雲南風味過橋小鍋米綫 (已結業)

同一般米線好唔同既係，一坐低就有一壺茶，同丫姐會問你食唔食汽鍋雞個汽鍋雞收費絕不便宜，要95元，不過我地都叫左個嚟食，估佢唔到，個雞勁嫩滑，好入味，係胡椒豬肚個味既杰身版，下面好多雲耳，吸哂d味，好小食到咁入味又唔鞋既雞，好食！好多料，個人認為絕對值95元雲耳索哂d日月精華，好食炸雞翼14元2隻，熱辣辣，同樣好夠味，個雞醃到d肉都有味，相反，炸豬扒感覺好像吉列豬扒咁，同樣地14元，不過我認為可以不用嘗試😂黃鱔米線，個汁係酸辣汁，唔知點解有埋豬皮，個豬皮索哂d汁，都幾辣，不過30幾元咁足料，仲想點😂😂個人推薦，汽鍋雞同雞翼！

今日要去西九龍中心個邊 又唔想係深水埗個頭食 就搵下長沙灣站附近有咩食啦 由地鐵站行過去都好近 好易搵 鋪頭一點都唔似雲南米線店 反而有點似茶居仔入到去呀姐唔會即刻問你食咩(我覺得好好因為我有嚴重的選擇困難症鋪頭嘅餐牌係大大塊貼牆的我好鐘情於鱔同米線 所以叫左黃鱔魚蛋米線一嚟見到啲餸都幾多，魚蛋都有四五粒(開心 好多鋪頭丸得三粒 黃鱔同豬皮一齊煮的辣辣的 所以我無落辣個米線都夠味 豬皮唔係煮到淋曬個啲爽得嚟唔硬 而且都乾淨無咩毛 不過我嘛嘛地豬皮食唔曬 好講重點-黃鱔 都唔錯 我成碗啲鱔都切得幾粗幾大條 係值得一試 但就未去到話會因為佢再返轉頭食囉佢每碗都有啲韭菜同蔥 但對我呢啲重口味嚟講的話有芫荽就更好了因爲成日覺得米線一定要有芫荽先夠味另一個特別位 佢有茶飲我超鐘意飲茶 佢一壺壺放枱面自己嚟 無得頂呀！

雲南風味過橋小鍋米線係米線界，都算有點名氣由於餐廳地點頗不友善一直都没有去今天路過，一探虛實一進店，看見每人面前都有一碟豬排明顯的，是要叫一碟豬扒試試看咬一口，是鬆肉粉豬扒，炸粉薄感覺還可以吧⋯⋯魚蛋，正常發揮炸醬，可以濃味一點直到食完，埋單⋯⋯我想了很久，很久⋯⋯撇除左塊豬扒，我點了炸醬魚蛋酸辣米線⋯⋯炸醬、魚蛋、酸辣米線⋯⋯為什麼是三味小鍋米線價錢呢？如果我叫炸醬、魚蛋、酸辣、大辣、少米、爽米、走蔥、走韮、走芽、米線，是否十味小鍋米線呢？

第一次幫襯此食店已經是23年前了，咁多年仍能屹立不倒，始終如一也只有這些老店了。以前這裡的生意真的是多到做唔切，隨著時代變遷，各式各樣的米線店洶湧而至，此食店的人流也相應少了，但味道依舊，老闆娘依然在店內打躉，員工的臉孔也絕不會陌生。至愛這裡的酸辣湯底，獨門秘方，去到邊都食唔到相似的味道。酸味與辣味混合得適中，米線煙韌，今次點了豬潤及腐皮，豬潤切薄片，比較易熟，但相對就熟過龍，腐皮則新鮮，份量多。湯頭是全碗米線的精髓，熱辣辣，一邊食一邊飲湯，好惹味😋

這個晚餐有點失望！為了招牌菜汽鍋雞來的，個人覺得不好食！不知道它的好評是哪裡來的呢？！.🔸「雲南汽鍋雞」🔸先說好的部分，雞肉嫩滑多汁，連雞胸的部位都不會乾。還有它應該是即叫即蒸，上桌的時候是熱騰騰的。缺點來了，首先雞肉放了好多胡椒粉去腌製，掩蓋了雞味，吃起來不知道為什麼有點酸酸的，調味又過於咸，絕對是不會想食第二次！.🔸「雞肉豬潤米線」、「炸醬豬潤米線」🔸米線就不錯，配料豬潤不會腥，分量多。炸醬有一點點辣，味道過咸，但放在清湯裡混合後就感覺剛好。雞肉不會乾，嫩嫩的一薄片，吃起來口感不錯！.食完感覺應該不會再去，米線普普通通，比它好食的有太多可以選，還有招牌菜不好食，沒有吸引的點！

