雅士餐廳

營業中

休息中

1. 待應服務水平差，叫了5分鐘，應了3次都係等等2.落了單8分鐘後，先話冇燒雞，大力推薦原條龍 利，腥到入不了口3. 叫了安格斯肉眼6成熟，來了9成熟4.羊鞍的黑椒汁勁咸5. BBQ雞翼，有一團漿狀，又濃又咸的醬汁包著

正所謂區區有扒房，粉嶺也有專業扒房，歷史最悠久的，莫過於雅士餐廳。內裡裝潢如同三四十年前的傳統歐洲餐廳一樣，充滿歐洲風情，環境一定比滿分。上星期舊同事請我同老婆鋸扒，當然揀咗呢樹啦！同事叫了雜扒118元，有好大隻虎蝦。我叫了紐西蘭肉眼扒138元，而老婆就叫了安格斯西冷扒178元，貴咁多，除咗塊扒靚啲、筋少啲、肉質啉啲香啲之外，當然再多啲嘢食既，就係多咗個薯蓉田螺，同埋飲酥皮湯，非常好飲噃！即使係我個扒跟既係羅宋湯，味道都唔錯，仲有加埋一塊蒜蓉多士，配搭簡直一流。咁啱隔離枱有人生日，吹蠟燭、食蛋糕，睇落响呢樹搞生日會都唔錯，淨係氣氛都贏晒啦！

心血來潮想食西餐鋸扒，來到充滿懷舊風味的餐廳，點了銀雪魚拼雞排配薯菜，set餐還包了一個湯，一個餐包，還有一個小甜品先講湯，湯點了周打魚湯，湯好濃好好味，而且好足料，有魚肉薯仔蔬菜粒，配上幾塊香脆餅乾，味道很配到主菜~銀雪魚併雞排，銀雪魚吾腥，肉質嫩滑，只是略嫌細塊。到雞排 ，雞排十分大件，而且煎得不老，肉汁仍然保持著，肉質嫩滑，一個人食的確有點飽，加上已調味好的薯菜，更是錦上添花!甜品是提子啫喱，正常這個set是$158加一用這個價錢食到這高水準的西餐，真是令人滿足下次會再光顧，期待其他食物呢

由於早幾日食過覺得相當唔錯，所以喺今日「爸爸節」我們再去粉嶺和豐街嘅「雅士餐廳」食晚餐慶祝！我們叫咗三個晚餐，喺點完餐之後，首先嚟嘅係牛油餐包同蒜蓉包，烘熱咗嘅牛油餐包包質相當軟熟，而蒜蓉包係新鮮即叫即焗，所以非常酥脆香口，而且整塊包都搽滿新鮮嘅蒜蓉粒同香草，令到味道相當芳香惹味！之後就嚟咗餐湯，周打魚湯嘅濃稠度調教得恰到好處，唔會太過稠身，而變到好似漿糊咁，呢點係值得讚賞，而且材料亦好豐富，所以味道好鮮味！羅宋湯嘅湯料份量十足，湯底嘅味道相當鮮甜香濃，而且酸甜辣嘅比例啱啱好！酥皮焗海鮮湯嘅酥皮同早前食嘅一樣，酥皮焗得非常酥脆，放落湯入面，吸收晒鮮味濃郁嘅湯汁精華一齊食，真係超正呀！由於我們一家都比較鍾意食牛扒，所以主菜我們就揀咗幾款唔同嘅牛扒一齊share嚟食，美國安格斯肉眼扒嘅肉質相當鬆軟，唔會有韌嘅感覺！美國安格斯西冷牛扒嘅肉味係幾款牛扒當中最濃郁㗎，食落感覺比較有咬口，而且肉汁都幾多，完全唔會有「嚡」嘅感覺！紐西蘭肉眼扒嘅表面煎得好香口，入面嘅肉質非常嫩滑！而且三塊牛扒都超大塊厚身，食落唔會有根同幾乎係無多餘嘅脂肪，真係超正同超抵食呀！因為好味到停唔到口，所以我們好快就將牛扒同

今日下午我們喺粉嶺做完嘢之後，覺得有啲肚餓，諗著喺附近睇吓有咩好食，行吓行吓去到聯和墟和豐街見到有間裝修古色古香，好有懷舊感覺嘅「雅士餐廳」，所以我們就入咗去食下午茶！我們叫咗煙三文魚碎蛋沙律法包烘得相當鬆脆，煙三文魚同碎蛋的份量都好豐富，以$45有埋一杯熱飲，真係好抵食！夏威夷薄餅嘅餡料有芝士、火腿、菠蘿同蕃茄蓉，係新鮮即叫即焗嘅薄餅，所以個餅皮覺得特別脆身，啲材料非常多，而且唔會好油膩嘅感覺，同埋他們係用新鮮的蕃茄蓉去焗，口感非常好，絕對不是用蕃茄醬咁酸！酥皮焗海鮮湯嘅酥皮焗得超酥化，湯底嘅味道非常濃郁，材料相當豐富，有蝦肉、蜆肉、青口仔、螺肉、魷魚同素翅，真係超足料抵食呀！法式焗田螺係咁多樣食物之中，我們最鍾意嘅，因師傅控制焗嘅時間火候調教得恰到好處，所以田螺嘅肉質非常爽滑彈牙，而且食落有啖啖肉汁，唔會好似其他西餐廳咁，將啲田螺焗到又「嚡」又韌又乾身，就連伴碟嘅薯蓉都絕不馬虎，薯蓉嘅質感非常軟滑，食落仲有好芳香濃郁嘅煙肉香味，真係做得相當出色，可以感受到師傅對製作食物嘅用心同熱誠，而且價錢亦都好相宜，「半打」都係$65，真係超正呀！係本人嘅必食推介！總括：估唔到喺粉嶺呢間開業三十

