青山灣嘉彩漁村 (已結業)

三聖食海鮮，先去海鮮市場買材料，買完再拎去酒樓餐館食肆加工，今次去咗這間加工，星期五嘅晚上七點幾八點，好多人吓，好彩已經book咗枱，這間食肆環境衛生其實我覺得一般，我哋坐戶外，坐我哋隔離枱嘅兩枱都吸煙，我哋又聞唔慣煙味，所以比較辛苦，另外這間嘢服務也好一般，無咩人理，又無啦啦拎走我哋個斟水壺，除了拎了海鮮加工，另外仲叫咗咕嚕肉同埋豉油王炒麵，但兩者也好一般，豉油王炒麵唔夠色水，另外本身加咗個椒鹽九肚魚，但可能漏咗單定點冇咗下文，而要加工嘅蜆好多都冇肉同埋冇開口，唔知係唔新鮮定焗得唔夠時間，所以冇開，整體來講麻麻.

帶小朋友黎青山灣沙灘玩沙游水， 黎之前見openrice 未有任何食評，上網睇過應該係新開， 前身係另一間青山灣茶座之類。嚟到見佢門口有牌寫明星期一至五特價午餐$40蚊，奉送例湯，另凍飲加$9蚊，熱飲加$6蚊……好平民化嘅價錢， 仲要對住好靚嘅沙灘無敵海景 見佢正價午餐都係貴幾蚊， 拿拿林坐低食嘢先再去玩乾炒牛河: 一般食嘅通常都會油淋淋，但呢度嘅河粉一啲都唔油， 啱曬我呢啲怕油多嘅人， 份量都幾大， 細食嘅女士們兩人share可能都夠飽。 不過味道就一般般，牛肉份量好多但覺得那得太犀利， 最後只食咗一嚿牛肉齋食河粉……揚州炒飯: 好食 通常揚州炒飯嘅蝦我都會放棄， 但呢度嘅蝦夠爽 唔差，分量一樣大大碟而且足料 最後食唔曬我哋加$1蚊打包拎走凍飲味道正常， 一般大排檔質素例湯: 飲嘅時候覺得佢好味，似落左味精🤔 但飲完又唔覺得口乾， 總之就飲曬(見圖)