雅高·33

營業中

休息中

呢日嚟到荃灣食午餐呢間都好多人幫襯，同埋見到佢嘅餐牌好抵食什扒餐我哋揀咗蒜蓉汁 😊本身個餐有10樣嘢雞扒 豬扒 薯菜 雞翼 腸 蛋 等等仲有餐湯及蒜蓉包 因為好想飲特飲，所以+ $18 黑牛（朱古力雪糕和可樂）雜扒餐有好多唔同嘅嘢食，諗唔到食乜嘢嘅話呢個係個好選擇🤣呢度嘅肉都煎得好香口，調味都好濃郁豬扒同雞扒都幾大塊，啖啖肉。另外燒雞翼好入味，薯條都非常之外脆內軟。西冷牛扒牛扒就選擇咗黑椒汁，配意粉 再+ $18 日本十勝紅豆冰 另外可以點選小食+ $28 法式田螺焗薯蓉 ）牛扒份量都幾多，配上黑椒汁都好好味。意粉本身都有調味，口感唔錯田螺焗薯蓉熱辣辣，上邊仲有啲芝士，薯蓉入口感覺棉襪，配合埋田螺同埋芝士食都幾好味呢度絕對係荃灣區一間好抵食嘅餐廳，座位都好闊落😊

大家好今日去左雅高33食早餐這裏早餐份量都好大好足料仲供應到十二點足夠做一個午餐首先這一份魚柳/炒蛋/煙肉/茄汁豆薯蓉田園沙律牛角酥魚柳炸得好香脆魚肉仲保留肉汁仲可以料他他汁牛角酥都係這裡出名既好鬆化也有牛油味田園沙律都好新鮮同埋薯蓉都幾軟滑另一份挪威三文魚黑松露炒蛋/火腿/煙鴨胸/茄汁豆薯蓉田園沙律牛角酥三文魚同黑松露醬火腿己經釀左入炒蛋裏面早餐有呢樣野食都幾特別煙鴨胸都好香口飲品方面可以加$7要左好香濃既泡沫咖啡同埋好滑既鮮奶咖啡最後再食埋牛奶麥片都幾多牛奶都飽左唔駛食午餐

今日朋友扶我去完附近睇跌打，行經呢間食餐飯，決定同佢食個晚餐，晚餐配有餐湯同埋蒜蓉包，羅宋湯都幾足料，蒜蓉包非常有驚喜，雖然跟餐但係質素一啲都唔差，焗得香脆，上面滿滿牛油同蒜粒，十分香口！點左個澳洲肉眼扒配薯菜，肉眼扒好有份量而且好有肉味同油脂香味，食落唔會韌，好食。薯菜係意式香醋汁沙律同連皮薯角，熱辣辣啖啖薯仔味，又要開胃沙律伴碟，正。豬仔骨有時都好驚餐廳會燒到好柴好嚡口，但呢間餐廳就唔會，份量多得嚟係好食，肉淋得嚟又唔會冇曬咬口，用刀都容易切得開。豬仔骨嘅醬汁夠曬濃郁惹味，仲有牛舌真係一流，超值，再配埋番茄意粉，味道豐富，大滿足好味道！整體嚟講呢間餐廳嘅食物份量十足，用心製作，由蒜蓉包，餐湯至主菜都係咁好味，值得推介。

今日經過荃灣，畀張海報吸引左見到咁抵嘅生蠔，無理由唔食，諗都唔諗就入去跟餐先至可以$15柯打生蠔，最多6隻，真係超抵呀先嚟羅宋湯同蒜蓉包，羅宋湯甜左少少，但幾足料！我地嗌左4隻生蠔，每人兩隻，上到黎幾大隻新鮮，可以加檸檬汁或者點cocktail醬生蠔有種淡淡的海水味，清新肥美，點cocktail醬岩晒主菜點左肉眼配薯菜$148，有沙律仲有薯角，薯角脆身等嚟唔油膩；肉眼就7成熟，有幾隻醬汁揀，我地揀左洋蔥汁加道小食法式田螺焗薯蓉$52，覺得幾特別，唔係成日食到啲田螺好大隻好q彈，仲有一層厚厚嘅芝士拉絲，非常滋味！呢餐我哋覺得幾驚喜，嘢食唔貴，但質素幾高，整體性價比好高，特別推薦生蠔，應該下次都會返嚟再食！

