雷拉麵 (已結業)

最近食得太多中餐同西餐，所以轉下口味食日本野，而我大愛拉麵，所以就入咗黎呢間叫雷拉麵😌個位置係女人街入面要特登轉入去有啲難搵嘅，出面嘅裝修唔錯，好有日本風格，入到去嘅裝修更加特別。除咗環境好，侍應嘅態度亦好好。呢間野最特別就係可以自由選擇嘅落單紙，可以自己揀麵嘅軟硬程度同醬油味等等。我就揀咗個濃豚骨湯、叉燒、溏心玉子，因為最平呢個，只需$65，相比其他拉麵舖頭要$80-$90不等，麵就揀軟身，醬油就淡因為唔太中意食鹹嘅。等咗陣，有得食嚕，好香好濃味嘅豚骨湯漂入個鼻到，仲要熱辣辣，飲落真係好濃郁，完全唔似平時果啲味精湯，大讚！而啲豚肉好厚身好好味，有大約3舊，好爽口唔會好實，而個溏心玉子都幾好味，個蛋黃有少少流心，仲有其他配料，有粟米同木耳，粟米幾甜木耳都好爽口，因為我揀咗淡嘅醬油味所以味道適中，唔會好似平時果啲拉麵舖頭好咸，食完碗麵再飲曬成碗先夠😋！下次實會再幫襯咖!!!

旺角係年青人同旅客熱愛之一的熱點,食肆佈滿林立,今次搵到個攝角位,裝修環境居然又企理又簡潔!!真係別樹一格~今次要推介既係雷拉麵,真的很(雷)~~它跟一般拉麵餐單一樣,都係自行選擇配料.今次先試濃豚骨湯,吾好睇佢好似甘簡單!要做到好味,湯底真係要用原材料慢慢淆出精華出黎,佢既湯底完全做到呢個水準!另外佢既叉燒亦值得一讚!因一啲都吾痴牙,又有口感!仲有仲有...溏心蛋既蛋心切開半,見到啲蛋黃成啫喱似的!一啜,正~~如再加上香蔥,鮮味更為佳絕!飲過麵湯過後,點枝波子雪碧,沖淡口入面濃郁既豬骨湯底!價錢($65)又抵食~拉麵熱潮又再升級!!!

上次講過很喜歡咬日本面，也很會到不同日本面店去咬。今次到了旺角咬！見到門面很日式下。內裡更覺似日本漁港的店鋪。有粗糙的繩粗糙的木，更有好像古時下雨著的雨衣。特別得很！很心急便很叫個面。有4款面可選的。我選了「雷」這個面。還可以在單中選擇自己喜愛的面、多少冲、軟硬面........等等，多的是。咬湯面最最要的是個湯底。最怕是味精湯！渴下去時，好似好好味，但之後便要渴很多水都未解渴。辛苦得很。但這裡卻不同了濃濃的豬骨湯，香味得很！一點都唔覺油膩！一口面一口湯。美味得很。面身我選了硬既！因為超喜歡彈呀，加上木耳絲爽脆，能令碗面更富質感與彈性。這裡才做到這種口感。正正正！义燒厚身得很！肉嫩帶甜，肥瘦適中，完全沒有豬氣味！香口得黎又有咬口，每一下咬下都散發出淡淡膠口感覺！和坊間的完全不同感覺！流心旦，厚厚的蛋香味，蛋白軟嫩，好吃得很。呢間日本面！食得出是用心去煮的！每一樣細節！每一個地方！都是用心做！一食便知龍與鳳！冇得扼人的。我又多一間日本面去了！

拉麵大戰沒完沒了，旺角區近日已成為新戰場。繼轉戰九龍的拉麵來，港人主理的將軍拉麵，以及被過度吹捧的醬家外，花園街亦有新力軍雷拉麵參戰。雷拉麵的背景不打算多介紹，到來看過卡片便知得一清二楚。店內裝修簡樸，約可容納廿人，再看一下餐牌及座位設計，令我不禁想起曾掀起熱潮的<魂拉麵>。麵店只供應四款拉麵，分別是雷(豚骨)，赤雷(辣豚骨)，黑虎(墨魚汁)及青麟(菠菜汁)，單看名字不難猜到是賣什麼葫蘆的藥，難得這天跟愛拉麵的朋友到來，決定一口氣掃齊四款。雷($65)的豚骨湯入口感覺不太濃厚，估計可能開店不久準備時間不足，又或者故意淡一些，再讓客人選擇添加醬油份量。湯頭本質整體上還可稍作改良。半熟玉子溏心度足，質感香軟，富醬油香，驚喜度高。圓圈型叉燒算鬆化，稍嫌未夠焦香，這一點要改善不難。麵條有直麵或太麵供客人任意配搭，兩者同樣是日本用料，香港麵廠出品，質素肯定不是全港最好，但值得一讚的是，煮麵功夫水準不錯，我們要求的麵條硬度全部都做得到。赤雷($72)，辣豚骨湯底配鮮番茄茸及三文魚籽，辣味把豚骨湯早前提及的缺點蓋過，香味四溢，令人未吃先興奮。番茄茸帶甜，味道較醬家的濃，宜跟湯底混合一