雲津美食

營業中

休息中

聯和墟有很多美食小店，雲津是其中一間，主要售賣炸物，雲津的炸物，的確令人回味無窮。有炸壽司、炸燒賣，我最愛就是她的炸雞髀，性價比非常高。$18 炸雞髀有時門口會排滿長長的人龍，不過可以電話下單。新鮮即炸，是次等候時間約10分鍾，雞髀大大隻，新鮮炸起熱辣辣，外皮脆雞肉嫩，油温和時間掌握得恰到好處，雞肉有醃味，唯一要彈就係顏色愈來愈深色，可能油舊了，影響了視覺，會覺得較膿。但價錢依然便宜，味道保持到水準。老闆娘的服務態度也非常有禮，值得一讚。

每次黎呢到都一定會食，最鍾意炸壽司同炸燒賣...壽司外脆內軟....燒賣脆卜卜...每次都食到停唔到..唯一唔好就係太晏先開店🤣🤣🤣如果早d就好啦....

聯和墟掃街第一站.秘製炸壽司🍣 （$17 6件）.咁難得黎到粉嶺當然要試試呢啲出名嘅小食店，果然名不虛傳，去到嘅時候已經有好多人等緊，不停有街坊幫襯.係即叫即炸，所以要等一等.由於家途遙遠，返到屋企已經變得凍冰冰，所以用焗爐焗返熱佢，😋😋果然熱辣辣喺好好味，原來中間餡係腸仔，🍣表面脆口，內裏口感係黏黏地煙煙韌韌，甜甜地，好味道.雲津美食地址：粉嶺聯和墟和隆街34號地舖營業時間：下午3時至凌晨2時電話：62951195

「雲津美食」嘅炸壽司聽過好多次，身為粉嶺人嘅小胖子係未食過🙈因為怕生暗蒼😂不過呢家戴口罩就放肆一下啦～有好多款小食簡，炸壽司必叫啦，其餘果啲都好想叫曬黎食～仲有特色飲品喔！🔸招牌炸壽司$17有6件的，而且壽司入面嘅餡原來有兩款，有三粒係腸仔、三粒係蟹柳 。招牌不愧招牌好好味呀~一啲都唔熱氣嘅感覺，好煙韌，個甜豉油直接會搽咗落去，甜甜地好夾～🔸芝士豬扒 $16就咁睇以為係一塊好普通嘅豬扒😂切開咗之後就發現內有乾坤，入面係有芝士同埋火腿的～🔸流心芝士薯球 $15/3粒叫咗兩款小食都係有芝士嘅，證明芝士真係好吸引呀😍流心芝士薯球芝士味濃郁🔸炸蟹柳 $11/4條原本係諗住食珍寶蟹柳既，咁岩冇晒貨咁就照食返普通嘅蟹柳啦！個蟹柳令我諗起以前小學喺小食部食過嘅味🔸酥脆墨魚咀 $15比想像嘅大粒啲～脆脆的🔸 招牌碗仔翅 $17碗仔翅🤤🤤冬菇同木耳嘅份量好，胡椒粉、麻油同醋係直接已經落咗，味道啱啱好，如果粉絲多dd 嘅話就完美喇🔸麥蕉奶 $25飲品方面有好多特別嘅飲品呀，有幾款都好想試，最後就揀咗一款平時出面好少見嘅「麥蕉奶」，香蕉奶就飲得多，加埋燕麥好似未試過。like ar like ar果底有好多

After a long day of hiking near Fanling, we decided to have an early dinner before heading back home. While we saw few people queuing outside this  stall, we were attracted by their wide range of food offered and amazing price. 雲津美食 was located at Wo Lung Street, several minutes walk from Fanling MTR. They were practically a take-away stall, and yet their menu was very comprehensive, offering a wide range of fried snacks and drinks etc.  Even though they specialized in fried snacks, but i was su

