韓國屋 (已結業)

呢幾日天氣凍咗，想食啲熱辣辣嘅嘢心思思想食韓國嘅泡麵醒起food republic有呢間「韓國屋」都係第一次試呢間好多飯嘅選擇但泡麵都唔想好多Order咗個香辣牛肉湯麵🍜賣相不錯都的確熱辣辣滿足到我天氣冷冰冰嘅胃牛肉不過不失，合符$5x/碗麵嘅價錢如果辣啲就好跟餐有泡菜，個啲仲辣過碗麵，我乾脆倒埋入碗麵裡面食+$10 飲杯凍檸茶埋單一共$6x個人覺得呢個餐連埋飲品，應該要within HK$50之內先合理。…查看更多

睇戲前要食個快嘅，當然會揀food court貪個方便，簡簡單單食一餐。時間所剩無多，所以揀咗呢間韓國菜簡單食個粉絲又唔會太熱燙就會食得快手啲啦。泡菜炒豬肉粉絲 $50特別快就可以取餐，其實見佢粉絲同泡菜豬肉都係現成嘅，就咁夾埋一碟就完成。睇都覺得粉絲好碎，一夾之下當然都一樣咁碎，食落偏咸，可以話係我食過最咸嘅粉絲⋯同埋都偏淋嘅。泡菜有辣勁偏酸，豬肉份量唔算好多亦肉偏韌。另外仲送咗個韓式海帶湯，幾清淡無乜特別。整體幾大份但味道就令人唔會再食呢！…查看更多

見到依間餐廳主要都係foodcourt入面，環境就自行處理啦～叫左A+B餐，A/B部分其實都係殿粉類，今次揀左A：燒牛肉飯，牛肉係用火鍋肥牛果種，仲要係白烚，係靠最後加上去嘅燒汁先有味，菜都係一樣，飯有d泡飯變粥，有d仲係米未熟B：年糕湯，湯係辛x面嘅湯味，年糕唔入味餐有送湯，咸嘅水，咩味都冇等左20分鐘先有個餐，明明所有野都係面前加，除左個湯+飯係入面裝，前面係冇人排隊，52蚊冇野飲，抵唔抵就自己決定…查看更多

今日下午去大食代睇下有咩食，左揀右揀，就揀左韓國屋，是因見到有茶餐$32 韓式炒粉絲，於是就試下。先講份量：其實隻碟細細地，認真食幾啖就食完，不過佢又寫到明茶餐，咁我都明既，茶餐份量係咁上下，但對我黎講就唔係咁夠食，跟餐就跟左碗湯。味道方面：感覺就一般般，佢既粉絲都唔算係即時炒，係整好晒放左係個heat pan到暖住，所以個粉絲係得個暖字，唔算熱。整體黎講$32 細細碟，其實真係唔飽肚，真係當茶餐食就ok，如果大家係真係想飽肚食，呢個就唔建議揀喇。…查看更多

