雲貴風正宗雲南米線 (已結業)

一向都好鍾意食麻辣米線，朋友介紹左我去元朗食嘅一間麻辣米線，店舖雖然唔係好起眼，但勝在都容易去搵。難得大熱天時，店內嘅冷氣好足夠，而且座位都好闊落坐得好舒適。我點嘅呢碗係麻辣米線，啲餸有麻辣豬耳，同埋麻辣豬脷，一見到碗米線已經流晒口水，因為真係勁多勁多勁多餸，而且佢嘅麻辣味芬香撲鼻。一見到已經流晒口水，已經急不及待即刻攞起筷子試吓。佢嘅豬耳好爽口又彈牙，而且佢嘅麻辣味好香口，至於佢嘅豬脷一樣係咁爽口而且一啲都唔會好淋。配上佢個香辣湯底，而且有帶少少酸酸地，好開胃。我個朋友果然冇介紹錯。

I got so hooked on the noodles here. Simple menu which is good but with many options for toppings. Must get the 腩肉 if you eat pork. The pig ears topping gives a bit crunchiness to to noodles. Ask for extra green onions if you like. The ladies there are nice and helpful.

我從來未寫過食過食評，難食到我今次真係忍唔住寫一次...叫了一碗腩肉魚腐小鍋米線加油菜，首先.....米線煮到超硬身之外........除左魚腐係加工野味道正常之外.........湯底淡而無味，腩肉有好大陣既雪藏味油菜走蠔油佢真係一滴油都唔落就咁灼就算！另外我朋友食果碗麻辣米線，一啲麻辣味都無，好似就咁倒啲辣椒油落去就算！！而且叫2個餸已經收$60蚊一碗米線....雲南米線食得多，咁難食既真係唔會再幫襯！

依間米線，不論屯門定元朗都食過好幾次，係x仔以外選擇，x仔我都好鍾意食今日，叫左個（小辣）酸辣米線-配麻辣豬耳、魚腐同娃娃菜，再加個熱檸薑樂超期待架！跟住，先發現我明明叫酸辣，但少左樣重要野，就係酸菜🙈跟住同伙記反應，佢地好好呀，補返一小碗酸菜俾我，份量都唔小架即刻就錦上添花啦，成件事超級滿足！

基本上每個禮拜六/日晏晝諗唔倒食咩， 就會出元朗食雲貴風， 唔係因為佢特別好食，只不過係佢唔係特別難食。今日都係按照我平時嘅慣例，叫咗個涼拌米線中辣配辣腩肉同埋豬腸加杯凍檸茶少甜少冰。呢度有個唔好處就係佢嘅辣度每次都有啲唔同， 第一次嚟食嘅時候叫中辣， 第二次嚟嘅時候都係叫咗中辣，但係竟然辣到我食到出曬汗， 所以唔係好食得辣嘅，我會建議叫小辣試下先， 唔夠辣先再加辣。撇除佢嘅辣度問題， 佢嘅米線同埋配料都唔錯嘅， 米線嘅軟硬度適中， 有少少彈牙， 配料我會推薦佢嘅辣腩肉， 如果唔食得辣嘅話，佢啲腩肉都有唔辣可以選擇， 不過個味道就會有少少唔同， 如果揀拌米線嘅話仲會有埋炸醬。一個麵兩個餸再加多杯凍飲都係43蚊。

今天和朋友去開元朗，睇野，買野，行行下大家都會諗起佢既米線，於是我地抽住一袋二袋咁去食我最愛既米線啦，哈哈哈哈哈哈，當然又會去雲貴風啦，因為又係會食上隱既一間麵店，米線又淋又滑，炸醬一個字正又夠味，付竹又好味，湯底又好味，都係果句啦，要叫小辣多酸，正呀，總之我鍾意食就覺得佢好好食啦，加飲品9蚊有埋個紅豆涼粉冰，爽呀，提示，如果食米線真心要加炸醬，因為加炸醬同唔加炸醬，真係會拎到成件事唔同哂，成碗面好唔好食，真係好睇個超正炸醬

今天下午在元朗附近找食~ 見到唸間雲貴風就知唔會難食~屯門虹橋那間雲貴風我由細食到大, 以前未流行譚仔時就已經食, 反而元朗分店一直未試過其實現在的鋪頭名太好多相似: 雲貴風, 雲貴軒, 雲川燒....我都就快一舊雲.....總之就係食雲南野啦因為2點幾先去食, 過了LUNCH TIME, 唔使等位就入得, 太好, 等位會熱到中暑同事叫了個腩肉魚腐米線, 大大碗份量夠, 叫了小辣我那碗是雞翼墨丸米線, 雞翼好入咪, 墨丸彈牙我也是了小辣, 不過好像比平時去虹橋食還要再辣一些, 可能阿姐今日重手了少少, 不過沒關係, 我可以喜歡別辣另外叫了炸春卷, 10蚊3件, 新鮮熱辣, 好好食天氣太熱, 加8蚊叫杯凍飲, 紅豆起沙, 不過唔夠甜同事叫了冰檸水, 同樣加8蚊, 好似我抵d

