雲桂香米線專門店

營業中

休息中

今天中午，我和同事又找餐廳吃午餐，我們都喜歡吃米線，不過譚仔的米線愈來愈難吃，大家食的環境又比較污糟。於是，我們今天便去雲桂香！中午12:45左右，幸好還有位置。我叫了豬頸肉小鍋米線，走辣，走芽菜，酸菜，韮菜和蔥，只要芫茜^_^豬頸肉米線方面，米線份量都算多，至少多過大家食。米線少少煙韌，不過不會痴牙，而且相當入味，十分美味！。豬頸肉有5塊左右，厚度適中，不會太堅韌，而且十分入味，味道不錯。由於走辣，湯底甜甜的，味道不錯，當水喝都可以^_^價錢方面，這間米線便比較貴了，豬頸肉小鍋米線$37，沒有飲品。即使其他米線，一款餸都需要$32，其實比較昂貴了一點。總結來說，這間米線十分美味，好吃過譚仔和大家食，不過比較貴了一點，但其實$37都可以接受。

夜晚放工唔知道食咩，行住搵食，見到那間舖好似都幾多食，估計應該都唔會太難食，於是同某人行入去食咯。我的都好彩，啱啱有卡位⋯我照例食酸辣的大辣，加了通菜和豬軟骨。湯的味道OK，食的過，不過D豬軟骨就假D咯，我自己覺得個豬軟骨唔好味咯～某天轉了米粉食、我其實覺得幾奇離，酸辣米粉，聽住就驚驚D，不過佢話好味喔～通菜就同其他間冇分別，不過的腐乳汁有D甜甜的口感，都幾特別。有興趣的可以試下噶

食呢類辣粉,如果唔食X仔XX,多數都會食呢間.今次叫咗小辣嘅細薯粉,配腩肉同木耳.都幾鍾意食細薯粉,煙煙韌韌得嚟又比較索湯,呢度嘅腩肉就比X仔X哥薄切少少,肉質冇咁爽口,不過我覺得佢調味上好似惹味少少.木耳就係因為想食下菜而叫嘅,都幾脆.

每次來到雲桂香 一定叫酸辣米線 小小辣雞絲係不可缺少既餸相比叫丸 俾得2-3粒 雞絲次次都勁大量當d雞絲吸晒個湯汁 就更加好味除左雞絲 今次仲叫左魚腐試下感覺都一般魚旦分別不大 只係個shape吾同左禁 味道吾算突出都係魚米家既魚腐出色好多😂食酸辣米線一定要配凍飲強烈推介豆漿 佢吾算太多糖 好香豆味出街食飯好難得有禁正既豆腐買到又夠大支 抵過叫可樂

行經旺角想醫肚，去左食米線。點左碗腩肉大腸中麻辣米線，真係幾辣下，又夠麻香，like!個湯好得，所以已經贏左一半，腩肉亦有醃過，幾入味，大腸就普通、有d韌，整體來講係幾好味的。食完辣飲杯鹹檸七，正！

我返中學既時候好中意食米線學校附近有好多食米線既舖頭eg. 雲桂香，譚仔，川味所以培養到我依家都好中意食米線雲桂香啲米線唔貴同酸辣都好味，米線硬度適中今日冇食過嘢就出左旺角就決定去食雲桂香入到去人唔太多 嗰陣都係十二點左右坐低之後其實我係唔使睇餐牌都係嗌返腩肉米線中辣(走芫茜走酸菜今日等碗米線等好耐，佢冷氣又開到勁大唔知係咪想趕客大約十三分鐘終於泥啦真係好辣，好味既辣但腩肉太多軟骨，比既量太少同埋嗌左杯凍朱古力朱古力味淡媽咪嗰杯凍檸茶就太多冰扣左啲分。

＜慳妹小貼士＞因為習慣早食晚餐，所以好多時候都啱啱好可以用下午茶價錢食到晚飯。同男朋友係旺角整電話，要等成二個鐘先拎得，所以就提早係五點幾食晚餐。我就叫左腩肉小鍋紅薯粉 $28+7個湯好濃，濃得嚟又唔會好咸，不過腩肉得幾片，份量比較少。紅薯粉的軟硬適中，好有口感！下午茶時間，加五蚊就有凍檸茶。一杯檸檬茶有四片檸檬，無偷工減料。整體上，食左甘多年 雲桂香既食物依然保持到水準。