離遠見到呢間小店人頭湧湧，又掛滿小食既相，好似好吸引，八卦吓睇吓有咩食先~原來除咗小食，仲有好多嘢賣，可以順便SHOPPING埋~小食款式好多，而且價錢相宜，簡直係平民天堂！除咗食物，飲品都有好多款式添~一間小店，可以「變」咁多嘢出嚟，真係好勁呀！介抵死到有個排行磅，啱哂有選擇困難症既我~~~~煎釀三寶~呢個咁地道既小食當然要買喇~大大舊魚肉釀住青椒、紅腸同茄子，好有咬口呀！配埋甜醬，YUMMY!!魚肉碗仔翅/招牌碗仔翅~好足料呀！肉絲帶出香味，口感亦唔會太稀/太稠~主角嚟喇~主打炸物，仲有未見過既款式:炸壽司~排行磅既NUMBER 1嚟架~~炸到啲飯粒好似煲仔飯啲飯焦咁~而中間有腸仔，夾埋一齊食，真係好滿足！炸墨魚咀~酥脆既炸漿包住爽口亦飽滿既墨魚咀，別有一番風味呀！炸台式香腸~好掛住台灣呀！台式香腸正好解我相思之苦，自己加埋蒜片，就可以還原台灣口味！炸雞脾~真係非常大隻，而且夠哂入味！正！炸洋蔥圈~裹漿非常薄，食到洋蔥既原味，好味道~蜜糖炸燒賣~香香甜甜，有少少BBQ既FEEL，唔怪得知係排行磅既NUMBER 2喇~好味！大推~

講到炸髀性價比，這家粉嶺的雲津美食算是表表者，東西都非常便宜！而且老闆娘超友善，服務很好呢～門面有很多食物相，就是傳統小食店的裝潢啦～新鮮現點現炸，所以難免要等一會，但反而是質素的保障而餐牌的選擇實在多得很，有選擇困難症的我真的要花了很久！炸雞髀 $18爽脆的炸髀非常大份，用油未必是最好，但份量絕無欺場香辣糯米雞翼 $9 *4是日推介這個好好吃，外層微甜，裡面帶微辣的糯米，外軟內軟但意外地好吃！炸多春魚$15夠爽脆金脆香芋湯圓 $16其實就是炸香芋年糕啦，當然不會輸，香芋丸子只要餡多又流心，就一定會超好吃！招牌香辣雞翼尖 $20同樣份量多的雞翼尖還真的有夠意外，辣得來夠甜的雞翼尖 ！原來也滿好吃的，有點像泰式的做法不過更簡單酥炸玉子豆腐 $11夠嫰滑，讚！日式肥牛 轉稻庭烏冬$30+3肥牛比較普通，但稻庭烏冬真的有夠彈牙，很正！鮮西柚茶 $25有西柚核！有少冰少糖的選擇，喝下去會吃到核，但非常清爽甜美，而且有夠大杯，正呢～特濃朱古力 $20理應是熱的呢，雖然冷的也好喝，而且有夠濃郁，澀中帶甜！冰菠蘿$5令人懷念！冷凍的多汁菠蘿實在不可多得，配肉吃比較不膩，很正！

🇭🇰雲津美食·招牌炸壽司$17(6件)呢間我哋去行山之前已經想食㗎啦 但係原來佢係下晝四點先開 所以我哋本身以為食唔到 點知行完山之後好肚餓 所以就決定再黎聯和墟食埋佢佢比我想人中更加好食 真係超級有驚喜佢中間有三粒係腸仔 三粒係蟹柳 呢兩款都好好味 佢個炸漿唔會話太厚 唔會太熱氣得黎係超級脆 又唔會好油 好正🤤而且佢係即炸俾你 所以係超級熱辣辣 配埋佢掃嗰個甜豉油 成件事超級好食😌😌·📍粉嶺聯和墟和隆街34號地舖

