雲吞麵食店 (已結業)

今日第二次去食, 第一次已經覺得好唔妥....點解碗麵個味咁似我2x年前美孚食個間車仔麵既? 再望一望個老闆娘...咁熟口面.....小弟嚴重怕羞...唔敢問, 食完就走...今日食晏完去, 今次見到老闆, 堅唔妥, 又咁面善.....食飽膽粗粗問下佢廿幾年前係唔係美孚做車仔麵, 點知真係佢.....佢仲話我已經唔係第一個認得出佢地講返野食, 我係車仔麵控, 車仔麵老手, 食左咁多間, 我只會推薦元朗合興, 深水埗文記, 石硤尾肥哥, 同埋呢一間合興同呢一間係一二之爭, 文記只係可以排佢地之後, 永年士多直頭係晒氣p.s. 千色米之蓮車仔麵....真係名過其實得太緊要....今日廿年後再食, 同老闆傾, 業主加租, 做到2月.....…查看更多

雖然佢叫雲吞麵食店，但除左雲吞麵、魚旦粉外，佢仲會供應燒賣呀、車仔麵。而雖則喺佢隔離有拎左米芝蓮嘅千色車仔麵，但我覺得呢間無論係味道、價錢，甚至服務方面都比千色好好多。店面比較細，有5張4人檯，檯下有一層俾你放袋，唔駛擺地下。揀食車仔麵嘅話，檯附近有點餐紙同筆俾你自己圈。麵方面除咗基本嘅，仲有上海麵、日本拉麵，同埋可以加錢揀豬骨或味噌湯，幾特別。餸菜選擇都幾多，豬呀牛嘅部位疑似列哂出黎，有啲特別到唔知係餸黎，好似柚皮🧐每樣餸都係$6-9，三餸麵會送一杯點餐紙列出嘅嘢飲，凍都唔駛加錢，雖然我都唔飲凍嘢😛跟餐可加$8配碟油菜，佢嘅油菜真係好好味👍🏻麵可以揀汁，推介佢嘅辣汁，好多蒜粒好惹味，如果唔食得辣，可以叫佢落少啲試下😋🙏餸方面，佢嘅蠔皇冬菇、魷魚都唔錯👍🏻👍🏻…查看更多

每個星期做完 yoga, 經過此小店，都見到有柚皮食，所以先尼油菜加柚皮 - 😉正，已經好小人識整柚皮，回味無窮，好小年紀細識食柚皮，所以老板話唔整得唔多，賣晒就冇，另外仲有豬心豬潤夠新鮮正，牛筋夠林，粗麵夠爽👍…查看更多

本來來呢邊係食千色車仔麵，但見到隔離新開左呢間舖， 就打算試下。一入去，環境衛生不錯，雖然舖位細細，但坐位唔太迫。感覺不錯👍🏽點餐紙揀餸揀麵㨂湯底，見到餸的選擇都幾多，都幾有心做， 可能因為做埋雲吞麵，所以有牛腩/雲吞/牛肉呢d 較特別的選擇， 仲要有有柚皮，真難得。友人食呢碗， 豬腸👍🏽👍🏽， 豬腸最驚店家洗唔乾淨會臭，但呢間就無呢個問題， 而且都鹵得入味。反而鹵汁無咩特別。我就食呢碗米粉牛肉夠嫩；豬潤煮得剛最緊要係個辣汁， 夠辣，又唔死鹹成餐感覺良好。係最尾，吃待應加辣汁時， 廚師👨‍🍳，應該係老闆，好似一面不悦咁， 其實成餐飯， 都聽到廚師老闆心情麻麻， 不斷話水吧（疑似老闆娘） 🤔🤔不過小店而言，品質不錯，選擇也多。值得一試…查看更多

呢間位於千色店旁邊嘅車仔麵，我間唔中都會幫襯一下，因為貪佢點車仔麵可以配上我至愛嘅凍奶茶，都係只需加三蚊 ， 如沒有太多要求， 包埋嘅凍豆漿亦都唔錯 ！呢度車仔麵餸選擇十分多，而且套餐價都係非常之經濟實惠！鮮牛肉份量十分多，味道亦唔錯！牛丸，十分細心，將佢切開一半，令到兩邊加熱十分平均，最怕食到啲牛丸出面熱裏面仲係凍！呢度最佳選擇係豬腸，除咗脂肪不算太多，而且清理得十分乾淨，入口味道很香濃， 車仔麵點少得叫豬腸！呢度嘅醬汁我提議選擇咖哩汁，十分惹味！…查看更多