噚日(9-2-2024 Fri)年三十公司放半日,由於肚餓,返荃灣至諗食咩啦,記起好耐以前有幫趁過呢間,但𠲖 o家搵唔返嗰個食評,於是走嚟,我嚟到時都有人等位,咁我攞咗飛先,大約等咗10分鐘有位,俾我坐半卡位,喺等嘅時候我睇咗menu先,都有好多選擇,坐低後,我就要$56.00嘅B03 lunch set,伊雲士燴雞焗意粉,要熱奶茶,加$28.00要法式田螺焗薯蓉.熱奶茶先到,熱騰騰嘅,飲落,茶味唔太夠,口感係滑嘅.2.7分之後等多9分鐘, 伊雲士燴雞焗意粉到嚟,見到雞扒已切件,面上有芝士,熱騰騰,食落,又酸又鹹,我覺得鹹咗啲,唔知呢個係咪應該係咁,而佢都幾厚身同唔嚡;意粉係港式腍身嗰隻,冇問題,不過好似好碎,攪到我用叉卷嚟食時,都只係卷到好少,咁就食耐咗,而個器皿係好保溫,食到最後都仍然係熱.3分法式田螺焗薯蓉都喺1分鐘後到,有6隻田螺,焗到啱啱好,又滑又juicy;而滑薯蓉就食到蒜蓉味.3分

琴晚食完扒，都仲想食，所以就喺荃灣搵到第二間扒房，價錢又抵食。肉眼扒呢塊肉眼扒勁大塊，我哋叫咗5成，廚師煎得好好，恰到好處！再配上好脆嘅薯角，加埋落咗黑醋嘅沙律，好開胃。蒜蓉汁仲另上，可以邊切邊點汁。不過塊扒本身都好夠牛味，唔洗點汁都可以。燒春雞雞皮燒得好脆，切落去就索索性，勁脆。而且佢係半隻，雞胸啖啖肉，雞髀肉好嫩滑，雞翼仲燒到脆卜卜。芝士焗田螺薯蓉熱住咁上枱，出晒煙香噴噴！面嗰層芝士好厚，每舊田螺都可以連到一大塊芝士一齊食，超正。薯蓉墊底仲吸咗田螺逼咗出嚟嘅油份同味，連埋一啖食好香口。Tiramisu 咖啡味好香，中間2層cream都好creamy，大細又啱啱好，食完主菜再配呢個甜品啱啱好！

雅高·33 西餐廳位於荃灣的餐廳給人一種平淡而溫馨的氛圍，彷彿置身於一個舒適的歐式餐廳裡。溫泉蛋忌廉蟹肉意粉一上桌，香氣撲鼻而來，而且熱辣辣。意粉煮得剛剛好，帶著微微的嚼勁，配上濃郁的忌廉汁，每一口都讓人陶醉其中。最讓人驚艷的是那個溫泉蛋，切開時，金黃色的蛋黃慢慢流出，混合在意粉上，為整道菜增添了豐富的口感和味道。再加上新鮮的蟹肉，每一口都充滿了海鮮的鮮甜味道，讓人回味無窮。香煎澳洲肉眼牛扒配薯菜是肉食愛好者的首選。牛扒煎得恰到好處，內裡鮮嫩多汁，肉汁四溢。搭配薯菜，口感鬆軟，完美地平衡了牛扒的肉味。除了主菜，套餐提供了包羅宋湯和蒜蓉法包。熱騰騰的羅宋湯，散發著濃郁的香氣。蒜蓉法則是外層酥脆，內裡柔軟，每一口都能咬出濃郁的蒜香，令人愛不釋口。最後選擇了凍檸檬茶來解渴，清新怡人，檸檬的酸甜味和茶葉的苦澀味完美融合，瞬間感受到涼爽的感覺，重新恢復活力。如果想要一個性價比高而且豐富的西式晚餐，我強烈推薦到雅高·33 西餐廳。

