雅高·33

營業中

休息中

今日好開心同一班朋友去咗雅歌33荃灣西餐廳，都係第一次去，然後覺得呢一間餐廳真係好高水準，如果住荃灣嘅朋友，一定要來試呢一間啦，呢一間餐廳又坐得舒服，食物又好食，物超所值嘅餐廳，所以一定要介紹俾大家，呢度嘅餐廳餐單選擇好多，有焗飯，有意粉有飯累，仲有唔同嘅扒累選擇，而且呢度嘅裝修好高雅，坐嘅位置，書房，空間號風堂，原來呢度嘅食物都好新鮮，我哋嗌咗個肉眼扒，全部嘅牛扒都係好好食，從由呢度嘅服務是影得好睇啲，全部都好有笑容好禮貌，仲要係位置在於荃灣附近，可達到高，非常之方便，所以一定要嚟試吓，而且呢度價錢經濟，但係食蚊的質素好高，我哋仲叫咗鰻魚飯，呢個鰻魚真係好出色，配埋個鰻魚汁，真係一流呀，而且呢度嘅沙律都好好食，個沙律的份量都好足夠，所以一定要利是呀，超級正呀

今日好開心同屋企人去咗荃灣嘅一間西餐廳食牛扒，呢間餐廳質素真係好高呀，食物超級好食，你荃灣嘅人，你試吓呢一間啊。頭先佢嘅地理位置在荃灣同荃灣西中間，只要行大約10分鐘內，就會到達呢一間餐廳，然後佢嘅座位空間都好舒服，座位寬敞，我適合家人，同埋朋友嚟傾偈食飯，而且呢度嘅服務質素都好好，全部嘅侍應都好親切殷勤，全部都會主動幫你斟茶遞水，服務一流，選擇，有唔同嘅扒累啦，仲有沙律，吉列大蘑菇等等嘅小食配合，而且佢哋嘅價錢經濟實惠，食物游水長，全部嘅食物都係新鮮即叫即整，而且我識咗個西冷牛扒，全部都係肉質鮮嫩，好有口感，而且佢個餐湯都好好食，仲有餐包，呢間餐廳好貼心，餐包都會幫你搽牛油，唔使自己用手同牛油，真係好好啊，如果你哋荃灣要泥試吓

在荃灣收工後想靜靜地吃頓晚餐。路過有店舖(雅高.33)有扒餐、生、意大利飯、薄餅、甜品、沙律、小食和白紅酒選擇非常之多，店內裝潢令人感覺好悠閒，座位寬敞，播放着輕音樂，令人感覺好relex。從店內望出店外截然兩個世界❣️香煎澳洲肉眼牛扒晚餐+蒜蓉飽+餐湯+飲品~嗌咗五成熟澳洲肉眼牛扒，內部還是紅色，交織生熟層次口感，而且肉眼脂肪分布均勻，味道甘香，口感軟腍。吃下特別好味😋😋❣️雅高雜扒餐~真係好足料有齊十樣:~1.雞扒皮薄煎得卜卜脆，肉質嫩滑多汁2.豬扒脂肪分布適中，肉質柔軟嫩滑3.燶邊太陽蛋，周邊脆卜卜夠香口，中間流心蛋黄蛋味香濃4.雞翼香脆肉嫩5.德國香腸皮脆多汁，口感扎實香味濃郁6.沙律菜~新鮮爽脆7.蒜蓉飽~卜卜脆帶蒜香牛油香味8. 餐湯🍲9. 白飯🍚10. 餐飲☕️真是十全十美🤣🤣❣️意大利芝士蛋糕~蛋糕表面撒上可可粉，口感細滑，味道濃香。

荃灣親民晚餐西餐廳DINNER SET牛肝菌忌廉汁魚柳焗飯 $78香濃焗飯夠晒足料，大大件魚柳配上焗香嘅牛肝菌汁，滋味得來配以誠意十足嘅炒飯底真心正！香煎澳洲肉眼牛扒 薯菜 蒜蓉汁 $138今次叫咗四成熟，上碟真係剛剛好熟，肉眼扒牛味濃又多汗，四成入口溶化，牛肉香味嘅層次係一入口就沖出嚟！配是日餐湯羅宋湯及蒜蓉包凍飲 +$3特式焗蠔 （4隻）$68香噴噴嘅焗蠔，用咗火腿放底加多咗口感，反而再帶出蠔本身嘅鮮香味，加埋焗起無抽得太乾水分，入口都鮮香多汁！值得一試！加一服務費雅高·33 (荃灣)荃灣沙咀道328號寶石大廈地下21號舖

