雲南風味過橋小鍋米綫 (已結業)

黃鱔米線好食！我好耐之前已經食過呢度出名嘅黃鱔米線，今日再次幫襯，再食黃鱔豬潤米線（$38），令我好滿足。呢度嘅黃鱔米線，一啲泥味都冇，肉爽味濃，仲有份量不少嘅豬皮，索滿湯汁。湯底已經預設左係酸辣湯，夠濃味，啱晒鍾意食重口味嘅我。豬潤係我食米線常叫嘅配料，呢度唔會煮得過老，米線中亦加左韭菜，甜甜地夠清新。口痕叫多件炸豬扒（$12），豬扒都醃得幾入味，不過食到底見到碟底好多油，所以淺嚐就好，食多幾啖就好油了。

臥虎藏龍嘅米線店今日老婆大人話深水埗有間正嘢，位置由高登行去近長沙灣果邊多啲，睇到門面時，我覺得好普通姐，但一入到去，星期六下晝三點幾，都幾多人，仲要搭檯添！望一望牆身嘅menu，我嗌左碗酸辣腩肉炸醬米線（$38）。望落都幾對辦，湯底都幾夠酸夠辣（哈哈，廢話）。腩肉唔係五花肉，係肥肥地嘅肉片，突出到肉味。特別喜愛個炸醬，我估佢有先炒過，變得特別香濃，而又唔過鹹。米線份量又唔會太淋，呢碗米線令我好滿意。

長沙灣 係一個我由細到大都會去嘅地方無論係幼稚園小學甚至乎中學階段都起到打滾 所以呢長沙灣都係香港裏面我其中一個最熟悉嘅地方 景物變遷 感情尤在 所以好多時諗到想去食嘅地方都會涉及到長沙灣 因為近啦 二黎又係比較熟 長沙灣好多野都好出名好似糖水有松記譚仔嘅發源地都係長沙灣 仲有小炒嘅萬發小廚 同埋竹升雲吞麵 不過講到我最想食嘅一定係雲南風味米線有十幾年前廿幾蚊一碗 到依家都三十蚊鬆啲一碗 其實落後通脹 良心小店 仲要真係幾好食夜麻麻一個人唔知食乜野 就會行過去食返碗米線 成日都好多人㗎不過一個人嘅話實會有一個位置比到你唔使講一定係要返碗黃鱔米線先啦黃鱔米線 $34米線入邊除咗有黃鱔之外仲有豬肚韭菜佢出黃鱔同埋豬肚都切到細塊細塊 加埋佢用佢特製嘅辣醬去調製過 黃膳本身既泥氣味完完全全冇晒 雞翼就係爽口啦有啖啖肉啦 加埋豬肚嗰種爽同埋彈牙 真係配合得唔錯 咪先啦呢一種軟硬度適中又唔會太粗岩岩好 而且佢個份量都好大碗 芥蘭 $17碟芥蘭真係勁大碟 唔係你平時食開嗰啲5條再剪一半便10條嗰一隻 佢真係有10條完整係到 爽口亦都係經過挑選嘅 每一條都係完完整整好爽同埋係鮮甜 佢仲會有茶杯 中國茶

一年無來食過，員工態度依然差，今日叫咗汽鍋雞、炸醬黃鱔米線，首先講個汽鍋雞先，骨多肉少，仲係有苦味嘅…搞乜呀，同之前食差咁遠嘅？再講番個炸醬黃鱔米線，黃鱔肉少，數過只有6條，豬皮就大把，個湯底好咸，仲係覺得而家好口渴，一定落咗好多味精，唉…以前都會兩星期來幫襯一次，真係一代不如一代，又一家食店露以不理了…

十幾年前食過幾次，今天與友人特意舊地重遊，想一試當日的滋味。平時路過已經很有衝動再光顧，因為對上一次食完很回味。跟友人每人各叫了一碗過橋米線（全套）$48。阿姐急口令咁答左我地全套入面有乜配菜，服務態度麻麻。本以為是一碗碗上，阿姐卻分了一碟配菜用碟盛先上、一碗淨米線，我同朋友以為係打邊爐，就多口問阿姐點食啦？阿姐唔耐煩地答我地過橋米線同小窩米線係唔同的。原來過橋的料係定死左的，過橋湯係分開另上的，而小窩就係一碗碗既。雞絲幾條、生菜兩片、腐竹皮幾條、火腿切成小四方幾片，淨米線很大碗。雞肉看似很新鮮，，本以為湯底也是新鮮熬煮的，點知就咁中伏了，湯底入口胡椒粉味很重，有層紅色辣油在面。友人呷了幾口就說好辣，不停要斟茶飲。味精重到阿媽都唔認得，吃罷極其口渴，回家不停喝水，不會考慮再光顧。

