本月優惠大集合 外賣自取精選餐廳8折 雞批/火鍋套餐低至6折
2024-02-29

出街食飯點先最抵?即刻跟實每月至抵優惠 Book 枱食飯、用抵食餐飲券堂食/外賣自取,就可以擸盡著數啦!


叫外賣最正就係一去到就拎得唔使等~今期外賣自取有5間餐廳都有全單8折優惠,包括海南雞飯、港式茶餐廳、銅鑼灣多國菜及餃子小店,睇吓邊間啱食!


虎爺海南雞(灣仔) 全單8折 

主打海南雞飯嘅一間外賣小店,性價比好高,好啱附近嘅上班族!招牌無骨海南雞飯嫩滑有雞味,熟嘅程度真係啱啱好,飯底有薑黃、泰式香料及雞油香,啖啖肉配飯食好滿足。另外佢哋重有供咗埋麻辣、泰式同川式口味,咁就更加惹味啦。除此之外日式牛肉飯都值得一試,薄切牛肉片加埋甜甜地嘅醬汁撈飯一流,重好貼心咁供應埋超輕盈版本,啱晒小鳥胃嘅女士們。


六師弟海南雞飯(鰂魚涌) 全單8折

鰂魚涌海南雞飯專門店,雖然係賣海南雞飯但菜單好多元化㗎~去骨海南雞飯份量夠大雞又滑,仲可以轉做椰香油飯,粒粒分明嘅油飯重充滿椰香。泰式滷水豬手飯炆得好入味軟腍,皮有膠質唔會太肥膩,滿滿骨膠原。鍾意惹味嘅就可以揀呢個九層塔肉碎煎蛋飯,香辣嘅肉碎同流心蛋配飯好夾。另外重有唔同口味嘅手撕雞飯、薑蒽雞扒煎蛋飯及泰式豬頸肉煎蛋飯等。


雅苑餐廳(觀塘) 全單8折

港式茶餐廳,供應一般茶記小菜、炒粉麵類及雞煲火鍋等,就算想喺家中嘆雞煲都無問題!雞煲有麻辣、醉雞、胡椒豬肚雞同奇味等選擇,奇味雞煲唔辣但好香濃;醉雞酒味恰到好處,雞肉有淡淡酒香又夠滑。配料就推介特大赤蝦、冰鎮惹味鮑魚及台山肥蠔等,款款都好新鮮呀。


Pigsman(上環) 全單8折

以豬扒為主題嘅創意多國料理,主打一系列豬扒漢堡、豬扒三文治、豬扒飯及豬肉小食,又幾特別。豬榴彈漢堡個名夠晒盞鬼,其實就係手打雙層豬柳芝士漢堡,豬柳滑嫩彈牙又多肉汁,好特別嘅口感!招牌威士忌BBQ豬扒飯都推介,豬扒厚切大大塊,醬汁酸酸甜甜好開胃。小食豬扒薯條都好出色,將豬扒切到好似薯條一條條咁,香脆內嫩又唔油。


山東小城(太子) 全單8折

因墨魚荸薺餃而聞名嘅餃子小店,外皮用新鮮墨魚汁製成,內餡就加入豬肉、新鮮墨魚滑同馬蹄,同時有墨魚彈牙同馬蹄清脆嘅口感,又有墨魚鮮甜,必食!另有鮮肉韭菜餃、鮮肉西洋菜餃同京蔥羊肉餃等選擇。想食飽啲佢哋都供應水餃麵系列、酸辣湯水餃麵同菜飯系列,重有豆沙餡餅、麻辣豬耳、山東手撕雞同蒜蓉白肉等小食添。


2024年3月14日或之前於「低至全單8折精選餐廳」落單實付金額滿$50,仲可以用埋優惠碼「YUMMY」,額外減$5!


除咗上述優惠外,OpenRice都會推出不定期嘅外賣自取優惠,想知更多詳情可以Keep住留意OpenRice App啊!    


