雲南小鍋米線 (已結業)

朋友帶我入去食米線..說呢家好好味..^^之後叫了個豬軟骨米線...個名好好聽..可是不太入味..但都OK平..服務員蠻有禮貌~^^下次可以試下其他米線*

與家人到深水埗看電腦和電子產品，上次來吃過蝦子撈麵，略嫌稍貴，今次改試些其他。在這條街有一眾食肆，逛了一會，大家較屬意是這間吃米線的，曾聽過雲南有過橋米線，但「不過橋」的倒想試試，小小的店舖，座無虛席，增添了我們的信心。餐牌的粉麵有很多組合，例如可選小鍋米線(不辣)，麻辣米線，酸辣米線，熱拌撈紅薯粉或重慶紅薯粉，又可選配料一款，如牛蹍，貢丸，雲吞，水餃，雞翼，雞絲，金菇，青菜，紫菜，腩肉，豬皮，豬耳，鹵水蛋，餐肉，紅腸，芝士腸，腐竹等共有三十幾款，總有一、兩款合你意，祇是加一款要加四元。左篩右選，結果最後四強是：紫菜牛蹍紅薯粉，貢丸雲吞紅薯粉，水餃生菜米線，而我則選了其推介之秘製豬軟骨米線，看牆上的海報圖片頗吸引，本想點一碟春卷，但見鄰座離開時仍剩兩件，便打消了念頭，祇加了一碟蠔油生菜。我的秘製豬軟骨米線率先進場，有幾件豬軟骨和生菜，先喝一口湯，味道酸酸的，幾特別，也頗開胃，雖然個人不太喜歡酸性的食物，但也可接受，豬軟骨醃得很入味，很腍，豬軟骨軟至可吃落肚，也分些給家人品嚐，他們都覺得好味，米線充滿彈性，賣 $26 一碗，很合理。小伙子的水餃生菜米線跟著進場，見祇得兩隻水餃，不忍心攫取

20$ 連一送加送 +$4野飲+ $4但整體d米線,d送,連埋杯野飲都細過人湯底真係好正我吃開潭仔大辣/特辣呢度大辣大約=潭仔中辣但呢度d湯真係好麻, 好香,可能個湯料多吃落去係麻,而唔係辣(可能我較吃得辣, 潭仔係辣多過麻,呢度係麻多過辣)試左腩肉,牛展,豬腸,豬耳腩肉味ok,有d辣味,幾香,但又薄又少牛展幾好味,4樣中最好豬腸,豬耳普通料野飲叫左凍0茶真係唔多得,淡到好似水噤總括黎講,得個湯底好,d料一般,份量少(佢有米線+底,我唸加左底既份量大約=潭仔份量)環境就幾好,新裝修過,有卡位,有大電視出野食就好似慢左d, 我等左成15min,隔離台等左仲耐過我,要3吹4請(果陣坐左8成人度) 1個人去吃既話抵唔抵就見人見智但幾個人去吃呢度就唔錯,坐得舒服小食都多款d ,可以每人叫個麵,再+小食

同男朋友行開深水埗, 原本係想試第間店,,不過找不到,所以見呢間都幾好評就黎試喇我叫左個小麻辣既豬腸鳳爪米線+百香果珍珠綠茶男朋友則叫左中麻辣既牛展腩肉米線+凍檸茶跟住我地又叫左碟炸魷魚鬚我同男朋友都一致認為間野d麻辣醬做得真係好好,食得麻既人會好中意呢度不過就唔夠辣了,小麻辣其實食唔到咩辣味因為男朋友超食得辣,所以佢問人有無辣椒油一問之下,先surprise,因為佢竟然係有分麻辣油同酸辣油架!!!!一般店都唔會有得甘分啦而且試食之後,覺得佢地d豬腸真係幾入味,不過其他配料就無咩特別至於杯百香果珍珠綠茶實在超甜....=~=,不過佢d珍珠就好彈牙~~而魷魚鬚如果佢放埋蛋去炸就會更金黃同香口,,而家略感唔夠脆不過整體都屬於一間不錯的餐廳~

