雲桂香米線專門店

營業中

休息中

旺角米線店都幾多，呢間位於樓上嘅雲桂香分店都幾受歡迎，基本上次次去都好多人幫襯。好彩雖然多人，但係收工去唔使等好耐就有位。想係旺角平平地食一餐的話，呢間都係個選擇。不過環境就唔算好好坐，比較逼，正常都要搭枱。-魚腐雞翼米線今次叫咗魚腐同雞翼呢兩款餸，算係比較無咁熱氣。魚腐幾有咬口。雞翼係滷水雞翼，食落口感唔算好，過份稔軟，味道偏鹹。米線就無咩特別，酸辣程度都岩岩好。-凍豆漿豆漿需要額外加錢先有得飲，不過呢度係一大枝，而唔係一杯。雖然味道無咩特別，豆味唔係特別突出，但勝在抵飲。

每次喺附近訂完貨，都會揀呢間米線黎食。你而每次都係會食雲貴米線，因為貪佢夠大碗，啲料都夠多。今次有點反感，首先上到去，無人比位，就咁講咗句入去等，完全係無所適從。到落單，好清楚咁講咗要乜，個侍應又從頭問多一次。到想加杯嘢飲，一波三折，經過三個侍應先至加到杯嘢飲。講返個米線，個湯帶點酸辣，好開胃，配料又多，特別係黑木耳，索左啲酸辣既味道係好好食，其次係海鮮卷，有味道得黎又有咬口。雞絲，腩肉都不錯。味道係好食，但服務態度就有待改善了。

前兩三年響旺角返學，所以成日幫襯呢間雲桂香，但完咗之後就好少幫襯喇！今次去開旺角，時間又比較趕，所以我又嚟咗幫襯啦喇！上到一樓發現成個裝修唔同曬，可以話係同時代進步咗，裝修設計有少少似啲大品牌茶餐廳，但少左份人情味。而且，以前嘅姐姐得返一個響度。我食返我以前最鍾意食嘅熱拌水晶粉，加豬軟骨同通菜，小辣。咦，點解啲味完全唔同咗嘅？料係唔錯，但味唔係我鍾意嘅style，我要諗下下一次仲幫唔幫襯好。。。朋友就叫咗炸雞翼同菜蜜，佢話個雞翼唔係好掂，炸完啲肉質都係霉霉。 菜蜜就淡到無味，一啲都唔甜。

聽日收工約咗朋友，我哋行咗陣朗豪坊，都冇嘢啱食，於是就過咗嚟西洋菜街，跟住一路行一路睇吓有咩食啦，我哋唔太肚餓又唔係好想食飯，咁我哋就搵一間食米線，呢一類嘅洗面啦。呢個時候就俾我哋見到雲桂香，佢好近H&M，即係兆萬中心嘅對面，冇記錯樓下係屈臣氏，門口搭lift上一層就到啦。呢度地方都幾大，座位唔少，有靠窗嘅幾個卡位，我哋就坐喺其中一個。我就叫左個紅薯粉，加豬頸肉，好鍾意佢嘅紅薯粉幾有拗口，唔會一夾落去就斷晒，越食越滋味。

旺角尾的雲桂香米線之前都有食過幾次覺得都唔差，而且因上樓店冇咁多人，今次想起想食米線，就過來買外賣回公司，今次叫了三個餸再加米線，辣度本來想要中辣，但收銀話可能偏辣就要了中小辣，豬扒差點忘了比，見熱呼呼都幾吸引，點知一打開這樣的顏色，而且仲要食落去冇味道吾好食，是最好吃的雞絲，份量都夠而且入味不錯，另一款就叫了冇口感的三件魚腐，中小辣味不錯但幾口乾，米線都夠食吾會太少，食完都可以飽肚但下次唔再食豬扒。

雖說依家周街都係雲南米線鋪頭，但我最愛嘅就係雲桂香🤤.今日食左腩肉魚肉春卷小窩米線(中小辣)，等左大概十五先二十分鐘先有得食。佢嘅腩肉好入味，魚肉春卷略少左啲，不過麵都有好大碗。湯底係好惹味，酸同辣嘅比例適中，但中小辣略嫌唔夠辣，但係問佢攞嘅辣椒油同湯底味道一樣，所以可以隨時自己加辣，呢個安排係好適合我呢啲唔係好敢叫太辣但叫完又想辣啲嘅人!

晚飯時間黎到好在都唔洗點等位，叫左小鍋米線bb辣，加豬軟骨，叫左走芫茜，但姐姐忘了。 豬軟骨食落淋身，軟骨爽脆，湯底咸左d, 鐘意湯底入面的肉碎粒，薯粉軟硬適中， 唔洗咬好耐都咬唔開。

鐘意食米線既朋友仔應該都食過雲桂香🍜對我黎講雲桂香都算係我鐘意食米線既top three 之一貪在佢既湯底岩我，配菜都比較多👍🏻今次揀左豬紅同墨魚🤤豬紅好入味，唔似得其他店既豬紅無味，食落都好有口感，唔算太淋！墨魚好爽口彈牙！而且都算份量多👍🏻米線係偏幼身唔會太淋，配埋湯底食一流👍🏻

晏晝同女朋友出旺角行街，肚餓又唔知食乜所以就去咗食雲貴香米線，貪佢簡單方便快捷！上到去都唔算太爆人，因為其實之前都食過依間所以好快就諗到食物記得上次叫中辣都唔算好辣。。。所以今次都係叫返雞絲蟹子丸小窩米線中辣+凍鴛鴦！ ！等左一陣就好快到啲嘢食，不過一食落去今次都係叫中辣但係比上一次辣左好多不過都仲叫食到所以就繼續食，不過就辣味蓋過晒其他味道。。由頭到尾都只係食到辣辣辣女朋友嗰碗都係一樣！所以由此可見依間鋪頭辣嘅程度次次都唔一樣，所以唔係話真係好食得辣嘅朋友真係要諗清楚先好叫中辣定大辣。。。