仲等?(按此立即落單)


YUMMY:https://www.openrice.com/info/takeaway/tc-YUMMY.html



農曆新年下星期就係啦!唔想出去同人迫嘅,今期外賣自取推出多間餐廳嘅新春優惠,有火鍋、中菜、茶飲及西餐,即刻睇吓邊間啱食~


巴辣仔烤魚雞煲 (指定分店) 火鍋套餐7折

想打邊爐又無時間去買材料,買定火鍋套餐有齊湯同配料就最正啦!呢間由成都名廚主理嘅四川菜餐廳主打烤魚同雞煲,2-3人同4-5人嘅雞煲套餐同烤魚套餐都有,雞煲有巴辣鮮雞煲同泡椒滑雞鍋,兩款都好惹味~烤魚就有3款魚揀,嫩滑得嚟都好入味。套餐包埋前菜、配菜、火鍋靚料、麵食同飲品,好抵食呀。


五匠六釜(九龍城) 指定食品8折

以創新手法呈獻魯菜、川菜、粵菜和淮揚菜嘅餐廳~幾推介香辣蝦同干煸肥腸,前者香脆有鮮味,辣得過癮;後者肥而不膩好出色。另外仲有大盆花菜同麻婆豆腐等都值得一試。食辣嘢配返杯茶飲就最爽,餐廳供應嘅茶飲都唔錯,百香鮮檸茶甜度適中好清爽,仲有近期最hit嘅鴨屎香手打檸檬茶,茶味同檸檬香氣互相揮映,恰到好處。


方叔叔重慶老火鍋(全線分店) 指定食品9折

愛食辣嘅朋友留意!呢間店主打重慶麻辣火鍋,佢地今次推出外賣自取2人及4人套餐,鍋底選擇有好多款,必試當然係招牌麻辣火鍋,重慶老火鍋着重麻同辣,由牛油,辣椒及香料炒製而成嘅紅油湯底色澤鮮紅,香氣濃郁,配合超吸汁嘅火鍋食材,愈煮愈麻辣鮮香。至於唔食得辣可以揀鴛鴦鍋底,有大骨滋補鍋同山珍菌湯鍋等選擇。配料方面推介重慶耗兒魚、鴨血、手打蝦滑同吸汁食材如鮮竹笙同包漿豆腐等~ 


賞茶(全線分店) 指定食品8折

香港本土茶飲品牌,冰粉粿招牌奶茶係最近嘅人氣之選~粉粿原材料來自台灣,以紅茶為基底經過四小時製作而成,外觀呈琥珀色咬落去QQ彈彈,細味時會散發淡淡紅茶香氣,食晒都唔會太滯。珍珠小時候牛奶茶入口順滑,奶味香濃。想清新啲嘅推介蜂蜜307茶王,微甜帶有濃濃茶香。


PizzaExpress(全線分店) 指定食品9折

新年又唔一定要食中菜,最緊要一班人開開心心團年。呢間連鎖薄餅推出新年2人及4人套餐,包括頭盤、沙律,薄餅及意粉,仲有金玉滿堂海鮮薄餅、黑醋油封鴨腿伴烤蔬菜同糖不甩麵包球,夠晒應節。另外北京烤鴨薄餅、羽衣甘藍蘑菇松露薄餅同辣牛肉青椒薄餅都好有特色,佢地嘅餅底香軟鬆脆,食完唔會有飽滯嘅感覺又滿足。


買開外賣嘅可用新春優惠,由2024年2月9日至2日12日,於任何外賣自取餐廳實付金額滿$200,使用優惠碼「CNY24」可享全單8折(最高$60折扣優惠)。


除咗上述優惠外,OpenRice都會推出不定期嘅外賣自取優惠,想知更多詳情可以Keep住留意OpenRice App啊!    


