青年大邦

營業中

休息中

本來我都唔太care服務，但係今次真係太多甩漏，原來真係會好影響用餐體驗…今次已經係平日嘅非繁忙時段去食，但係d侍應成日都唔見人…食物嘅話，年糕好食，rose偏甜，份量偏少尤其係追加嘅toppings真係有d貴又細份仲要已經凍咗…講服務嘅話本身侍應有重複單並確認係啱，點知黎錯野飲，諗住反正一樣價錢就算，費事要再整過就無特別講…叫蝦球但係黎錯兩條瘦弱嘅炸蝦，今次就有同佢講返，佢就拎走返兩條「天婦羅」蝦話再上。到最後埋單好彩有check單，原來飲品係黎錯（都係$58），但係佢竟然無取消到嗰兩條蝦：0）（嗰兩條蝦貴過蝦球）所以又要同另一個侍應講返…好麻煩本身問題唔大但係太多小甩漏，搞到體現變差…所以結論就係根據食物質素價錢同服務等因素，無咩特別應該唔會再光顧

係韓國好出名既青年大邦終於係香港開分店喇!!知道之後就即刻約埋朋友一齊去食丫 最想就係試佢好出名既35cm超長年糕, 年糕控表示好興奮呢!!!餐廳環境都幾大架, 地方都闊落, 唔算坐得迫~~最正係一路食一路聽住K POP, 感覺好似身處韓國咁丫餐廳有超多韓式食品~ 選擇好豐富, 全部都好吸引丫!!炸雞媽媽大邦太卷 $98超大粒既韓式手卷飯呀!!!飯卷入面包住好多餡料, 有炸雞柳, 蛋絲, 紅蘿蔔, 牛蒡, 醃黃瓜等等.....堅係配料仲多過飯呢而每款配料都層次分明, 口感豐富~沾埋蜂蜜芥末醬食味道更突出煙燻牛五花年糕鍋 $278終於到我超期待既年糕鍋喇!!! 有6款獨特醬汁作湯底, 而我就揀左韓式炸醬味~~大鍋入面有牛五花肉, 炸餃子, 鵪鶉蛋, 魚糕, 白椰菜, 大蔥, 拉麵 & 年糕~~~35cm超長年糕真係好長呀!!! 可以成條食或剪開細細條~年糕超級煙韌彈牙, 真係有別於平時食開既韓式年糕, 果然有驚喜呀!!!牛五花肉煙燻得恰到好處, 肉質柔軟,味道濃郁~配埋韓式炸醬湯底味道好夾, 湯底好濃郁但又唔會過咸而拉麵更索晒湯汁精華紫菜粉絲卷 +$48紫菜包住粉絲炸到金黃, 外脆內軟~

最近在網上得知沙田新城市廣場新開左韓國人氣辣炒年糕餐廳青年大邦 Young Dabang，依度除咗主打嘅招牌35cm超長年糕，亦有特別嘅韓式飯卷、炸雞、韓式釜飯同一系列獨家飲品等等，就入去品嚐下韓式食品先。餐廳設計簡約，地方都幾闊落，環境舒適，整體氛圍相當現代化。牛骨湯飯      $158大大件牛骨，牛肉帶點嚼口，肉質是半筋肉，牛味香濃及軟嫩，湯底味道清甜，加入蒜蓉同香蔥作調味提升層次感，可與韓式粉絲及白飯拌勻一齊食，與湯完全配合，值得推薦。燒石斑魚釜飯      $128依度都有釜飯，好特別！醬汁香濃，石斑魚肉軟嫩，油脂豐富，帶出燒烤香氣，加入辣醬、涼菜、醬汁、高湯等材料，拌勻一齊食，或者用紫菜包住米飯，微辣帶少少鹹，充滿韓式風味！天婦羅蝦         $78天婦羅蝦薄薄粉漿，炸至金黃嘅吉列蝦，外脆內軟，蝦味香濃，肉質爽嫩彈牙，沾上芥辣蛋黃醬，別有一番滋味。Coke Zero               $38天氣炎熱，點咗罐可樂，冰冰涼涼，即時解渴。玫瑰茉莉花茶             $28茉莉花與玫瑰味道突出，茶味清香脱俗，滋潤養生。

這間是在韓國超有人氣的年糕鍋終於在香港插旗，主打超長年糕，又邪惡又吸睛😛😛💠炸雞芝士瀑布年糕鍋 $258必點這個年糕鍋！醬汁有幾款可以選，當然加錢了我的最愛玫瑰醬做湯底，味道層次豐富，奶香順滑帶少少辣😍😍不太重口味但好開胃🤤重點是超長的年糕，長達35cm🤩🤩口感上，年糕超煙韌、拉絲芝士香濃，炸雞同餃子脆口，配嫩滑鵪鶉蛋，啖啖都好有驚喜🥹整體不會太辣，奶味中和了辣勁.💠 血腸 $78味道不腥，配鹽更惹味🤭口感外層咬落去煙韌有彈性，入面糯米同粉絲軟糯、濕潤帶黏性，層次豐富😙浸入鍋入面有少少辣味同奶香，完全是另一口味😜💠飛魚籽紫菜炒飯 $50食到最後一定要加這個炒飯，用剩下的醬汁加炒飯，飯本身有紫菜的鮮香和飛魚籽的鹹鮮，一咬落去還有魚籽卜卜脆口感🤭

