雅麗閣海鮮酒家 (已結業)

同人黎呢度食午飯傾野, 快速叫了三款點心和一個蠔仔粥, 但4樣野冇樣掂~點心1:棉花雞: 得兩件雞, 棉花又有異味點心2:素鵝: 炸到乾, 唔掂!點心3:「xx小南瓜」:原來只係糯米粉做的南瓜物體,有異味之餘仲非常難食!!蠔仔粥:得數得出幾粒蠔仔,仲係不完整, 樣衰衰咁添~好彩呢餐唔駛俾錢, 我諗我唔會再幫襯..

同同學一行十人, 要搵個地方慢慢食兼可高談闊論, 近近地的就選了這裏.以經濟實惠為首, 大家一致決定點特價小菜(^.^), 共九個, 每款$38.滷水鵝, 薯仔炆雞, 節瓜粉絲煲, 脆炸豆腐, 干煸肉鬆南瓜, xo醬蒸茄子, 爆牛肉, 百靈扒時蔬, 涼瓜炒吊片.以價論, 小菜份量足, 水準亦不過不失. 而其中較出色的係炸豆腐, 外脆內滑, 一口一粒, 送酒不錯. 另這裏的白粥幾綿, 比白飯好.這裏入座率不高, 相對侍應的人手亦較少.這裏除晚飯外, 亦有火鍋供應, 暫定了下次的聚會就一試這裏的火鍋.

昨天約了舊同事飲茶,我地一共6人,book左貴賓廳,傾偈冇咁辛苦,以前坐出面嘈到拆天.飲茶都係食果d野:蝦餃,燒賣,腸粉,豬皮魚蛋,鳳爪,炒飯等等,都ok幾好味,但我覺得最好食係馬拉糕and流沙包.我地6個人,平均每人食左$75,中環飲茶來講都算幾抵食,起碼好食過對面gor間皇x匯.

選擇下午茶時段光顧，是因茶市半價。五人幫，叫o左美食檯的煎腸粉、煎豆沙餅，點心紙上既蒸腸粉、蝦餃、燒賣等standard 點心八款。味美既東西嘛，「不盡言」- 即係無，不過新出既煎豆沙餅就可以。抵食嗎？唔...如果午市埋單要成$70，實唔幫襯。

前幾日同同事黎飲茶，不過不失咁啦，又唔會話難食既，不過就食完都冇乜印象咁囉。最好食好似係馬拉糕，真係幾鬆軟又幾香。不過佢地上野食都上得幾慢喎。我唔知佢地D點心幾多錢，不過我就完成食唔飽。

聖誕日兼逢星期日一大班人想去飲茶, 中環係唯一較易搵位地方. 當然, 過時過節仍然容易搵位即係話食物質素無謂要求, 食得落肚就算.老實講, 點心係一般酒樓水準, 唔會真係入唔到口但就唔算得上好食, 較失敗係食油, 可能用平價貨或唔新鮮, 一陣油益味. 不過, 每人幾十蚊, 飲茶為名, 打牙較打足幾個鐘, 茶樓燈油火蠟都可能蝕埋, 所以唔會苛求.最得意算係芒果布甸, 做到條錦鯉咁, 同小朋友一齊就最o岩喇. (食味亦只能呃下小朋友.)

我唔食牛肉，但就好鍾意食牛柏葉，每次去酒樓都必定會叫的。7。1諗住做孝順女，請爸爸媽媽去中環飲茶，循例叫籠牛柏葉，點知食落口有一股強勁梳打粉味，再咬多件竟然係凍嘅，問你驚唔驚。後來叫個女侍應換過籠點心，佢竟然擺出一副愛理不理嘅態度，最後唯有搵個部長理論。試問今時今日咁嘅服務質素，點可能係中環生存呢﹖

去過好幾次，今日原本想去意粉屋點知訂都爆晒，香港真係好景。最尾同2個同事去左飲茶。打去訂時話可能要等下，點知去到都即刻有位。第1次晌大堂飲，同事話最怕嘈，我就幾中意的，因為以前晌澳洲飲茶好多人都係靜蠅蠅的。野食ok 啦，無咩驚喜驚慌，不過d大路點心可能要等齊先出，碟牛肉同燒賣等左我大半個鐘。埋單3丁友都唔洗2舊，抵到爛。

I loved this resturant very much, bcoz the hotpot buffet is very good and the food is fresh and lovely, I especially love 鮮墨魚丸& the mixed sauce．But last time I go there (Feb 1,2004) .they give me the impression is totally different, the food is not fresh , not enough food provide, I found maybe during the Chinese Year Holiday ???around$95 /head 08:45pm or before entry(2 hours limitation all included-have beverage ) after 08:45pm entry around$75/head

今晚亞sir請食飯, 唔駛比$$$, 梗係去食下啦. 一圍17個人, 2個女仔, 叫左一個12人一席0既餐. 再加多左2隻總共4斤0既龍蝦. 都叫做夠食. 江南6小碟. 有無骨鳳爪, 一舊都食唔到, 比人食晒, 估計係好野. 海哲薰蹄, 賣相唔得, 好似食淨咁. 牛展, ok啦. 豬頸肉, 幾好味. 不過略肥. 燒肉, 個皮幾脆, 但係唔多夠味. 鵝翼, 好瘦, 好似營養不良咁. 見到都唔想食.芝士焗龍蝦, 個汁做得幾好, 唔太漏. 不過唔係好夠味. 龍蝦好爽口, 都好多肉. d麵都幾好食. 三色椒炒蝦同花枝. 好一般. d椒好似唔熟咁. 係d蝦比較好食, 花枝有d un. 瑤柱釀瓜甫, 唔得. d瓜好唔得. 好似生食咁. 一d都唔'林'. 唔知乜乜翅, ok啦, 都叫見到d翅, 幾粗. 有d類似蟹肉0既物體一隻冇味雞, 又乾又黑. 唔食都冇損失.避風塘炒蟹, 好味, 好夠辣, 但係唔多蒜粒. d蟹好多肉. 而且好大碟蒸東星. 呢個係最好食, 好新鮮, 好有魚味.荷葉飯, 冇乜油. 唔特別好食.炸饅頭, 好細隻. 但係唔熱. 楊枝甘露, 都幾足料. 可惜係唔夠凍埋單$2500, 我個人

中環生活最難頂係食晏, 呢度唔係好特別, 但都係等到懵, 唔....呢度點心唔及美心咁多款, 但勝在正價都唔離譜, 環境都係咁上下密質質個隻囉...