靚靚麵工房 (已結業)

行經呢度...醒起好耐冇幫襯....就入去番尋味先...食左個車仔麵...要米線....揀左三樣送:照燒牛肉...豆卜釀魚肉..& 蘿白= $25牛肉依然好味....食親靚靚車仔麵都一定叫呢樣...至於個豆卜...炸到又硬又乾....麻麻地.....蘿白好入味...而且冇渣...唔錯...弊在自己揀左米線底....煮得唔夠淋...有D硬....如果唔係自己呢幾個月中左米線毒....我一定會揀番油麵呀....整體都ok 既....只係地方開始污糟....地下有垃圾冇人理....快子套又飛下飛下咁.....而且耐唔耐都有一大班人入黎煲煙....令人食慾不振.....門口果D串燒都唔錯架...尤其係叉燒....雖然$8一串貴左D...但係加埋D醬一齊食真係好正架....P.S. 好想叫老板娘搣走哂牆上果D明星相...咸豐年前既事....係都貼亮晶晶呀....欄王果D啦......

記得較早前去彭慶記食飯,忍唔到口,係呢度食左碗麵:油麵配咖喱魷魚同豬大腸($18)麵底要$8,好似貴左d,但味道幾好,不過小弟一時心急,咬損條脷,成口血,好彩有d冰比我含住,但都好痛~~~~~~~!

去左新文話中心呢間, D 沙爹同酸菜汁好辣(有麻辣米線中辣程度) , 豬肚絲好橙, 雞翼好老同好淡. 總計, 味道一般, 但唔知好多油定好膩定點, 一碗三送麵係會響食唔飽o既情況底下食唔晒.... 價錢略貴, 麵底八蚊, 每樣送五蚊. D 位好多時會俾人撞背脊.p.s. Sorry! 好味同$10蝦餅係響金巴利道漆咸圍交界個間.

話明o拿渣麵, 梗係o拿渣d ga喇. 豬紅豬皮好食! 炸蝦餅$10 only 抵! 服務呢家野?! 算吧啦,　食碗麵姐! 我撐佢嫁! 總括黎講抵食, 食得過.

跟一般車仔面差不多....粒魚蛋都係不夠正...不夠彈..魚味不夠...清潔都算可以啦...湯底都過得去....

今日同男友0係度食tea,都几餓,佢叫2送車仔麵,我就要雲南酸辣米線.我睇佢有d poster明明寫2送13蚊,跟飲品就19蚊,凍飲再加2蚊.咁我tea time是旦食,叫個2送13蚊啦,菜要五香牛展同泰式魚餅.點知阿姐落完單,就寫19蚊,我提佢我唔跟飲品,應該13蚊,佢話係19蚊,冇錯.我指住張poster話明明呢度寫2送13喎,佢就搵0左另外一個阿姐黎.阿姐黎到,話堂食入面張poster,係俾外面買外賣0既人睇....人定睇到啦....佢話13蚊係外賣價,堂食係咪都19蚊,但佢張poster一隻字都冇寫過囉!!!之後碗野就送上,咁我男友就轉埋凍飲,碗野最後13蚊變了多杯凍飲0既21蚊.....味道方面,ok囉,都几辣,份量適中,d泰式魚餅几好食,牛展就普通d.不過跟0左几條菜囉.車仔麵方面,男友係叫牛腩同牛肺,跟麻辣醬,牛腩好肥..好多油,d牛肺就ok,不過碗野好辣都好多油.

自己一個人食飯, 唔想唸就入去食。見到10蚊一個粉, 5蚊一個"送", 心裡面就真係得一個字--"貴"!!心唸2個"送" 咪20蚊, 我樓下20蚊都有4"送" + 飲品啦!所以叫了菜遠牛肉飯, 好奇怪佢用個外賣盒上比我!! 我係堂食好似好異相咁!! 仲要係唔好食! 無下次! 仲有佢d相, 好似迫d明星幫佢影咁..除左任達華, 其他都笑得好假,好心啦!

可能有人會覺得我話間車仔麵檔唔衛生係吹毛求疵,但....我琴日行過買0野食時,見到咁唔衛生,真係忍唔住都要講我買煎釀3寶,5蚊5件,但買時先見到個阿叔係用手執緊d豆腐磚,一舊一舊咁砌緊....我另外買鴨腎一串,都係5蚊,但原來鴨腎隔離係d有冰0既唔知咩大腸,但個女人都可以求其咁將我串鴨腎放0係熱水入面一過就拎上黎,我食時係凍的...只有面層汁係暖的...咁..係好易交叉感染細菌的...而且佢d雪水漏到成個糟都係,佢有個桶放0係地下盛住囉..但...唉...另外,d食客多數走去附近企0係度食,我見到新文華個地下好多一點點汁...又紅又黃...唉,不過呢d都唔到靚靚車仔麵理咁多...應該係個商場處理0既,但我見到咁污糟,自己覺得唔衛生囉...

平時多數食佢d車仔麵,但有時就咁行過,就會0係出面買小吃佢d鴨腎平過隔離檔架,但其他野多數貴少少或差唔多價錢,質素都差唔多.但佢d串燒几貴,食過一條,我冇問几錢一支,點知佢收我十几蚊...唔洗2啖就食哂...味道一般,味精一堆

番學成日黎呢度食車仔麵,不過食晏時間好多人,d 位又少,外賣好過.<br />通常我都係食車仔麵,唔會食佢d 小吃,因為佢碗麵都好大碗下.我最鐘意叫2送河,佢d 送選擇几多,但都係普通料囉,又唔係佢貼到成間舖咁多明星相,俾人好好食0既感覺咁好食.....食物叫不過不失啦,但河粉加牛腩或咖啡類食品時,碗野會變得好油,小心小心!

曾經很出名的一間車仔麵店, 店內貼滿一些明星來光顧的照片, 但細看之下便發現相片是很舊的, 這些都不說了, 食物才重要嘛, 吃過以後, 只可說句普普通通, 任何一間麵店也能做出的水準而已, 最可惜的是這裡的燒買只是麵粉燒買, 7-11的也比這裡好, 還有這裡有很多烏蠅啊!