雲貴風正宗雲南米線 (已結業)

叫咗2碗外賣，一碗麻辣小辣，一碗酸辣小辣。2碗食落少少辣都無米線偏硬要浸返耐少少湯偏油同時都唔香酸菜炸醬好足餸份量都多，豬腸都有8.9舊如果唔係好食辣既都可以試下

好耐之前食過屯門店，覺得重口味米線岩我~~知道元朗都有分店，於是好奇一試。探熱後就入內坐低睇餐牌。餸既選擇好多，餐牌清晰易睇。野飲選擇亦多。而且都好特別。放飯時間一點左右，店內一半滿座，空間舒適，唔會逼狹。點左豬手腩肉小鍋米線，$46。豬手兩塊，腩肉一堆，份量OK，個湯底望落好濃，其實食落，覺得唔夠酸唔夠辣，微微淡左少少。湯底既肉碎都幾多，仲有些酸菜，韭菜。豬手$7同辣腩肉$8都有預先滷好炒香，係唔錯！辣腩肉唔算辣。豬手軟嫰易咬，入味。腩肉少少肥夠味，係滿意既。米線質地爽滑都唔錯。係湯底唔太夠酸辣。枱頭有醋可以自己加，但無辣椒醬另外筷子五顏六色，繽紛吸引，好特別。環境係木頭枱椅，視覺上好舒服、放鬆。整體，覺得係幾唔錯。落單快出餐快。

和朋友行完街之後，找地方食少少嘢，朋友話這間店的米線味道都挺好的，我們就決定去醫肚先，我們叫了兩碗米線都有辣腩肉，再加其他配料，湯底味道濃厚而且辣腩肉都好味呀！另外再叫了炸餃子併沙律，炸餃子相對比較硬，沙律就普通啦，反而奶茶紅豆冰味道不錯👍🏻

終於搵到間黃既雲南米線，所以冇食到隔離嗰間請手足返工嘅泰國嘢而選擇呢一間雲南米線。店舖只有一張律政司放生虐待寵物嘅文宣，播ViuTV，黃唔黃自行判斷，但我試過到次就唔佢再返去🤮🐷腩肉熱拌米線-hkd33望落都唔錯，但係食落第一啖啲米線硬度完全咬唔落所以叫佢換過一碗，等咗大概5分鐘再黎一碗，米線嘅質地同啱啱嗰個完全冇分別🤔（兩碗都似係前一日買淨嘅米線放入雪櫃，然後有單再用熱水淥一淥嘅感覺）所以都費事再換😰😅😥先唔講佢個米線，話明熱拌但係都有半碗湯汁喺度而且味精都幾重😖。唯一讚嘅係佢個腩肉都幾淋而且入味🍜辣腩肉貢丸芝士腸酸辣米線-hkd53一落枱發現佢已經落錯單，再換過（唔知食呢一餐飯要換幾多次）嗌咗中辣，但係個辣到都唔算勁似出邊小辣嘅辣，啲配料正正常常冇乜特別，而我米線亦都好正常唔係隔夜米線。涼粉奶茶+紅豆奶茶- hkd10(跟餐涼粉奶茶普通，紅豆奶茶啲紅豆完全冇甜味，成杯嘅整體味道都幾淡。Ps:識嘅當日係閒日中午大概1pm，客量大概得5-10位完全唔忙，但都唔明點解食物質素可以咁差，而且員工完全冇表示過任何歉意😪

雲貴風平時聽朋友講過下，好似好出名但每次經過屯門店都覺得好多人，所以冇試到今日去開元朗，見人少少就入去試下啦叫咗個酸辣米線-小辣，跟娃娃菜同雞肉諗住咁出名，碗米線望落色水都好夠，應該都冇伏啦點知佢作為一碗酸辣米線，有埋酸菜，食落一啲都唔酸，辣係連bb辣都唔算......得少少鹹味........同埋啲雞肉都好鞋口下.........諗住食塊酸菜可能會酸啲......但塊酸菜食落得陣發酵嘅酒味，講唔上酸.......完全唔知佢到底因咩出名，佢都算係我食過嘅米線入面數一數二難食，真係完全唔知食咗啲咩，純粹為充飢、生存而食咁.....今餐跟埋杯凍飲，一共$51，唔算貴，但絕對唔值小鍋米線嚟講，元朗區大把好食過佢，奉勸朋友們不要以身試伏，不可一不可再........