食襯醉辣小窩米線，都係鐘意佢配料多，芽菜，肉碎，韭菜，酸菜呢四樣野加埋一定係最基本要有既野。而鐘意呢間莫過於佢既湯底，湯味好濃郁，有濃既豬骨湯味，我本身係食開食小辣既朋友仔黎。所以佢呢個酸辣度，我就覺得岩岩好。我朋友就話酸辣度可以再濃些。不過有豬骨味搭夠，算係咁啦正！另外叫左兩個餸，豬腸同埋肥牛。又係好多配料！感覺豬肉都算洗得乾淨既，因為無好大陣果陣［酥］味。又係推介d(^_^o) 正！米線都軟同彈，夠食都仲有咁，足料！(≧∀≦) 呢間鋪又係出名多人食，有時要排隊。

嗌左個外賣自取豬耳雞腎刀削麵。加兩蚊轉刀削麵但俾左個拉麵我，明明張單都係寫刀削麵嘅，我對刀削麵嘅認知係咪同佢唔同？加一蚊加左麻辣，一d 麻都無，得個辣字，面頭厚厚嘅紅油，好似小肥羊個麻辣湯底咁樣。雞腎 ok 爽口，豬耳好難整得唔好食。會試多次，如果個麻辣都仲係咁嘅味，就返去食番同一條街嘅川味。

雖然每次食都覺得好咸，但每2-3日就想再食，我初初去屯門總店感覺好污糟好迫，但食物好味又熱又大碗，後來因為去屯門實在唔方便所以嚟元朗分店試，第一次個侍應廣東話好差係咁問我要唔要我聽咗3次先知係我落單時話走韮菜同芽菜，碗麵嚟到無走呢兩樣配菜，第二次個侍應我好慢講咗3次酸辣米線加鹵水雞同豬腸走韮菜芽菜要肉碎，佢重複問咗4-5次，新人唔習慣大家可以體諒，今次煮出嚟碗麵無錯了，元朗店面整潔整齊坐位寬敞，食物質素跟屯門店相差不大，都係好咸，咸得嚟都好食，碗麵份量比屯門店少一點，但都夠飽，希望佢侍應有所改善，我會繼續支持！

酸辣米線（蘿蔔，雞肉，叫左少少辣）一食米線，好容易會同某大米線鋪比較，有朋友話都幾好味，所以黎試下，一上枱，湯底色水好夠，但第一口食就覺得味道唔夠香濃，酸味不足，食到得鹹味，配料份量夠多, 蘿蔔夠淋同入味，雞肉普普通通。。試左朋友既清湯，似乎清湯比酸辣出色，味道層次較多。。下次應該會試清湯。

雲貴風，食過幾次了。每次都覺得幾好，以呢個價錢黎講，我就冇投訴了，只係當你一坐低，menu都未睇，呀姐就衝過黎問食乜，其實都幾攪笑，都未睇，點叫喎...但調轉諗，好過叫極都唔落單嗰啲丫~ 平時會叫清湯辣腩肉，因為味濃所以清湯已夠，份量亦好夠，最鍾意加7蚊有枝豆漿。今次食左個豬腸豬肚，雞腎腩肉亦都好好食。做街坊生意黎講，呢間合格啦～

有時出面既米線如果叫小辣湯底會唔夠味 但雲風貴既湯底最啱重口味既人（包括我 我食野偏酸 但食唔到好辣）酸得黎 又夠惹味 好上癮以前要走到去景峰先有得食其實位置唔係咁方便 所以只能間中去過下米線癮知道佢係元朗開分店據朋友所講 同總店有少少唔同作為fans 當然試下佢新店既功力新店比起總店大好多 而且乾淨企理睇睇menu有咩唔同先...咦？點解「酸辣」計做一個餸既？心存疑惑 照舊叫「酸辣炸醬米線」店員就問：係咪兩餸米線？佢解釋「酸辣」計一個餸會有齊酸菜&肉碎如果要酸辣湯底就只得酸菜哇 咁耐以黎係總店都無人講過不過計番價錢 我以前食開既應該係「兩餸版本」大約$34/35最後我揀左要酸辣湯底only雲貴風既炸醬並非外面見既「肉醬」佢係一堆炒到好香既肉碎肉碎有肥有瘦 淨食炸醬都好好味新店既炸醬同總店一樣味而湯底方面 新店既聞落有陣麻油味 口味亦都無總店咁酸 偏辣碗內既酸菜比總店少平心而論 新店既米線都煮得好食但仍然係總店味道較出色 嗰種先係令人上癮既重口味雜果冰係用普通罐頭雜果 不過不失 起碼我本身鍾意食雜果

叫左2碗外賣加麵底，2碗份量勁小完全唔覺有加到底,每碗收多$7！仲有豬腸勁唔掂,好多黑色污Jo野，同人地永年D豬腸無得比！另外係超超咸！食完好口渴絕對係食完感想，唔信可以試吓

入來元朗一定要走一躺教育路，但因肚子餓，便馬上在街頭走入一間米綫店享用美食 店內環境舒適店內傢私簡單寛闊坐下便馬上有店員服務，店員面露親切笑容，讚還提意多等3分鐘是下午茶時段，飲品可便宜些，那我便按他提意之後才點飲品 先嚐一下湯底，香料味甚濃，鮮辣得來不會嗆喉，酸度十足，麵質軟硬適中，索了湯汁更加美味，米線份量很多，肉碎放在湯中也不會一夾即散 炸豬扒比較簿，味道偏淡，肉質比較乾身這小店價錢相宜，味道可以，服務一流，唯一是米綫會使我下次再光顧品嚐其他餸菜（腩肉、豆漿及雞翼等）