去開黃金....就搵d野食吓..2個人...honey叫左一個雙拼麻辣小辣米線(腩肉+豬大腸) $24 +$4 要野飲.d腩肉炆過...有"老"水味..!gd..!大腸都唔錯...夠唸..!我就要麻辣中辣米線(雞c+牛展) $24+$4 要野飲.呢個麻真係唔講得笑!!!!起初食冇乜野....越食就越麻!!!!麻到我個口震晒...!omg!!雞c都唔係c...一舊舊咁....似雞肉多d...牛展就唔錯..!下次如果再食..要小辣算lu...

以前在附近返工已經好鍾意黎食！今次帶埋男朋友黎食返餐！已經好耐冇黎食，都有d掛住佢，坐低見都冇乜人，但晚飯時間wo~7點幾啦~~叫左腩肉墨丸紅薯粉，酸辣小辣走青，加$9飲珍珠奶茶，共$37。保持水準，不枉我掛住佢！食每一啖麵都要飲啖湯，精髓所在！紅薯粉也夠煙韌！口感正！湯夠味，一點也不淡，很香，酸酸辣辣，絕無欺場！男朋友叫左牛展腐竹腩肉米線~同是酸辣小辣~$24再叫多碟炸魷魚鬚~$14不算好脆，應該是用加了蛋漿炸，很香，但不會太脆，亦不會又乾又硬，都幾鍾意這口感~~比較淡口，但附有淮鹽，點一些吊味就會好好味！一定會再黎！

辣腩肉、紅腸小酸辣紅薯粉 +凍檸茶 $33我是為了食紅薯粉才會選擇這間店，因為要食酸辣湯米線就應該行前二步食譚仔，可能各方面都會較好紅薯粉小小粗，都算軟得來煙韌辣腩肉同紅腸是屬普通，配菜份量都可以，但配菜其中一款炸醬就比較差，食落只覺得是淡淡的肉碎，完全沒有香辣味道至於湯底都比較淡，欠香濃Summary: 整體只屬一般，不見得邊一方面特別出色，應該食一次就夠。

食左1次譚仔米線..唔明點解咁多人去..由佢開店食到食家店主都記得我地啦..哈哈次次食親都係唔辣，但會叫佢比辣椒油...落小小已經好正其實一碗都唔平，因為D餸好小個湯底酸酸地..又幾開胃最後有一點要比個GOOD佢..個湯無論天氣幾凍..佢都夠熱..真係食完都仲出煙架野飲要求就唔好太多啦...但有1點就唔係太好..一入去就有伙伴行過黎好似迫你落單咁叫等等..轉頭又行過黎問咩食咩....我見好多人叫左麻辣..之後辣得濟....叫伙伴比水/湯佢整返淡D都無問題...佢地都好樂意咁做

本人嗜辣好酸, 一般既米線已經滿足唔到我既要求! 而亦都食過好多間不同既米線, 揸流灘呃飯食既舖頭亦都比比皆是... 某日經過此地, 門外已經聞到陣陣麻酸辣味, 而且舖頭人流唔算多, 本著尚且一試之心態就走左入去... 湯底價錢唔算平, 料亦都唔係多, 不過最討我歡心既係佢既湯底. 湯底要麻有麻, 要辣亦都有亦, 唔似一D揸流攤舖頭只係用滾水加D味就算! 而且湯底仲飲到有不同層次, 証明湯底用料十足!麵底米線就係一般係其他舖頭既一樣, 值得一提既反而係薯粉. 出面食過唔係太唸, 就係山舨沖炮艇! 而呢間舖頭既薯粉真係一絕, 軟硬適中, 夠透而唔會過唸而變成一pat pat! 飲品好奇怪, 無一般茶餐廳咖啡供應! 不過反而有台式飲品, 不過不失咁喇...服務幾個亞姐都幾好人, 有時仲有個後生仔幫下手, 個個都好好禮貌, mr / ms YESMAN!!! 就算你要加湯, 加酸加辣加麻都無say no! 深水埗有咁既服務算好好架喇...

