青草地 (已結業)

尋日(4-8-2007 Sat)一行12人o黎行山影日落,就係3:15pm下午茶時間到(土步),有啲朋友未食o野,於是就近地o係o度買啲o野食,女性朋友C亦湊熱鬧話同我share一個$10.00 o既豬扖包,我都忍唔住試吓於是答應.我o地要求老闆娘cut為兩份,於是佢用較剪剪開,我一啖咬落去,覺得鹹o左啲,內裡冇其他醬料,就係咁,試o左半個普通偏鹹o既豬扖包.

同女朋友去坪洲呢間系第一站食店老細好Nice行埋去就推介黑豆漿我仲order左豬扒包好食good

今天風和日麗,和女友plan好先去坪州，再去大澳～～到左坪州後，好口渴，見到這間鋪頭，買左杯生薑黑豆漿，生薑味佔左６０％，豆漿味佔左４０％，overall都ok~~~~~~值得一推，大家不防try~~~try~~~~~

星期五，人入到坪州，一點幾只吃過把鬼老麥，肚子當然已開始打鼓。在惠康買了點東西，一轉出來，聞到香味，原來在這裡傳出來。駐足看看，店員說豬扒包好正，就掏十塊錢買個來吃。店員立即打包叮熱，吃起來當然比凍冰冰好。豬扒味道不錯，肉質鬆化，又醃得入味，加上熱熱的芝麻包，味道真的不錯，當然加上肚餓啦！男店員唔該前，多謝後的，非常好禮貌，值得一讚。之後亦吃到朋友買的豬扒多士，味道比豬扒包更好及更香口，也是不容錯過的。

我返工食早餐幫襯過幾次...d 野食唔得呀... 凍冰冰... 一次係咁就話o者.....試過幾次都係咁....唔敢再幫襯...味道又唔係咁好...返而以前有間擺街邊仲好食呀...可以而家已經無左

入到坪州, 等船再去下一站, 反正仲有時間, 就響碼頭附近既呢間食店歇歇. 唔係好肚餓, 只係叫左生薑黑豆漿同番薯. 豆漿薑味夠濃, 但飲唔到豆味, 亦都稀左d. 番薯係烚既, 話係本地貨, 顏色好靚, 食落都幾清甜, 細細個好岩做小食. 呢間餐廳主要供應港或小食同粉麵, 價錢唔算貴, 又可以坐響室外吹下風, 黎食個tea 都唔錯既.

去完神樂院出o黎，就去呢度食！~正在門外看餐牌之際，店外counter一個樣子頗"英"的男孩已用熟練的口吻向我們說："有粉有飯ga o下~~埋便坐o丫~!!"店內地方不太大，設有不同大小的啡色木檯木櫈，另於店外設有樹下的坐位！二人要了：1) 葡國雞飯--- 頗大碟！2) 雪菜肉絲米線--- 大碗，肉絲是爆香過才放上面的，但有點硬，雪菜亦很多！3) 豉油雞翼--- 有四隻，OK!!4) 甘荀竹庶水--- 有凍熱選擇，要了凍的，很大杯！

上次同唔到Openrice的食家去坪洲吃喝玩樂，昨天就同太座入去補番數。假日到這些細細的小島，暫時拋離人煙，觀看下當地小朋友玩耍，睇下海景散散步，確實是一個好好的享受。臨走前，路過此間小食店，兩口子坐低後由親切的老板就介紹左杯熱生薑芝麻黑豆漿，還有炸春卷、炸多春魚及甜蕃薯。杯豆漿好濃薑味，豆漿亦磨得夠滑，可惜未能帶出芝麻味；在這個秋高天氣飲番杯熱飲，就特別舒服。但炸小食就不見突出可口了，只覺炸得太多而失去原有味道。而甜蕃薯甜味都可以，但卻唔夠腍，硬了一點。食完後，又係坐船返回擠迫都市的時候。

我地呢D 所謂城市人...放假去離島...去到見到乜都要試...見到乜都想食......慌死食漏左唔叫去過果個島......一出坪洲碼頭....見到呢間青草地....望埋去咪普普通通一間茶餐廳咁....但見佢貼哂D報紙雜誌出黎...以為有咩出名啦...點知...原來係無記N年前拍過一套宣小姐主演既盲女戲既景點....報紙雜誌就話D藝員常來幫襯.....唔係掛....人地拍劇時黎醫肚咋喎...咁都叫常客?????朋友話難得黎到....一定要試喎....咁又係...眼見方圓十里都冇類似茶記...唔食呢間....唔通去惠康買麵飽咩(唔好講笑...幾年前第一次黎坪洲...我地真係去左惠康買麵飽火腿芝士匿係個公園仔度整三文治...仲要玩忌廉溝鮮奶...唉...果時年紀細...大家唔好見怪)...由於黎之前己係翠華醫過肚...所以只係飲左一杯生薑黑豆漿....希望唔大...所以都冇咩失望....只係坐係度...四周圍都好寧靜... 島民們都好遊閒....攪到我都好想訓......

入秋去廿幾度天氣坐露天好舒服生薑黑豆漿唔錯我鍾意佢唔係好甜不過唔鍾意薑味就唔好試喇食物講真一般$28既lunch 唔好期望太多招呼好好好殷勤

經朋友介紹來這裡吃,黑豆漿就淡了一點,鼓油雞翼幾好味,魚蛋一般啦!沒有太大的經喜, 也沒有太大的失望,這樣大概也是好的.

呢度只係間平平無奇的食店，sell的是天然材料無添加，有壽司卷、漢堡飽等供應。曬到頭都暈，叫了蜂蜜鮮檸花旗參，12蚊唔係平，勝在真材實料，潤一潤先。