雲川 米線．紅薯粉 (富麗大廈)

營業中

休息中

雲川燒既豬頸肉一向都係人氣之選，已經唔止食過一次，但每次去到都一定會叫，今次叫左豬骨湯豬頸肉墨魚丸米線同豬頸肉貢丸紅薯粉,豬骨湯湯底濃，有微辣既配料但非常惹味佢既豬頸肉燒得好香，仲要切到一條條，好易咬又夠味，已經份量都多，絕對值得推介！另外叫左貢丸同墨魚丸，貢丸重香菇味而兩種丸都係彈牙夠味，都值得一試啊！佢既套餐係一麵一餸連飲品39蚊，額外加餸都吾會太貴，價錢合理，難怪每次去到都有好多人捧場，有時仲要係出面排一陣tim

米缐雖然國內引入，但一早已成為香港地道美食，去到那裡總見到😝😝😝這家云川燒在屯門有3間分店，真心覺得不錯米缐不會太稔，而且湯底小小甜，辣度適中，還有魚湯底

平時食開中辣嘅我真係冇諗過會食到大辣嘅，事關我每次食辣其實都會係咁洗汗，但其實我都幾享受呢個咁嘅過程，可能人話係虐待啊事君立係破壞緊未來嘅一個過程，但我都會一於好少理。今次打電話叫定先嚟到嘅時候發現真係嚇死我呀，因為我見到個面比平日紅咗好多，我再睇一睇張單，話原來係擺落嚟嘅，喺溝通一番嘅事後發現原來係叫錯咗，不過叫早就冇晒啦，免得又浪費食物，最後我都食咗佢亦都係第一次食最辣嘅一次第一口發覺又唔係好特別姐冇乜嘢，但當食咗第二搭嘅時候嗰啲麻辣味就攻上喉嚨裏面令到我真係好想咳，雖然我叫咗支豆漿，但呢種辣係不足5秒之後又重新回覆，對比平時我系唔會一啖湯一啖米線咁去食但今次我錯了，當我食到第四五啖嘅時候身上嘅行就流到好似我啱啱將成支水倒落個頭上面咁樣流落嚟，而旁邊嗰位朋友見到我嘅時候佢仲以為我啱啱跑過嚟個身比較熱。不過整體來講呢個辣同隔離嗰間鋪頭嘅\都係差左少少，可能依家唔係正宗嘅麻辣嘢啦，我食開嘅亦都只不過係佢香口嘅豬頸肉，而呢一次敗筆嘅係豬頸肉冇分開上，搞到林晒

⭐️👉🏻評分: 8.5/10😚成日係story post 但反而無乜正式介紹，係我愛店雲川燒🤣發現熱拌都好好食！個汁唔會過鹹😽————————————————————-🔹豬頸肉熱拌紅薯粉 ($39)唔聲唔聲又加咗價，不過都仲係咁抵！原來熱拌都幾好食，辣肉碎幾惹味，唔係平時食開個種濕炸醬，質地係似肉燥/肉碎生菜包個種肉碎🤣豬頸肉一樣咁激量、入味！熱拌好處係唔會浸淋啲肉——即使放耐咗都可以保持剛燒好嘅外脆、肉嫩多汁～❤️個種香氣真係無可取代舉世無雙🤪無嗌過唔好話食過呢間😳🤪🤣🤣 薯粉唔洗加錢，不過米線都唔錯㗎！————————————————————btw我個人麻麻地佢哋個魚湯

好耐之前search 屯門米線店已經見人推薦過"雲川燒", 幾個月前佢終於係虹橋開左分店，米線癮起時就會去食。雖然係新店，但已經客似雲來，店內常滿，晚上有時都需要等位。呢度既米線餐連野飲，單餸再加凍飲就大約$42.食過幾款餸同埋唔同種類既辣，暫時覺得最好味既都係酸辣湯底既豬頸肉同埋豬扒。調咪調得岩岩好，豬頸肉既份量夠多，燒過既豬頸肉香而不肥，難怪成為招牌菜。酸辣湯式比麻辣惹味，呢度既湯式辣度不高，平時食開三小辣既朋友都可以試下中辣，會過癮d.

之前成日聽人講呢間雲川燒係米線界嘅no.1🥇今日專程前往拜訪一下，由東區入屯門，淨係車程，都咪話唔辛苦😆😆間店係商場嘅地下一角，食客都唔少，坐無虛席咁濟🤭🤭餐牌圖文並茂💁🏻‍♀️豬頸肉酸辣小鍋米線（小辣）黎到梗係食王牌啦，佢個豬頸肉真係無得輸，燒得好香又均勻，但唔乾身，入面仲好juicy👍🏼👍🏼💁🏻‍♀️香茅豬扒麻辣小鍋米線（小辣）豬扒都唔差，同香茅味好夾😋😋‼️我個人喜歡個湯底麻辣多過酸辣，佢嘅酸辣偏酸，如果無咁酸就perfect 池🙈🙈小食：💁🏻‍♀️家鄉手撕雞💁🏻‍♀️椒鹽雞軟骨

