靠得住粥麵小館 (克街)

營業中

休息中

以下是我引述另一食評之食客評語,覺得十分貼切"入面班人個個都寸過碼頭咕喱，咁既料子就想學人"店大欺客"" "今時今日仲咁寸,等執笠" --- 唯一可取的地方是就腳方便shopping又不用走到上環或Sogo後的"利苑",粥底真是用魚湯煲有鮮味但稍嫌稀,吃過魚腩,豬潤,泥蜢和鯪魚球粥,都不錯。要不是穿得比較好,他們只敢眼定定的看著我(因我老公先來留了一個坐位給我,但我遲到.但入門口時以sa lump),但我之前來的數次都覺得他們對客人的態度十分差. 都會繼續幫襯,因為週圍很難找到稍有水準的"生滾粥".

平時趕返學通常咬個包就算, 但尋日心情麻, 想食啖粥, 唸起呢度的食評好似幾好, 所以來試一試. 可能時間尚早(五點九左右), 我到的時候店內只有四五個客, 係咁意都望望個餐牌, 當然最後都係叫左泥粥. 於等緊的時候四圍望望, 牆上有幾張老細釣魚的戰績, 亦有好多手畫的魚魚+簽名(但睇唔清個名係咩). 碗粥上檯, 滿滿的, 份量都唔細, 粥底綿綿但唔會太杰, 印象分加分. "畢"一"畢", 魚肉的份量唔係好多, 但都唔可以話好少, 始終呢個價錢兼起埋骨, 份量在我來講都可以接受, 而且當中都有唔少大塊的魚肉有得咬下^^ 見到牆上寫了粥底無加"師傅", 但出街食野, "師傅"走不了, 差在多定少, 個人覺得個粥底點都有加左少少"吊"味, 唔係嚴重的話都唔係問題. 本來仲想試佢地的鹹肉同魚皮, 但為免浪費都係留番下次搵多D人一齊分享. 期間見唔少人來拎""(已預訂), 個個都十幾廿隻咁拎走, 搞到我都想試, 而且見佢地有出一種"水晶白蓮蓉水", 唸住外賣一隻, 點知亞姐"今日賣晒喇, 你聽日再來啦" 真係咁好味?? 搞到我心思思添....

因為工作關係, 所以很多時都會出沒灣仔, 亦間中幫襯這間小舖.平日都會食個黎鯭粥同手撕雞粥, 今日食個較冷門的魚片碎牛粥, 同具水準.食粥最怕水汪汪, 一係怕"淡茂茂". 此店無論在粥底或選料都係水準之上. 早上係海皇同樣食左碗粥, 晨早流流D 花生已經唔脆, 反而一間小店呢D 細微野都照顧到.個糉我個人就覺得無乜特別, 15 蚊一隻都算合理, 但無用盲目聽"飲食男女"個份吹捧.值得一提是老闆Peter 哥, 本身鐘意釣魚, 最後興趣變為事業, 傾開計見佢非常投入介紹自已舖頭食品, 開舖頭賺錢固然緊要, 廿蚊碗粥都好有耐性介紹比你, 可見其投入及誠意.利東街因為重建關係, 附近好多舖頭都已關門大吉. 聽老闆講佢地可能會去到年尾. 若果街過利東街, 廿蚊碗粥都值得一試.

叫左個手撕雞粥, d 粥好滑, d雞好有雞味, 同理唔似好好o個d會有好多油, 見到都驚, 呢d好在一d油都冇, d呀姐好nice.

係有次咁落灣仔覓食發現呢間粥店，價錢吾平，勝在用料新鮮，地方幹淨，午市逼爆，好多白領幫襯．主打魚湯底生滾粥，粥底鮮甜，不過懷疑有落少少「師博」，試過豬潤，鱔球，粉腸都吾錯，用料新鮮，鯪魚球一般，其招牌拆肉泥粥吾算出色，少少腥，吾算新鮮，試過一次以後無再點．艇仔粥幾特別，竟然有火鴨絲同海蜇，味道鮮甜．此店不賣腸粉，有炸面（一般），炒面（好味，但好細碟），稯（一般，吾知有咩特別）．無論係粥定炒面，此店食物份量偏細，好怕肥一族，食完分分鍾覺得好似無食過咁．

我聽大家講話呢度既泥鯭粥同鹹肉糉好, 咁岩岩係附近做完野就入去食番brunch. 泥鯭粥個粥底真係好好味, 不過魚肉好少, 好似食個鮮魚湯底粥一樣. 鹹肉糉好多綠豆, 岩哂我口味, 以前細個成日叫婆婆包多d綠豆落隻糉度. 而家冇人識包糉, 唯有黎呢度回味下.可能少人既關係, 老闆服務態度好好, 走既時候仲開門俾我. 有點兒受寵若驚. 呵呵.

