青衣美食城 (已結業)

小弟上星期行過青衣城, 由於商場內好多食店都試過, 結果無聊行佐去長發邨搵嘢食, 發現長發商場對開的主要行人通道有好幾檔熟食, 而且食店招牌好吸引, 而且有好多唔同類型o既嘢食, 由於自己同屋企o既細佬妹未用午膳, 結果就買佐好多小食返去同佢地分享!- 小籠包&鍋貼: 師傅同我講, 佢話係親手制作, 買完之後, 就忍唔住各食一隻, 覺得鍋貼幾香口, 而小籠包真係讚讚讚~~~ 不會太油膩, 裡面o既肉大大舊又好味, 12蚊一籠4隻, 幾抵喎師傅! 結果我買佐兩籠!- 糯米飯:大大碗, 臘腸,臘肉,冬菇,花生足料, 我一向D怕油膩o既食物, 但呢個唔會喎! 食佐冇頂住個胃, 而且都幾好食, 豉油唔太咸, o岩o岩好- 饅魚蛋飯:由於我細佬鍾意食饅魚, 所以係為佢而買, 佢話食落都不錯, 佢覺得饅魚都新鮮, 蛋加洋葱食落都好味, 但佢較喜歡饅魚不切粒, 純粹個人喜好啦! 二十幾蚊一個鏝魚蛋飯, 抵食!- 楊枝金露:甜品, 我細妹o岩呀! 睇落美食城都幾肯揼本喎! 芒果好多, 材料係好足喎! 細妹亦讚味道不錯, 甜味o岩o岩好! $14 不太貴! 總括: 食物好味又抵食, 服務不錯, 衞生

廿四小時營業, 而且中西美日各式美俱備, 位置巴士總站側, 佔盡地利, 擺明曰打茶餐廳OK七仔, 夜趕流動小販. 坐尾車回家, 特意提早一站下車, 來一碗清湯腩麵. 眼看師夫拿起一件毫無油光的瘦肉上砧板, 我連忙喊了一句"可否給我肥一點的", 師父點頭示意, 隨即拖出一件三間的靚仔坑腩. 湯底並不出色, 但勝在夠清和味之素成份低, 還可入口. 牛腩軟腍入味, 算上好, 位置靚, 筋肉油脂相間, 十八蚊來說算對過得去. 未知其他食檔如何, 且來日慢慢開發.