靚靚麵工房 (已結業)

直通車從廣州點來已是晚上近十時不明白何解尖東的食肆好像越來越少惶論像樣的了橫豎如此吃個快的車仔麵好了叫來兩碗有豬紅柏葉魚蛋雞翼和小棠菜魚蛋有咖喱色而沒有咖喱味而且還是粉的後來試隔離舖的好很多黑麻麻的湯底嘗到的除了超強的味精味外就沒有其他味了可能是師傅太多其他配料好像都沒有味似的連豉油雞翼都是淡淡的配料的選擇很多不過點題的卻欠奉尢記得當年這裡當紅的時候不是如此的也許就像牆上這些開始褪色的”明星”照片一樣過氣了

17.11.07一早不知吃什麼好, 剛見到熱騰騰的炒麵, 正! 要了一個加凍奶茶, oh so good! 炒麵加了銀芽, 滿滿的舖在麵上. 麵夠乾身, 不油不膩, 唔錯唔錯!

平日一向光顧柯士甸路那間靚靚的，不過今天順路，所以來這裡一試，發現車仔麵配料選擇跟平日那間的不一樣，味道也不一樣- 應該說，是有所不及。要了:口水雞翼、咖哩魷魚、咖哩魚蛋、米粉、沙爹醬($26) -雞翼酸酸的，夠凍，頗醒胃魚蛋太大粒，不夠彈牙又不夠入味沙爹醬遠不及另一間惹味！失望！蘿蔔、豬皮、酸甜齋、米粉、清湯($25) - 蘿蔔好淋好入味豬皮味道都okay下次還是去柯士甸路那間吧。

新文華中心地下有兩間擺了外檔的茶餐廳，食物琳瑯滿目，但較多人簇擠的，要算是靚靚，可能因為多款式，而且每點一樣也是即刻為你翻炸，而且夠大件，賣相也取回不少分數。昨晚路過口痕痕，要了一串雞軟骨、司華力腸和煎釀百寶的紅腸、青椒和豆腐，味道ok，雞軟骨最好，有口感之餘還會洒上淮鹽，$7 串都有成10 粒，好抵。只是翻炸的煎釀百寶始終不及即炸起時來得惹味，但整體上也算不錯。

Lunch行過見呢間貼晒明星相, 加上心癢癢想食下車仔麵, 就打算試下, 閒日人山人海! 終於搵到個位坐低...叫左個2餸麵, 雪菜肉絲+牛腩+河粉+腩汁, 車仔麵黎講都算貴, 牛腩要另加1蚊, 豬扒個d就$10蚊...黎到又好足料, 大大碗。雪菜勁多, 肉絲就少左d, 不過幾好味, 唔係雪藏野! 牛腩份量適中, 入味又唔會太腍, 加上河粉索晒雪菜加腩汁的精華, 好味到呢! 大大碗都食得晒!overall, d阿姐好爽手, 好快有得食, 食物又唔錯, 但係見到個阿姐用手執起地下既食物渣滓, 掉落垃圾筒...但冇洗手就拎麵比客人....p.s. 多人時盡量唔好著白色衫, 小心d汁彈到件衫

靚靚的車仔麵出名,不過我未食過,反而我鍾意食佢地d茶葉蛋,d蛋入晒味,唔會鞋,我食過有d茶葉蛋雖然都入味,不過就好鞋,我好鍾意食茶葉蛋,如果我行過一些地方有得賣的,我都會買來食,而靚靚的是我認為食過最好食的,大家去靚靚食車仔麵的同時,有興趣不防試下佢d茶葉蛋

以前睇過好多書，都話呢間野好味，於是就專登黎試。上次同男朋友去食，叫左2碗，d鮑魚菇好難食，係橙色仲好大陣"up"味。而豬腸就"銀"到死，咬唔開，其他都無咩特別，而且味道common。仲有〝佢d金牌叉燒，離晒譜，根本就係d隔夜用微波爐叮既，又乾又黑，仲收到甘貴。最大問題係又貴又唔好食，唉，失望~我建議如果有心食車仔麵的，不如去女人街的興隆或青衣的華記，呢2間好食好多。我覺得靚靚只不過係tst無咩甘既食肆，加上果區多名星出入，仲有d錄音室係果到，或者老細識名人都唔定，否則甘既quality，無可能會有甘多人食。

