靠得住粥麵小館 (黃大仙中心北館)

營業中

休息中

星期日多數都係陪屋企人食飯，而中午靠得住就係必不可少嘅食店選擇。平時都食開粥呀水晶雞同炸排骨多。今次就想試下食咸魚蒸肉餅菜飯套餐。蒸肉餅上菜時間真係有點慢，家人都食左一半先來到。蒸肉餅的賣相其實不俗。睇落去好似好咸咁，其實不然。肉餅本身的味道好淡。肉餅多汁同嫩滑，不過由於本人比較好偏瘦的肉餅，所以這款多汁又有少少肥豬肉（其實係正常）本人就耍曬手啦。本身肉餅偏淡味，此時加埋馬友咸魚嘅配搭真係一流。味道濃度適中。👍🏻👍🏻👍🏻不過馬友有點太軟身，無左咸魚嘅咬口，呢度有點失望。仲有一點要講嘅，由於蒸到岩岩熟，底部都仲會見到粉粉地，所以先保持到肉餅嘅嫩滑度。不過本人就鐘意食再熟少少嘅肉餅多點。呢款肉餅整體而言唔太岩本人口味，所以唔會再點啦。

8點懶得煮，肚仔幾餓，和阿媽入去食，叫咗個口水雞，豬耳爽，扣肉，諗煮應該好快，點知迉過我們入來的都食緊，我的一點都未上，單又無，一問……原來漏單。驚我嘈他，單都唔給我，叫我用枱號埋單……豬耳ok真的爽,但口水雞麻麻。扣肉唔入味

永不再食，首先我地叫左個菜飯，但最後得個白飯，個待應放低就算，一句野都冇講你冇曬轉白飯都講聲呀，冇！之後叫另一個戴眼鏡女待應黎，佢就同我地講都係一樣姐，入面冇曬菜飯，之後我問佢點樣一樣？佢就黑曬面，話價錢一樣，態度極差，之後轉叫另一樣，問佢呢個有冇，佢又黑曬面話餐牌上都有，咁菜飯又點解會冇，真係搞笑。之後，再留意下前面果個人，舉左極耐都冇人理佢，我都唔知呢間餐聽d人做緊乜。最後講d野食，炒飯都可以煮到屎咁又咸又濕仲要賣58蚊，果下好想過對西食euro gogo 好過，個炒米仲好野，油到一個點，好似吸油咁，都唔知係咪油唔洗錢，呢間鋪真係痴線，咁都有米之連，算吧啦開分店，唔該唔好呀豬呀狗都請，成班倒米，新年流流唔想同佢開年就唔浪費食物食完就走左。下次比錢我都唔去，想去ge朋友唔該想清楚，係咁，呢間野0分都比多佢

过農曆年加服务费，但服务態度比平时差上几倍，个个做嘢没笑容，叫服务员几次才去服务你一次，点解春節要做加工服务费？的服务仲差？点可叫“米芝蓮店”，應取消这公司“米芝蓮店”的资格。

今天途經黃大仙剛好到了午飯時段，黃大仙中心的食店很多，讓有選擇困難的我甚感為難。終於選定這家全港第一間粥麵入圍米芝蓮的餐廳。因為等位的人不太多，所以等侯的時間也不太長。主要是因為餐廳員工人手不足，沒有足夠人手為我們安排位置。終於坐下，點了一客紅燒獅子頭菜飯。套餐的價錢不貴，十分經濟實惠。飯餸很快送上桌。套餐包括一小碟前菜、木桶獅子頭、ㄧ碗菜飯和ㄧ杯熱豆漿。先試一口前菜，是切開一小粒、ㄧ小粒的酸蘿蔔。酸酸的蘿蔔刺激我整個味蕾，令我胃口大增。熱騰騰的菜飯很香，一絲絲嫰綠色的菜葉子在雪白的飯中令人賞心悅目。而两大粒的獅子頭下也鋪滿了青菜，多菜少肉，吃得健康些。獅子頭做得又圓又大，軟滑的肉碎中拌看咸蛋，味道更濃更突出。作為伴飯之選，是不錯的選擇。最後再喝ㄧ杯又香又滑的熱豆漿，連最後一絲的油膩感也完全消除。最值得一提的是，餐廳提供的茶是蘋果紅茶。蘋果的獨特香味停留在齒夾中，真令人醒腦提神!