有時候想平平哋食塊牛扒，但又想幫襯下小店嘅時候呢間就好啱啦✨香煎澳洲牛肉眼🥩 $138 3.8/5😋揀咗意粉同黑椒汁～意粉就冇咩調味嘅感覺🤣牛肉就正正常常，不過比較有趙口～但都幾重牛味！而且好大塊😍烤蒜蓉香草春雞🍗 $78 4/5😋雞皮超脆！而且食落好Juicy同好香😍而且雞胸嘅位都唔會好乾好柴🤤不過就略嫌調味唔太夠，要靠點汁去攞味道～忌廉菠菜蜆肉意大利飯✨ $128 4.2/5😋呢個價錢雖然同出面Cafe差唔多，但佢嘅份量係大好多！！飯係比較淋身嗰種，但都做到粒粒分明有少少咬口😍而且creamy得嚟又唔會好膩！而且仲食到蜆肉嘅鮮甜味🤤🤤入面起碼有十幾廿粒蜆肉！完全感受到佢嘅誠意😍整體嚟講唔好期望佢係好有質素嘅西餐，但呢個價錢嚟講平平哋又大份～絕對係糧尾又想食西餐嘅選擇！

哩間冰室既水準簡直令人眼前一亮，又平又好食！坐得又舒服😍佢有分普通/商務午餐，價錢商務會貴小小我地點左個all day breakfast, 平時cafe賣成$100-$150， 哩度只係$60 幾，有兩條腸，煙肉，火腿，菇，蛋同茄汁豆、生菜薯蓉等等！真係好豐富！仲包埋個餐湯，面包同埋咖啡！食食下已經見到出面有人排隊！面且質素好好，吾會煮到好干身，反而腸同肉都juicy , 好開胃！午排套餐都吾失禮，侍應仲有無想要幾成熟，加埋簡薯菜/ 意湯/ 飯，汁就有蒜蓉或者黑椒汁！配上小小生菜，份量岩岩好！牛肉既食香味俱全，牛香十足，有小小咬口，吾係好肥膩既牛！但係配埋意粉已經調左係茄汁🥫香，酸酸甜甜解膩！推介大家試下😇😇我都會再去！

是日要黎荃灣，由於趕時間，但又想食西餐，唯有快快脆脆搵間餐廳，剛好經過沙咀道嘅雅高.33，見到餐牌上嘅食物都唔錯，價錢亦相當親民，就打算試下啦。餐廳佈置都算簡潔，都算幾光猛，背景仲播著柔和嘅音樂，帶俾人好舒適嘅感覺。午飯時段有午市套餐及商務午餐，價錢由$48 至$118 不等，包餐湯、麵包、主菜同咖啡或茶。主菜選擇都有好多，好似沙律、飯、意粉、薄餅、、牛肉漢堡、豬手、牛扒同羊扒。是日餐湯係火腿粟米忌廉湯，入口相當creamy，配埋微暖嘅麵包，真係非常美味。主菜方面我地分別揀左千島醬海鮮薄餅同德國鹹豬手配蜜糖芥茉醬。千島醬海鮮薄餅:薄餅好大份，薄身而脆口，上面塗了千島醬，再放上唔少海鮮，整體顏色非常鮮艷，賣相好吸引，味道更帶有日式風味，無肥膩嘅感覺，味道一絕。德國鹹豬手配蜜糖芥茉醬：鹹豬手可以揀配飯、意粉或者薯菜，個人認為配薯菜比較襯。鹹豬手採用燒既方式炮製，豬皮燒得好香脆，肉嫩而香滑得黎又唔太油膩，顏色呈嫩紅，配埋芥茉醬食，味道相當吸引。配菜嘅薯條亦都相當香脆，配埋伴碟嘅沙律食，非常清新。Set lunch 可以以優惠價配小食，我哋揀咗要大蘑菇同埋吉列大蝦。煙肉洋蔥芝士焗大蘑菇：大蘑菇