久聞尖東靚姐大名,乘有場電影在科學館,終比到個理由"一親香澤",不是大富豪的紅牌阿姑,而是"靚靚車仔麵".下午飯時間已過,仍然人山人海,搭檯是必然.四圍貼上眾明星相,又一份"明星效應".從來不相信這些現像,他們的口味,難道是絕對的嗎?配料甚多選擇,例牌要個油麵底,再加些蘿蔔,大腸,豬紅,豆卜同菜甫蛋五味.醬料要沙爹醬.份量也不少,面頭的沙爹醬香而不辣,很重的XO醬味,說不定是加上XO醬在內.不嗜辣者,一樣會喜歡.蘿蔔不夠爽甜,大腸幾肥美,亦保留著獨有的"香味".面頭的菜甫蛋亦不錯.奉送一杯豆香極濃的豆漿,$31說平也不平,貴又沒有老銅新記的貴.當你想一想,昔日同一屋簷下的大富豪,每一晚燒銀紙般消費,區區三草野一碗車仔麵,算得上什麼?所以,火舞不再風雲,靚靚車仔麵仍然生意興隆.

唔明點解"""以前"""咁多明星去,,,車你麵黎講唔算平,味道一般,,,唔太值得去

同友人去食車仔麵，見到四餸就可以送飲品，所以叫了草菇卷、芽菜、手撕雞、蟹柳粗麵麻辣湯底加豆漿。湯底是有一股辣的味道，但吃下去就不會有此感覺，麵和蟹柳都是一般。草菇卷幾香口，汁都好好食，另外手撕雞就比較硬。總括來說它份量不少，但是價格便宜一點會更吸引。豆漿都不俗，少甜。

晏晝食靚靚車仔麵, 德興街新店, 好大間, 比起柯士甸路果間大N 倍. D 位都坐得好舒服, 附近有冷氣滴水, 要改善啦. 四餸麵揀左韮菜餃, 牛柏葉, 豬大腸同墨丸, 揀左粗麵. 份量十足, 韮菜餃皮煙靮, 牛柏葉很爽口, 豬大腸夠入味, 又冇異味, 至於墨丸就好彈牙.

好耐無post 食評，但今次真係忍無可忍!因o係呢頭番工，所以平時間唔中都會幫櫬，但並唔係因為佢地特別好味，只係唔想成日重覆食同一間食店，所以就週圍幫襯下。。。呢度都幾多客，由其係朝早外賣早餐同午市，可能d 阿姐做到踢晒腳，有時都幾亂，不過忙中有錯，我都會睇諒。但有位阿姐(唔係著制服的那位)，變臉變得好快，雖然向個個客都叫靚仔靚女(講真..真係頂唔順)，講"靚仔靚女埋黎坐啦~~~"時好好聲氣，但當你落單時就悔悔氣氣，最近有次買早餐，一個跟一個排隊，我已order 了，企o係度等緊時，呢位變臉阿姐背住我問小姐食乜野，由於我已叫晒野，佢又背住我，唔知佢同邊個講。。。所以我無應佢，照理就應該係下一位應佢，但呢位變臉阿姐竟然擰番轉頭拍晒手大聲喝我:"食咩講啦!" (爭在未dum地吧?!) 隔黎位制服阿姐幫我答佢話我已叫左....我唔想同佢嘈，轉身就走了我見識少，真係未見過人咁做生意。。就算係普通待人接物，都唔應該態度咁惡劣吧?!就算你賣既食物幾咁好食，咁既態度我都唔會再幫襯。。何況唔係特別好食，客人為咩要受你氣?

The taste of the noodle is ok but a lot of MSG is added, the soup is too sweet... Very thirtsty after eating it.

返左咁耐五日工，都終於有今日。首次返星期六，老婆來尖東接我，見到咁多明星相，咪來試下囉。1. 河粉- 豬紅，鳳爪- 沙嗲汁(老婆吃)2. 幼麵- 豆卜，豬皮，蘿白，牛肚- 麻辣汁(送豆漿) (老公吃)3. 酸齋一碟(老婆主力吃)河粉不俗，鳳爪都ok啦，但豬紅就完全失望，有陣怪味，沙嗲汁ok幼麵幾好份量好多，豆卜，豬皮，牛肚都係普通，蘿白都幾好，麻辣汁好味酸齋我覺得太酸，老婆話一般，但好耐冇食所以都好味啦。呢間車仔麵都ok啦，不過就唔值得咁多明星來賣廣告。

叫左bowl 牛肚雞翼米線外賣, 一打開個蓋, 見佢湯底咁深色以為好正的腩汁啦, 點知@_@我拎包公仔面的湯料倒落去仲有味過佢米線............無味牛肚............無味雞翼............ 無魯水味整體黎講, 佢即係滾水煮米線= 19大元我整返比佢食收返佢十元又點話