45
1
0
港鐵觀塘站 B2 出口, 步行約6分鐘 繼續閱讀
電話號碼
21158306
營業時間
今日營業
全日休息
星期一至六
07:00 - 23:00
星期日
全日休息
付款方式
Visa Master AlipayHK 支付寶 現金 八達通 銀聯 BoC Pay 微信支付 OpenRice Pay 雲閃付
座位數目
60
其他資料
網上訂座
電話訂座 詳細介紹
賞訂座積分
電視播放
當面支付
以上資料只供參考, 請與餐廳確認詳情
有關獎賞計劃
招牌菜
麻辣鷄煲 醉鷄煲 頂級安格斯雪花肥牛 重慶鷄煲 醉鷄煲
食評 (53)
行過觀塘,朋友拉我去一間茶餐廳。賣相普通,但食物嘅味道就真係出乎意料咁正!先嚟個奇味雞,嗰陣真係香到彭彭聲,洋蔥芫荽炒勻,加上豬皮,啖啖肉嘅啫喱質感配上香料,真係夠晒惹味!而家轉做打邊爐,第一槍就係手切肥牛,咁滑咁嫩,溝埋嗰特製醬汁,入口即化,食得我停唔到口!脆肉鯇嘅口感都OK,丸子就算啦,算係中規中矩。再點嗰牛膀,朋友讚好食到不得了,我嘅感受就一般般啲,可能係我唔太鍾意嗰款味道😅。呢度仲有特大杯檸檬茶,酸酸甜甜,紓解咗下飯菜嘅重口味。店員服務超級nice,睇得出嚟好用心,仲為我哋揀大枱,真係貼心!總括黎講,食嘢就係要開心,店員嘅微笑加分不少,下次再嚟,仲要叫埋新搞作嘅冬瓜盅~👏😄💯 繼續閱讀
(以上食評乃用戶個人意見 , 並不代表OpenRice之觀點。)
等級1 2023-12-11
137 瀏覽
垃圾食堂!話我自己落錯單,只係打咗 凍唔咖啡走甜,所以唔會換過一杯野飲。真係好誇張!完全諗野咖識字!!全部都講野唔正!!!態度勁差!不知所謂!又污糟!之前外賣紙袋收2蚊唔知以為佢紙袋係環保物料!!! 繼續閱讀
(以上食評乃用戶個人意見 , 並不代表OpenRice之觀點。)
等級2 2023-10-29
182 瀏覽
作為雞煲忠實fans, 不停嘗試尋找性價比高的選擇, 之前在銅鑼灣吃過一間味道不錯, 但價錢實在偏高, 而且服務不好,四人只是吃雞煲沒有加太多其他菜式已經超過800元。 終於給我們找到一間性價比高在的選擇@觀塘。我們選擇了奇味雞煲, 不辣,調味非常好, 雞煲一到來時香氣撲鼻, 我們order了半隻, 因為想留肚試其他菜式。 雞煲吃完後, 就轉為打邊爐, order 了手切肥牛, 脆肉鯇, 各類丸子, 正常水平。 另外order了牛膀,當中一人說很好吃, 我自己就麻麻,just not my cup of tea。當晚有件趣事, 我們order了兩杯特大檸檬茶, 很好喝, 所以再order第三杯, 職員要先收回我們本身的杯, 當時還不太懂為什麼, 原來特大檸檬茶的杯是特大特製的, 要收回作turn around, 作為晚飯的一件趣事分享。職員服務態度非常不錯, 本來我們坐卡位, 他們主動建議我們坐大枱因為打邊爐的餸菜會很多,很體貼。openrice book當晚有八折。 繼續閱讀
(以上食評乃用戶個人意見 , 並不代表OpenRice之觀點。)
被歸類為頹飯既粟米肉粒飯一直係我至愛。雖然間間茶餐廳都有,但好食既真係小之有小。可能市場定位係頹飯,令到餐廳有錯覺,覺得客人叫左預左伏,由頹飯變左cap水魚飯。所以近依十年都無特登點,差不多價錢,50幾蚊個寧願有塊扒食咬下或者炒粉麵,蝕極都有野落肚。因為伏既粟米肉粒飯,就算好肚餓,食兩啖都唔會想食—肉粒鞋,切得一舊大一舊細、汁似水、預著飯底乾身真係gg.但依間煮得好有heart. 肉粒鬆軟,有d餐廳真係肉片當肉粒,比人感覺係食淨肉撈埋當係。個汁就較中式,我覺得可以調濃d. 我較喜歡忌簾,但依個都唔差。可能廚師本身都鍾意食,所以下午茶有依個飯點。有用心煮既粟米肉粒飯買少見少,依間大家可以放心一試。 繼續閱讀
(以上食評乃用戶個人意見 , 並不代表OpenRice之觀點。)
等級6 2023-05-12
508 瀏覽
細細個出街打邊爐,都係冬天先至有得食,而且都係小店居多,用炭爐、火水爐,甚至會將枱凳擺出行人路邊。唔記得什麼時候開始,炭爐變成迷你氣體爐;之後再變成火鍋,春夏秋冬都有得供應;食材選料也變得越來越高級。估唔到到了今時今日,甚至有部份茶餐廳晚市兼營火鍋!今晚就去【雅苑餐廳】試吓。位於觀塘工廠區,日間係茶餐廳,當然大把生意;晚上就是另一回事。可能正是為了提高生意額,夜晚轉型做雞煲同火鍋。食完雞煲、再追加清湯火鍋唔需要加錢;如果只係打邊爐就要俾湯底價錢。點餐紙正面係各款雞煲、火鍋湯底及較為貴價的配料,背面一頁就係大眾化火鍋食材。始終係茶餐廳,欠缺手打肉丸、精緻餃子等等精緻火鍋配料。雞煲味道也有幾款選擇,揀了最基本嘅奇味雞煲半隻($180)。香口惹味,又夠熱辣辣;雖然及不上雞煲專門店,以茶餐廳質素來講,已算相當不錯。不過唔知點解,雞煲內加入了幾塊豬皮?雖然豬皮可以吸收雞煲醬汁,但似乎唔係好協調,加入菇菌更合適。墨魚滑($68)爽滑鮮味,但就欠缺了少許煙靭咬口,可能墨魚比例唔夠高。估計並非自家炮製,只是坊間工場交來現貨。手切肥牛(小)($168) 是否真係手切?又係唔係大陸黃牛肉?抑或都係進口急凍牛肉?牛肉味算幾濃郁,但口感太軟滑 ⋯⋯ 唔似係大陸黃牛肉,少了那種咬口。不過,這個價錢有這種質素,已較火鍋專門店便宜得多,抵食!點餐紙上共有三款牛肉,最平嘅喺美國雪花肥牛,即係平時街市凍肉舖最普通嗰啲;清楚知道這款雪花肥牛味道一般而已,亦可能有筋,所以揀了頂級安格斯雪花肥牛($228)。賣相較手切肥牛吸引,但味道未見得特別出色;油花香氣唔突出,牛肉味亦沒有特別鮮明,軟滑程度同手切肥牛亦差不多。總結來講,手切肥牛較抵食。雞煲好食過火鍋。火鍋配料只試了牛肉及墨魚滑,牛肉質素唔算高,贏在性價比。 繼續閱讀
(以上食評乃用戶個人意見 , 並不代表OpenRice之觀點。)