雲桂香米線專門店

營業中

休息中

腩肉加豬紅係我嘅至愛，唔知有冇人都係鍾意咁嘅叫法或者配搭。呢度嘅腩肉好爽口，唔會好韌，而食落去都吸咗一啲嘅湯汁，好惹味。另外，豬紅唔算係超級朔湯味嗰種，但都會有少少入味，不過不失。至於豆漿我就唔多講，都係正常嘅豆漿味。米線紅，我建議你過來試一試！不過，呢間舖頭嘅難度好飄忽，有時候我叫中小辣，結果其實個辣度係去到中辣或以上，其實都唔係好食到。點解我會知，因為其實我成日幫襯，但好希望佢可以改善到辣度統一，唔會話成日都唔同辣味，搞到我唔知嗌小辣好定點好？

今日我喺長沙灣呢間「雲桂香」食晚餐，整體感覺中規中矩乾淨企理，特別係佢哋嘅雲貴米線，真係值得一試。首先講佢嘅米線，選用嘅係細米線，口感滑溜，入味又彈牙，配上少少辣味（我點咗小辣），唔會太辣，亦都帶出米線嘅滑溜。佢哋嘅配料都好豐富，包括腩肉、雞絲、魚肉春卷、龍蝦卷、雲耳、腐竹、冬菇、芽菜、酸菜、韭菜、蔥同埋芫荽。每一樣都新鮮，腩肉燉得好入味，肥瘦適中，雞絲肉質嫩滑，魚肉春卷皮脆內嫩，龍蝦卷則帶有海味，味道鮮甜。雲耳、腐竹、冬菇都係吸收咗湯底嘅精華，食落去滑溜又有嚼勁。冬菇大粒爽滑特別入味是我的最愛。酸菜同芽菜加入之後，令整體層次更豐富，酸菜嘅酸味配合米線，正正平衡咗辣度，令味道更加醒神。韭菜、蔥同埋芫荽則係提味用，令整體唔會太過油膩或者單調。順帶一提我覺得佢哋個筷子兜好乾淨啲筷子好衛生企理飲品方面，我選咗低糖豆漿，味道清新，唔會過甜，對於想控制糖分嘅朋友來講，係一個好選擇。整體嚟講，呢次喺雲桂香食呢碗米線，感受到佢哋對食材嘅用心同埋湯底嘅專業，值得推薦比大家試一試。下次可能會再試佢哋其他嘅特色菜式，期待再嚟。

雲桂香一直有食開酸辣粉特別好味薯粉好滑嚼起來有彈性湯底酸酸辣辣，尤其是加入了醋和辣椒油，讓整個味道更加濃郁加上豆芽、香菜、花生、蔥花等增加口感的層次感一定會叫腩肉，因為超夠味浸係湯配埋酸辣粉好有口感另外我都鐘意食涼拌米線夏天食會感覺清爽啲唔會熱辣辣覺得依間分店整得唔錯🤓大家可試食依間

今次去長沙灣嘅雲貴香，點咗招牌小鍋米線同炸蝦卷，真係食到好驚喜！小鍋米線嘅麻辣湯底夠香夠辣，辣度有層次，先係麻香再帶花椒微麻感，好惹味😋。米線本身細滑帶彈性，每啖都掛住濃郁湯汁。腩肉切得薄身，肥瘦相間，入口即化；豬軟骨經長時間燉煮，啖啖都幾爽口彈牙；最愛肥牛片，輕輕一涮就熟，保持牛肉鮮甜🥢。炸蝦卷外皮炸得金黃酥脆，咬落去卡滋作響，內裡蝦肉飽滿彈牙，每一口都帶出海鮮鮮甜。配埋微辣甜酸醬，層次更豐富👍。份量方面兩道菜都唔算過份大，但剛好令人食得飽肚又唔會太油膩，收工後嚟一碗熱辣米線，真係暖胃又過癮🔥。店內裝潢簡約乾淨，座位唔會太擠迫，同朋友傾偈都幾舒服。員工服務親切，上菜速度快，落單後唔使等太耐。價錢方面屬於平民價，以呢區嚟講性價比高，懶得煮飯嗰陣就最啱嚟懷舊滋味一番🤤。整體嚟講，雲貴香嘅小鍋米線同炸蝦卷都好值得再嚟打卡同回味！

