影片
午飯時間帶住細路, 要坐得好食得好, 仲要價錢平, 真係唔容易, 呢間日本餐廳坐落幾舒服, 餐牌內的價錢幾大眾化, 午餐$44送蜂蜜綠茶, 著校服的仲可以減 $10, 難怪每次經過都被學生佔據全店 ，今天星期六無學生終於可以試下， 點咗萬里香雞肉炒烏冬, 自家制豬軟骨飯及燒豬頸肉飯, 個烏冬好味到亞仔食唔停口, 香草味及醬汁夾得好好, 食完仲想添食; 豬軟骨夠冧, 厚身有口感, 味濃濃配白飯剛剛好; 燒豬頸肉飯, 似係泰式, 原來餐牌寫係泰日式制作, 香口大大碟, 唔理得佢泰式定日式, 總之好味就可以. 本來好地地享受緊, 亞仔無喇喇扭眼瞓, 坐唔定又唔肯走, 終於老闆送來了閃光棒, 哈哈哈 ! 食午飯竟然有玩具送, 多謝老闆的細心, 亞仔最終乖乖地坐定定, 比我哋可以好好咁食餐晏. 有人情味的小店真好. 下次必然再幫襯.
繼續閱讀
朋友介紹食火鍋放題, 假日 $138 任飲任食, 仲有日式熟食任叫, 雖然在屯門區有點小遠, 但咁平真係要試下, 還好附近的公眾停車場都幾大, 算係就腳, 店內都幾寛敞, 枱與枱之間的空間好足夠, 沒有一般食店的擠迫.火鍋係三式湯, 鴛鴦鍋見得多, 三格鍋都係頭一次見幾特別, 當中以豬骨湯最好味, 我無試過地獄湯, 但朋友說不太辣, 店內有辣椒供食客自行加辣的, 湯底不另收費的, 食物是大堆頭式的送上, 遞送速度幾快, 不美觀但尚算尚新鮮.店長推介水餃, 說是自家店出品, 水餃內的應該是韮菜豬肉及香草, 韮菜香味濃郁, 皮簿整體口感幾好 ! 另外, 泡菜豚肉炒年糕及芝麻雞翼也是必食的, 沾有泡菜肉汁的年糕原來可以咁好食, 芝麻雞翼係炸香脆的, 一晚重覆 order 最多的應該係這款雞翼, 所有熟食都是即叫即做, 上枱時都是熱辣辣的. 整體感覺好食抵食, 可以再去.
繼續閱讀
以前食過質素普通，吾值咁高格，早排見佢出火鍋走去試下，同以前好大分別啲湯有3種，辣味個人覺得普通，醬油同豬骨幾好，食肉一定用豬骨湯，菜類吾算多，不過幾新鮮，服務員幾有人情味，個炒飯就真係不得了，好食到呢，食左4次，叫夠4次，不過份量就多左啲，肉雖然吾係好頂嗰啲，不過呢個價錢就差吾多啦啲炸物吾算等太耐，不過炸粉厚左啲，但串燒吾同，串燒類吾多，不過幾好食，雞腎就難咬左少少，但個雞皮同雞軟骨就吾錯，飲品吾算少，啲醬自己攞，有蛋黃醬都正常，但估吾到有埋芝麻醬炒飯同串燒真係每次去都必叫
繼續閱讀
難食到要開ac寫食評叫左晚市壽司定食（$108，魷魚、三文魚、北寄貝、熟蝦、蟹柳小卷各兩件），佢話包沙律、前菜、味噌湯、飲品，我第一次問話晚市唔包，然後補返個味噌湯，裡面豆腐是凍的，沙律是西生菜（完。），佢話沙律同湯就係前菜，但佢分開寫，可能我理解能力比較差。玉子燒（$20）凍嘅，面頭燒左一下胡麻豆腐沙律（$48）西生菜、豆腐、蟹子，係咁多七味粉燒豬頸肉（$58）仲有：地下滑到hihi（利申：著緊水鞋）落單時得兩台人，佢要我自寫單（不過我ok的）檸水得一片檸檬兩位侍應都係唔想做咁樣同場前後五台人、只有一台冇投訴
繼續閱讀
於2018年6月25日拍攝(我上一個post張相消失左，重po)你會見到同我上一個post 既圖1圖2相差幾遠今次碗丼飯入面得三文魚魚粒，蛋粒，同油甘魚魚粒3粒，冇錯係得三粒姐我拎到碗飯嗰刻真係爆粗啲魚生一啲都鋪唔滿，蓋唔住成碗飯啲三文魚子呢？呑拿魚魚粒呢？八爪魚粒呢？全部去晒邊？消失晒！唔好話碗飯成$48 , 根本$20都唔值B5 係叫雜錦碎魚生飯，而唔係三文魚碎魚生飯， 你個雜錦去咗邊？？而且我今次去食係冇前菜，餐牌上面係寫到明包前菜而且餐牌雜錦碎魚生飯張相，同我今日食到個飯嗰張相， 相差幾遠。。。根本就違反商品說明條例
繼續閱讀