豬扒蘿蔔紅薯粉麻辣湯微辣豬扒有滿滿的香茅碎，調味不錯，厚薄適中，肉質就是很自然、有咬口的豬扒質感（很怕出外用膳吃到肉質過分軟腍的化學醃料豬扒）😯蘿蔔有四大塊、帶甜無渣、煮得非常腍身，超讚的！是此店的必吃推介！😆麻辣湯味道適中，不會過咸，但就是跟很多餐廳湯底一樣的味精豬骨湯+麻辣醬而成。當然$50大大碗兩餸米線+凍飲，呢個價錢對湯底不能有太高要求，唔過咸已經合格。另外，紅薯粉也是煮得偏腍。菜肉雲吞蘿蔔米線酸辣湯微辣菜肉雲吞大顆且飽滿😛皮薄帶點煙韌，有麵粉香，應該是新鮮包好的，很久沒有吃過這麼出色的餃子皮。餡料是韭菜和豬肉，韭菜香脆有鮮味，豬肉調味不錯，是一顆美味的餃子，誠意推介給大家試試！😁餐牌上寫的是菜肉雲吞，但我覺得這是韭菜豬肉餃子。😛酸辣湯依舊過咸，米線也是煮得偏腍，如果能改善就更好了。椒鹽雞軟骨$26我好好好好好好好鍾意食雞軟骨，但這碟雞軟骨的調味不算好。炸粉厚薄適中，但炸得有點過火令外層變乾，最大的問題是非常油，油多到變油浸雞軟骨了。☹️此店的凍檸茶，茶底香濃而不澀，檸檬切得較為厚身令整杯檸茶檸味十足，值得一讚！👍🏻近日天氣悶熱，小店內冷氣有點不足。

第三次幫襯, 頭兩次都還可以, 今晚啲阿姐態度超差, 呼呼喝喝, 我見卡位走咗冇人坐又冇人等位想轉過去, 問聲得唔得當聽唔到完全唔應我(但眼神回應咗証明佢聽到我問) 佢唔應我唔緊要我咪自己搬過去囉, 即刻大聲呼喝話你哋兩個要坐一邊! OK, 講真我都冇打算要同老公兩個人坐曬張4人卡位, 雖然我唔明剛走果檯兩個坐曬你又唔出聲, 但我都唔會打算兩個人坐曬嘅, 不過態度可以好少少嗎? 埋單時話唔收毫子! OK, 你有貼出嚟但我哋睇唔到咁你可以好聲好氣啲講話唔收嗎?! 講番啲食物! 第一次次覺得ok, 份量多亦算抵食, 之後唔知係咪做旺咗就愈來愈縮水, 而家啲粉少好多! 加餸蘿蔔同大腸/丸類/肉類竟然一樣加$8! 咩logic? 雖然我好鍾意食薯粉, 但都唔會再幫襯!

睇到好多食評都讚不絕口，今日終於一試。豬頸肉雲肉米線小辣-米線偏腍-湯底過咸，味道亦同好多米線鋪頭湯底差不多-豬頸肉幾香口，調味適中，肉質中規中矩但愈食愈覺得有一種似層相識的味道🤔啊！就是凍肉鋪那些醃好的豬扒切成幼條我認為是缺點，影響口感，相信切片會更好-雲耳是白灼的，吸收了過咸的酸辣湯，味道剛好，不錯吃😛凍檸茶的茶底出色，茶味濃而不澀👍🏻抵讚！米線味道整體尚可，$50兩餸大碗米線+凍飲，抵食飽肚之選😁

本身無諗過食呢間餐廳既，係因為想食另一間但係咁岩無開，就係附近求其搵間野食。我係門口聞到勁香，所以就入左黎食，我覺得個豬骨湯底還可以啦，係香既，但係個腩肉既肉質唔好，唔會話好好食！而且朋友叫左杯凍檸茶，差唔多食完都未上到，期間都催左佢幾次，佢都只係話落左單等陣就有架啦，但係隔離台遲過我地落單都上左，最後催左好多次先願意幫我地跟進。我都明白有時會好忙，會忽略左客人，但係你安排得客人入黎，唔係落完單就由佢係到等杯漏單既凍檸茶架嘛!!我催一次你話落左單就有架啦，催兩次又係呢句，隔離台遲過我地都有野飲，仲要係杯凍檸茶!!!我就唔信一杯走甜既凍檸茶要等咁耐!!!我催你你有跟進其實都無咁嬲，最嬲係催左你好多次都唔跟進啊!!如果講野食既話，真心覺得無咩特別，唔會特別推薦其他人黎食。