成日嚟到沙田都唔知食邊間好，有間韓國過江龍啱啱嚟香港插旗喺新城市廣場開咗分店，到晚市幾多人㩒飛攞位呢間主打賣年糕鍋，同時又出名炸雞，大胃兩樣都想要，但又食唔晒兩款餸嗌炸雞年糕鍋就可以一雞兩味，湯底揀咗卡邦尼醬，配埋芝士好配合，等煲芝士湯底滾起就熄爐攪攪佢，以免黐底，湯醬非常香綿，唔會杰撻撻煲裡面有無骨炸雞、mozzarella、炸餃子、鵪鶉蛋、魚糕、白椰菜、大蔥、拉麵同年糕芝士醬包住每一個材料，但又不失本身味道，炸雞仍然外脆內嫩年糕勁長勁煙韌，好似腸粉咁剪開佢亦得，作為芝士控好飽勁滿足前菜嗌咗炸芝士條，一支好長搣開有拉芝，裡面嘅芝士係靚芝士，食落有芝香，而且夠綿滑，外皮鹹中帶甜好過癮紫菜包飯係大胃好鍾意嘅韓國菜式之一，呢間唔同在飯少餡多，可以食到更多層次裡面有腸仔、黑椒燒烤醬、蛋絲、紅蘿蔔、牛蒡、醃青瓜、蛋黃醬同紫菜，一咬就爆餡，超足料

終於俾我等到呢間青年大邦喺香港開喇，仲要地點喺勁方便既新城市開，當我知道佢開就即刻二話不說約左個fd去試，好彩我今晚都算早到所以仲有位，再遲多少少已經大排長龍，果然係超高人氣！餐廳環境真係好靚，夠光猛又坐得舒服，最正既就係不停咁播而家最流行既Kpop音樂，成個氛圍真係好好。食物方面一定要試呢間餐廳既招牌菜年糕鍋啦，我地叫左個大邦海鮮年糕鍋，醬汁就真係唔可以慳，一定升級韓式玫瑰醬，因為韓式玫瑰醬配年糕係世界第一好味既。年糕好煙韌又彈牙，口感一流，超長年糕好有特色～海鮮有勁多唔同既款，當中最正一定係大大隻既鮑魚啦，估唔到配埋玫瑰醬又幾入味。海鮮整體上都好新鮮，絕對值得一試，最令我加分既係有個爐喺枱，可以保持個鍋既溫度，就算掛住傾計食物都唔會凍哂。另外仲叫左份無骨炸雞，試左點落個玫瑰醬度 ，味道都唔錯，喺一口size~最可惜得兩個人叫唔到太多野食，好想試哂餐廳全部既野食，唯有下次再encore。

真心不推介，唔適合一家大細食，無論是食物環境還是服務都很差。這個價錢這種質素真的很不好。服務：「不歡迎小朋友」個待應用英文串我個3歲嘅女，話食唔到kimchi 唔好黎食。其實，如果不歡迎小朋友來餐廳，就不需要準備小朋友餐具和凳啦，而且如果你的餐飲設計是不可改變的，也應該要詳細說明。「非常保守的韓國思維」一開始，點個部隊鍋加個白飯，三百幾蚊食你啲年糕加個韓式麵都算啦，之後想加個白飯姐，你都一定要(must)食完個部隊鍋之後先可以上，重一定要（must）叫佢過嚟炒飯炒埋啲汁一齊食🥲咁啱一家大細嚟食咁有老人家，唔想食炒飯想轉做白飯，又要同佢拗一輪又話大廚唔俾，又點知原來大廚又係比嘅。食物：坦白講唔覺得有咩特別。叫咗個部隊鍋，豬骨湯粉絲，夾埋都四百幾蚊，舊豬骨係冇肉嘅。個部隊鍋份量超少。環境：適合年輕人比較多，因為啲枱枱凳凳都好窄好迫。而且啲音響超勁。整體嚟講，可能係俾個侍應激親，成個體驗感覺都超級差。我本人認為如果一個韓國餐廳需要供入香港市場，喺各方面都應該要跟符合香港市場。

性價比低. 味道ok, 裝潢新中午都要加一 & 無前菜一條kimbap 要過百蚊再加一, 只係配杯汽水釜飯份量唔多, 都係百幾蚊至158 再加一...一個鍋加埋成3百蚊 (只係年糕, 幾片牛肉, 魚糕etc), 寫2-3人份量但一啲都唔大份...唔會再幫襯