今日叫了雲貴香米線外賣，點了我幾喜歡吃的酸辣米線加腩肉和魚腐。佢地個酸辣湯底真係幾好味，辣得來帶點甜，加埋酸菜和肉碎，仲有芽菜，味道好開胃。腩肉本身已經醃過帶少少辣味，口感好正，另外魚腐剛好吸納嗰酸辣湯底味道，又啖啖肉，加埋杯凍檸茶緩和下口裡又辣又熱嘅刺激，成個下午都好滿足

識食米線當然要去食米線專門店，因中午時間太多人了，只好食外賣。 通常都會食呢款酸辣米線，因其味道偏濃郁，酸酸地既感覺但又加上微辣的刺激，再吃內裡既配菜，越食越開胃。麵身可能外賣關係，有少少過熟了。

剛好朋友在旺角，而且他又很喜歡吃米線。所以來到這家雲桂香。其實餐牌的選擇有很多，而且有各色各樣的湯底。最後還是選擇了這道腩肉小鍋米線，腩肉炆既時間很足夠。味道微微的麻辣帶甘，而且湯底夠濃郁，喜歡吃米線的值得來一試。

腩肉酸辣米線大辣（$30）司令中新食雲桂香尼款米線多過譚仔，因為佢既米線質感偏軟身，索湯啲，湯入面有大量肉碎同配菜，唔叫配料都唔會好dry，而且重點係辣得夠過癮。司令最中意配既就係佢既腩肉，因為佢既腩肉唔係一般既五花肉切片，而係有醃過既豬腩肉😍，瘦肉中帶少少肥，仲有辣辣地。配埋濃濃既酸辣湯底，辣癮即使解決到。

旺角分店-食—次便夠在旺角行街，忽然想起雲桂香在家樂附近，即係左穿右插人羣中，找电梯入口排隊，好快便安排入座，我至愛的腩肉蘿白，腩肉全比湯浸哂，好似白烚肉，夢白唔夠"林"無味道，味道不大如前，以前在荃湾總店，每日吃同款也不覺厭倦，但係在旺角分店，真係有点兒失望了。

放工同家姐食飯， 好耐冇食過雲桂香啦！上到去等左一陣就有位,點菜次次都係小鍋米線， 小小辣， 今次家姐點腩肉大腸，我點左豬軟骨大腸，腩肉同豬軟骨都係勁好食， 腩肉唔太肥， 夠淋！豬軟骨真係好正！一咬就爛！不過今次大腸就差左d，好韌丫，咬唔倒。加左樽豆漿，7蚊其實真係差唔多，好好飲！

呢間旺角雲桂香我平時一個月都食幾次，但近一個月冇食到，今日如常同女朋友黎返呢到食返同一樣野，發現所有味道都變哂，首先講左個口水雞，一個字「垃圾」，原本有炸過原粒花生變左普通花生，原本有麻醬都冇埋，得返d辣油㴆住，d雞仲要切到散哂，小鍋米線湯底仲過份，芽菜韮菜少左好多，成個湯希左好多，得返辣油味，酸辣麻辣完全冇哂，腩肉得幾小塊，平時d服務態度已經好差，而家野食都咁難食，我發誓以後唔會再黎囉!!!!

成為上班族後仍不忘要自我增值，最近正式開始學一種新語言，感覺很充實！在上堂前baka陪我先到雲桂香填飽肚子，好讓我精精神神上學去。記得上次來雲桂香時仍是大學新鮮人，見到雲桂香樓下鋪位變成大型集團連鎖店，有點不習慣之餘，也感慨原來時間已在不知不覺流逝。食店裝潢設計也與舊時大有不同，唯一不變的應是餐牌裡的選擇。我和baka都點了健康五色涼拌米線（＄３０）。拌米線份量超多，應該是我平時的兩三倍份量吧？配料選材健康豐富，包括黑木耳、青瓜、蕃茄、紅蘿蔔絲和芽菜，纖維指數爆燈！米線質地爽口，但汁醬有點鹹，吃到最後差不多只剩下汁和麵，吃起來略為吃力。 另外份量過多，下次再吃可能要先說少麵吧？飲品則點了凍豆漿（＄７），偏甜。記得上次來吃都是點了這個涼拌米線，雖然已不記得當時的味道，但重遊舊地，百般滋味在心頭呢！