仲等?(按此立即落單)


CNY24: https://www.openrice.com/info/takeaway/tc-CNY24.html


最近咁多飯局,梗係要精打細算用盡優惠啦~今期精選推介有7折起嘅炸雞薄餅套餐同人氣麵食,啱你口味就咪錯過喇~


KiKi麵(荃灣) $100餐飲現金券 7折

台式手工麵係呢間台灣品牌嘅主打食品,其中經典滷水配鵝油拌麵充滿台式風味,彈牙嘅麵條亦好掛汁,另外重有津白鮮肉、白胡椒粉豬肚等湯麵畀你揀,配埋涼拌皮蛋豆腐、蒜片台式腸等小食更滋味。

折餐飲券:(按此


Pizza e Pollo(荃灣) 2-3人雞批餐 71折

圖:nofoodeat

堂食或外賣自取都得嘅「雞批餐」,可以喺5款口味中揀一款,包括環遊世界、夏威夷、素素批、情迷辣肉腸同千島熱情,連素食朋友都照顧埋。而招牌炸雞香脆啖啖肉,大人小朋友都啱食。

71折餐飲券:(按此


金鶴拉麵 (旺角) 指定拉麵  8折

圖:hkfoodphoto

拉麵要做得出色,一定要花心機煮湯底,呢間麵店嘅招牌雞白湯,以全雞熬足6個鐘,味道鮮甜,加埋低溫慢煮嘅日本薩摩赤雞叉燒,令人更加滿足。用餐飲券嘅話,原價$98嘅麵款都有8折,包括黑蒜醬油湯拉麵、鹽味拉麵等。

8折餐飲券:(按此

更多餐飲券優惠:(按此


預早訂座可以慳返等位嘅時間外,仲可以有額外訂座優惠!今個月為大家精選幾間激抵優惠,有$1嘅清酒煮蜆、6折台式火鍋套餐等,睇啱,撳個掣就可以訂座喇~


FireBird(銅鑼灣)  清酒煮蜆 $1優惠  

每枱$1份~平時食日式燒物,都會嗌返份有湯嘅小菜濕一濕口,而呢間人氣串燒酒吧餐廳,限時推出訂座優惠,可以$1點一份清酒煮蜆,鮮味之餘,亦可以中和燒日本霜降A4和牛、火焰原隻雞腿等燒物嘅油膩感。

$1優惠訂座優惠:(按此


月滷(屯門)  火鍋套餐 6折  

圖:catcatying

新開嘅台式餐廳,午市主打麵食同便當,晚市重有埋用砂鍋呈獻嘅養生火鍋套餐,湯底有養生雞湯、招牌臭臭鍋等口味,套餐會按款式同1/2/4人分量,分別配上鴨血、炸排骨滷肉飯、芋圓甜品等,風味十足。

6折訂座優惠:(按此


鳥居居酒屋(銅鑼灣)  二人前套餐 7折  

圖:新地食記HiroLai

主打日本鹿兒島赤雞製作串燒嘅居酒屋,除咗足料見稱,火候亦控制得啱啱好。佢嘅二人套餐包括愛知縣白象拔蚌刺身、燒海鮮、自家製月見免治雞肉棒等,鮮味同惹味齊晒~呢個套餐而家有7折,如果都係想單點,主餐牌正價食品亦有85折優惠。

折訂座優惠:(按此

更多網上訂座優惠餐廳:(按此




關鍵字
外賣自取
訂座
餐飲券
優惠
著數
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2024生日優惠】持續更新!4月壽星嘆巴日Fusion菜享「年齡折扣」
2024-04-05
香港必食燒鵝餐廳推介 荔枝柴香煙燻燒鵝、香氣十足陳皮燒鵝
2024-04-04
【隨時更新】零食速報 每周新款零食、酒品點評
2024-03-26
關注組推介沙嗲牛 世一回歸、大圍多選擇
2024-03-27
4大麻糬波波店推介 熱賣菠蘿脆皮波波、紫菜肉鬆拉絲芝士麻糬口味
2024-03-26