行過見到好多人排隊，原來係小食店喎！一牆都係食物既相，好方便我選擇，原來仲有好多特色小食，好似佢人氣小食排行榜no1既炸壽司又幾新穎喎～除左小食之外原來仲有特色飲品。我叫左炸雞軟骨、香辣糯米雞翼、蜜糖炸燒賣、流心芝士薯球、招牌香辣雞翼尖、酥炸玉子豆腐同草莓乳酸。炸蜜糖燒賣甜甜地好有燒野食既感覺，皮脆內層煙韌，兩種口感都幾特別。芝士薯波波芝士流心。香辣糯米雞翼，食得出辣味，但辣味唔算太濃烈，我會評為中辣。糯米好軟身，一啲都唔痴牙，所以都幾好味。玉子豆腐唔易散開，清清地仲夠滑。炸雞軟骨，呢個粉唔厚，食落好脆口。食到停唔到口，叫一份可能會唔夠喉😆呢個雞翼尖，蒜香味都好足，值得一提佢有咬口，唔會入口就溶哂咁，口感幾好～重點係呢度小食幾抵食，全部連埋一杯飲品，只係102蚊。。除左麵食之外，大部份食品都係十零蚊一份，都算豐儉由人。

雲津美食😋真係聽過好多次，心思思成日都好想食，今日終於都去左！😍當然要食招牌香辣雞翼尖同炸壽司啦！仲買多左幾款唔同小食同老公開心share❤️#招牌香辣雞翼尖少少辣又好惹味，雞翼尖好入味，夠大隻又有肉，食完一隻接一隻。#招牌炸壽司今次簡左唔辣，外面脆，入面煙韌，甜甜地，好特別。#招牌炸豬扒好入味，又唔會炸到好乾身#蜜糖炸燒賣 炸到脆卜卜、甜甜地，好match呀！ #蜜糖八爪魚腸又甜又咸，好似BBQ既燒腸仔#雲津炸蛋細細粒又好彈牙#香辣糯米雞翼香辣煙韌，惹味又飽肚😋又平又抵食，下次宵夜可以再Encore 。

經過一間好細嘅店舖 ，喺門口貼滿曬餐牌，不論係嘢飲、小食定係麵類，都有好多唔同嘅選擇！另外，仲有賣一啲零食雜貨，真係麻雀雖小五臟俱全！！由於疫情再次反覆，為咗滿足自己嘅掃街心態，叫咗好多種唔同嘅炸物， 出色嘅地方係出面無嘅item佢都有！！！ 而且質素非常高！炸壽司 、炸魷魚嘴 ……真係聽都未聽過！！ 個重點係非常好食！ 炸壽司嘅飯粒 ，炸到好似飯焦咁， 香脆惹味！！ 仲可以揀辣同唔辣， 我個人而言比較喜歡唔辣！！炸魷魚嘴非常彈牙，而且口感豐富， 非筆墨可以形容😆當中會推薦呢個芝士雞扒！！ 對於芝士控嘅我嚟講，簡直欲罷不能！另外，呢個重慶酸辣粉都非常出色！ 完全達到當地風味！魚肉碗仔翅嘅魚肉特別彈牙， 絕對冇交行貨！！ 而且份量都唔少！！

呢間小食店，餐牌樣樣野都係幾蚊至十幾廿蚊🤩，所以我地就放縱下買左一大堆小食～😂麥蕉奶 $25/杯店員話今日香蕉好靚，推介呢款飲品。開頭以為麥係麥精，但原來用左燕麥，燕麥豐富左口感，蕉味亦好濃好甜，正！招牌炸壽司 $17/6件因為見其他人都推介，所以叫黎試試。第一次食炸壽司，外面脆，入面保留左壽司飯既黏黏，唔錯～蜜糖炸燒賣 $9/5粒蜜糖蕃薯仔 $14/6粒相信唔少人近排都會去bbq，未去而又想食到bbq風味既話，叫呢兩款就岩晒！香草芝士炸飯球 $17/3粒流心芝士薯球 $15/3粒叫左兩款芝士球比較一下，口感相似。味道方面，香草芝士炸飯球就豐富一啲。芝士方面，流心芝士薯球包住多啲芝士，而芝士味亦比較濃郁。炸多春魚 $15/4條炸得剛好，脆之餘又唔會一拮就成條散晒！咖哩辣魚蛋$6/8粒$8/6粒都難，仲要$6/8粒！抵到呢～👏🏻👏🏻唔會好辣，我唔食得辣都食到！😆招牌碗仔翅 $17/1碗好耐冇食碗仔翅喇～店員仲會問清楚我要唔要胡椒粉、麻油同醋。👍🏻湯餃子 $16/6隻雖然呢度既小食絕大部分都係炸既，但都有呢啲清清地既湯餃子提供。

