雲桂香米線專門店 (已結業)

開左咁耐，今日先係第一次去桂雲香，叫左魚腐酸辣薯粉(少辣)+凍檸茶 (下午茶時間 :酸辣粉 $20，餸$6、飲品$3) TOTAL:$29第一次係度叫薯粉，已經叫左少辣，點知都係辣到噴火，食到流哂鼻水，勁樣衰 ，唔知係我唔食辣，定係阿姐無寫到我要少辣喇，好彩我有杯COT，一路食一路飲，先食到咋~ D魚腐就少得可憐，比$6 先得三塊，仲要唔好食，好似魚蛋咁既，一D都唔似魚腐架!!! 依間野，無下次呀!!!!

午飯時間人多, 以為應不差, 卻可能是附近選擇不多吧. 聽到同枱客人也不稱讚 ... 至於我那碗小鍋米線是等了頗久, 而且餸少, 麵質又偏淋, 牛月展只得三數塊, 見人手不多, 很久也沒端水來, 便自己去取. 噢, 不知是杯還是水, 又還是兩者皆是 ... 帶著舊油味. 份量不大夠, 作午餐真的要多點吧. 飲品另加錢的那種午餐, 如今實在普遍.

早幾日同阿媽食午飯，突然好想食米線奈何譚仔好多人．．又餓又唔想排隊！就轉戰呢間又係食米線既鋪！鋪出面ｄ相好似好正咁ｏｋ．一入去冇乜人但成間鋪既職員都黑口黑面！有種不祥既感覺睇一睇餐牌，價錢可以接受點左個四川酸辣粉加碟春卷小食順帶一提，落單個位侍應態度好差叫佢拎個碗仔，勁悔氣！碗粉黎到，食左擔唔想再食第一，唔夠熱第二，冇味（自問都食開淡野）個春卷都好過碗野．．四個字講哂！唔去都擺一定唔會再幫趁囉！

今天食晏又去了食米線.因為次次都叫酸辣米線, 今日試下上湯底. (有時酸辣湯底都好濃味, 有點過濃)都算係幾清吓, 16元一個麵, 再可以加4元一個餸, 都算幾抵. 配菜有莞茜, 整到個湯都幾香. 不過如果有人唔鍾意莞茜又另計.係到食晏都是一個ok 的選擇.佢有一個叫蟲草雞湯的米線, 說是特別推介, 下次再來都想試下.

我鍾意兵兵食佢既酸辣既味道,d重慶酸辣粉既質地好好,透明既粉咬落又滑又煙韌, 配上花生成碗粉好香湯底夠濃而且辣度適中小鍋米線成碗粉好清, 無乜肥油, 好處係唔肥膩食得安心雖然湯底咁清但唔代表唔夠味, 酸度同鹹度0岩岩好, 今晚唔怕口渴起身搵水飲我叫左小辣, 酸酸辣辣好開胃

sunday hv tea here雲南酸辣qq粉 (samll spicy)just like the taste in the one in MK, but the 環境 is much better, hv seats and air-con and have a free tea...QQ粉-->just like 薯粉, it's 彈口 and not so soft, so it can't fully socked the soup base...soup base is not very spicy, the sour taste is just right, and not so much red oil float on the top, that's great!it also have some, peanuts which is cripsy, 炸菜~Sunday no set lunch, $20 per bowl without any drink, needa +$6 to have hot drink which is not worth i

呢間野可以說是我在大埔食過的麵店最差的一間首先廿十幾元一碗麵無疑是貴因為無論你向邊一面走,都可以找到質素比佢高而且平過佢(除譚仔三哥,不過呢間質素高太多)隔一條街有學利,後面有成仔記都係平民價錢,一流味道我完全不明這間東西點解咁多人先說配料,幾蚊一樣唔算貴,但少得可憐,而且d麵好散亂感覺成堆野求其拋入去二十多元冇野飲貴難食

今日出街買野, 之後去左雲貴香食野, 冇咩人唔洗等, 叫左2個腩肉米線, 今次腩肉少左D, 同埋D炸醬好明顯少左, 不過SO FAR 都唔太大問題, 之後叫左個外賣, 酸辣粉+中辣+加底+豬腸 炸醬同蘿蔔同埋走茜, 點知道返左屋企之後打開一睇, 豬腸變左火腿, 炸醬得小小...仲要有茜.....真係火都黎埋...唉.....冇法 到最尾都係要照食....唉...好唔掂LO....落單都落錯....我REPEAT左2次....下次都係食譚仔算了

炸醬腩肉米線:::炸醬香香的味道!!!腩肉小小辣!!好入味!!!豬軟骨大腸米線l:::::豬軟骨好林好入味!!!好好食!!!大腸切得太細沒有了原來咬落去我口感!!!味道麻麻!!!可以不試!!總括:::好好味!!!!

勞動節行完山, 去到大埔食下午茶找到間雲南米線店, 坐落叫左個中辣重慶酸辣薯仔 QQ 寬粉 + 炸醬, 食落個湯底不酸不辣但就越食越咸 ( 非常咸 ), 而 D QQ 寬粉都幾好. 另外又叫左個上湯薯仔 QQ 寬粉 + 豬潤, 個湯底真的非常清 ( 無味 ). 是次應該將兩個湯底相加除二可能會是恰到好處.

