食物選擇唔多,但基本既 燒 : 雞肉、牛肉、、菇類基本上都有.               熟食有 雞翼、咖哩魚蛋、炸雲吞.......(唔係好記得啦) , 冷盤, 三文魚刺身, 沙律.....甜品方面 : 選擇唔算多,但都整到好味另外食緊既時候,會有店員幫你清走枱上既碟同飲完野既空罐,咁就多D空位放野食,仲會幫你換用緊碟!我地食完比錢既時候就開始多人..一陣就坐滿人啦總括黎講 : 我個人覺得價錢划算,食物質數唔差, 我會再去食^^

宜家喺旺角嘅韓式放題數得上價錢合理，又有高品質嘅食物質素，真係寥寥可數。前幾晚同女朋友到旺角醫肚，經過登打士街呢間韓式放題，見到宣傳單張顯示出多款菜式，有熟食又有燒烤，相當吸引就決定上去一試上到3樓，就見到個好醒目個招牌熟食種類繁多，本人最欣賞韓式炒粉絲，味道可口 燒物方面亦應有盡有，間餐廳所有海鮮及肉類全部從外國入口，所以先可以做到價廉物美 餐廳會奉送每位客人，兩隻鮮蝦，一隻扇貝，扇貝同蝦都好大隻好鮮甜燒烤完，最後黎一碗豆腐花，有墜火的攻效。整體黎講今晚呢餐相當滿足，值得推介！！

食過很多韓燒, 但這家算是我覺得不錯的一家以平價來說, 它非常抵食, 而且價性比很高現在做promo, 每人都送一份海鮮呢度雖然食韓燒, 不過也有很多熟食食物日式刺身就只有三文魚刺身, 還有些壽司, 不過壽司飯超硬, 像雪咗好耐咁肉類種類很多, 有牛, 豬, 羊, 雞, 肉質都很軟嫩, 不鞋不韌還有生菜可讓你夾著吃, 就唔會太膩啦

旺角是我最常來的用膳地區，到處也是吃的地方，這晚來到登打士廣場的韓城，又吃放題啦 小小的商廈，電梯狹窄，要等一會再能上來。三樓只有韓城，一出門已看見大量的POP圖文並荗地強調燒烤任飲任食。裝潢有點舊，看落並不吸引，可是19:00的時候也有七成滿；晚上黃金時段(即19:30分後)也有約九成滿，生意算是不錯。性價比高應該是一個很重要的因素，19:30前離座只需$158；而19.30後入座也只不過是$178，划算得很。與一般放題不同的是，這裡是全自助形式的，雞、牛、羊、雞、菇類、熟食任君選擇，食物選擇沒有想像中多，可是亦足夠，但取餐區較狹窄。三文魚色澤算是亮麗，也是放在取餐區裡自由拿取，魚味沒有很濃，可是也是應有的三文魚味道，質素算是合格。可是一整盤放在這裡沒有冰或冷藏，難以保持新鮮。開始燒烤前也不妨喝碗湯，羅宋湯味道還算可以，甜甜的還有很多蔬菜可吃，不膩也不是味增湯；可是人蔘雞湯卻非常平平無奇，味道有點淡。任飲的鮮製飲品有菊花茶和豆漿；罐裝飲品還有烏龍茶、提子汁、百事可樂、冬瓜茶、啤酒、美連達橙汁、冰紅茶、七喜等等等等。。。。。。店方各給予我們一份一次性的蒜香帆立貝和海蝦，這不是任食的。

今日帶老豆去慶祝生日，我同老豆都係大食王，見到登打士街到有韓國任食燒烤。有得任食,岩曬！間鋪係係登打士廣場三樓，好近油麻地地鐵站，幾方便我地食完走人。 間鋪應該都係新開張，d枱，坐位都好新淨。坐左無耐職員就上左一人一個大蒜蓉焗大帶子同兩隻大蝦，佢話係送既。除此之外，佢地都會送特式韓國原隻雞，不過係要預先訂位先有，可惜。野飲既種類都多，有啤酒，可樂，五花茶，最特別係可以任叫珍珠奶茶。 之後就各自夾既食，佢地提供既食物種類都好多，有肉食，熟食，魚生壽司。肉食放到成幾排，我覺得類別係比二，三百蚊韓燒多好多。我地就試左牛舌，肥牛，腸，菇瓜，雞串，，等等。d牛舌同肥牛都唔錯，不過我地開得太大火。後尾開番中火，慢慢烤，將肉汁鎖住，加上本身肉都好新鮮，所以真係好好食！ 緊住我地夾左幾轉三文魚刺生，原因就係太過新鮮同肥美，同酒店自助餐有得fight! 最後我地試埋人參雞湯，係有幾重既人參同雞味，飲落去好潤。椰汁糕同中華沙律都幾好味。一人百零蚊食到飽同唔限時，抵啦！