餐廳位於荃灣市中心位置，附近有小巴站，巴士站，容易到達。未到12點嘅午餐時間，已經座無虛席，要等一陣先至可以入座。餐牌選擇唔少，套餐包括餐湯餐包，仲有餐飲，午餐仲免加一。雖然食客好多，但上菜時間唔需要等太耐，唔使驚餓親。餐包加熱至微暖，入面已經搽好牛油，入口軟熟。香煎紐西蘭肉眼牛扒（八成熟）配意粉，上枱時候有驚喜，估唔到午餐都咁有份量，咁大塊牛排，切開時冇半點血水流出，以為會煎得過熟啦，但原來唔係喎，中心帶點微紅，食落唔會過韌，仲覺得肉汁鎖住左，牛味唔錯，唔需要點蒜蓉汁都無問題。香草烤西冷羊扒配芥末醬，第一次食西冷羊扒，原來肉質係咁腍㗎，同平時食開嘅羊架肉質好唔同㗎，入口軟腍，無筋唔嚡口，非常好食。配菜嘅粗薯條，炸到脆卜卜，簡直食唔停口。另外追加左2個小食，炸蝦同焗蠔，非常滋味。焗蠔即叫即整，一夾起隻蠔，就知道肥美有肉汁，加埋芝士，洋蔥同煙肉一齊焗，味道更出色，推薦。餐飲嘅檸檬柚子蜜茶同雜果賓治都唔錯。呢餐午餐味道唔錯，價錢貼地，有機會可以再光顧。

今日放工落住雨返屋企 已經唔想煮飯係屋企附近搵左間西式餐廳食晚餐點知原來都唔錯 值得介紹✨餐廳坐位坐得都算舒服每人點左一個晚市套餐 有齊餐湯 麵包同飲品 餐湯配上蒜蓉包 咬口都幾爽脆主食：鮮茄忌廉大蝦配墨魚汁意粉🍝鮮茄忌廉汁出奇地夾 整碟意粉都份量十足 大蝦亦都5-6 隻 配落墨魚🦑汁意粉整個海鮮味加分 香煎澳洲肉眼牛扒薯菜 （5成熟）出黎真係做到想要的效果冇overheat 肉質色澤都合乎期望 配上燒汁 以百幾蚊左右的價錢 都冇咩需要挑剔配上兩杯餐飲 Latte 和檸檬柚子蜜整個晚餐都食得好滿足🤪😊

簡單經過見到有set dinner即刻就想去試下枱凳都闊落，唔會太逼夾，坐得都幾舒服👍🏻Set dinner 都有滿足唔同人既需要飯/意粉/扒/肉/pizza 想食咩都有唔岩既話仲有後面好多選擇，可以散叫只系無Set 咁解Set dinner 連湯、蒜蓉包、野飲是日餐湯：羅宋湯，有唔少洋蔥🧅味道可以，唔系偏辣個種蒜蓉包即烘，好脆，又夠牛油香👍🏻唔錯叫左個西冷牛扒 薯菜（五成熟）切落去都見熟度都差唔多，不過食落就略嫌少少韌醬汁系分開上（蒜蓉汁），所以唔怕會整淋d薯菜，呢個幾好，因為我最驚薯菜又有d汁既味呢間系用薯角，唔系薯條❣️另外叫左個羊扒羊扒好厚❤️食落去都好juicy唔會韌，咁厚要焗/煎都考功夫，做得唔錯👍🏻點埋芥末 就更加昇華左 好夾意粉煮得幾香，唔會太乾或者無味，令我會期待佢地其他焗飯/意粉晚餐有服務費10%

餐廳最近重新裝修， 比之前環境更加舒適， 佈置簡潔明亮， 餐廳還播放著經典英文金曲， 氣氛相當不錯，與朋友聚餐的好地方， 價錢又親民，吸引不少街坊支持。 香草烤西冷羊扒配法式芥末醬意粉 $118 濃稠的忌廉湯餐湯，充滿奶香，跟配的餐包好鬆軟。厚切西冷羊扒，表面深褐色，香氣十足 ，用刀輕輕 力已經好容易切開，入口軟腍 ， 再沾上法式芥末醬汁，滋味加倍提昇， 與口感煙韌的意粉， 十分搭配。德國咸豬手配蜜糖芥末醬意粉 $112 厚切的人氣德國咸豬手，份量十足 ， 豬手皮烤至金黃香脆，咬下去發出吱嚓聲， 十分清脆， 酥脆的豬皮下， 肉質軟嫩， 卻不會有肥膩感， 配蜜糖芥末醬， 滋味提升， 與跟配的脆卜卜薯條， 讓人 越吃越想吃 。特色焗蠔兩隻 / 追加小食 $24 焗蠔相當抵食，蠔身完全被滿滿半溶芝士蓋著， 十分邪惡，咬下去蠔汁在口中爆開， 鮮味嫩滑