我係呢間野食左2次第一次係呢間野係新開既,見到咁多人就幫襯下我叫左個酸辣湯底既牛肉米線,本來以為個湯底會幾辣,點知只係得個酸字,好酸,完全唔辣(我呢個人係唔食得辣既,但係我都食唔出個辣味,所以你地話呢!?)加上米線又細碗,雖然米線煮得唔錯,幾彈牙。之後就叫做雞翼,本來以為佢d雞翼應該幾好。冇錯,係唔錯,但係d同普通餐廳既雞翼冇分別,唔抵食。本來林著唔會再去食,但係我都去多次啦點知今次仲差,我同同學放lunch果陣去食,我地叫做清湯豆腐卜米線。今次d湯底係咸!咸到我地冇哂味覺 飲檸水果陣係完全飲唔到味-_-加上,我覺得碗米線既湯底冇特色,得個咸字,同埋好少餸.....最重要,就係d 伙記 冇禮貌,態度麻麻,可能忙既關係啦

新開張o既米線鋪頭當然要一試lee間分店比起其他區o既分店光鮮同舒服起碼唔會坐到好迫人, 食都食得舒服d今次我order左新款式, QQ薯寬粉, 但當時o個個落單阿嬋猛o向度話得幼, 冇寬嫁wor, 我於是覺得好奇怪, 明明menu分開2個item寫, 有幼同寬, 點解佢不停咁話冇呢............??? 真係令人費解!!! 最後我都係order"寬"o既, 3個配料, 每個$4, total $16 +12= $28朋友仔order左個傳統小鍋米線, 有得order酸辣或者麻辣, 佢order左小o既酸辣!!!我地明明一齊落order, 其實佢樓面o既staff都唔少, 但我就覺得唔太熟手~~~ anyway算啦~我都係等食o者..............等左10mins左右朋友碗麵到啦~ 份量比起一般分店略少, 而且小酸辣同無酸辣係無分別o既, 點解呢??? 好啦~ 朋友碗麵我評論唔到, 因為冇試過ma, 我繼續期待自己碗麵, 繼續等, 繼續等, 成15mins都未有動靜, 於是就見一個staff追一個staff, 希望可以快d有.............唉~~~ 餓死人啦

好開心, 好鍾意食雲南桂林米線, 估唔到大埔都會開分店!!第一日開張已經急不及待要黎試一試, 呢間分店都唔錯, 保持一貫水準!本來想安在家中叫外賣, 打電話落去, 點知接線生話:「唔好意思呀, 小姐, 麻煩你可唔可以落黎買呀? 」我心想, 可能第一日開張, 未請到人送外賣, 又或者新開張太忙, 好, 就親自落黎買個外賣!企咗响櫃面想叫外賣, 但櫃面姐姐掛住幫個伙記落單(員工晚餐), 唔理我... 叫咗一碗豬潤鳯爪筋小鍋米線, 中辣, 走芫茜,豬潤 --> 切得薄, 剛熟, 唔錯唔錯!鳯爪筋 --> 好多, 以為得一兩粒, 點知食極都仲有, 好爽脆, 好味, 中辣小鍋米線 --> 比起其他分店, 呢間分店中辣唔算好辣, 我下次可以食中大辣!我明明叫咗走芫茜, 同番櫃面姐姐講, 但佢繼續同伙記弟弟打牙較, 唔理我...食物唔錯, 但服務要改進呢!!

新開張左幾日, 預左去到會多人又亂嫁喇同阿媽阿爸夜晚黎食, 雖然多人, 不過佢地方夠大唔使等麻辣牛展薯仔QQ 粉$26牛展有陣騷味, D 粉白雪雪無咩特別,湯底得個辣, 配上日本魚旦同粟米, 成碗睇落似日式拉面重慶酸辣粉$20 + 豆卜$4 = $24透明既粉咬落又滑又煙韌, 配上花生成碗粉好香湯底阿媽同阿爸都話好, 夠濃而且辣度適中我個人就認為只係OK, 明明叫做酸辣粉, 卻只有辣味無酸味小鍋米線$20 + 腩肉$4 = $24成碗粉好清, 無乜肥油, 好處係唔肥膩食得安心雖然湯底咁清但唔代表唔夠味, 酸度同鹹度0岩岩好, 今晚唔怕口渴起身搵水飲我叫左小辣, 酸酸辣辣好開胃, 米線不過不失, 如果可以多D 肉更好最驚喜的原來係飲品柑桔水另加$8柚子茶另加$8一杯柑桔水入面有4 大粒柑桔, 柚子茶既柚子分量三分一杯有多估佢唔到原來特式飲品會足料到咁相信水吧係新黎呢間分店0係大埔開左幾日, 環境光猛而且當然乾淨落單慢, 黎錯野既情況當然有, 做做下熟左就無咁多錯漏嫁啦員工因為新既關係態度幾好埋單3 個人$98 味道OK, 會再食既