之前一路食開屯門間米線，都唔知原來元朗有分店！因為真係幾鍾意食屯門嗰間，今次離開元朗就識下分店！叫咗以下兩碗米線同小食：豬手、豬潤酸辣（小小辣）米線，之前喺屯門食少少辣都辣，但今次食呢間好似走辣咁？豬手夠林！炸醬、腩肉清湯米線，炸醬冇乜辣味，米線比較硬身，腩肉都唔錯，但係炸醬感覺同屯門嗰間有啲唔係好同！炸雞翼，係跟米線叫嘅，會分開上！如果可以再查耐少少就好啦！之前食開炸雞比，好似好食啲！仲叫咗兩杯嘢飲，跟餐加$6 ，其中叫咗洛神花物，都幾好味，雖然係溝出嚟，但都唔算好甜！後尾先見到原來涼粉冰紅豆冰都係加$8咋！好抵咁！不過總體來講我覺得屯門嗰間好食好多，元朗依家應該冇下次，都係去返屯門間米線食好啲！

佢同一般求其米線唔同 米線即煮 所以夠熱 同豬骨湯底夾埋一齊好入味 價錢唔貴 材料好食 酸辣度適中 我比較鍾意食佢個麻辣腩肉 環境舒適 唔太嘈 冷氣夠 唔會迫 又唔使等位 仲有佢個涼拌青瓜都好味道餐牌選擇配料都算多亦都有冷熱撈米線食過好幾次都覺得好味水準keep到喺元朗唔使逼逼食一餐米線 呢個係一個好好嘅地方

今日原本想去食壽司之神，但12點鬆啲去到話book位full哂，所以walk in冇位，我諗住閒日應該唔駛訂位，諗唔到都滿唯有下次啦咁都要食野，近近地就去雲貴風食米線，之前食過一次，印象中係唔錯。入到去冇咩人。好多餸，花多眼亂，我叫左麻辣米線，小辣。配腩肉同炸雞翼，飲凍檸茶凍檸茶黎先，夠冰夠檸，茶味夠，糖水份量剛好，係一杯合格嘅COT加$6~~~~~~米線黎到，聞一聞先，香嘅，望落好辣，食落辣度剛好，夠香，啲配料酸菜、肉碎都有水準。其實坊間啲米線，啲配料、米線都係差唔多，我覺得一碗米線係喺個湯度決勝負，呢度嘅湯飲完唔會口渴，應該唔係師傳濃縮湯黎啲腩肉食極都有，好足，口感好淋，唔難咬個雞翼一般，有啲乾價錢可以接受俾完錢我問兜珍寶珠係咪可以攞，店員話可以，我真係平生都冇見過米線店送珍寶珠，所以我都忍不住攞左一支

元朗好食嘅米線都有好多間，其中一間係位於教育路嘅雲貴風，今日同姐姐來食由於兩點零鐘時間，所以冇咁多人坐得比較舒適酸辣米線小辣 ，腩肉🥓，滷水雞腎，雞翼尖配 菠蘿冰🍹， 本身米線的酸菜，碎肉，同埋韭菜，都十分之足料👍 腩肉碎濕濕，鹵水雞腎保持水準 雞翼尖 滷得入味， 米線十分彈牙爽口 湯底濃郁， 自家酸菜十分好味， 菠蘿冰 加5蚊就飲到，有很多菠蘿，其實有很多野都想食，炸豬扒，麻辣豬肚…………小食多，為有下次再來請支持小店

在元朗工作一朝，終於來到Late Lunch時間，不早不晚，有不少心水食店早已落場 唯有和友人臨急臨忙搜尋周邊美食，最終，熟悉的雲貴名堂吸引我倆的目光 根據網上食評，雲貴風出品可圈可點，但身為經常錯選聚會餐廳的伏食使者，我已無所懼 見別人批評的大多是帶湯食物，要是我選無湯麻辣豬耳豬手拌米線　$36不知又如何呢？ 預設佐以酸菜、花生、炸醬、蔥花，冷熱同價同料；這次因為都是肉料，熱拌應該較佳 早上忙了好一會，想吃點辣的醒醒神，五種辣度可選，還是小小辣比較對胃口 麻辣豬耳嫩中帶爽脆，其實麻辣度不算高，豬手滷得入味，鹹中帶甜，膠質滿滿 米線熟透無韌位，軟彈吸汁，不過當日的小小辣已頗帶勁，想像不了勁辣會是何等光景 如果喜歡煙韌嚼感，可以免費轉薯粉；一碗份量都夠飽肚，但若想加底，加錢就成事