任砌韓燒呢個term應該好幾年冇出現係生活入面。直到呢日中同group話食飯。竟然有人提議要食那些年壯陽丸既韓燒而冇人反對。最尾就黎左呢樹食。望住隔黎枱果四個中學生。為講粗口而講粗口。冇邏輯但係有共鳴既對話。真係幾有當年影子。其實就係傳統既任砌韓燒。友人二話不說就拎左當年要搶先有既三文魚刺身。而家真係食到唔食。以韓燒放題既質素黎講算唔錯。隔離枱係幾分鐘就一碟。果然年輕。每人送一隻既燒扇貝。唔乾得黎又幾甜。加埋蒜蓉釣味。唔錯燒烤材料方面。已醃同未醃既都有。個人就偏好未醃料。牛舌薄切同多春魚真係多多都唔夠食。有趣既係有煎釀三寶比你燒。都幾考火候控制。其實我地呢枱年近三十既。真係拉高左成個場既平均年齡。呢個價位有咁既質素。難怪同傷心酸辣粉一樣咁多人等。

旺角真係美食多多，而且價格相宜，前排同朋友行女人行，行到街尾的登打士街，那裡有好多途人正在掃街，看見大家左一串、又一兜，BeautySearch 也開始有點餓呢！不過，逛了街一輪，有點疲倦，還是想找個地方坐下，好好休息片刻。我們在附近找來一間樓上店，位於登打士廣場3樓的韓燒店「韓城」似乎很優惠呢，任燒、任食、任飲，午市$108；晚市也只是$158，確實超值。 餐廳環境清雅，以木製裝修為主，天花有仿木製吊燈，為整體的裝飾增添氣氛。雖然店子用的是傳統的燒爐，不過這裡的職員會經常注視著燒爐的狀況，並替客人更換燒板，所以不會令燒物出現燒焦的情況 (當然，自己無睇火除外)，而且，店內沒有太大的油煙，甚為舒服。食物方面大致可分菜前小吃，韓燒肉類和疏蔬果與特色甜品。食物及飲品皆是任飲任食。而且自成一角地擺放著，非常集中又方便。前菜分為冷盤和熟食，冷盤主要為日式小吃，最要緊的，當然是有 BeautySearch 喜愛的三文魚刺身，新鮮肥美，非常滋味；另外還有龍蝦沙律、香辣螺肉、醬汁八爪魚仔、爽滑海澡和各類壽司。還有多款韓式泡菜提供。熟食有香炸雞全翼、鹵水豬手雞蛋、沙薑白切雞、炸雲吞、炸鲮魚肉片、香辣炸

剛去完旅行回來，馬上相約好朋友出來吃飯，送手信給她，順便歸還旅遊書。今次來到位於旺角的任食韓日燒烤料理店-韓城，晚市最貴也只是$158/1位，好抵食。先取飲品，有罐裝汽水、五花茶及豆漿等選擇。食物區食物擺放整齊，冷熱食物都有供應。 前菜有多種韓式泡菜，質素不錯應該是自家制的。 熱盤選擇很豐富，當中蒜蓉青口及炒蝦都很有水準。另外也試了燒全雞翼、薑醋、冬蔭功等，不錯!燒烤用生肉選擇應有盡有，有醃無醃都有，另外還有較少見的魚肉釀冬菇及魚肉釀椒等。 款款肉類看上去都很新鮮。竟然還有龍蝦沙津!!也有生果、三文魚刺身及日式前菜及泰式糕點。湯有三款選擇，我試了人參雞湯，參味淡淡的很容易接受，雞味也沒有很濃，是清淡口味的湯水。餐廳會提供小碟自取食物，我每款都取一點試試看，以不浪費為原則。燒烤肉類都以普通冷藏肉類為主，味道正常，沒什麼驚喜。店員送上生蝦及扇貝每人各2隻，扇貝好大隻肉夠厚，好吃!而蝦也很新鮮，不用調味也能吃到鮮味。雪糕應該是維記出品，離開前吃點雪糕就完滿了。 朋友不吃雪糕，試了豆腐花，她說豆腐花豆味很濃，但如果再軟滑一點會更好吃。以$158任食來說，算不錯吧。