今日同朋友嚟荃灣有啲嘢做整完之後都已經兩點幾經過見到呢間都幾多人幫襯我哋諗啲食物質素應該唔錯等咗兩枱左右 就到我哋入去食啦呢個時間有埋下午茶供應但係因為我哋仲未食晏所以都係叫咗正餐正餐包咗餐湯同埋餐飲最平都只係$72咋感覺都幾抵食～唔夠飽仲可以追加小食- - - - - - - - - - - - - - - - - - - - - - - -1. 野菌忌廉煙三文魚意大利飯雖然賣相睇落好似幾清淡咁但係我覺得幾啱啲唔鍾意太濃味嘅人喺出面食意大利飯嗰陣好多時食到一半就已經覺得好膩跟住就會食剩一半 嘥晒啲食物啊～我諗呢度就唔會咁樣啦因為我見朋友食晒咁濟佢話啲忌廉令意粉好有奶香2. 蒲燒原條鰻魚飯呢間都算係中式餐廳啊無諗過都可以叫日式嘅嘢食一上菜就見到個碟咁大啲飯好多 沙律好多 條鰻魚都好大成條鰻魚肉厚肥美 加埋燒汁夠送到佢咁大碟嘅白飯好在有朋友喺度咋如果唔係自己實食唔晒所以$80係好抵食～3. 是日餐湯+餐包上網見到有時會係羅宋湯今日就係忌廉湯有別於出面嘅舖頭呢度嘅餐包竟然係牛角酥本人比較鍾意將個包浸落湯度食牛角包口感酥脆 帶有黃油香氣將佢浸落充滿奶香嘅忌廉湯個包吸晒湯嘅香味同埋湯汁令人有種

今日去咗荃灣行街 經過呢間 雅高33 見到好多人食 而佢哋食嘅嘢都好大份好吸引🤩 就即刻入咗去食～ 坐低睇餐牌 有lunch set 好多嘢都好吸引 仲要包埋餐湯同埋牛角包 仲有埋嘢飲😍 諗咗一陣就落單～ 落咗單一陣 好快嘢飲就嚟咗 我哋叫咗凍奶茶同埋凍檸茶～ 再隔一陣熱辣辣嘅餐湯同埋烤過嘅牛角包就嚟啦😋 餐湯係羅宋湯 都好足料 味道正常 牛角包烤過有誠意 脆脆暖暖嘅好味～ 除咗主食之外 我哋仲追加咗兩樣小食😬 香煎雞翼 +$14熱辣辣啱啱煎起就上枱 雞翼好入味 表面脆脆的 底下仲有啲沙律菜 味道啱啱好 煙肉洋蔥芝士焗大蘑菇 +$28好好食嘅大蘑菇 記得熱辣辣嘅時候食 芝士仲係拉絲㗎😍 德國咸豬手配蜜糖芥末醬配薯菜 $115超大隻鹹豬手🤩 切開啲肉仲係粉嫩粉嫩 豬皮香脆唔算好油膩 同埋真係超大隻 味道啱啱好 點埋蜜糖芥末醬 好好食😋 薯條炸得香脆 再加埋啲沙律 即刻冇咁有罪惡感😌 香煎加拿大西冷牛扒配飯 $123好大塊牛扒🤩 朋友揀咗七成熟 切開入面係粉紅色又唔會有好多血水 煎得啱啱好 好香又容易咬開 點埋黑椒汁 好食👍🏻 整體嚟講 呢間 雅高33 環境舒適 食物大大份 嚟食個悠閑嘅

是日晚餐：西冷牛扒，黑松露野菌薄餅，加6隻法國生蠔；西冷扒大大塊但薄身，軟淋，但黑椒汁凍冰冰。黑松露野菌，熱辣辣夠芝士，但沒有黑松露味，應該放漏咗。，向職員反映，只應一聲就走左去，沒有跟進。跟餐追加$15一隻生蠔，抵吃。

今天在荃灣的雅高。33吃了一頓西式扒餐。晚餐均配有蒜蓉包和忌廉湯，蒜蓉包加熱後香脆可口。羊架晚餐更配有沙律作前菜，很開胃。雲酥羊架（七成熟）羊架表面加了一些麵包糠，令口感更豐富。肉質頗鮮嫩，外層的酥脆皮襯托出羊肉，整體調味適中，羊肉的風味與烤製的香氣相得益彰。香煎澳洲肉眼牛扒 (五成熟）肉眼牛扒口感和軟硬度適中，煎至五成熟的程度剛好保留了肉質的鮮嫩。配有蒜蓉汁令味道更加，更配有海量的香脆薯角。心太軟伴雪糕心太軟的外層酥脆，內面融化的巧克力醬令味道和口感更甚。朱古力的味道濃郁，搭配雪糕的清涼口感，帶來了愉悅的對比。意大利芝士蛋糕tiramisu 的cream份量滿滿的，蛋糕的口感輕盈，此外亦有突出的酒味。整體味道平衡。