位於大角咀港鐵「奧運站」附近的大型商場「奧海城」，是我暫時見過又經常會去，戶外景色最漂亮的大型購物商場之一。因為從「奧海城」二期走一期之間的「奧運站」的時候，從行人通道玻璃窗望出去，就會見到漂亮的維港景色。五年前我因腦中風而入院，出院後完閒時間多了，便經常來到旺角，在「奧海城」流連打發時間的同時，最經常會做一件事，就是站在「奧運站」通往「奧海城」一期的天橋上眺望香港島西區景色，從而回憶懷緬昔日在「港大」工作的日子點滴。看見維港景色，以及遙望昔日的工作舊地之後，我回頭走回「奧海城」二期，找上我之前曾經幫襯過的連鎖美食廣場「大食代」。我上次在「奧海城」「大食代」試食過「馬豆糕」跟「芒果糕」之後，今次有了新對象。今次我選擇了，幫襯在「馬豆糕」附近的韓國菜餐廳「韓國屋」。「韓國屋」賣的韓國食品走比較傳統的方向，都是一般韓國菜風格的粉麵飯。而且「韓國屋」店道還有陳列品櫥窗，展示「韓國屋」菜式樣貌。我看見後，忽然覺得有點驚訝，原來韓國菜也像日本菜一樣，一樣喜歡製仿製的陳列品模型。不過，由於我只是幫襯「韓國屋」的下午茶，所以沒有太過集中於留意「韓國屋」食品的模型，反而我食的下午茶食品，都不一定會出現於陳列品櫥窗裡面。另一方面，「韓國屋」雖然跟其他「大食代」食店一樣，共用美食廣場的地方，但是「韓國屋」彷彿也有屬於自己的檯櫈，檯櫈的位置剛剛好跟「韓國屋」廚房處於對望的角度。所以對我來說，購票後唯一需要走到的地方，只剩下「大食代」專門領取飲品的「飲品區」而已。雖然「大食代」「飲品區」有職員專門負責沖調飲品，但是基於我對咖啡因飲品的擔憂，所以我只選擇了罐裝汽水。「韓國屋」下午茶的主要食品，大部分都是比較傳統的飲類、粉絲跟湯麵，除此之外，「韓國屋」下午茶還有「辣炒年糕」供應。我仔細研究過「韓國屋」下午茶餐牌八款食品，「辣炒年糕」、「韓式炒粉絲」這些食品實在有太過濃厚的傳統韓國菜味道，「韓式豬肉水餃年糕湯」裡面的豬肉水餃又不是我最喜歡食的肉類食品。但是如果只吃「香辣泡菜湯麵」的話，又嫌「香辣泡菜湯麵」欠缺配菜，感覺略嫌太過單薄。我平日亦已經食得韓式的牛肉飯或者雞肉飯太多了，我開始有點厭倦。結果我在「韓國屋」第二頁的下午茶餐牌裡面，終於找到了「香辣雞肉湯麵」。雖然我知道「香辣雞肉湯麵」裡面所謂的「湯麵」，或許會跟日本的「拉麵」會有點分別，但是直覺還是驅使了我點選「香辣雞肉湯麵」。「韓國屋」的下午茶有個頗為有趣的設定，就是食客選的下午茶，套餐除了可以選配飲品之外，竟然還可以選擇甜品。至於究竟「韓國屋」下午茶餐的甜品是什麼東西我就不知道了，因為我選擇了飲品。「韓國屋」提供套餐飲品的做法，跟「大食代」其他的美食廣場或飯堂餐廳都一樣，都是拿着食店提供的單據，去「大食代」裡面的飲品部領取飲品。「韓國屋」在套餐搭配其他食品這方面，選擇不是沒有，只是選擇比較少比較單調，就算「韓國屋」套餐搭配食品可以選擇，比較合乎我心水的「炸雞3件」，我都是會這樣說。至於我的選擇，相信知道我口味的人，應該都會猜到的選擇，我選擇了「炸雞3件」版本的「甜辣炸雞」。大概十分鐘過後，我所有已付款購買的「韓國屋」食品都已經順利完成，跟著我再去「大食代」飲品部，領取我的套餐罐裝「雪碧」汽水後，就可以立刻開餐了。雖然「炸雞3件」的份量不算很大，每件炸雞只有大約一粒「金X朱古力」般的體積大小，但是選擇配「炸雞3件」都只需要港幣十元的價錢，抵食程度差極有個限度。雖然「韓國屋」「炸雞3件」的炸雞雞皮是稍為偏厚，但是起碼還算有肉可食，問題大不過偏冷的炸雞肉肉質。至於「韓國屋」炸雞醬料方面，我一時不小心講錯了「蜜糖芥末炸雞」，實情我本來應該食回食慣了的「甜辣炸雞」。雖然「蜜糖芥末炸雞」跟「甜辣炸雞」味道都是甜，但是「蜜糖芥末炸雞」有少許嗆鼻的芥末，我最後還被芥末嗆鼻了一下。至於「韓國屋」下午茶餐的主菜，有點點像拉麵的「香辣雞肉湯麵」，湯麵的麵條實際上是，像即食麵的韓國拉麵。韓國拉麵亦即是像「辛辣麵」一樣的韓國即食麵，很多韓國人都喜歡把「辛辣麵」當即食麵來享用。但是把一般的雞肉都放進韓國「辛辣麵」裡面後，「香辣雞肉湯麵」就立刻變成了韓國版本的雞肉拉麵。「香辣雞肉湯麵」的麵條真的有如即食麵，麵身呈捲曲狀態，口感偏向比較彈牙，但是吸收了湯底太多的油份，令麵條口感變得有點油膩。「香辣雞肉湯麵」的湯底雖然是有點油膩，但是味道一如食品名稱一樣，都是辣的，而且辣味不是偏向麻辣那一種。不過如果你叫我喝下湯底的話，我應該就不敢這樣做了。「香辣雞肉湯麵」的雞肉雖然略有雪味，而且肉質偏瘦，口感未夠腍，但是至少還能造到無骨啖啖肉的口感效果。如果「香辣雞肉湯麵」雞肉有骨的話，我就可能會投降。有點慶幸「韓國屋」廚房的店員製造食品的手勢不是太過吝嗇，所以整碗「香辣雞肉湯麵」的雞肉比例都不低，甚至可以說是雞肉食極也食不完。不過由於「韓國屋」「香辣雞肉湯麵」湯底太多油的關係，所以就算「香辣雞肉湯麵」份量再多，但是湯底貌似嚴重超標的油份，還是令我不敢把整碗湯喝下去。但是由於「韓國屋」「香辣雞肉湯麵」的份量實在太豐盛的關係，所以我就算不把剩下辛辣湯底喝完，對我來說也稱不上是損失。總結「韓國屋」「香辣雞肉湯麵」配「蜜糖芥末炸雞」三件加罐裝汽水，整個套餐價錢需要港幣五十二元，以下午茶角度價錢或許是稍貴，但是計算整個套餐食品飲品之後，性價比仍算抵食的。「韓國屋」這個「辛辣雞肉湯麵」下午茶餐，理應應該列入我的「拉麵時間」的系列食評，因為韓國人向來也視「辛辣麵」為韓國版本的拉麵。但是「辛辣雞肉湯麵」始終只是韓國菜的麵食，所以「辛辣雞肉湯麵」再好食，我也不將此食評列入「拉麵時間」系列，食評獨立「自成一國」好了。…查看更多

