影片
以上資料只供參考, 請與餐廳確認詳情
優惠
95折
[太興、靠得住、敏華冰廳] $50 現金券 (即買即用)
$47.5
$50
嚟親荃灣食晏，例牌喺因為睇完早場，平啲嘛！今次就無乜心水食晏想食乜，行經「靠得住」時，見幾旺，而老婆對佢都有信心，又想食吓粥同糉，就試吓呢間必比登推介餐廳。其實個人而言，就唔喺好信呢啲名牌法力，食嘢始終好講個人口味。嚟得早，其實未夠12:00pm，但都坐滿人咁滯。裡面裝修簡約，大部份都喺卡位，最靚位梗喺靠窗嗰排啦，但我哋就只坐晌中間嘅二人枱。枱上放有紙巾、基本調味料，另外，開咗壺菊花杞子茶（$10），真喺幾香，茶味清雅，不過，張枱唔大，擺咗呢堆嘢，再加埋啲食物都喺緊緊夠擺。翻一翻餐牌，選擇確實多，基本嘅有多款粥品、撈麵、湯麵，特別啲嘅有鎮店四寶、精選推介、特色小食。此外，仲有啲精選午市小菜、小菜組合。肉丸魚腩粥 $68靠得住以粥起家，粥品自然靠得住，而老婆鍾意食魚，目標就放晌精選魚湯靚粥系列。的確佢啲粥煲得真喺好夠綿滑，啲米粒開晒花，有米香，加入埋魚湯，感覺就更鮮甜。粥面已放咗兩大條魚腩，魚肉嫩滑富鮮味，下面仲有3粒肉丸，雖然唔知來貨定自家製，但質感鬆化。靠得住鹹肉糉 +$28嗌咗粥，可以以優惠價加配小食，老婆對鹹肉糉情有獨鍾，散點要$34，依家叫做平咗啲。佢哋啲糉喺做得唔錯，紥實，質感好，蛋黃仲有少許漏油，更重要喺肥豬肉唔多，啱晒老婆口味。蠔仔肉鬆泡飯 $65另一主食點咗個泡飯，濕濕哋啱呢啲天氣食，睇外觀份量幾足，啲飯粒分明，最怕啲餐廳明明啲飯煮過籠都照用嚟做泡飯；啲蠔仔飽滿富蠔味，有質素，加埋啲肉碎、冬菇、冬菜，幾豐富，唯可惜，個湯偏鹹，小弟相對都食得鹹吓，都覺得鹹，老婆口味偏淡，佢就接受唔到。因為餐廳都旺，侍應唔太多，招呼算喺咁啦，關於個泡飯好鹹嘅問題，埋單後有反映俾收銀姐姐知，佢話下次早啲同佢講，叫廚房換過碗，仲話送杯豆漿俾我哋拎走飲，我話就唔需要喇，純粹提一提，唔喺貪呢啲，但服務一環肯定加番佢分。
繼續閱讀
當日同朋友打完波見到唔係好多人排就決定試吓～我哋一行三人叫咗個套餐有雞油花雕蒸馬友同鮮甜竹笙椰子雞鍋，另外叫多咗一碟菜芯。🔹 雞油花雕蒸馬友花雕味唔係好出，但雞油味好足夠，用黎撈飯食幾香😆魚都算新鮮，帶乜腥味，味道唔錯👍🏻👍🏻🔹 鮮甜竹笙椰子雞鍋鍋入面預先放好咗湯底同配料，之後店員會再將雞放入去滾，佢會比個漏斗計時，夠鐘就食得啦！湯底都算幾甜，不過就略嫌雞就比較鞋身同冇乜雞味，下次未必會再叫～
繼續閱讀
唔講食物質素，只講服務，高級低級職員態度一樣差，$10點左壺茶，正常都係第一樣serve先，點知食完都未到，叫經理跟進，（都唔敢叫低級職員）點知佢黑口黑面，只係望下你，唔答唔睬你，都唔知係咪我有錯，係咪要跟程序， order張飛未出你就係冇得飲呢？另外上餸員工一夜隊埋嚟就走人，收碗又係，完全唔會理你唔會問聲你，就咁隊手埋嚟就收，最後客人就算有位行左入嚟，會叫你出返去排隊，一啲禮貌都冇，點解重要收加一，一定唔會再幫襯！
繼續閱讀
在5月頭的時候，剛好經開此店食午餐，而且順道在到這店買了一些「鹹肉糭劵」。 數量也不少。當時，覺得未試過呢間的糭劵（端午節送比朋友）便買了一堆劵。（當時覺得食物幾好👍🏻，先決定買咁多張糭劵）直至開始可以換糭的日子到了。朋友和自己開始去換糭，當然去不同的「靠得住」分店去換啦。點知！！！朋友去到先知道，只可以到「買卷」個間店換糭！！😭真係傻 了眼。。。首先，咁大間連鎖餐廳，竟然是「只可以」到買劵個「一間」店取糭？？？？？下？呆左啦。。。。試問，一般大型連鎖食肆，正常都會讓客人到不同分店換取吧。後來，我們先發現原來張劵背面有寫。可是，購買時，店內卻竟「沒有」一個職員提醒過我們。在我們食午餐時，已一直詢問糭劵問題，到食完，再數劵，比錢時，都接觸了不同職員及經理。都「沒有」一個人提醒我們只可正在這店換取。真的令人很氣憤😡最不可以❌接受是，點解客人買咁多糭劵時，（超過30張），店內竟然「沒有」任何職員或經理提醒我們，原來「只能」到此店換糭？？？這是重點。。竟然一句都沒提過！😭😭😭😭😭😭一般來說，都會好似其他食肆（例如：大家樂，美心等，都可以去不同地區換領，都好正常吧）但「靠得住」， 真的令我覺得「靠不住」點解可以咁樣對待客人？為什麼提醒一句都沒有呢？店內經理都沒提過？真的令人失望😞！這樣的服務態度，實在人失去信心。
繼續閱讀
呢間開咗一段時間都未試過，睇見佢又話米芝蓮推介，就走去一試：混醬腸粉～非常普通，同自已落街市買白腸粉蒸口感一樣油條～我個人覺得海皇粥店好過佢白灼牛肉～肉質OK雲吞麵～佢會攞壺湯喺你面前淋落碗麵度，麵唔阿爽口，湯唔夠熱，粒雲吞係我食過最細粒既，同$5銀size差不多，如果呢個係招牌嘢就相當失敗淨豬手～夠淋夠入味整體嚟講唔好抱太大期望，性價比不高，大把同類食店好過佢
繼續閱讀