今日難得在元朗逛街，到處看看有什麼好吃。這家小店在屯門有主店，記得味道不錯，試試這家跟屯門有什麼不同。餐牌跟平常米線店差不多，比較多的食物都是麻辣，上次試了麻辣豬耳，辣的過癮。今日狀態不佳，選些不辣的試。😎豬潤芝士腸跟不辣的腩肉，豬潤切得很小一粒，咬下去爽口，份量很多。芝士腸一般，有點普通，純粹突然想吃。腩肉很好，不肥不瘦，香味四溢又有口感！值得一試！湯底叫了不辣小鍋，很夠味道！飲品叫了咸檸蜜，足料！😍下午茶時間價錢減了幾塊，份量一樣，抵吃，如想試地道米線可以一試。😊

睇食評見唔錯就去左食但估唔到原來咁難食係我食過咁多米線之中最難食嘅一間首先 講一講啲米線又硬又唔好咬 食到中間食到小小麵粉味啲米線質素似係比較差其次 個湯好混濁 好油 好似有浸豬油咁同米線夾埋一齊食會係災難另外 啲腩肉好難食 好鞋除此之外 叫左杯凍檸茶 比起其他鋪都算細杯一碗米線 一個餸 再加杯野飲都$45認真咁嘅食物質素極度唔值呢個價呢個價我寧願食三哥或者其他又貴又難食 我以後都唔會再幫襯唯一賣點只係佢個辣好到位 小辣比起其他鋪頭嘅更辣

小弟從屯門紅橋開舖時食左十幾年！但自從在元朗開分店後，小弟也再沒有係屯門紅橋雲貴風食過！老闆娘 同 老闆 於元朗教育路開左分店後就係馬田村買埋屋定居，屯門分店除左出糧外，已經好少見老闆娘出沒！亦因為呢個原因，屯門紅橋果3位嬸嬸管哂成間舖，對客人可以毫無禮貌！呼呼喝喝，想罵就罵！就算再多生意也好，她們也不會有額外錢收的！得罪客人，網上寫負評又好，對侍應都係冇用的，所以我只能想食雲貴風米線時 就渣車去元朗分店食！中午去到元朗分店，店鋪面積大，相比屯門約兩倍多座位！見到老闆娘同佢個女招呼客人！十多年街坊生意既片段瞬間係腦海中浮現！ 聊天時閒談吐屯門分店職員態度差劣，其實老闆娘也略知一二！但老闆娘也說管不到那麼多了！屯門生意額係元朗既兩倍，職員有幾辛苦，老闆娘心知肚明既！食米線期間 總覺得元朗分店 湯底比屯門差！還是屯門分店的比較好吃！但論禮貌，回憶，人情味！元朗分店卻勝一籌！同一老闆，兩間分店！可以有天淵之別，真可笑！

今天選擇到雲貴風吃午餐，我點了一個熱拌米線配墨魚丸、龍蝦丸，我點餐時已叫侍應不要加酸菜和花生，因此我的米線中沒有這兩樣東西。我吃每一口的時候，都感到到很強的酸味從米線中滲出，不過整碗麵都很香，再加上彈牙、有少許韌勁、完全沒有腥味的墨魚丸和龍蝦丸，最後我也能吃完整碗米粉，但對於我而言，如果去除這酸味，這碗麵會更好吃!同行的人的跟我點的都是熱拌米線，但她那碗卻沒有酸味，炸醬又比我那碗多，是我運氣太差了? 這杯用粉劑沖的飲品有點酸過頭了，有點像未熟透的奇異果味道，建議像我一樣不喜歡的人可以叫侍應給你一至兩包砂糖。不過至少它的顏色吸引。同事極力推介奶茶涼粉冰，因此我點了奶茶涼粉冰，我覺得奶茶味濃但不算太幼滑；涼粉的甘味是點到即止，質感非常接近蒟蒻，奶茶和涼粉兩者混合後再加上適量甜味，簡直是完美配搭；不過由於飲品、涼粉量太多(超大杯!)，我喝了一半後，需要倒入外賣杯(要加一元)回辦公室品嘗，不料放了幾個鐘後，冰塊全融化了，這杯只剩餘一半的涼粉冰的味道就變得相對較淡了，所以建議大家不要學我放太久。

《雲貴風正宗雲南米線》 #元朗📍元朗教育路134號文丞樓地下-🔹酸辣米線$30 韭菜雲吞+$6 魚腐+$7韭菜雲吞皮薄多餡 魚腐有5件但無特別好多肉碎嘅米線 反而米線份量比一般嘅小湯底黎講都好一般 但比起連鎖米線濃 而味精比一般嘅小.🔹奶茶紅豆冰+$9暫時係我飲過最差嘅奶茶紅豆冰🤢原本個奶茶已經唔好飲 仲要紅豆都可以無乜味都唔係講有無陳皮味起唔起沙呢d架啦.整體黎講都不過不失 係性價比唔高 而飲品就飲返檸茶檸水算啦.by 90sfoodieshare: 5/10