又再一次相信圖片只供參考先講舖面先啦，做野嘅人全部內地亞姐，我並不是歧視佢地，只係你話如果同場八方雲集選用內地員工，我覺得無問題架，咁你賣韓國食品丫嘛，點搞呀。我個麵要煮嘅，所以唔係counter做，但眼見佢地執人地個整餐，真係覺得好似執緊垃圾咁，啲亞姐極度求其，求其到我覺得自己係屋企整都靚過佢啲野咁。好喇，講番我個麵先，可能我食開要求高，但我食過嘅韓國豬肉麵，就算餐牌無寫過"烤"字，但都一定有烤過/煎過咁囉，佢地只係烚熟咗就算，仲要好肥，再講個麵，出到黎已經淋哂，真係好勁囉，我未食過韓國麵係淋到已經無哂電話線個形狀，發到好漲，我份人最憎食肥肉同淋麵，佢有齊哂，勁加幾條韓國粉絲就叫韓式呀？咁加泡菜啦，慳水慳力。之後到蛋喇，相就係炒蛋黎嘅，出黎變生蛋，改改個道具丫，唔該，萬一有人唔食生蛋咁點算？個湯，最差個湯，咩事呀？香辣喎？一啲都唔香口囉，成50蚊咁我不如去茶餐廳食常餐，仲有多士，凍飲加2蚊，最多都係收我45蚊。唔好咁啦，大食代，你大集團黎架，有無做好你地啲管理呀？咁難食嘅舖頭你都容忍佢納入名下，真佩服，定還是扼小蟻民紙才是你們的宗旨呢？…查看更多