中學個陣已經好鐘意食依間野... 其實佢d餸冇咩特別.... 而且d餸gei份量都幾少... 自己都覺得唔太抵...(譚仔份量多好多)...不過呢..~~~~我就非常鐘意佢個湯底...!!!!超好味的湯底...!!!我通常會叫腩肉雲吞中辣... 真係有麻gei感覺...!!!!好濃味ga!!!冇得頂.. 次次食完都好滿足!!!到走個陣都仲有麻gei感覺..下次要試大辣!!!仲有會叫d小食...佢有燒豬頸肉.. 魷魚酥... 炸雞翼等等la... 我通常只會叫炸雞翼... 普普通通geh炸雞翼la... 有d甜酸醬... 食下無妨上次去.. 佢仲出左紅薯粉... 男朋友叫左.. 都幾好食ga.... 不過好似貴d d ga~~~

個麻辣湯底比起兩個月前真係好味左好多.....雖然以前o個個都ok....但係始終冇十分麻的感覺...辣gei程度都係不太勁但係依家改良左,個麻辣真係ok左...真係有麻有辣....掂

出去深水步買野，差唔多午飯時間想食米線，路過見到呢間就入左去侍應招呼一般，見我一個人就叫我坐左去門口走廊位，成餐都周身唔自在點左個小鍋米線，侍應阿嬸叫我加"食送"，我就點左「雲吞」、「酸菜」「酸菜」夠晒酸，合格。「雲吞」睇落皮好厚，點知一碰就散開，仲要根本就唔係雲吞，只見肉碎同少量菜，嚴格黎講，係「水餃」，唔係「雲吞」，貨不對辦。另外，碗野上台時，湯面有類似黑芝麻的物體。仔細睇清楚，原來係有腳的小甲蟲浮屍。我冇叫侍應黎換，因為我唔想浪費食物，但係以後都唔會再去呢間鋪頭了。如果食客唔介意平平地食碗米線係可能會加料的話，我唔會建議大家唔好去呢間，不過附近可能會有更好的選擇吧。

話說星期日出左去深水步買相機，終於都買到心頭好十分開心﹗路過此地見呢間野好多人食，於是探頭一內進試﹗點左個蘿蔔雞翼尖米線配麻辣湯底。成碗來到都幾足料，先試湯，入口真係一麻，現場雖然有冷氣吹送不過頭頂即時冒汗﹗我最鍾意食既雞翼尖超級入味，五香鹵水味濃，好食﹗蘿蔔比較差一點唔算腍亦有渣﹗不過米線夠彈牙有口感加番分﹗要一讚係佢地既配菜芽菜十分之多，我好鍾意﹗配埋個凍檸茶都係廿六蚊，抵食﹗

因為個fd 話佢o既痳辣米線好味..但我不嬲都唔太好痳辣, 所以我就叫左小辣酸辣腩肉豬腸米線.. fd 就要左中辣o既痳辣..首先講下份量, 對於女仔黎講就ok, 男仔就食完都仲會餓..(送)就極少.. 我得到三小片豬腸同四五塊碎片o既腩肉..仲要冇雜菜.. 即酸菜(九)菜同雪菜是旦一樣.. 我覺得辣同酸o既味道唔balance.. 唔夠酸..痳痳地..我小辣唔知點解食到流淚.. 都唔知我個fd 點食中辣..大辣會唔會暈低?

每次去親深水步都一定會去個度食, 都幫襯左差唔多兩年 服務同其他茶餐廳差唔多, 但至少唔會大大聲講野.個度既酸辣味比較突出, d酸菜都ok, 又唔會遮左d辣味有時仲會帶埋成班fd去食. 廿幾味大大碗. 都幾抵食冷氣好凍, 不過summer就無咩所謂鋪頭大細一般般, 但人流就真係好勁, 好多時一張枱都幾對搭枱既人