寶石大廈的大街，有一間港式的西餐扒房，今天便去了一試，內面空間頗大亦舒適，亦有除了扒餐外其他的意粉焗飯選擇，還有生蠔可選。晚餐均配有白忌廉湯和蒜蓉包，點廚師推介的餐類更再有多一份沙律作前菜。香煎澳洲肉眼牛扒，五成熟兩份扒類亦再配有一些沙律菜，還有豐富的薯角作配菜，非常豐富。牛扒份量充足，肉質不會太過硬，有一些肥脂。經過香煎後散發出誘人的香氣，帶有微微的煙燻風味。雲酥羊架，七成熟羊肉經過恰到好處的烹調，外表酥脆，內裡肉汁豐富。心太軟伴雪糕心太軟外層酥脆內心綿密柔軟，與雲尼拿雪糕作明顯對比，有冷有熱，口感豐富味道亦不會過漏。意大利芝士蛋糕整體有滿滿的酒香味和忌廉，口感軟綿。晚餐更配有飲品，份量都很豐富。

話說呢晚9點先同男友入呢間餐廳食飯,1坐低我地1齊就嗌咗個燒春雞+要咗薯菜,另外男友再嗌咗兩隻生蠔自己食～佢啪完話都幾夠海水味～喺同男友進食嘅期間佢唔小心倒瀉咗杯凍檸茶整濕咗張枱同自己碟燒雞〒▽〒,然後個侍應超級快反應幫我地抹枱n幫我男友換過隻碟再叫咗廚房翻炸咗啲薯角俾佢，最後仲送上1杯新既凍檸茶，真係人間有愛(≧ω≦)/**食物味道整體唔錯，係個燒春雞略乾身～下次可以再嚟試其他食物(*¯︶¯*)

朋友最近長駐荃灣，趁假日唔使返工，專登過嚟搵佢食晏。朋友想食扒餐，記得沙咀道有間唔錯嘅西餐廳，午餐選擇非常豐富，有豬肋骨、西冷、肉眼、羊扒等供應，提議一試。原來入面地方都幾大，環境開揚、座位闊落，坐得都幾舒服！我哋點咗兩個商務午餐，每個套餐都會奉送是日餐湯、牛角酥及咖啡或茶，轉凍飲+$3。今日嘅餐湯係羅宋湯，味道濃郁且很足料，牛角酥有烘熱過先上檯，食落好鬆化，帶陣陣牛油香。德國咸豬手配蜜糖芥末醬跟薯菜 ($115)  豬手整得好出色，皮層香脆，肉質細嫩，咬開仲有肉汁流出，點少少芥末醬吃，辛中帶嗆，風味十足。伴碟嘅薯條都好正，新鮮即炸，熱辣辣，香口又唔油膩。香煎澳洲肉眼牛扒配意粉 ($123)  肉眼扒非常大塊，即點即煎，火喉掌握得啱啱好，肉質嫩滑不韌，意粉水準亦唔錯，質感夠煙韌，入口軟硬適中。追加咗 2 款小食，煙肉洋蔥芝士焗大蘑菇 ($28) 同 香煎雞翼 ($14/2隻)。蘑菇肉厚多汁，芝士味濃，同惹味煙肉和爽口洋蔥簡直係絕配。雞翼大隻飽滿，外皮煎到金黃色，雞肉滑嫩有肉汁。

到荃灣 想食西餐不得不讚一讚呢間 雅高我叫咗個A 餐 地中海烤 盲曹魚餐前仲有 沙律 蒜蓉包 羅宋湯個沙律菜好新鮮 有機沙律 菜。羅宋湯好濃鬱 甜甜酸酸好惹味最後就要 讚一下盲曹魚拼薯菜盲曹魚 鮮嫩 多汁， 烤盲曹魚烤到 溫度適 中。 肉汁 非常惹味。 一啖咬落去充滿新鮮魚味。 地中魚烤焗煮食我都係第一次試。成條盲曹魚一個人食已經食到好飽 唔夠飽仲有新鮮職責的薯角。 原則原味的盲曹魚 如果你鍾意食魚絕對值得一試。呢度服務員服務態度好好， 食飽再嚟杯檸檬茶 透心涼的感覺