雲家小鍋米線 (安寧大廈)

營業中

休息中

雲家小鍋米線 元朗身為湯麵控既我；當然唔少得食米線啦今次用外賣app叫「雲家小鍋米線」食🥢估唔到有驚喜;會二訪指數極高👏🏻🌸小鍋米線麻酸辣（BB辣）配豬頸肉配料仲包括芫荽、肉碎、蔥、芽菜等等；份量十足豬頸肉浸落湯都係微微酥脆；肉質Q彈完全唔油膩米線麵質適中容易咬口（絕對不是腍）；湯底酸酸辣辣；十分開胃🤤🌸炸春卷炸春卷外皮一絲一絲；一啖咬落去酥酥脆脆；配搭餡料好鮮香；極為可口🌸炸雞中翼$32雞翼啖啖肉；配埋泰式辣醬；超超超級惹味完全係CP值爆燈嘅米線餐廳（大愛💕📍元朗馬田路20-30B號安寧大廈地下2號舖

雲家小窩米線是一家平民米線店，雖地方細小，座位有限，旺場需等位，但食物好味價格親民店家主打雲南米線，湯底由師傅熬煮，招牌麻辣米線（$38）湯頭濃郁微辣，帶花椒香，米線爽滑Q彈，配新鮮牛肉片、雲耳和香菜，味道層次豐富。過橋米線（$42）以清雞湯為基底，食材分盤上桌，自行加入熱湯，牛腩軟嫩入味，令人滿足。特色小食如炸雲南乳扇（$20）外脆內軟，奶香濃郁，超開胃。環境簡約乾淨，服務親切，老闆偶爾與食客聊天，增添溫馨感。雖然空間略擠，但雲家小窩以正宗雲南風味與用心服務，值得再訪！

元朗雲家小鍋米線真係米線控嘅好去處！佢哋嘅涼拌墨魚係招牌必試，墨魚頭粒粒大大，爽口彈牙，咬落脆卜卜，拌上濃郁蒜蓉同黑醋，酸辣開胃，香氣撲鼻，食到完全停唔下來！小鍋米線選擇豐富，酸辣湯底微酸小辣，帶花生香，配芽菜、酸菜同芫茜，湯頭濃郁又唔油膩。推介加豬頸肉，肉質爽彈，份量足料。其他小食如醬拌皮蛋都好驚喜，皮蛋溏心清爽，味道一流。服務態度親切，店員落單快手，上菜效率高。環境乾淨企理，雖然坐位略為擠迫，但氣氛熱鬧，食得開心。價錢親民，涼拌墨魚同米線份量多，CP值超高！想喺元朗食正宗雲南風味，雲家小鍋米線真心值得一試，食完真想即刻再幫襯！

想食平靚正嘅嘅晚餐，識食梗係食米線啦！今次就跟咗米線關注組來到元朗食呢間穩世米線小店！聽講呢到嘅米線同埋小食都好出色～✨豬扒炸醬小鍋米線呢碗小窩米線辣度揀咗中辣嘅麻辣湯底，香辣惹味！豬扒係超厚切！炸醬亦份量十足，米線本身嘅配料都非常之多，令到米線嘅口感更加之多元化～✨墨魚丸小鍋紅薯粉呢碗小窩紅薯粉嘅辣度就揀咗小辣嘅酸辣湯底，酸辣嘅味道令人更開胃！墨魚丸爽口彈牙！紅薯粉亦煙煙韌韌！正啊～✨秘製豬頸肉豬頸肉炸到表面微微酥脆，肉質Q彈有嚼勁，重點係食落口完全冇油膩感～✨炸春卷春卷嘅外皮係一絲一絲咁嘅，咬落去酥脆可口，中間嘅餡料食落去亦好鮮香，係進店必叫嘅小食之一～✨咸檸七

雲家小鍋米線🍜香港必食米線足料！抵食！好味！就係禁簡單小鍋米線🍜即叫即煮🔥口味眾多😋酸辣、麻辣（可以自選辣度）足料製作👍🏻跟有芽菜、酸菜、韭菜、芫荽如果你有點辣度更會配試辣豬肉碎！超惹味！今晚又來買外賣叫左麻辣小辣小鍋米線自選配料每日限量腩肉、肥牛、豬軟骨湯底麻辣香味米線掛汁每啖食到肉碎！除左招牌小鍋米線仲有多款小食都好好味涼拌墨魚頭⭐️每次必點！爽口墨魚配上大量秘製蒜蓉醬微辣香口麻辣金錢肚⭐️金錢肚麻香十足勁入味～滋味之選雲家小鍋米線 📍元朗馬田路20-30B號安寧大廈地下2號舖📍荃灣沙咀道328號328廣場地下G01舖