收工後，由荔枝角行路找了45分鐘搵呢間鋪頭，入到去非常多人，地方非常擠迫，坐下2分鐘，同一個阿姐問左我三次食乜嘢，令到我非常緊急地嗌嘢食！叫了一個炸醬腩肉小窩米線，味道非常非常之鹹好似一匙一匙鹽食落個口度！好慶幸冇叫多樣餸吃！之後放低對筷子未食完阿姐就問我要唔要，真激氣，唔吃啦你收啦！之後我拿錢出來，阿姐連張＄20都想掃走埋！我真係無眼睇！其實知道呢間野係有朋友成日去食跟住諗住試吓啦點知真係只此一次下不為例！

假期日蛋蛋好想食米線 於是佢上網搵左個標題叫做十大必食米線本身想出尖沙咀食 最後唔知點解去左深水埗見到我呢個樣就知呢個決定係錯嫁 我原先好想食星林居深水埗由寶血醫院條路一路行 去到24小時m記隔離馬路前面係天悅廣場位置就會見到入到去 坐左一陣 得牆上餐牌 由於背住 所以望到有啲困難....餐牌啲字好密 睇到好頭暈 ...蛋蛋表示好難睇 仲好難明望左一陣 其實嚟嚟去去都係得幾樣餸雞肉 腩肉 火腿 酸辣 豬潤 炸醬 魚蛋....好似無啦...但個餐牌好密好似好多款要抬頭認真睇😯我同蛋蛋各三款餸...我要左炸醬 酸辣 豬潤 $38個湯其實好夠味 可能簡左炸醬同酸辣碗野好咸 🤷🏻‍♀️豬潤煮得岩岩好唔會太硬整體我都幾鐘意呢碗野 蛋蛋要既酸辣 腩肉 雞肉🙇🏻$38（相既豬潤係我夾過去比佢食的🤤）佢話無咩特別 唯一不滿既係啲腩肉 🤦🏻‍♂️肥到一知頂點..🤷🏻‍♂️無咩肉 💁🏻‍♂️9成肥膏好嘔心👇🏻👇🏻👇🏻👇🏻👇🏻👇🏻3舊都咁上下 💁🏻‍♂️清一色肥膏🙅🏻‍♂️完全放唔到入口🌚佢對腩肉有陰影🤷🏻‍♂️仲表示好掛住譚仔🤦🏻‍♂️店內有提供茶 其實幾好不過啲杯好污糟 🤷🏻‍♀️幾隻都痴住上一手飲完茶既茶葉干係杯內杯外

據聞深水埗及長沙灣是很多食店的發蹟地，也有不少米線店及甜品店林立。趁假期去了深水埗逛電子鋪，地鐵站附近擠擁得很，行遠些許去了營盤街附近，見到一家米線店，看似很老字號，裡面差不多坐滿人，直覺對辦，便推門進去。3餸米線都只是38元，價格親民，點了炸醬魚蛋雞肉米線。其實淨煮米線都可以很講究，坊間不少都會煮得很淋，變得沒有咬口，這裡的煮得很彈牙。餸的水準也屬中上，炸醬足料惹味又少肥肉，雞肉入口鬆化，魚蛋則稍為遜色，略欠魚味。整個米線大大碗，份量多。另加了17元一份菜心，同樣是份量不少，而且有菜香。見周圍的顧客都在食氣窩雞，店員也有推介，應該是這裡的招牌，可惜這裡食物份量偏多，要不是人少，真的有興趣一試。雲南風味這個名字周圍皆是，這裡價錢便宜之餘食物亦不錯，難怪門庭若市。

以前成日經過呢度，見到好多人食，以為好正。。前幾天經過就入去試下，點知就中伏！😰😰同平時食雲南米線唔同地方 係無辣選擇只有辣椒油，叫左兩餸炸醬雞肉清湯米線（$38），試第一啖，嘩湯底咸得驚人 好似飲味精湯咁🤢🤢，米線好林，雞肉唔熟。。再食一啖炸醬，都是一個字「咸」😑，食左兩啖真係食唔落，連辣椒油都係「益」😵。。 真係好難食！無下次！完全是味精味精味精味精味精個口比佢咸左成晚！唔明點解咁多人覺得好食。

