韓一窩 (已搬遷) 新店位置

放工出西灣河韓一窩和朋友食韓國菜, 我們點了辣味炸雞半份, 紫菜包飯、泡菜海鮮湯飯和青木瓜沙律。辣味炸雞半份有四件炸雞, 辣味味道剛剛好,醬汁濃烈，配合咬開新鮮炸雞肉的肉汁,香口美味；紫菜包飯真材實料，厚厚的午餐肉配合煎雞蛋的味道不錯,咬落去好香脆, 熱辣辣。但切面太厚，略嫌包得也不扎實(也許是紫菜太軟的關係？),食時包飯很易散開，有點狼狽；泡菜海鮮湯飯沒有如坊間般亂用胡椒來去海鮮的腥味，辣味適中, 入面有蝦, 魷魚、泡菜、蜆、魚肉和金菇, 好足料, 海鮮新鮮, 好彈牙；青木瓜沙律有薯仔絲, 蕃茄、蘿蔔和生菜, 材料新鮮, 略嫌稍辣和沒有花生醬而已, 整體食物質素不俗, 坐得舒適。個人建議餐廳的蔬菜類的食物款式可以增加, 令客人的選擇更多和有彈性,印象中蔬菜類只有偏辣的青木瓜沙律可以選…

西灣河小巷有間隱世韓國野 唔留意就真係行過十次都唔知 入面既佈置好似韓國既小店 座位只有十數個呢個泡菜海鮮湯飯係廚師推介 湯同配料用韓式小鍋盛載 而有紫菜舖面既韓國白飯就用鐵碗另上； 泡菜湯只有微辣容易入口 但泡菜味就略不夠濃 不過入面既海鮮同配料十分足料 大隻既蝦同蜆好鮮味 仲有墨魚滑 少許年糕同蔬菜 店家亦好貼心地已將部份既蝦殼處理 令客人食既時候更方便海鮮鍋已經好有水準 呢個就更加係唔講得笑！一上枱就見到大量既芝士 入面就內藏幾隻大大隻鮮甜既蝦 食得又睇得 爽口又新鮮 而且蝦殼一樣已經處理好 食既時候十分方便；年糕係用薄片個款 更加可以索唒湯汁同醬汁；而醬汁就係微辣既韓式辣醬 配埋大量既拉絲芝士可以中和辣味 蝦既鮮味更加落埋去年糕入面 真係非常好味！雖然份量係偏少 但係因為年糕同芝士都係飽肚既 食完都係夠飽架整體很不錯 價錢同質素成正比 而且小店就係有小店既風味

開咗好幾個月尋日lunch第一次試，好ok 點咗個海鮮湯伴飯，份量唔太多，但好足料包括一只近半隻掌心大的花甲，又另放了蜆，極鮮甜驚喜位仲有墨魚滑及年糕，每款一小小塊特別一提係2隻蝦身都剝了殼，好有誠意連同蕃茄等蔬菜，以及用肥肥米煮的白飯（仲有紫菜鋪面），周日lunch價先$55,仲無加一。不過，要嘢飲就要加$8，好彩有水提供。至於味道，可能佢地強調無落味精，唔似其他韓店咁惹味，清清地，但食到食材本身味道，home made feel, 加上咁細心處理食材，似女朋友煮飯，唔係識飛天，但好有心思咁下次想試芝士炸雞，今次一個人食唔晒，又要成舊水。

今晚同朋友去食炸雞呢間小店有三款唔同既炸雞,有原味炸雞,辣味炸雞,同埋芝士炸雞⋯而我今次就嗌左個「芝士炸」 一送到上檯前, 見到好多好多芝士包住隻雞翼⋯已經忍唔住立刻夾件,芝士可以拉到起絲咬落去雞翼仲好juicy💦💦而且好嫩芝士味濃厚,但又唔會搶左雞既鮮味，正啊...呢樣係餐廳主力推介,我去到又無理由唔試丫⋯本身我唔太好泡飯,謙佢d飯混埋d湯會一pat pat...店員送到上檯,原來飯同湯分開擺既....簡直係照顧埋我地呢d唔好泡飯既人。一睇個湯都見到好足料丫, 有大大隻蜆,有類似墨丸既丸子,有少少菜,當然仲有兩隻大蝦啦呢間餐廳都好貼心,將蝦中間位置既殻已經預先去殻,食既時候就唔怕整污穢手啦👏🏻👏🏻個湯底有少少辣辣地,甜甜地,幾開胃😋😋仲有個飯係用珍珠米整,唔錯牛肉伴飯 既佩料有幾多青瓜絲,蘿白絲,東菇絲,芽菜等等,仲有少少牛肉絲⋯另外有一隻碟仔裝左d辣醬比我地自己調教辣度。我倒哂成碟仔辣醬落去都係覺得少少辣（我一向食得辣既）將生蛋搞伴完之後食第一啖,都幾有口感,啖啖都有蔬菜絲,但唯獨唔太覺有牛肉絲如果多返d牛肉絲會好好多😅😅 整體黎講呢樣味道比較清淡,適合食得清淡而少肉既朋友