作為下午茶＆宵夜，雲津係我地一家首選🏆。佢嘅炸物真係一流，脆卜卜但唔算多油。每次必點［金脆香芋湯圓］，金黃色嘅脆卜卜外層，入面係又甜又煙韌嘅香芋蓉，每次食都覺得驚喜😂！小朋友唔食得辣🌶️，但可以食台式香腸🌭、燒賣，又可以同爸爸分享足料［魚肉碗仔翅］，魚肉彈牙🐟🐟！仲有［蜜糖炸燒賣］🍯，炸到脆皮，加咗蜜糖之後，小朋友食到舐舐脷。🍜 印尼撈麵只係 9蚊，又抵又夠飽，加條香腸冇咁悶。如果可以有唔辣魚蛋就好啦，小朋友都可以一齊分享。坐枱嘢食只係$100，真係好抵🤣🤣🤣。

因為疫情關係少咗喺街度食嘢，冇出旺區度掃街， 今日喺粉嶺，見到一間小食店，基本上想掃嘅食物都集於一店，當然唔會放過佢喇～店內仲有一啲特別嘅小食， 好似成個小型旺角咁！留意返營業時間 ，竟然去到凌晨兩點！！！炸墨魚咀～ 嘩！呢個真係聽都未聽過 ，完全係獨創名物，外酥內彈牙， 可以講係食過返尋味！！！炸壽司～ 真係估唔到壽司都可以拎去炸， 呢個係必點item，個餡料係蟹柳，好新奇亦好味！！辣雞粒～ 佢嘅調味應該用咗日式嘅7味粉，辣得嚟唔會覺得over! 炸豬扒烏冬～ 湯底係豬骨湯底 烏冬係非一般市售既獨立包裝的烏冬，非常滑同易入口，而炸豬扒亦好入味！！重慶酸辣粉～ 佢冇坊間啲酸辣粉嘅死鹹，酸辣程度啱曬我胃口 ， 可以媲美坊間連鎖店！！魚肉碗仔翅～ 碗仔翅嘅魚肉份量算幾大而且味道非常之好、濃稠程度適中， 加埋我最愛嘅調味料「醋」， 真係正！！

雲津美食每當肚子餓的時候總想有一間即點即做的小吃店還好今天來到粉嶺可以吃到位於聯和墟的需津美食這小點在晚上黑黑的街亮著燈十分起眼別看小小的要間小食店很多人光顧我站了短短十多分鐘已有六組客人在等候原因是裡面的小吃都十分經濟便宜就算是炸雞腿也只是$16而且即叫即煮十分新鮮除了小吃外還有很多進口的台灣食物如拌麵、肉乾等今天我點了很多食物才$100大大口福我點了：1. 辣味雞粒 $152. 招牌香辣雞翼尖$20份3. 咖喱辣魚蛋 $6/8粒4. 重慶酸辣粉（中辣）$225. 招牌炸魷魚全隻$37我買完食物都回家大概用了40分鐘但是炸魷魚和雞粒竟然能保持脆脆雖然涼了些但是也能保持口感重慶酸辣粉實在太正宗連我能吃辣的點中辣也會哎哎叫那種辣就是我去重慶吃麻辣火鍋的那種辣辣得令人麻痹招牌炸魷魚🦑真的很大隻雖然都是鬚但粗粗的魷魚鬚口感十足炸粉雖然略厚但味道佳而且是即叫即炸完全沒有油「抑」味下次一定要食他的炸壽司！