一個大人帶兩個小朋友黎呢到食晚飯，食到一肚火！1）落錯單（我及時發現，否則又有排等）2）餸黎左，飯等左5-10分鐘先黎（叫左侍應幾次，佢都係答我「裝緊」，實情係成班樓面團埋一齊傾計，有講有笑！到最後我大聲問究竟要裝幾耐？先至有飯食）3）侍應對你視而不見（我舉極手都冇人理我，我只係想加茶啫！掀起茶壺蓋，侍應係我身邊經過起碼十次都好似睇唔到咁我唯有將茶壺放係地下，先有人睇到！可能啲樓面真係有啲好緊要既野傾，所以先見到唔到食物方面咕嚕肉同咸蛋蒸肉餅每次黎都必叫 大人細路都中意今次試左新野 黃立䱽魚湯浸時蔬（唔記得個名）魚煎得好香 白菜仔好嫩 大驚喜

行過肚餓，見唔洗等位就入去食晚餐啦，見係米芝連推界，又見咸肉糉係鎮店之寶，咪叫黎食下。一篤開佢，嘩，啲綠豆想點！？未煮熟定未煮淋？一粒粒散開晒！求其一間大排檔粥鋪既質素都好過佢囉...

今天和男朋友隨便找間餐廳吃晚飯，最後就來了靠得住。叫了兩個dinner set，價錢相宜。茶是蘋果紅茶，是另外收了茶錢的，茶味還算香。加錢點了手拍青瓜，上面的XO辣醬很美味，但青瓜不夠凍，也不夠爽脆，大大扣分了。本瓜雪耳湯是加錢點的，味道十分清甜，令人喜出望外。韮菜煎蠔餅上枱時嚇了我一跳，為什麼會這麼焦黑的⋯⋯幸好蠔仔份量不少。整體有一點乾了，可以問店員拿甜豉油沾來吃，口感會更好。牛肉炒四季豆味道不錯，不算太油，牛肉的口感也夠軟滑，當中還加了一些菇類，令整道菜更加豐富。

由於今日要一早過黎黃大仙開工, Lunch只食左一碗米線, 加上黃大仙呢邊辦公室的冷氣十分凍, 捱到收工時飢寒交迫, 急需食d熱野補充一下再去做運動。係黃大仙北館見到靠得住有下午茶, 即刻入去點個熱粥黎食。😌店入面裝修都好新淨, 店員大部份都好年輕,最緊要冷氣唔係太凍。👍因為飢寒交迫我諗都唔駛諗就點左個肉丸粥配腸粉, 另外再加$3加配熱蘋果紅茶。🌞蘋果紅茶唔係我想像咁, 原來係用茶包整壺上, 茶味淡不過都聞到蘋果香味。腸粉都幾滑, 混有甜醬, 麻醬, 芝麻, 豉油同辣醬, 唔錯。肉丸粥粥底味道比較淡, 肉丸唔算大粒, 不過下午茶都有5粒肉丸。需加一服務費, 下午茶價錢合理。

同家人一行四人入去食餐普通晚餐,家常便飯因家母不便食雞,所以我們沒有order,不過見到幾桌也有落單,而且賣相不俗,大家可留意下今次我們叫了"韭菜煎蠔餅",而家出外食飯好少叫蠔餅,因大部份都好漿同一舊舊但呢個夠乾身同香口,而且蠔仔也不少,不俗!另外叫了木桶朱手,醃得唔錯,醬汁野味下次再去可以再試其他木桶菜式我們還叫了原條魚魚湯時蔬,Ｄ湯算甜,不過不知道有沒有味精喇,哈值得一讚的是可能怕魚凍了會腥,所以上菜時盤下會有兩個小爐火保溫保熱佢有部份菜式係連白飯或魚湯清粥,我們各叫一個意想不到它們的白粥既綿又甜,大家可擇粥一試最後唯獨星洲炒米有ＤＤ鹹,不過整體不俗

一日早餐同下午茶餐竟然都幫襯了同一個集團！想食清清地，下午茶唔一定要飲奶茶食多士嘅，揀左食粥麵啦。原來靠得住的下午茶餐$30有找，CP值都幾高。雲吞麵餐配混醬腸粉（$26，另加一）：雲吞有三粒，質素尚可，麵質都算彈牙，係略嫌麵身有些許梘水味。腸粉唔係好滑，同埋原來混醬的意思係乜嘢醬都落左，早知走辣啦。魚片碎牛粥配油菜（菜心）（$28，另加一）：粥底都算綿，唔算好大碗，油菜就剛剛淥起，夠熱。埋單兩個茶餐$60有找，呢個價錢冇得挑剔啦。

