雲南風味 (已結業)

米線既質地冇乜特別﹐但係湯底就真係幾好。酸菜既份量好配合個湯﹐加埋一小堆牙菜﹑芫荽﹑腐皮﹐口感相當唔錯。至於配料方面﹐首選係小排骨同蘿蔔﹐前者酸酸甜甜﹐後者相當入味﹐而且軟硬適中。由於小弟唔食辣﹐所以唔知道對食喇人士有咩要求﹐但個人黎講就相當滿意。價錢方面都唔貴﹐大約18蚊一個(食送)﹐加3/4蚊加多個﹐野飲加2-4蚊。最抵係下午茶﹐17蚊包凍飲。一般黎講﹐上菜速度都OK﹐但繁忙時間(即lunch time) 就唔知。值得一提係﹐果度有部電視長開﹐但睇無記定亞視則視乎老細個人喜好。老細係個中年男子﹐特別鐘意同同年人士交談。

中午去這兒點了雞絲、雲吞中麻辣米線，好快就有得食，都幾大碗。不過雞肉沒有味道，一點都不滑嫩；雲吞.....都是沒有味道，一點汁都沒有，比較失望。米線是好『林』的，比平時食的差太遠了。至於湯底，飲極都沒有味道，連麻都沒有，可能係因為人多，所以水準才差了，不像眾官所指的那麼美味吧。地方真的好細，走人時，連一杯茶都沒有......

二人餐$691.麻辣米線(小排骨+冬菇豬肉餃)~~選了小辣,但我覺得一點也不辣,反而麻味就有小小. 小排骨幾入味,冬菇餃就唔好味,好多肥肉.碗米線我覺得較細碗,唔夠飽.2.菜胆冬菇飯~~菜是小棠菜,幾大槐.而冬菇則又厚又大,但唔入味.3.小食記了麻辣牛肉~~其實他只是將辣醬鋪上面及灑了芝麻在上面.一點也不辣.4.田七汽鍋雞(大) $54 ~~ 好失望,湯底無味,好淡,雞肉就OK,雲耳,杞子份量都OK.

本人叫了田七氣鍋雞,同理一個過橋米, 食完都番尋味!

29/08/2005 20:00一間o係彌敦道尾，門口非常唔起眼的小舖子，記憶所及都經營了一段日子，能夠在彌敦道屹立，相信定必有其固中原因，今晚就去探究一下。入到去招呼都幾親切，有家庭feel，不過就冇乜客人。食物方面，$16一碗米線，每加一"食送"$3或$5。點了甚麼"食送"記不起，只記得質素不過不失，湯幾鮮甜但略咸。小食叫了$5兩隻的雞中翼，唔錯，炸得好脆口但仍保持內裡嫩滑。再加油菜一碟同凍飲一杯，埋單$55。知道了，這小店能夠在彌敦道生存的原因，大概就是能在價錢及質素間取得了平衡。

呢間又係學校附近, lunch 就去幫襯, 點左個"酸辣黃鱔米線"$25成間舖竟然得兩個人(連廚房), 你話d order 點做得切丫, 結果得返15分鐘食lunch食完要跑返學校,唉, 唔知早過我地黎但又食得遲過我地既低form 妹妹有冇遲到呢?個黃鱔好正, 不過溝左好多豬皮, 其實得好少黃鱔但都好好味, 成碗米線又夠份量, $25 ok抵但要怏!

兩間雲南風味都試過，但本人都想講係長沙灣間鋪，因為相比之下，依間鋪無時無刻都擠滿人o黎食，首選當然係酸辣黃鱔豬潤米線啦！黃鱔爽口、再加上辣辣地o既醬汁真係好冶味！米線又唔會煮到過熟，難怪成為同區米線食肆o既大贏家！

雲南風味巳在我舊居附近開了3 年以上( 長沙灣那邊分店), 這裏每晚都吸引左唔少人專登一試大大碗熱騰騰的過橋米線, 米線夠滑料好食, 但裏面就有好多油, 怕肥的女士也可以試另一樣招牌菜—田七氣窩雞, 好味之外仲好補身添!( 我只去過長沙灣那間, 不知旺角這邊是好還是壞啦!)