🌟小鍋米線食過先知道點解咁多人會推薦🔥點咗份中小酸辣湯底嘅，可以自由搭配加料+9$都好抵。+咗豬軟骨、豬耳、豬肚，諗住一次過食齊我最愛嘅嘢。🥘個米線上檯就好吸引，湯色紅潤酸辣味一直吸引住分泌口水，飲啖湯酸辣味調配啱好。豬軟骨燜得軟稔入味，豬耳爽脆可口，豬肚口感彈牙。米線吸曬湯汁，食落又滑又入味。🥤仲點咗杯凍檸茶，食完之後潤潤口，檸檬味清新又解渴，一人份分量都好頂。

外賣嗌兩碗港式米線湯底，返到屋企先發現阿姐入錯單，變咗小鍋米線湯底😤同行友人不吃豬肉碎，要從湯底內逐粒挑走。阿姐前後聽我哋兩個人嗌港式米線，都可以入錯單，返工無心裝載。

黎到長沙灣呢邊食lunch 除左食冰室之外, 茶記之外, 米線都係一個選擇.今次就揀左雲桂香食, 要唔要等位就睇運氣,返工日子既lunch time 都有唔少人, 有時仲可能要等下位.因為都有唔少米線類型選擇, 今次就唔駛諗揀咩料, 就點左雲桂米線,對於一個人食都會係足夠既而且都算多料~雞絲都算唔少, 腩肉食落係正常口感,  冬菇有2舊都算大舊厚身, 食落又唔會太難咬既口感.春卷同蝦卷味道正常, 望落都唔會好薄身, 口感食落去唔會太林, 都算有料~因為呢個雲桂米線都係多餸所以食落係會夠食, 米線又唔算少, 而且湯底雖然唔辣,不過有唔同既餸浸住, 所以湯都會有味道.總結黎講, 雲桂米線係幾抵食, 60幾蚊都有唔少餸唔少料, 不過大前提下係D餸要岩你食啦~

呢間黃花魚酸辣米線真係幾好食!第一眼睇去,呢碗米線就好吸引,紅紅綠綠嘅,整得相當誘人。米線幾乎冇任何負擔,彈牙得剛好,配搭上酸酸辣辣嘅湯頭,簡直叫人停唔到口。呢個湯頭真係絕配呀!濃郁滑溜,仲有啲微酸嘅感覺,爽口之餘又唔會太膩。加埋啲蔥花同薑蓉,個味道就更加出眾。啲黃花魚塊雖然唔係太大,但係夠新鮮夠肥美,真係入味到爆。再加埋啲脆脆嘅蘿蔔同金菇粒,整個組合完全冇有一個弱點。不過食咗份量之後,我都幾飽,再加埋佢唔算太貴嘅價錢,真係性價比爆表。我相信唔少人會鍾意呢間店嘅,因為佢係一間正宗又平民化嘅米線店。如果你想嘗試吓又正宗又好食嘅酸辣米線,我極力推薦呢間!