食力派朋友出黎食飯，唔使問咁多，梗係揀食放題，今晚仲揀左係燒肉放題，佢地見到梗係開心啦，食肉獸之夜呀～見傳單寫話百零蚊一位，任燒兩個鐘，除左燒肉仲有壽司刺身熟食等，好吸引喎。上到黎，環境ok唔油煙，飲品喺雪櫃自己拎，除左一般汽水，仲有啤酒，茶等。一坐低就出去自助bar到攞野食先，睇到咩啱食就自己拎啦。三文魚刺身ok雖然薄切，壽司雪得太硬了，炸物全部都凍哂，自己擺落爐燒燒佢加熱啦。另外每位會送上蒜容扇貝同海蝦，幾鮮味喎。朋友見咁多肉一時唔知食咩先好，咩都夾哂返位先算，有雞扒、牛扒、牛仔骨、牛柳粒、牛舌、豬腩片、肥牛片、雞翼，魚柳等、另外仲夾左啲冬菇、雞脾菇、蠔菇、茄子等，好多野燒喎。燒燒燒，爐下面加左水無咁大煙，但個盤好易黑，店員都會主動換盤嘅，一見啲食物碟清左就會收盤，又會問使唔使加油等，幾好態度。食得，肉類沒太大驚喜，一般凍肉燒起嘅味，無太多調味，燒完點個甜甜地嘅燒汁都幾好味吖。個人覺得金菇肥牛卷燒起上黎幾正喎，肥美多汁。係燒緊嘅同時出去睇下熟食，有炒蜆，腸仔等，等我食返串咖哩魚蛋先。仲有涼菜，攞左啲泡菜，青瓜，豬耳，酸酸辣辣幾醒胃。燒下菇類先，睇下雞翼燒得幾靚，要用心放係邊位慢慢燒

最近真是外出吃飯為主，今日相約友人去了旺角飯聚,其實本來想約友人去堅尼地城 ,後來，考慮到由屯門出去太夜 ,最後改去地點方便旺角，我揀去韓城任食燒烤，見到有人話韓城都OK,我同友人上到韓城,客人不是太多，我同友人揀坐在門口附近，我同友人坐下之後，友人叫來店員這裡怎樣叫餐，店員話這裡是自助形式，自行到吧檯拿食物，我同友人拿了少許壽司同刺身 ,壽司可能擺在雪櫃太耐,壽司飯太硬,味道一般，刺身就一般,這裡燒烤食品整體都一般 ，友人見到牛肉好似未解凍，質素十分一般，牛肉未解得切凍,燒起上來肉質口感，友人話唯一好吃是青菜，這裡款式不是太多，我覺得韓城整體只是一般 ，環境都ok,，服務只是一般,我覺得勝在價錢平 ，平均只是200元左右一個

朋友搬了新公司在旺角登打士街, 搞掂後找我在附近找吃, 說說近況吹吹水. 很久沒有去旺角, 人生路不熟, 就去了佢公司附近的地方找吃. 易拉架廣告中找到了這家看來很多食物選擇的韓燒. 餐廳的設計以橙色為主, 感覺溫暖.去食物食區走一轉, 種類真的不少, 豬牛羊雞鴨海鮮都有, 蔬菜區還有煎釀三寶！熟食區很多都想吃, 雞翼和煎三文魚骨都是我的飛佛走到冷盤區, 呆住了, 一大盤龍蝦沙津和三文魚刺身任拎. 平時的韓燒, 三文魚都是時有時無要搶的, 這兒非常大方, 就是一大盤, 我唔客氣啦立即就是一直吃一直吃三文魚, 三文魚夠肥, 質素都OK.每位會送兩隻中蝦同大扇貝，中蝦味道普通但夠大隻大扇貝加了蒜蓉燒至微焦才奉客, 又大又鮮甜, 更不會自己烤到乾憎憎, 正呀燒肉醃味好適合香港口味，甜甜地.湯有三款, 羅宋湯幾濃味呀, 香香酸酸的增加胃口. 人參雞湯味道比較淡, 不是我杯茶. 生果都吃了兩碟, 西瓜不當造, 哈蜜瓜不錯, 清一清口腔, 如果可以放熟d就更甜了. 有一個木桶裝住熱辣辣豆腐花，還有很多糕點甜品, 但糖不甩吃了太多三文魚了 只可以吃雪糕啦另一邊放了很多罐裝飲品, 我們試了忌廉梳打,

