雅號•鮪千翼 (已結業)

中午時間，約 12：30，貪佢鋪頭無客先入去堂食。叫咗個角切丼，點知個飯底係白飯底。問返個師父點解唔係醋飯底，佢話要醋飯底既話，要預先出聲，因為好多客人都唔接受醋飯底。即時 O   哂咀！仲問我白飯底得唔得，可唔可以接受，我要求更換正常既醋飯底，佢就話要等 20 分鐘，因為好多單。（當時鋪面連埋我，得3 個客 ，又無人買外賣。單子從何而來。算，等。。。。寂莫到夜深。足足等咗半個鐘，個飯先到，結果。個醋飯底唔知點解係啡色既，係有少許醋味，都算，但啲飯係一啲係生米，一啲係過濕，一啲就 "痴立立"，一啲就硬過石頭。其實要比讚佢，因為佢咁好技術，可以煲到咁既飯出黎。跟個所謂既麵豉湯，無豆腐粒，無味憎味，只有海帶同紅蘿蔔，只可以 無肉味既青紅囉蔔煲豬骨 去形容碗湯，連影相都無心機再影。

今天，難得來到北角，一定要找找有什麼好食的地方。本來想去吃拉麵，由於太多人，於是行逛一下，發現寶馬道一間小店，沒有門牌，細細地的，餐牌上的價錢也很OK，於是入去試一試！星期五的lunch set, 只有五個選項，但有我最喜歡吃刺生飯。一個set有湯，前菜、及飯，只需要$75。前菜係八爪魚秋葵條，份量少少的，還可以！湯是麵豉湯，有菇、面筋的東西，因為我本身不太喜歡麵豉湯，所以覺得一般。刺身飯有大蝦、筋子、帶孑、蛋、魚生片，賣相很好，刺身亦很新鮮！😋相比同區日式店舖，這個價錢已經比較平！

星期六晚8:00去到，三台客。兩位、四位和我一位。兩位的一直在飲酒，四位的在吃飯。7:56 到達。7:59 發信息俾朋友。8:03 芥辣八爪魚。8:24 串燒雞肉串。8:32 洋蔥牛肉飯。8:36 埋單。果然是慢工出細貨，但係，味道只是一般。八爪魚是買現成的，不作評論。雞肉串有一股雪雞的味道，洋蔥牛肉飯，因為醬汁不夠，吃下去的話有點油膩感覺，吃剩一半。問我為什麼對時間那麼清楚？因為我真的很餓。埋單$105。客人真的不多，但這上菜速度真的有點那過，我真的想知道若果同時間坐滿整間店會怎樣？！

Sashimi 魚生刺身還可以 我哋叫咗原條魚/象拔蚌/海膽 因完全唔使烹調所以冇中伏串燒完全唔到家 一係太鹹 一係冇味 一係就乾柴 喺北角呢條街 佢嗰個咁嘅店面 價錢唔係太值得最離譜係燒賴尿蝦 $390/隻 好似好大隻 不過d肉好霉唔新鮮同痴殼 佢不停sell話新鮮游水 不過到我地反映唔新鮮 佢就話自己都冇試過另燒元貝咸到浪費了食材個師傅同我地講要先上海鮮後上肉 佢好堅持講咗兩次 不過唔知點解賴尿蝦同元貝到最後先上 嗰陣時我哋已經飽左九成 到我哋同佢地講返 佢都唔覺得有問題 順帶一提 個洗手間冇提供洗手液或番梘 只有清水 好唔衛生同$7600張單 也只收現金

鋪仔細細都好精緻！三五知己吹水晚飯宵夜都唔錯！食材新鮮，而且老闆話都係日本空運到，刺身大大件口感大滿足，選擇都算多，間唔時仲有一啲特別嘅海鮮刺身選擇！刺身好似話主打「平政魚」幾特別（成日三文魚都會悶既麻）小店既串燒同熟食料理都好有誠意！串燒一定要食燒牛舌同牛の年糕👍🏻👍🏻仲有個88代酒煮蛤必食！其實仲好幾樣特色野，可惜肚皮一次過裝唔晒，唯有下次再去食過！清酒選擇都算多！價錢方面都好宜人🍶

依間新開嘅北角小店 @flyingfish_restaurant 裝潢幾雅緻，重點係串燒好有驚喜✨火候同調味都啱啱好，可以品嚐到新鮮食材嘅原汁原味。食左好多款串燒😋幾款我的最愛➡️：雞軟骨肉串🐥：必點！雞軟骨好爽脆同時雞肉勁香超juicy。吉列豬扒🐖：唔係串燒，但再去食一定會encore！炸得岩岩好，炸粉夠簿，外脆內軟，忍唔住會狂食。燒粟米🌽：出面好多時都會燒得過分dry，呢間完全無呢個問題，食得出粟米品質好好好，非常香甜。燒鱔🐟：夠肥美又唔腥。燒淮山⛰️：原來淮山係可以燒嘅😂平時好少見，又幾好味喎仲有食咗其他串燒，都好唔錯居酒屋嘅環境👇