呢度聽朋友講係屯門名物！好多人都特突揸車過黎食佢啲米線！順便貪佢泊車方便mon住！呢度雲南式小鍋米線，又係好多配料選擇，又有薯粉，又有米線！有麻辣酸辣湯底！呢度最出名係豬頸肉，味道都ok ge！有啲太咸！不過都夠淋身！唔會乾爭爭！呢度坐得都幾舒服，好多卡位坐！唔會坐得好逼！冷氣又夠！都算係咁！不過啲姐姐服務就好一般喇！笑容冇乜！掛住傾計吹水，舉手落單都要舉一段時間先應，呢度就有待改善喇！黎呢度食就唔好有太大期望就ok！質素一般啦

依間人氣都幾勁又好多人介紹，今次夜晚5點幾就嚟試下好唔好食平日既5點幾6點，人流未算太多，一早就知依度出名豬頸肉我地就叫左豬頸肉墨丸魚湯米線同麻辣腩肉墨魚咀蘿蔔米線蘿蔔好淋，甜甜地，好食腩肉太肥太多脂肪，荃灣嗰間腩肉好食d,墨魚咀都彈牙，湯底麻麻，係清湯加一層辣油咁，米線份量適中另一個叫左豬頸肉，個人認為豬頸肉有d乾，無咩肉汁，反而墨丸有驚喜，彈牙，唔似街市賣嗰d，個魚湯中規中矩，唔錯叫左個湘絲海蜇頭，好麻好彈牙，幾Q彈，幾好

我有個鍾意食米線嘅朋友推介我黎食，就約咗夜晚8:30❤️一去到，出面都有幾個人等緊外賣同埋要拎飛等位，等咗兩張枱大概15分鐘就入咗去。..見到佢個餐牌，「米線/紅薯粉/熱拌套餐」$39，奉送熱飲/凍飲加$3，另外仲可以揀一款餸，再加一款都係加$8，都算幾平下💙佢入邊有啲配菜，唔鍾意食芽菜或者蔥，就記得落單嗰陣同佢講埋唔要啦💙..1️⃣麻辣湯小鍋紅薯粉(香茅豬扒)⭐️⭐️⭐️⭐️⭐️我揀咗麻辣嘅微辣，真係好夠麻好正，而且個辣度都啱啱好，個湯底都好特別，雖然係麻辣，但係佢個湯底係黃黃地色，而且較稀，但味道又好濃！香茅豬扒好薄身，好淋，煎得香脆，有口感，內裡好多汁！紅薯粉外形係似公仔麵咁曲，好彈牙，加埋佢有比既肉碎一齊食，真係冇得頂😍😍2️⃣酸辣湯小鍋米線(豬頸肉、肥腸) ⭐️⭐️⭐️⭐️⭐️酸辣湯都係簡左微辣，個辣味就唔太有，不過酸味好岀，但唔係酸菜魚個種酸，調較得岩岩好，肥腸彈牙、索哂濃濃既湯食，真係好正，而豬頸肉係切成細細長長的形狀，醃得好入味，外層煎得香脆，內裡又夠淋！3️⃣麻辣湯小鍋米線(豬頸肉、魚角)⭐️⭐️⭐️⭐️⭐️魚角彈牙，似魚旦咁彈，唔會硬，中意食魚片魚旦既人必試！回頭率:9/10好味指數:10/10🥰🥰🥰🥰🥰

本身都好鍾意食米線，依間咁啱就開咗屋企附近，本身都太覺佢嘅存在，因為通常都會食其他嘅或者返屋企食飯，但今次想落街食，但又食附近餐廳食到厭厭地，所以就發現咗原來係咁好味㗎！同平時餐廳一樣，有不同的湯底比你選擇，再配以不同的餸菜，辣度都有5個程度。今次就叫咗豬頸肉酸辣米線、豬扒魚湯米線同埋辣腩肉麻辣米線米線就煮得好爽口彈牙，而湯底亦都好濃味，上網見到豬頸肉好好味，果然無伏除咗米線之外，我哋仲叫咗脆皮豬大腸，比起米線雖然佢要等較長時間去炸，但係我想講係絕對值得，豬大腸外脆內軟處理得好好。如果有興趣去試嘅朋友，不妨都叫下黎食啦

紅橋井財街出名多嘢食就係人都知，依間雲川燒都係我嘅飯堂！每星期都起碼幫襯一次！唔食過就會心癢癢！每次我都會揀酸辣中辣，湯底濃度剛剛好，唔會死咸！好飲，忍唔住飲返半碗蘿蔔必叫，食得出好清甜，件件都好大！一d都唔孤寒，煮得又夠淋冬菇有預先煮到入曬味，而且爽口，食落又滑，粒粒都又厚又脹卜卜雞翼有2隻，鹵得夠入味，雞肉好滑，值得一試其餘我仲推介食花枝丸，豬扒，豬腸，一樣做得好出色！依間店鋪嘅豆漿好香濃，有機會要試下，因為好快賣曬