某日，突然想食小鍋米線，又見到呢間有其他米線店冇嘅黃鱔小鍋米線，所以就抱住期待嘅心情入去試試。我哋叫咗黃鱔雞肉米線、豬潤魚蛋米線同一碟腐乳通菜。-叫黃鱔係會配埋豬皮嘅，咁就更加合我口味！黃鱔有咬口，有幾件仲爽爽哋。豬皮亦好好食，唔會煮得太淋，仲煮得好入味！而豬潤呢，一開始食就剛剛好熟，食落爽爽哋，但一放耐一陣就變到過熟啦...至於魚蛋就一般,不過不失啦。腐乳通菜一碟份量都幾多，而且個腐醬做得幾好，幾惹味！-呢間小鍋米線有【黃鱔配豬皮】呢款配料的確好特別，而且值得一讚嘅係啲米線煮得好好，唔會過淋，食到尾浸湯浸咗咁耐都仲keep到有咬口！！

每個星期唔食都唔得湯底太正 記得一定要連湯底飲正宗雲南平時唔係叫酸辣雞肉米線就叫炸醬雞肉米線哩2個湯底超正仲有炸雞翼全翼口感好滑價錢經濟實惠雖然地方唔大 但環境懷舊星期六日最多人 但好快有位 呢間傳統嘅米線舖頭真的值得推介

放工時間約左朋友係長沙灣深水埗個頭食野 因為佢早收我半個鐘 所以六點零鐘就撞到佢 岩岩收工又唔算肚餓 所以就諗住食個面或者米線 佢就話可以試下呢間有黃鱔食既雲南風味米線 平時同佢食都係雜食啲 唔怕污糟 茶記或者呢啲鋪頭就岩哂我地 我聽到都非常有興趣 因為聽到有鱔 其次就係因為食米線 平時都係同女朋友食開譚仔同米線陣呢啲連鎖 皆因佢覺得衛生啲 不過就少左份風味 唯有趁同朋友食既時候試下見到碗米線上枱未肚餓既我個胃不其然分泌多左胃液 口水都不禁流哂出黎 因為鱔既色水一睇就知夠哂味食落果然不負所望 而且比想像中更加有口感 鱔既份量都算okay下次會再過黎食 但黃鱔會係必叫既膽

雖然食左咁多年譚仔，但我覺得譚仔真係平平無奇，絕對滿足唔到米線控嘅要求。呢間係深水埗嘅米線舖，唔敢講佢正唔正宗，不過就一定好食過譚仔。炸豬扒 $14/件先講佢個炸豬扒，炸粉夠薄，即叫即炸，上枱熱辣辣。不過豬扒比鬆肉粉乸過龍，冇咩口感，同埋好咸。酸辣雞肉小鍋米線 $38至於米線，今次叫左酸辣雞肉。呢度唔似譚仔，冇得揀湯底，如果中意食辣可以揀酸辣或者炸醬。酸辣係有酸菜加埋肉碎，同米線一齊擺入口，一流。絕對值得米線控一試！

其實依間餐廳我食過一次,不過應該係幾年前既事,其實味道係如何我已經忘記了,今日剛巧經過,所以就決定入去食一下,入面可選擇的食物主要係鱔,魚旦,炸醬,豬潤,豬腩肉同雞肉我地叫左依個酸辣雞肉豬腩米線,佢個酸辣好香,令人一食停唔到,雞肉也好好味,豬腩肉都係人手切出來,值得推介另外依個酸辣炸醬魚旦米線,係店員話依到既魚旦好味,所以先叫魚旦,不過我覺得只係還可以,不過佢個炸醬真係好好味,有左炸醬後,令到個湯底更加辣,更加好味,下次一定會再來吃

