影片
更多
2017-01-16
556 瀏覽
週六午餐本來想去附近食開嘅餐廳，但去到門口先見到佢地當日休息冇開，於是先會黎左佢地對面嘅呢間日本料理。新開冇幾耐，但見到位置都幾多，幾闊落，而且都有唔少客人，感覺都穩穩陣陣，而且睇左門口嘅餐牌都覺得唔貴，決定一試。枱與枱間唔會好逼。週六都有午市定食，有魚生飯、壽司定食、烏冬、拉麵、鐵板飯、定食等，超過二十款。理論上，午市都有咁多款式係好事，但如果係新餐廳，未上手的話，其實有時專注做好幾款都夠，否則就好似呢度咁，兩頭唔到岸。坐低之後，好快有店員送上茶，一飲，嗯，唔錯喎，有少少甜甜地，我估係蜂蜜茶。不過，見右邊客人催單，前菜都未有就上左主菜，聽到侍應話整緊，要等。我地見狀，都快快落單，費事要等太耐。餐牌上係冇寫明的，所以唔知道係咪固定會有，但當日見隔離枱就有：麵豉湯、沙律、蒸蛋、飲品心諗，價錢咁平有齊咁多野，如果好食，就正啦。但如果你冇以上嘅野，收我幾十蚊個餐，其實我都冇異議。麵豉湯的確係比主菜遲上，都係啲滾水沖嘅湯，難度喺邊度？生薑牛肉飯 $48主菜反而比想像中快到，不過一見到男朋友個定食，賣相真係一般般，但味道先係最重要。牛肉份量唔多，食落冇牛味，仲似豚肉吉野家嘅牛肉都好食過佢。一般黎
新開冇幾耐，但見到位置都幾多，幾闊落，而且都有唔少客人，感覺都穩穩陣陣，而且睇左門口嘅餐牌都覺得唔貴，決定一試。
枱與枱間唔會好逼。
週六都有午市定食，有魚生飯、壽司定食、烏冬、拉麵、鐵板飯、定食等，超過二十款。理論上，午市都有咁多款式係好事，但如果係新餐廳，未上手的話，其實有時專注做好幾款都夠，否則就好似呢度咁，兩頭唔到岸。
坐低之後，好快有店員送上茶，一飲，嗯，唔錯喎，有少少甜甜地，我估係蜂蜜茶。不過，見右邊客人催單，前菜都未有就上左主菜，聽到侍應話整緊，要等。我地見狀，都快快落單，費事要等太耐。
餐牌上係冇寫明的，所以唔知道係咪固定會有，但當日見隔離枱就有：麵豉湯、沙律、蒸蛋、飲品心諗，價錢咁平有齊咁多野，如果好食，就正啦。但如果你冇以上嘅野，收我幾十蚊個餐，其實我都冇異議。
麵豉湯的確係比主菜遲上，都係啲滾水沖嘅湯，難度喺邊度？
生薑牛肉飯 $48主菜反而比想像中快到，不過一見到男朋友個定食，賣相真係一般般，但味道先係最重要。
牛肉份量唔多，食落冇牛味，仲似豚肉吉野家嘅牛肉都好食過佢。一般黎講，生薑燒嘅洋蔥，都會煮到熟透，味道帶甜；呢個定食嘅洋蔥並冇煮熟，帶辣，同食開嘅生薑燒味道有出入。
生薑燒整體味道偏淡，亦都冇一般生薑燒嘅醬汁。碗飯仲食到有殼粒。
什錦粒粒魚生丼 $48其實見過男朋友嘅生薑燒，我都唔會對我份魚生飯有特別期望。
魚生份量好少，僅僅對得住48蚊嘅價錢。蟹籽份量足夠，魚生睇落色澤都鮮豔，冇灰灰黑黑，可惜食落冇味。
蒸蛋係全餐飯覺得最好食，蒸得夠滑。
最搞笑係飲品，店員話送凍/熱蜂蜜綠茶，我地點左兩杯凍嘅。首先呢杯飲品根本就係上面果杯茶，味道一樣。最重要係，我叫兩杯凍，居然黎左一杯得4粒冰，同一杯直接冇冰、暖嘅飲品。
拿，即是咁，如果定食唔跟飲品，真係冇問題，但如果你俾得人，都應該俾番最低限度嘅誠意。
期間不停有客人催單，到埋單一刻我地都冇食到所謂沙律。可能呢個都係餐廳唔將呢啲項目印喺menu嘅原因啦，menu冇咪唔需要同客人解釋。
整體黎講，我就對呢餐飯好唔滿意，除左價錢得個平字，基本上毫無賣點可言。食物、服務、管理，一個字：亂。
如果唔係附近間日本野唔開，我絕對唔會入左黎食。人地又係做午市套餐，價錢都係貴十幾廿蚊，無論食物質素同服務都完勝。
唔知有冇人食過同我一樣感覺啦，單靠平字要取勝好難，附近有咁多選擇，仲有連管理都好有問題，不過呢part同食物無關，我會打喺題外話。
題外話/補充資料：
1. 關於侍應：
-在場有超過3個侍應，個個都好似好忙，chit chat咁轉；但一路把口係冇停過，侍應A又話侍應B落錯單，侍應B又話唔關佢事，大家推黎推去。
基本上我成餐飯就係聽到佢地爭論不休，仲講埋粗口，好影響客人用餐感受。
-明明有好多機會去沖飲品，結果掛住發脾氣同推卸責任
-後面有客人催單，女侍應又話唔關佢事，問個客係咪男人落單，話果個係老闆黎，唔關自己事。
2. 關於老板：
-老板面對侍應嘅爭論，不單止冇作出調解，任由幾個女仔吱吱喳喳。
-有枱客人催單，問老闆係咪漏單，老闆冇第一時間處理，或者安撫客人，check check單或者廚房，反而表現得愛理不理，仲話唔關佢事，唔係佢落單。
(以上食評乃用戶個人意見 , 並不代表OpenRice之觀點。)
張貼