是日晚上想吃得清淡一點，就是為了好好迎接明天的音樂表演。嘴巴上說要清心寡慾，但也不想吃得太乏味。在黃大仙廣場有粥麵店靠得住的分店，所以決定去吃碗粥和腸粉。餐牌的粥麵選擇有不少，此分店更特別設有單點小菜，供客人選擇。筆者本是打算點一碗泥鯭粥，配一碟腸粉，卻沒料到腸粉已售罄。最後，改點了豬軟骨撈麵配白灼生菜($58)，就是清得來又不想清淡。。。邊喝著帶果香和微微果酸的蘋果茶，邊等待食物上桌。白灼生菜雖然看似平凡，店家也用心的提供微辣的腐乳醬，而是一般的蠔油，實是特別!推薦指數: 5/5而不夠也上桌的豬軟骨撈麵亦是味美。幼麵爽口彈牙，配上帶點辣勁的上湯和炆得咸香軟腍的豬頸肉，是一道溫和惹味的麵食之選。推薦指數: 5/5黃大仙分店的座位較寬敞，不難找到位置，想吃得舒服又清淡好味，這裡會是理想的地方。

下午茶  3:30, 不一定要飲奶茶, 吃西餅, 多士.  我們選擇要吃得更健康, 今天去了 靠得住粥麵小館.    自從黃大仙中心北館裝修後, 整個商場美觀得多了.  食店也很多.我們喜愛靠得住, 座位舒適, 客人多是很斯文.   可以靜靜的享受一個中式下午茶餐.餐牌很清晰, 有精選套餐多款, 及多個組合.   另加蘋果紅茶每位 $3-.我們点了廚師推介套餐:  豬膶魚腩粥 + 小食 混醬腸粉  $58-豬膶魚腩粥:   粥底夠綿,  魚腩肉份量好足, , 口感夠鮮, 不錯.  厚厚的豬膶也有多塊.  食材好滿意 !小食 混醬腸粉:  份量真的小, 賣相也不及平時混醬的美,   甜醬, 麻醬和芝麻只得一点点, 沒圖案, 減少了吃的興緻.   幸好薄薄的粉皮, 很滑而軟的腸粉, 口感仍保持,  可是熱力不足, 下午茶水準吧 !!淨鳳城水餃 @$36.   水餃共有五隻, 皮較薄, 鮮蝦頗彈牙爽口, 也有蝦味！湯底有濃木魚味, Good. "米芝蓮食店"  真是靠得住.  會再來.

老婆大人話是晚想食中式野，咁就係附近是旦行入一間喇。呢間都食過一兩次，其實只係一間裝修新少少嘅弼麵鋪。拜地產霸權所賜，好嘅地道弼麵鋪買少見少，有時想頂下癮就幫襯吓呢類連鎖店喇。你話價錢貴唔貴？佢一個套餐兩樣野視乎選擇大概$50-90左右，兩樣野加埋係一個人嘅份量，但而家快餐店都要成$50一個晚餐，咁我諗佢價錢都算一般喇。當晚我地三個人叫左兩個set 一個沙窩雲吞雞，賣相味道都係普普通通，粥會好少少，但未至於outstanding，所以我連影相嘅意慾都冇。所有野都唔可以話唔好食，不過咸左尐重手左少少咁，不過呢樣係通病，又唔怪得哂佢。最鐘意嘅反而係餐牌上最平嘅野，就係每位盛惠$3嘅Mlesna蘋果茶嘞！我會上網睇睇邊度有得賣架喇。服務方面尐Staff其實幾nice, 不過唔夠人手又係通病，唔係太怪得落。至於米芝蓮鋪頭？一睇已經知道得啖笑喇。食物味道最緊要睇食材同個廚，連鎖店一間好食唔代表另一間都好食，人地米芝蓮食評去0個間，九成九唔係呢間分店喇，又唔通expect個廚日日分身四圍走咩，所以點可以期望呢樣野先得架。

點了粥、水餃麵、餛飩麵、油菜、腸粉，咁簡單既野都中伏。麵的份量肯定少，預左，但餛飩同水餃普通過街邊檔，細粒，料少，味精重。油菜得四條，腸粉質感同街邊無分別，分別係得兩條咁大把。粥最好，料足，無乜味精，但唔好預食得飽，好細碗。唔明點解米芝蓮，我不會再幫襯。