影片
以上資料只供參考, 請與餐廳確認詳情
平時唔太食甜嘢，但呢個蛋糕真係要讚一讚！今次係買嚟送畀媽咪生日，朋友介紹我試吓呢間本地蛋糕店，話材料新鮮、味道唔會太甜，啱晒媽媽。我揀咗芒果口味，蛋糕外型簡單得嚟又幾有格調，唔會太花巧，送畀媽媽夠晒體面。佢食完都話口感好細緻，芒果味香濃又新鮮，忌廉滑得嚟又唔膩，仲話好耐冇食過咁啱口味嘅蛋糕，開心到即刻影相打卡 send群組！落單流程都幾方便，用 社交媒體網站PM 傾幾句就搞掂，店主回覆得快， 都好樂意改咗幾次時間。拎貨嗰日仲收到貼心提示，包裝都好穩陣。我住尖沙咀，其實過去拎蛋糕有啲遠，不過見到媽媽咁開心都覺得值得～
繼續閱讀
今次買咗個麻將造型嘅蛋糕送畀我姑媽，佢一向好鐘意打麻將，見到個蛋糕嗰刻真係笑到見牙唔見眼😂蛋糕造型超級精緻，連啲細節位都好有心思，真係唔捨得食！味道方面都好唔錯，蛋糕鬆軟，忌廉唔會太甜，食落啱晒長輩口味。姑媽話唔止靚，仲好味，成家人都讚👍🏻成個過程由落單到拎貨都好順利，店員仲好貼心咁問我送畀邊個，幫我包裝得特別靚～好開心今次揀到個有心思又好味嘅蛋糕，成功哄得姑媽開心晒，下次有特別日子都會再幫襯！
繼續閱讀
上星期係好朋友生日，我喺BobobakeryHK訂咗一個6吋Melody朱古力蛋糕，一來朋友係Melody粉絲，二來我哋都係朱古力控，見到立即落單。蛋糕到手時包裝得好靚，造型好精緻，拎出嚟大家都「嘩」一聲～切開之後發現蛋糕層次分明，朱古力忌廉香濃但唔會太甜，食落唔膩口，口感算輕盈，幾啱我哋呢啲唔鍾意重奶油味嘅人。我哋6個人食6吋size都啱啱好，不過如果係甜品控就可以考慮訂大少少，每人都大份啲🤣佢哋話每日新鮮製作，低糖低油，食完真係無負擔，之後都會考慮再試其他口味。推介比鍾意靚靚蛋糕又重視味道嘅朋友！
繼續閱讀
今日放工特登去買咗幾個包同蛋撻，真係冇令我失望！個包鬆軟香口，咬落去仲有陣陣麵粉香，完全係新鮮出爐嘅感覺。蛋撻更加係無得輸，酥皮脆到不得了，一咬就碎，蛋漿滑溜又香甜，入口即化，真係食到停唔到口！難怪日日都賣嗮，果然名不虛傳！🥐🥚 下次一定要早啲去排隊，搶多幾個返屋企慢慢歎！
繼續閱讀
.今次試咗黑森林蛋糕，真係好驚喜！朱古力味濃郁得嚟唔會太甜，完全唔會覺得膩，中間嘅櫻桃餡酸甜適中，完美平衡咗朱古力嘅濃郁感。最驚喜係仲有啲脆脆嘅口感，令成個蛋糕嘅層次更加豐富！每一啖都係享受，食完一啖就想食第二啖，絕對係甜品控嘅最愛！🍫🍒 下次一定會再嚟試其他款式！
繼續閱讀