環境比較好的一分店環境比較好的一分店，雲吞都大，肉有點韌，但皮好食有咬口，豬紅幾惹味不錯，米線都多不會過林，湯夠辣味濃，紫菜無沙，😁😁😁環境比較好的一分店無其他店咁dirty

今日下午茶選這間，因為沒有對面譚仔甘多人，味道一般，價格不便宜～～重點是這間待應是不理你的，我明白待應工作量大，但下午茶時間沒人的（全店只有2人,我是其中一人） 我叫了3次仍沒人理，便走到收銀處下單，那個阿姐又係黑口黑面（我欠左你咩野？） 最後吃完，我去收銀姐付款，又是那個黑面神，我付現金，竟然可以一粒聲唔出！？我自己都有做過服務行業，你也應該說"多謝，幾$$之類" 佢完全沒說一句多謝，其實不用日本人式笑容，但基本禮貌也要有？（Ai 比呢d 阿姐仲好） 下次不會來，比錢請也不會來，呢d 便是迫人去深圳消費害群之馬‼️

我哋今日去食 之後叫餐啦 叫個待應黎 叫左幾次都冇理 之後終於叫咗佢嚟 佢一黎就話成間餐廳得佢一個 慢慢嚟得唔得？ 之後我哋一嚟就話要分單先（我哋有七個人 佢就一輪嘴話分單好麻煩何況你哋有七個人要逐個打 之後 佢就唔俾我哋分單 咁我哋就最後決定唔分單 我哋就叫我哋要嗌嘅餐 佢仲係勁唔好脾氣 一直發我哋脾氣最後轉個頭返嚟又冇事 唔知咩料 （我哋係學生）好似恰我哋咁對呢間嘢越嚟越反感真係唔知咩料 之後我哋仲要見到佢撩啲男學生笑得勁開心

畀過四次機會呢間嘢，第一次係嗌魚湯米線，個魚湯勁淡無乜魚湯味，我要自己加鹽，第二次係嗌酸辣粉，中小辣都已經好辣，第三次都係嗌酸辣粉，但係就係畀錯咗小鍋米線，湯底唔算好濃，得個辣字，第四次都係嗌酸辣粉，啲粉有陣怪味，另外，試過佢哋唔同嘅肉類，豬扒柴到完全食唔到，雞翼肉質好一般，豬頸肉都係又硬又乾，但係勉強食到，唔知點解佢哋全部肉類產品都係又柴又乾又冇味，都試過佢哋嘅夫妻肺片，啲牛展都係好乾🤪 我好少食雲桂香，唔知其他分店係咪都一樣，但係有其他選擇都唔會揀佢。

外賣，嗌咗個酸辣小辣薯粉然後佢重複問咗我三次我亦都答咗三次 酸辣薯粉小辣走青走芫荽結果最後俾左碗麻辣既薯粉 亦都冇走到青麻辣同酸辣係完全唔同！！！！完全食唔到 好失望

暫時米線黎講我食黎食去都個幾間雲桂香大概一個月食2-3次 算係惹味濃味之選今晚黎到長沙灣雲桂香叫左螺旋藻 腩肉 花生螺旋藻不嬲都係好鍾意食嘅餸 必叫腩肉份量多都唔會un花生就比左好多 有成大半碗米線佢就一向大大碗 份量夠飽其實佢辣度都有好多選擇的不過都係同我係銅鑼灣個間食過既一樣係叫小辣唔夠辣 中小辣又辣得制🤣另外另一碗叫左其中一個餸係豬軟骨食落浸味好臊味臊到吞唔到

今日食咗一碗普通嘅米線，加咗啲口水雞，但整體嚟講呢碗米線都只係一般嘅水平。啲米線相對較腍，唔係好有口感，啲口水雞味道都唔夠豐富，缺乏啲辣味同埋芝麻味。同埋，啲雞肉質地都有啲硬，唔算太滑嫩。不過，啲蔥薑醬同埋芝麻醬都仲算OK，可以同啲米線同埋雞肉搭配得好。整體而言，呢個碗米線加口水雞只係普通水平，冇啲特別嘅地方。如果你鍾意食呢啲嘢，可能可以試下其他餐廳嘅款式。🍜🍗😐評分：味道：⭐️⭐️份量：⭐️⭐️⭐️服務：⭐️⭐️⭐️環境：⭐️⭐️⭐️總體：⭐️⭐️