平價最平138-168老闆，員工用心服務奉送珍珠奶茶，新鮮蝦 及帶子新鮮食材!最重要係會主動留意客人需要!讃!一定要試五花肉，厚度超正，唔會太厚易熟，冬菇夠香。當日送上珍珠奶茶，唔會似街邊咁甜，又有豆腐花，肉類擺放整齊，員工會時常清潔，食物桌能保持乾淨!

買左團購四人午/下午茶餐平日無機會食所以特登係公眾假期出旺角食點知就係惡夢開始同行家姐同媽咪揀左泡菜/香辣牛湯麵/烏冬無咩味舊牛正正常常自己煮辛辣麵都好食過佢咁啦我叫左泡菜豆腐湯入面有一條玉子豆腐但係一塊豆腐都無咁我做咩要食豆腐湯呢團購餐送一隻雞脾但隻雞脾真係見到都無胃口 甩皮甩骨凍冰冰雖然話團購餐唔要求得咁多但會唔會hea咗少少呢 最後上泡菜餃子湯年糕d餃子塊皮成尺厚成口粉咁年糕好似煮唔透呢間野真心不可一不可再

上beecrazy團購138/位，星期六去黃金時段7：30-9：30再加服務費另加60/位，裝修不錯，入到去也不覺得很大煙，食品區雖然細，但食品種類多，起碼豬牛羊雞鴨海鮮齊晒，而且醃味好適合香港口味，都係甜甜地，每位會送一隻老虎蝦同大扇貝，又大又鮮甜，無厄秤，除了有烤肉，還有刺身sushi，冷盤，熟食及生果甜品，而且有一個木桶裝住熱辣辣豆腐花，雖然豆腐花有d粗，但食完烤肉食豆腐花感覺又几清新，總括黎講算不錯，可以再食，不過下次再來，非周末以及非黃金時間黎，感覺會抵d

行過見到新開試下 點知中哂伏 以後都唔食劣點：1.服務質素極一般，入去果陣明明唔係繁忙時間，想坐卡位一坐低即刻有個類似經理既人用家鄉話問個職員點解唔帶我地坐普通位，跟住成間鋪幾個職員就一齊高聲討論我地應唔應該坐卡位 極討厭換板都叫左幾次先有人應，態度都極一般。2.食物質素超普通 燒出黎既都唔算好味，而且種類也不是很多，食黎食去都係果幾樣。自助bar細到企多兩個人都逼。而熟食又凍又硬，更加唔洗話好食，熟食雖然唔係韓燒主打 但熟食種類唔多加賣相差加難食令熟食方面無法搭救，成件事出黎等於熟食是個伏。3.甜品整難食，雪糕唔講因為係維記雪糕。最普通既啫喱糖都整到極難食 ，口感硬，一咬就知落太多魚膠粉，而且也沒有啫喱應有既水果味，只有好重既甜味。超差，而所有糕點情況也類似eg椰汁紅豆糕無椰汁味，只有重重既甜味，又係好硬。唔彈牙，甜品部分極差。4.個爐大火又大煙，無論較到最細火都係搶哂火，d火仲升到幾cm高，極危險。而煙都大到不知所謂，煙到隻眼勁痛。成身都臭。優點：1.裝修算唔錯，如果唔係好大煙都算坐得舒服。時間為2個鐘 岩哂志在搵個地方食下野一大班人聚舊2.壽司種類多，而賣相也幾好，但舊飯略亁。而