我從來不寫食評，但這次真的忍不住要發表一下。最近在沙田發現一家新開的餐廳，於是決定去試試。明明開門了，裡面有空桌卻讓客人等了半個小時才進去，這讓我非常不滿。進去後，午餐餐牌上一邊全部都說賣光了。如果真的沒有供應，應該直接貼上暫停供應的標籤，這樣比較好。然後叫咗個年糕鍋，要加嘅盆菜又係話全部都冇，其實真係可以直接貼個貼紙，唔使等客人諗咗一輪決定咗之後落單先話冇，服務態度很差，我叫了三四次才有人過來，店裡明明有五六個服務人員卻沒人理會，真是令人失望。希望餐廳能正視這些問題

最近見到沙田新開嘅韓國餐廳，好多媒體報道宣傳，於是我就決定去試下。餐廳12點開門，我12:15到達，算係當日第一round客人。(不過一去到其實有媒多吉位，但都要排隊，見到有d staff岩岩企起身好似岩岩brief完，所以真正入座都12:25) 原本想叫lunch set，但佢話成版gimbap都sold out，令我有啲失望。我叫咗牛五花年糕鍋，想加個飛魚子炒飯，聽聞好出名。最初我哋諗住揀corn cream湯底，但佢話飛魚炒飯只可以用signature sauce或者rosé sauce (餐牌冇寫)。朋友唔太食辣，經過討論後決定叫corn cream，但等佢落單嘅時候，佢話今日冇corn cream……咁點解一開始我地嗌個陣唔直接同我哋講？最後我哋叫咗個rosé湯底，想加多啲配料，加份豬五花，點知個waiter話「今日冇pork belly」……嗰一刻，我真係完全感受到麥兜嘅心情。食物送到，份量真係極細，$278只係有6塊牛肉、5條所謂32cm長嘅年糕、2隻炸餃子、2粒鵪鶉蛋、一包公仔麵、3塊魚糕，同埋一堆蔥，食完真係唔知自己食咗啲咩。而且，staff完全唔helpful，整體

路過見到呢間餐廳都有唔少人排隊，就打算都排隊試吓🤣餐廳未開已經有人喺度排緊隊，不過餐廳都比較大，座位亦都多，所以都輕鬆入到去😆餐廳有好多懷舊漫畫佈置，玩味感十足！呢間餐廳出名年糕鍋，咁我梗係唔執輸都要嗌一個試吓，叫咗酥炸魷魚皇年糕鍋（$268）🫶🏼個人認為呢個兩個人食啱啱好，食到都好飽叫唔到其他嘢食😆每個年糕鍋都可以自己揀醬汁，同埋加配料～平時年糕多數配韓國辣醬，所以我試下其他口味-卡邦尼醬($28)😙都幾好食，好Creamy😍，不過食到尾可能會有少少覺得漏～年糕好大好長，要自己剪短先方便食，煙煙韌韌唔錯🤣 不過記得唔好煲個鍋太耐，會好易黐底！而酥炸魷魚好大嚿，浸咗醬都卜卜脆～配料其實同部隊鍋差唔多，有拉麵、魚糕、炸餃子、鵪鶉蛋等💕除咗出名嘅年糕鍋，其實佢都有其他嘢食～香雞、小食、紫菜包飯、釜飯等～大家試左可以同我講好唔好食🤣

韓國超人氣年糕店登港✨必試招牌35cm超長年糕 打卡一流又好食‼️仲有拳頭咁大嘅飯卷 快啲同我挑機一啖食✊🏻.📌炸雞芝士瀑布年糕鍋 $258每個鍋都份量十足 兩個人絕對夠食👭🏻招牌35cm超長年糕 粗身Q軟 煙韌有咬口🍡成條食/邊食邊剪都得🉐面頭鋪滿Mozzarella 軟綿拉絲🧀揀左經典YDB招牌醬 撈勻芝士 微辣帶奶香甜味 惹味開胃🌶️除咗年糕仲有韓式拉麵 爽滑索汁🍜配料都相當豐富🤩無骨炸雞皮較厚唔夠厚肉🍗炸餃子兩大隻 傳統粉絲豬肉餡🥟仲有魚糕片🍥鵪鶉蛋🥚白椰菜🥬大蔥🌱建議炸物盡快食 浸耐左會淋晒💦.📌吞拿魚媽媽大邦太卷 $98第一次見到咁大件嘅韓式飯卷😨餡料超飽滿 米飯薄薄一層🍙一啖食真係大滿足👅除咗香滑吞拿魚🐟仲有蛋絲, 紅蘿蔔, 牛蒡, 醃黃瓜, 紫蘇葉🍳🥕🥒🌿配上蛋黃醬同芥辣沙律醬 健康得嚟香口惹味🧡.📌濟洲蜜柑梳打(杯) $58用上濟州蜜柑 酸酸甜甜 好清爽🍊.如欲查看相關食物相片 可查閱本人已上傳之影片🎦