今日來元朗, 炎熱的天氣令人想食d湯😅😅粉麵, 之前係荃灣食過, 就覺得不過不失😅, 又唔係好突出😄, 今日試下元朗分店, 地方比荃灣細, 不過可能放長假關係, 又唔係真係勁多人排隊, 好快都輪到我😆, 比安排一邊卡位🥰超正, 係外面等的時候已經望過下餐牌, 坐低再望多次, 叫左紅薯粉麻辣BB辣😄, 另外要左螺旋草, 通菜同墨魚頭, 再來杯凍🍋茶走甜少冰, 等左ー陣送來凍🍋茶, 夠凍但茶味唔係太濃😅, 碗粉可能要煮來d, 所以都等左一會兒😁, 一來看賣相, 算幾大碗, d餸的份量也不少, 飲第一啖湯覺得好咸😄, 但之後再飲就好一d, 薯粉煮得剛剛好, 浸左湯好食😍, 螺旋草浸左湯也感覺食落好健康😅, 通菜比得勁多, 啱晒喜歡食菜的我, 墨魚頭雖然唔係好大舊, 但出奇地食落以為會好似銅鑼灣文輝, 帶d硬, 点知估佢唔到, 係出奇地煮得好淋😘, 但有d位硬左dd,就唔食了😄, 碗粉入面都好多配菜, 食落開胃爽口,麻同辣就唔係好食到, 不過有点兒酸味食到, 下次可以試下其他辣到, 食左都有点兒口渴, 但都可以接受, 我個人就喜歡元朗分店的味道多d😅😍

作為米線關注組一員嘅我不可不介紹雲家小窩米線 雲家小鍋米線其實本身都已經好多人識但係你哋又去咗試咗未呢😋價錢平之餘 佢嘅份量相當之多 而且味道真係好味 佢嘅湯底真係好出色 而且係相當至抵食！佢哋除咗米線好食之外佢哋嘅小食都相當之吸引 強力建議點都要叫小食！今次我就食小窩米線酸辣湯底BB辣 加配咗配 螺旋草 響鈴 冬菇螺旋草其實就係平時既海帶有時食海帶會有浸腥味佢完全唔會有呢種唔好嘅味道 冬菇相當之入味 炆得好好 軟硬度都好適中 響鈴索晒個湯底超正🤩另一碗係小窩米線酸辣湯底小辣配料加咗 雞絲豬大腸 雞絲食極都仲有 真係好好多😆😆😆😆豬大腸切咗一條條 味道口感都不錯 最後我哋叫咗小食墨魚頭同豬頸肉墨魚頭真係係佢哋店必叫 我見大多數人都有介紹 佢相當至多嘅蒜蓉 而且配合埋秘製醬汁好惹味！豬頸肉肉質好鬆軟 而且保留到醬汁 配合埋泰式醬料 相當之唔錯

鍾意食米線🍜嘅我 , 呢個就係我嘅me time 🤣🤣🤣食完之後充滿幸福感， 因為我鍾意食酸酸🌶️辣辣嘅嘢又鍾意食米線， 而且佢哋呢度嘅小食相當吸引又好味， 每次我都嚟到必點佢哋嘅🦑魷魚， 佢哋仲加多好多🧄蒜蓉喺上面，呢個真係我嘅最愛❤️而且佢哋份量相當之多 ， 一啲都唔孤寒， 同埋我鍾意佢哋嘅🧋茶底， 每次嚟親都唔會令我失望， 鍾意食米線嘅朋友真係可以過嚟試吓， 同埋佢哋樣樣小食都幾唔錯😎😎😎😎😎

最近又去左我米線最愛之一嘅雲家😍 耐不耐就要去食，好保持到水準👍🏻每次米線配料都系勁足料～豬軟骨炖煮至入味後，肉同骨嘅結合令每一啖都充滿了豐富嘅滋味！豬大腸經過精心處理，口感彈牙而吾非常內軟，搭配麻辣嘅湯底，麻辣嘅香氣同豬大腸嘅鮮味相得益彰！蘿蔔好清甜，同湯底嘅濃郁形成鮮明對比，增添口感嘅層次感👍🏻而小食的話，墨魚頭係我嘅首選，每次都必點💯口感非常爽口彈牙，配埋勁重手嘅蒜蓉🤣食到停唔到口！

元朗必食✅雲家小鍋米線 收工唔知食咩好！一定會來雲家買外賣🥡店內一到飯點長期爆滿🥢好味！價錢實惠又足料米線份量真係好足！今次叫左碗肥牛米線+豆卜跟埋大量配料芽菜、韭菜、蔥🌿好正自選辣度叫左麻辣小辣🌶️即叫即煮！湯底勁濃郁再叫左招牌墨魚嘴、麻辣豬耳、麻辣金錢肚蒜香十足、微辣香口！撈埋米線食好正仲叫左凍奶茶💰埋單$200左右夠好抵食