上網search屋企附近有冇好食米線,見到食評D人話好食所以就黎左~可能口味呢家野各人睇法唔同la,呢間米線既湯底係清甜,但佢D配菜係冇咩味,丸類係普通凍肉貨,肉類冇醃過兼(鞋)口.佢個招牌黃鱔,豬皮多過鱔,同埋個味酸酸地,唔係幾合我口味.可能我個人唔喜歡食酸野~覺得個酸味破壞左整體個味道.炸醬個味道同黃鱔一樣,都係酸酸地,應該係用同一個醬料煮~

講起食米線，好多人都會諗起譚仔、三哥、或者南記等等‥但其實香港仲有好多食米線嘅好地方！今次介紹位於深水埗營盤街一間雲南風味過橋小鍋米綫﹐呢間小店今時今日都可以生存到，咁多年嚟都有人支持同捧場，就證明佢哋依然好有吸引力！這間店沒有裝修﹐幾張枱﹐坐位密密的﹐店內四週都有大大個菜牌﹐菜牌標榜著夠新鮮夠大碗隨意配搭。而我最喜歡就是黃鱔小鍋米綫﹐黃鱔米線不是間間都有﹐就只是這間才有的﹐嚴格來說可以叫黃鱔豬皮米線﹐因黃鱔米線除了黃鱔還有豬皮配料一起上的﹐不用額外添加的﹐味道有微微辣的﹐另店內還有雲南招牌汽鍋雞﹐田七汽鍋雞﹐份量十分﹐1個人係食5晒的。價錢很公道﹐足料﹐真係大大碗的。

上個周末去了荔枝角, 深水埗, 長沙環一日遊, 順便去食久違了的雲南風味~身為路痴的我，又忘了間野在哪一條街，只記得在深水埗長沙環交界吧，當時為免行錯太多路，就OPENRICE睇下地址。由於雲南風味呢個名實在太普通, 在呢區亦有同名店，我就是去錯左另一間.....果刻有D想求其入去食左佢就算，但心諗，既然都行左咁遠, 唔差在行多陣,去返間一定好食的又行左好耐，終於到了，好彩唔洗等位，好肚餓喔, 一坐底就叫左最愛的酸辣雞肉米線, 平時會叫魚蛋，不過果日又想食豬潤, 所以就試左了~好好味呀~~~湯底好濃~米線好彈牙~好懷念喔~~~呢間店的另一特色，就係有雲南普洱茶你自助飲~~其實好襯食米線, 一點也不膩~唔知幾時又會再黎呢~

身為一個超鍾意食米線既fans 又點會錯過呢間位於深水埗區既小店細細間卻往往坐滿人 食客都露出讚賞的笑容👅到底有咩甘好食呢??首先 有三味 二味米線 姐係兩個餸 同三個餸既分別仲可以自由搭配 自由選擇我呢個鐘意食肉獸 無肉不歡 於是就叫左雞肉 豬潤米線 呢碗就係 黃善豬皮腩肉米線 睇樣已經流晒口水 食落真係好惹味 唔同潭仔既風味 仲有小小鮮甜味tim此外 d呀姐態度好好 主動安排座位俾我地🤗

1) 等位時又無講清楚人齊先入得，叫我入完去，光頭人大大聲咁叫返我出去再等。2) 光頭人扮晒招呼周到咁主動出黎佢所謂識既人問好吳好食, 又話要佢等左好耐吳好意思。say 晒sorry 咁不如轉行拍劇呀，平時只係只係掛住坐counter 收錢，講多句都吳鐘意，宜家扮晒關心咁，

同學聚會，有同學提起，營盤街有家店的雲南米綫和汽鍋雞非常好吃。馬上找個中午，直奔營盤街看個究竟。首先要了招牌菜，黃鱔小鍋米綫。黃鱔豬皮參半，啡啡黑黑，色澤早已顯示了口味與清淡無緣，離重口味雖不中亦不遠。啖之，黃鱔堅實，據説食材是新鮮的，應該不容置疑。配角的豬皮吸汁了得，美味不下於主角黃鱔。小鍋米綫理應不辣，為著要好好襯托黃鱔，整鍋都變成微辣。單吃黃鱔豬皮，味道太濃烈，夾著清淡的米綫，渾然天成，堪稱最佳拍檔。