第一次吃泥蜢粥，就是來這家"靠得住" 的粥店。我吃得不多，朋友又不介意與我分享，於是我們二人叫了一碗大大的二十元泥蜢粥，再加一隻咸肉糉。綿綿的粥配上鮮味的魚肉，香味撲鼻，令人垂涎三尺！為何普通一碗粥會變得如此不平凡？我看得牆上有這樣的字句：新鮮滾粥以魚湯烹調，不加味精。或許就是這個原因吧。這家粥店，值得再到一次。

原先想同foodking去生記食飯,點知一間唔憂做,兼且老闆眼尾都唔望下你,比盡白眼你睇話無位,我仲以為上黎搵工tim!把幾火轉去附近一間出名食肆!老實講,到今日我都唔知呢間野有乜靠得住,我同foodking伉儷一行三人order三碗粥,鮮牛柏葉粥,拆肉泥’x’粥及艇仔粥原本想要雞粥話賣晒,好奇怪,呢度竟然無滑牛粥,只有碎牛粥,唔通佢地唔識’醃’肉?粥底算是及格,但未至於咁出名,話無’師傅’,但我口乾得要命,我真係有d懷疑, 拆肉泥’x’粥既魚肉少得可憐,有時我諗d人話拆肉,係希望d魚細條都唔覺,畢竟原條魚上,大小立見,不過碗粥真係一d都唔’醒’, 所以我話碗粥有水準,艇仔粥就怪少少,竟然有燒鴨肉,但食唔到平常有既魷魚或者豬皮, 至於炒麵、咸肉粽、炸麵、魚膘併鯪魚球,我就唔知個咸肉粽有乜特別,仲要不能單外賣,怪, 炸麵唔夠脆就一早預左,總之呢餐算係見識過!

粥底夠綿,可惜泥猛魚肉較小,試過食爽鯇魚皮,但比較韌,要咬好久.坐位較小,幾逼.

星期一，本來諗住放工同太座在銅鑼灣買完野，搵下野食。點知突然收到爐兄打黎話食飯，就一齊啦，多個人食多d 款式都好。原本諗住去新搬了的生記飯店，點知上到去話爆晒，仲冇人叫你等下，立即轉移陣地。在附近的，就諗起這裡來。三個人入到去，叫左的粥包括泥粥、牛葉粥同艇仔粥。每個粥都好棉，其中以牛葉粥最出色，用的是黑葉，好有咬口，個粥還帶有點點酒味，頗香。但個艇仔粥就好似唔多料落左，可能係我地三個人share黎食，或者俾d 對手「筆」晒掛。個人比較鍾意原條泥放落去的粥，這裡是拆骨的，我未能原汁原味的食到泥肉，而放的果皮亦略微嫌唔夠多，所以整體覺得個粥一般。另外叫了炒麵、咸肉粽、炸麵、魚膘併鯪魚球。值得講的是魚膘併鯪魚，魚膘脆口，鯪魚球大大粒亦弄得沒有腥味，不失為好選擇。這裡除了寫明五個不準外，包括不準詳談生意及高聲喧嘩外，齋食粽亦不設堂食的，睇黎這裡規矩真唔少。

粥底鮮甜, 但懷疑有無落"師傅"!泥粥只有少許魚肉$20.咸肉粽有很多綠豆, 但SIZE不算很大, $15蚊不過不失.手撕雞粥, 好似手撕雞粥走雞絲咁, 無料到. $20蚊.油條$6, 已經切片.

用料係正, 但沒有什麼了不起. 可以一試.

早幾日去左呢間粥店食,order 左泥meng魚腩粥,炸魚皮,overall只係個粥底好,其他野都吾得,粥太稀,魚皮一d都吾脆!亦吾係抵食.

禮拜六朝早去完勝香園油麥多行下睇下野影下相便黎到灣仔.午餐都諗住食粥, 記得有間叫靠得住有鮮魚湯粥底...咁我去睇下係咪真係靠得住...門口雖然冇排隊但人面舖仔細細都好鬼多人.幸好一個人都有位坐.地方雖小但裝修不錯...還有幾幅老闆釣魚的相.老闆和侍應服務幾好.呢排去粥店食粥都係叫豬肝呢間都唔例外叫了豬肝魚片粥, 咁先有得比較.一碗黎到, size 同利苑差唔多仲有一碗有少少紅辣椒的豉油.材料也是俾足的...大大的豬肝和好多魚片.佢煮法唔同利苑...利苑應該係連埋豬肝落去一齊滾, 所以的粥有少少紅色.靠得住卻沒有...應該灼熟左少少先再滾粥.先講粥底: 第一啖的粥食到好有魚粥味...個人覺得比生記還好...魚湯粥底所然非虛.吃一口豬肝...都幾爽...但冇利苑果的咁爽, 但都新鮮的.魚片都幾滑...不過鮮甜味卻沒有生記的魚腩粥好.加了少少生菜和葱更加好味埋單$30算是頗貴...但以魚湯做粥底都可以一試的.

今日lunch黎呢度，等左陣就有位坐喇。叫左個手撕雞皇粥。粥好鮮甜，有魚湯煲係唔同d個喎，食完都唔覺口乾，慢慢返到公司先飲水，証明無加味精。不過略嫌湯底稀左d...d 雞肉有雞味，唔會俾d粥浸到無哂味，份量都幾多架，大約一半雞胸肉，一半係雞下半部個d肉。樓下個位話太salty，我就唔係好覺，我平時食野都幾清淡架.. 上次我試泥猛粥，份量真係幾少... anyway, 今餐20蚊真係好扺食!