今日去左荃灣呢間雅高33，在餐廳裝修前食過兩次，覺得環境有點逼。新裝修後餐廳闊落左好多，除了三邊卡位，中間仲有幾張大枱，啱晒一家大細嚟開餐。餐牌選擇都幾多，仲有我至愛既什扒餐，10樣野加埋都係$78，好大份。有雞扒、豬扒、德國香腸、雞翼、農場煎蛋、沙律菜，我叫左薯菜，有好多薯角，仲跟埋是日餐湯、蒜蓉飽及餐飲，真心抵食。朋友點左香煎肉眼牛扒配意粉$138，大大塊牛扒，肉質鮮嫩，牛味濃郁，充滿肉汁，加上煮得軟硬剛好既意粉，及新鮮的沙律菜，非常豐富。餐湯係粟米忌廉湯，配上烘到金黃色的蒜蓉飽，簡直係絕配。套餐可以加錢升級做人氣特飲，這杯日本紅豆雪糕冰，紅豆夠腍，甜度適中，飯後必選。甜品揀左心太軟伴雪糕，即叫即整，香濃既朱古力蛋糕加上流心朱古力醬，熱辣辣的口感再配上冰凍的雲呢嗱雪糕，實在令人一吃傾心。

荃灣區不嬲都係美食天堂，米線西餐甜品樣樣都有，雅高呢間餐廳我哋都食咗好多年，由細到大，佢都係我食西餐嘅飯堂，一嚟嘅食好食，兩來價錢真係幾平。依家輕則食過牛扒，都講緊要二三百蚊，但係呢度只要一百蚊頭，仲係包埋套餐，又有湯有嘢飲有包，所以真係幾抵食。而我今次呢係兩個人，所以就叫咗佢哋晚餐兩個最貴嘅餐，分別係肉眼牛扒，同埋羊架， 雖然係平，但係亦都可以照樣簡熟度，我哋兩個都各自叫咗五成熟。呢度仲有跟到白飯意粉或者薯菜，所以唔驚會唔飽。講返塊排先，牛扒唔會有鬆肉粉味，食得出真係靚牛扒，帶有牛嘅肉味，而且，軟硬啱啱好，真係啱啱好五成熟，有肉汁流出嚟。羊架都差唔多，火候控制得好好，而且羊架仲有芥末醬，芥末配上羊肉，唔會掩蓋香味之餘，仲可以減低肥膩感。雖然菜單係羊架，但係其實係羊肉，因為啱啱好個部位係成就都係肉🤤🤤🤤希望間餐廳會永遠都起度，起碼起我月尾到想食西餐都有個選擇

ARTCO 33地址：荃灣沙咀道328號寶石大廈地下21號————————————————————————荃灣沙咀道稱得上係荃灣嘅「彌敦道」人來人往 成條街道兩旁多嘢食雅高33 早餐做到夜晚有價格相對較低嘅午市套餐 對飲食有執着，有要求嘅都有選擇商務午餐啱你 有餐湯，加埋牛角酥 餐飲香煎加拿大西冷牛扒配薯菜西冷牛扒七成熟 大大塊 牛味香濃厚肉juicy香煎紐西蘭肉眼牛扒配意粉肉眼扒講求油脂分布 脂肪較為多少少 更香！朋友食龍眼要求五成熟 見到裏面紅紅地 鮮嫩無比炸吉列大蝦2隻

今日去左荃灣食西餐。餐廳樓底好高，座位寬敞，聖誕節將至，所以裝飾充滿聖誕氣氛。每份晚餐都有餐湯、蒜蓉飽及主菜。是日餐湯：忌廉粟米湯，湯入面加左煙肉粒，好香甜。蒜蓉飽：烘到脆卜卜、搽滿蒜蓉好香好惹味。牛肝菌忌廉汁魚柳焗飯：魚柳肥美，香滑鮮嫩，忌廉汁好有牛油味，加上芝士、炒飯底，仲有少許拉絲效果。香煎澳洲肉眼牛扒配意粉：肉眼扒啖啖肉，又厚又大塊，煎得香口，肉汁豐富；值得一讚，意粉煮得啱啱好，有咬口；伴碟的沙律菜也很可口。生蠔：跟餐加配每隻只須$15，當然要試下，生蠔空運直送，所以特別新鮮，重海水味。我叫左人氣特飲~什果賓治：調配得很好的無酒精飲品，仲有好多什果，好啱我口味。另外餐廳做緊推廣，跟餐加甜品，每款可減$10，不過我哋太飽，唯有下次再嚟試。