價格親民米線📍地點：元朗🍽️菜式：中菜💰人均消費：午餐 / 晚餐 HK$50~70🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：卡位 / 圓枱📝落單方式：侍應生落單免費🅿️：❎【小鍋米線 - 豬扒、肥牛、生菜、豆卜】💰HK$80豬扒厚身有肉味，肥牛份量多，生菜清脆可口，豆卜吸飽湯汁，風味獨特。【小鍋米線 - 腩肉、雞絲、豬頸肉、腐竹】💰HK$80腩肉扎實，雞絲吸湯，豬頸肉香口，腐竹吸收了湯汁的精華，味道鮮美。【手拍青瓜】💰HK$23手拍青瓜清新爽口，搭配特製醬汁，小編胃口大開。#foodcourt #foodxcourtx #foodxcourtxYL#元朗搵食地圖 #元朗美食 #元朗 #中菜@雲家小鍋米線🏷️元朗馬田路20-30B號安寧大廈地下2號舖

元朗人氣之選！雲家小鍋米線食評鐘意食米線嘅朋友注意喇！最近去咗元朗呢間人氣爆棚嘅雲家小鍋米線，真係冇令我失望！我哋點咗招牌嘅腩肉雞翼尖薯粉同埋羅白豬紅小鍋米線，另外仲加咗麻辣魚皮同豬頸肉呢兩款小食。腩肉雞翼薯粉一大開🤣已經俾個分量嚇親，真係好足料！腩肉炆得好淋，入口即化，咬落去啖啖肉香；雞翼尖都煮得好入味，一吮就骨肉分離。薯粉爽滑彈牙，吸滿曬腩肉同雞翼尖嘅精華，每一口都好滿足，呢個$56真係好抵食！羅白豬紅小鍋米線又係另一番風味。米線軟硬度剛剛好，羅白清甜爽口，豬紅好滑嫩，完全冇腥味。湯底鮮香濃郁，飲落好舒服，成個配搭好和味，$48嘅價錢真係好有誠意。麻辣魚皮真係必試！口感爽脆，麻辣味調得恰到好處，唔會太辣，但又好夠味，一食就停唔到口，份量都唔少豬頸肉都唔輸蝕，煎得金黃酥脆，外脆內嫩，咬落去有啲微甜，再配上特製嘅蘸料，真係正到冇朋友，$48嘅價錢性價比好高。📍雲家小鍋米線元朗馬田路20 - 30B號安寧大廈地下2號舖

#元朗#雲家話說小弟鍾意食米線，全因16年前認識了現在的太太。佢當年係石蔭返工，我每週有兩三日搵佢食lunch，附近有一間米線老店，自此愛上呢種酸辣嘅味道。四年前，機緣巧合開咗香港米線關注組，先發現原來好多香港人鍾意食米線，發展至今已經有26萬位谷友。香港嘅米線舖頭，除咗某上市大集團和大x樂集團的米線x外，最多分店嘅應該係雲桂香（以前叫雲南桂林過橋米線，黃色招牌藍色字，現用此名只剩旺角和尖沙咀兩間）。與雲桂香一脈相承、味道相若的舖頭，有荃灣+元朗雲家、石蔭雲南小窩米線、尖沙咀雲香園、紅磡貴緣（已結業，現大角咀和北角貴緣不知是否同一老闆，有待各位網友考究），仲有屯門華都商場雲南小鍋米線。傳說中上述舖頭的祖師爺，是出自於荃灣路德圍老店，再由徒子徒孫發揚光大，推陳出新。入返正題，新界西元天屯地區，小弟最常幫襯嘅係元朗雲家。太太想食米線，首選呢間。招牌腩肉大腸份量多，冬菇都好食。湯底濃，酸辣夠層次。記得叫爽米，否則米線會太淋。兩人必點涼拌墨魚頭，墨魚頭爽脆，熟蒜香而不辣，拌以醋汁，另有風味。兩人飽腹而回，大大滿足，只係二百蚊有找。無論山珍海味、平民美食，最重要係合拍的另一半

又去食雲家米線，今次點咗魚肉春卷米線 ，魚肉春卷都幾彈牙，小鍋米線可以自選辣度，點咗微辣入面嘅豬肉碎同埋酸菜，整體食落酸酸辣辣咁，魚肉春卷同米線盡哂湯汁好惹味！另外加點咗蘿蔔，超級大件，份量好大碗好足料雞𢇁螺旋草豬頸肉米線，朋友唔食得辣叫咗唔辣，但湯底唔會好淡，配菜超豐富，超足料，豬頸肉彈牙有嚼勁，成碗好多芽菜同韮菜，仲食到有酸菜，勁滿足超級飽另外好鍾意佢哋涼拌墨魚頭，一份絕對夠二人食，加咗香蒜超惹味。

入咗元朗國半日玩～自問係大胃王嘅我，嗌咗碗雞絲螺旋藻米線(酸辣湯底)😋真心都覺得大碗兼勁多料~米線, 螺旋草&雞絲…我唔食得辣，所以嗌咗BB辣*竟然只係丁少辣，啱我心水👍值得推介俾所有鍾意食雲南米線嘅一群