霞小飛 (已結業)

霞小飛的前身是霞飛點心拉麵，轉名後首次到訪。餐廳主體用上中式風格，並配上粉色系的色彩。為配合「小飛」意念，蝴蝶是餐廳的代表物，隨處可見。午市除一眾小菜點心外，亦有一系列套餐供應，適合一至四人共享品嚐。筆者點了一份二人小聚套餐，先來的是黑毛豬蜜汁叉燒。雖然説是二人份量，一碟四件的叉燒總是太少吧。論味道，叉燒蜜味頗重，肉香亦不俗，鬆軟感屬中上水準。雞絲粉皮是冷盤，出眾之處不在於香口的胡麻醬汁，而是較預期爽口的粉皮。上海酸辣湯在味道上「名乎其實」，酸辣兩味平均突出，湯料富足。香菇燒賣質感怪怪，味道一般。上海小籠包皮薄餡滑，汁多味甜幾好味。流沙奶黃包 (散點追加)：專為細細而設，包點上方有烈艷紅唇夠吸睛特別，食味上則普普通通喇！闊佬炒飯 (蟹肉蛋白) 做得不錯，炒飯乾身上味。美中不足的是蟹肉分布不平均，需注意一下。

剛剛在九龍區收工，住在香港的我便剩機在附近觅食，见到這𥚃有小笼包吃便進來試試，因為上海餐館，若最基本的小龍包做得不好，其他菜式也不用試了。這裡小龍包一籠三粒賣三十三元不算便宜，就叫一籠試一試佢龍與鳳。首先，不用等很久，幾分鈡就上桌。，看看买相，Size 是正常40-50克左右，沒騙称。筷子一夹起，已感觉到此粒小笼包皮薄肉汁饱满，且皮身有弹性。一放落口中，咬破皮身肉汁疯涌而出，皮身亦真的富弹性有咬劲，只是肉身略为松散，但味道还是很不错，不是很肥而且带有小小麻油香味。绝对可以一试。整体很好我给四粒星星，扣分就在肉身略为松散。但其他方面是有惊喜的。

由霞飛到霞小飛年代！高級左！精緻左！細碟左！但食物質素也提高了！叫左個豬肺湯飲！入口好鮮甜同新鮮！之後食左個干扁四季豆都好爽好新鮮但油太多！小龍包入口就好多汁！皮也薄！都有質素！再來過上海抄年糕都係油多！但整體也不差！環境也不錯的！

隔左一排無嚟K11，見到有間新餐廳，記得以前呢個鋪位都係食上海菜，好奇係唔係同一間，所以來幫襯下。我們三人點了小籠包，一客三件，略嫌皮有點厚，只是一般。前菜選了兩款，口水雞同蒜泥白肉，口水雞用玻璃樽上又幾特別，少少辣，件數都唔少，而蒜泥白肉肉片切得好薄，所以好入味。主菜叫了葱爆牛肉，牛肉好腍件數都唔少，雞絲煨麵亦不過不失，最後叫了高力豆沙，都造得幾鬆軟。可能平日關係，過了繁忙時段都冇乜人，我哋食晒都仲坐咗陣先走都冇被趕，埋單位位140都係預算之內。

裝修完既霞小飛，前身就係霞飛食物味道同之前差不多，不過就貴左，細碟左先講牛肉餡餅，係好味既，但唔及之前lu~~~之前餡多汁多，皮薄得黎餡靚一咬落去汁多到爆出黎(一d都冇誇張!!)而家雖然都仲有汁,但係冇左醬爆既感覺擔擔麵唔夠麻之前麻得黎唔太辣而家連麻既感覺都冇，好失望小籠包都唔錯既，有餡又夠汁但係得3粒，太少喇………整體黎講唔太抵食，但味道都可以話平平穩穩啦

近排中菜都好流行「摩登」食法...將點心小菜展示成TAPAS咁既風格, 可以食多幾款又易SHARE。一直都係川菜既FANS, 見到呢間「霞小飛」又有點心粵菜又有上海菜又有四川菜...第一次試一定係辣子雞，夠麻夠辣夠香酥而不帶油，最開心係價錢適中又唔洗好似去川菜館食勁大份。想簡單，輕輕鬆鬆食一餐中菜，「霞小飛」真係唔錯。