來到西灣河，發現這間位處不顯眼嘅小店，卻卧虎藏龍🏻！有多款出色韓國食唔，價錢實惠，味道出眾推介🌶泡菜海鮮湯飯（$68），海鮮窩有好多海鮮，有大蝦、蜆、年糕、蝦膠、泡菜、椰菜、蕃茄、金菇等。味道不太辣，香濃惹味，仲配有一碗勁多紫菜嘅白飯部隊拉麵（$48）麵質煙韌爽滑，配上勁多料，有腸仔、紅腸、雞蛋、芝士、年糕、午餐肉、泡菜、金菇、椰菜等，湯底濃郁美味，好滿足！另外點了半份芝士炸雞（$52.5），炸到脆卜卜，再淋上厚厚嘅芝士，外脆內軟，肉質嫩滑入味，拉上厚厚的芝士，好邪惡！

路經鰂魚涌探朋友，跟住想食啲酸酸辣辣嘅嘢，見到呢間韓式餐廳個餐牌啱我食，所以就入咗嚟～餐牌有我最鍾意食嘅部隊拉麵，好開心！！ 跟住仲叫咗個牛肉伴飯同半份炸雞～部隊拉麵$48：冇諗過咁足料，數之不盡嘅材料都有晒 - 雞蛋/午餐肉/香腸/紅腸/金菇/菜，差不多d材料仲多過麵，真係好豐富！！ 麵煮得啱啱好，軟硬適中～ 特別一題係佢個湯底，我見佢唔係淨係用韓式辣嘅調味，佢地有自己淆蕃茄湯底，所以變咗係好新鮮天然材料，真材實料嘅蕃茄湯底～牛肉伴飯$45：又係好香，好好味，材料好足！！炸雞：大大件，好多肉，肉質好滑～之後問下，原來呢間咁有誠意嘅餐廳係由兩姊妹開，兩姊妹都好鍾意煮嘢食所以就開咗呢間餐廳，一個負責韓國菜，一個負責泰國菜～咁抵嘅價錢，有咁豐富足料咁好質素，好有誠意嘅小店，下次我會來再試埋佢地個泰國菜～

First off. I do keep my reviews unbiased and will give praise where it is due. I walked by this place and was instantly drawn to it because it was a small and new Korean restaurant. Not knowing what to expect. I tried their dinner. I was surprised that they also served Thai food.Firstly, korean restaurants would serve small side dishes. This restaurant didn't provide any of that. I ordered their fried chicken and a papaya salad. The papaya salad was very small. Didn't take a photo sadly.The Kore

聖誕夜，本來稔住去波士頓餐廳食，點知多人多到呢⋯唔book定位就出事喇。轉戰去西灣河，食開間cafe竟然無開，即刻灰左⋯唯有沿筲箕灣方面一直行，睇吓有乜好食。行行吓見橫街新開咗間韓式食店，又幾得意咁，望吓menu，又ok喎，一於go go go. 推門入去，鋪仔細細，但洋溢溫馨氣氛。豬頸肉拉麵：大大塊厚切豬頸肉，肉味豐盈，口感鮮嫩；韓式拉麵咬落彈牙；湯底微辣帶鮮，惹味十足。牛肉拌飯：用料新鮮，上枱好colourful ，材料十足。短米米飯粒粉分明，帶飯香，略嫌米飯不夠熱，只微暖；半熟煎蛋煎得幾好，無蛋清，但又可保留到有蛋汁；翠玉瓜絲丶甘筍𢇁丶青瓜絲切得好幼身，亦好新鮮，水份充足；冬菇汁多爽口；大荳芽有荳香；牛肉肥瘦適中，煎至微焦，散發肥美牛香；將所有材料撈埋韓式辣醬，即成滋味牛肉拌飯。Food court價錢，但味道丶用料絕不欺場。呢日喉嚨唔舒服，試唔到佢d炸鷄，要遲d搵日再試。