長沙灣小店林立，哩間米線係其中一間多人幫襯既鋪頭，平時食開既米線，水都無滴俾你飲，但哩度成個酒樓茶壺俾你自斟自斟，仲可以叫姐姐翻水，米線配熱茶，玩味十足，佢其中一個名物係黃鱔米線，辣度適中，韮菜香味足，米線亦夠彈牙，黃鱔新鮮無腥味泥味，最有趣係豬皮炆得夠入味，食豬皮既時候會以為係黃鱔肉，相當好玩，所以假期經過，點都會入去幫襯下

作為專業的米線痴，呢間米線係我心目中的冠軍🏆幾年前食過第一次，從此愛上。鋪頭係深水埗同長沙灣站中間，我通常係長沙灣A出口行過去，個人覺得近啲。呢間米線鋪係度好多年，裝修極為普通，毫不起眼，因為佢既外表，以前經過好多次，都無試過。但唔好睇佢既裝修一般，呢度既米線係會令人食過返尋味，無論咩時間都有人係門口排隊，話佢係全港其中一間最好味米線，真係當之無愧。佢最出名係黃鱔米線，但係我本身麻麻地黃鱔，好少叫呢個配料，呢個就要靠其他食家朋友俾意見。今日避過中午多人時間，2點幾去食，叫左魚蛋炸醬米線。雖然係清湯，但佢既湯底都好好飲，好清甜，米線一黎到，趁呢個時候飲返幾啖就可以試真佢個湯底。同埋，我鍾意呢度啲魚蛋好彈牙好爽。好多人鍾意炸醬另上，可以自己調教份量，但係呢度唔會另上，不過好處係通常啲炸醬好快就會融入湯底入面，仲有就係佢啲炸醬唔會好多肥肉，健康啲但一樣咁好味。我有時都鍾意食酸辣。酸辣通常真係微辣，譚仔10小都辣過佢，酸辣湯底主要集中係酸，因為佢落好多酸菜，好足料，鍾意酸味既朋友就最啱。食米線食到有啲口渴？唔驚，呢度有普洱茶免費任飲！食米線都有免費飲料，實在難得。寫寫下都流曬口水，好掛住佢既味

我去過雲南，食過雲南田七氣鍋雞。氣鍋雞本來係蒸氣凝結成湯所以應該非常清，哩度D氣鍋雞湯渾濁的很，一看就知道唔係用蒸氣凝結的方式做湯。而且雲南根本沒有竹絲雞。所以非常不正中。不會返轉頭。

<酸辣米線係唔錯既>🌶呢間開左好多年好出名既雲南米線 10 年前食過兩次味道唔錯 , 但座位勁迫 多人時係帶貼背食 如果想舒服千其唔好去 😂..如果鍾意米線 又唔 mind可以一試 😄其中一次食時有隻細細既小強 喺牆度爬行 自此就冇去😩 不過10 年後既今日經過 見到佢好似光猛左 牆身都唔污糟 雖然入去背貼背 不過都入左去食個麵快食快走入去時 一坐低 個姐姐已經係甘催你點野食 用枝筆係甘打落點野食薄度 都幾冇禮貌👎🏻 大慨有澳牛既7成功力🤣我又冇所謂既 . 我咪特登慢慢諗 等你唔耐煩到 行開 話晏 d再過黎🍴酸辣腩肉豬潤米線 43 蚊 🍜米線係用高碗 所以可以 keep住好熱甘食 腩肉同豬潤 好多 值得讚賞🙂 腩肉切得薄片 調味幾香咸 肥膏多但爽滑 🐷 豬潤 非走哂血水味 整理得好 口感煙靭 ..如果厚 d更好 入面有好多酸菜 酸辣味香濃🌶 佢既酸菜好有口感 而米線 係粗身圓形偏爽口嗰 d . 都唔錯 味精程度有少少 但可接受🍴魚蛋雞肉酸辣米線 43 蚊🐟🍜酸辣湯底有好多酸菜 好有口感 . 入面既湯底帶 d辣 但唔會好辣 🌶 米線偏彈牙爽口同圓身 🍜 魚蛋好

以前成日都會食，覺得好好食，我最愛依間酸辣米線。自從搬左成日都掛住食間野，最近返黎食過2次，都激咸!咸到唔知點形容.每次都會叫炸豬扒同雞肉酸辣米線.第一次回味，好好好咸，豬扒都好咸，以前唔係咁.我以為果日廚房有問題重手左.到第2次又特登返黎食，都係激咸...好懷念以前岩岩好既味道...