講到食雲南米線 一定唔少得雲桂香！對比起x哥，呢d紅噹噹油淋淋既就係我最愛2點入去，人不多，8成滿。。坐低睇下menu, oh, 原來又加左價！小鍋米線個底已經要$28，加埋個豬軟骨$8 , 再加枝豆漿$7 , Total$43 ,唔算好貴，又唔算平！今次我叫咗中辣，不過辣度好飄忽，有時好似唔係好辣，但今次真係超級辣一路食一路流晒鼻水,好似變咗大辣咁，建議大家諗清楚先好叫辣度豬軟骨有3小舊，夠淋，好食，碗內亦有不少肉碎，惹味！ 不過衛生方面就要有待改善，筷子比較污糟，希望小店可以多加注意！

食物質素 9/10一講到話要食米線，我一定帶頭話食雲貴香。除左不嬲食開之外，仲有就係佢既質素真係唔錯！豬軟骨重慶酸辣粉先講尼度既重慶酸辣粉，酸中帶辣，好正！尼度既辣唔會係好麻，調得岩岩好！食過其他既米線舖，佢地既薯粉一係整得太硬一係太淋，尼度既薯粉軟硬度岩岩好，煙un有咬口！配菜方面我就揀左佢出名既豬軟骨，比既份量唔少，肉質都煮到好淋滑，相信煮左都唔短時間！環境衛生 8/10裝修左之後感覺環境比以前大，坐得舒服！服務質素 8/10姐姐手腳好快，執枱落單上菜全包辦！

昨天 掃墓完後 有點肚餓 ，女兒提議入去沙田的雲桂香， 食咗之後念念不忘這些味道 ，今天同老公經過旺角，原來又有另一間雲桂香，又再次走 入去食， 這間主餐 價錢還畀沙田分店平$1， 餸的份量也比沙田店多一點, 有我最愛的豬軟骨、豬腩肉、雞絲炸醬、 豬頸肉、 鹵雞中翼等， 每樣的味道都十分入味， 水晶粉和薯粉都十分煙韌， 平時我不喜歡吃撈粉， 但這裡 有花生酸菜 和秘製醬， 撈落我最喜歡的 水晶粉和薯粉裏面十分好味， 可以愛不辣 ，小辣和十大辣的， 以我丈夫就喜歡吃湯粉， 最後他連湯都飲埋， 跟餐熱飲$6，凍飲$7，凍飲還是大大杯的， 熱飲就比較細杯了， 咁好味的一餐下次一定再幫襯。

相信米線已經成為香港人最常食嘅食物之一。包括我都唔例外。通常一個禮拜食三次左右。由於我都幾鍾意食。所以一個禮拜食多幾餐都OK。呢間野好多人都話好好味。次次去一定要叫中辣先最正！各款小食都好推介

11點幾係旺角附近真係冇咩野食 好多鋪頭都仲未開 可能岩岩過新年 有d鋪又拜新甘。。所以揾左好耐野食。。突然諗起有雲貴香😍 都好耐冇食 就駁一駁😂 同朋友11:35左右去到做第一枱客人。。 以為岩岩開鋪要等好耐 點知落完單好快黎😋👍之前成日食小窩米線 今次試下食麻辣 (其實有d怕食麻辣 之前成日食到個口麻痺好唔舒服🙊) 叫咗中小辣 跟豬頸肉海帶一黎到見到層油咁厚又咁紅 都有啲擔心自己會頂唔順 點知食落好頂癮😋 唔會話好麻痺 個辣好香 份量好多好大碗好多麵🙊 (好似食極都食唔完咁) 加上可能我叫咗紅薯粉好頂胃 就好快餓左🤷‍♀️ 上菜速度快 但係個碗就有啲污糟🙊會再 encore 麻辣😋

荃灣可以話係麵食天堂。無論你鍾意上海麵、山西刀削麵亦或雲南米線，總會搵到非常高水準既餐廳。而其中雲南米線，一向係四坡坊與路德圍之爭。若將之比喻為紅酒，前者就如個性鮮明既mouton, 後者更似入世既lafite兩者誰最好？為何總要分最好？我兩者都鍾意。論味道，四坡坊令人印象深刻Ｄ。但若論經營之道，路德圍贏九條街唔止！君不見佢唔做「唯一」，好多區都有分店？！旺角砵蘭街呢間分店，係繼路德圍以外，我最經常幫襯的分店。同樣一碗腩肉貢丸米線。由中學求學時代食到依家，每次再遇，都諗起佢精明既老闆娘同舖內幫手既嬸嬸。一眨眼，十幾廿年......講真，呢十多年間，佢口味都轉左幾次。明既，以往小店一間，發展成連鎖式，仲有咩自己車隊行中央供應鏈，口味一定要配合實際運作。可幸廳面服務水準，keep到。呢樣看似容易，但我深明做起上來，非常困難。畢竟改變食物口味易，改善服務水準，涉及眾人之事，就難度唔少。作為佢長期捧場客，就如何在競爭極大既市場上長期成功經營，我覺得當務之急，係要搵到同其他人既「差異化」。四坡坊唯一以唯一，以出品做招來。雲桂香呢？老闆娘，呢個問題不可不諗諗。