之前响度食晚餐，今日試下佢個早餐，食品不過不失，但有位檬豬眼+齊陰+扎馬尾0既丫姐服務態度麻麻。吾知係未吾夠人手，所以發客人脾氣，落單時好清晰，又重複講佢聽早餐配搭，泥度都係錯左，同番個丫姐講泥錯左野，佢屈客人講錯，之後佢肯換但等左好耐，10:03am落單，等到10:50都未有得食，問佢咩事甘耐，佢話"重新落單要耐d"，早餐要50分鐘都未上得，咩玩法呀？車泊門口，冇諗過食個早餐要咁耐，搞到差佬抄左兩次牌都未食完個早餐，要走兩次鬼，真係頭都痕埋。

呢間餐廳既裝潢真係幾吸引，每次經過都想試下，既然甘想試就唔好再等了。入到去好有古典風味，懷舊西餐風情，環境算唔錯。至於食物方面真係好唔掂！食完真係被裝修欺騙感情。湯可以講唔以飲，唔鐘意浪費食物，但唔會想飲得哂。蒜蓉包硬過石頭，食落無乜蒜味，唔食好過食。田螺螺無特別，薯溶完全無味，唔知自己食緊咩。扒銀雪魚 意粉唯獨個魚正常，都好食既，意粉同配菜一樣，係純粹烚熟就甘上碟，無烹飪技巧可言。一級西冷牛扒 薯菜薯條凍哂又林，以似放左以耐甘。叫得一級都唔會覺得難食，但期望同結果兩樣野黎，我想講真係好難食！明明叫五成熟食落口感好似9成熟甘，唔知以為食緊加厚版牛肉乾，d肉色紅得黎好奇怪，完全被騙感覺。最後甜品係黑加倫子味啫喱，超甜，甜品都做到甘求其。附近兩間西餐廳都食過，價錢差唔多但人地係好食，呢度係又貴又難食，絕無下次，失望。

浪漫一角 性價比高的西餐廳有amigo之稱既雅士，相信唔止新界人都會認識，都上過電視，裝飾雅緻，價錢仲有驚喜dinner set $100蚊唔洗有包有湯有野飲有大份量既扒仲有甜品，真係生意難做，但絕對對得住食客，因為質素高，但價錢平，平得黎又大份，仲想點？豬扒配薯菜，都有起碼兩塊扒，驚死你唔夠飽，而且從來都唔會鞋，肉質鮮嫩牛扒幾成熟，永遠都做到你要求，大大塊，多肉汁，又有配菜，所以一個月至少黎一次咁有情調，性價比高既餐廳全得街坊支持，希望繼續落去

男朋友諗住帶我去間好啲嘅餐廳食晩飯，平日晩飯時間來到門口都有一班人等緊位，我哋要等兩三張枱，我諗住應該都唔錯，好似花園餐廳嘅感覺，點知環境還可以，有懷舊西餐風情，坐得都闊落。食物份量小，又唔夠熱，全部都冇味，我自己都唔係食得好濃味嘅嘢，要自己落鹽落完都係得過鹹字，其實普通意粉可以整成咁真係好差，仲要個酥皮龍蝦湯，都可以無味 連杯凍檸茶都好細杯都唔知點解佢可以做咁耐，價錢亦唔係平，成百蚊個意粉免費都唔會食！

20170217--時間接近下午5時，雅士餐廳還有下午茶餐，這個晩餐未到，下午茶已過的時間，店內人客很少，正合愛靜的我，享受一個人的下午茶餐。侍應效率很快，主動走過來替我點餐。點了下午茶餐--焗豬扒意大利粉+凍奶茶($60)有別於其他餐廳，先來了凍奶茶少甜，奶是分開，可自行調節奶的份量，有做到少甜，茶香，味道不錯。一邊喝奶茶，一邊環顧四周環境，餐廳是雖然是舊有裝修，但反而給人有特色的感覺，相信晩上用餐也別有情調。我是特意要焗意大利粉的，因為不想吃放點汁就上桌子的意大利粉，會又乾又冷冰冰的。意粉上桌時賣相不錯，茄汁上有焗融了的芝士，豬扒已切好，不用一邊吃，一邊切，豬扒有點半厚切，外脆肉嫩還保留肉汁，好吃。意粉有熱度，但還是有點乾和有點硬，不是我個人喜歡那些先放點沖才焗的做法。意大利粉好像不夠味，隨手在桌子上拿起加了茄汁做調味。調味料擺放方便了食客，但也降低了餐廳的格調吧。埋單--$66連加一服務費。如果單純計算食物質素，下午茶餐接近午餐價錢，價錢真的有點貴，但加上餐廳的歷史和特色的環境，還是值得到此光顧的。談到聯和墟的食肆，雅士應該總在三甲必到朝聖之選吧。

2017第1次黎食，d野食整得好好咁多人食出餐都好有速度，d扒整得好有水準，味道又足夠，老闆娘都好nice好靚女環境保存懷舊，很好啊！兩百零蚊塊扒超低咁既水準值得再光顧撐撐撐

2017-1-9真糸高手，叫個牛柳拼魚柳點知件牛柳糸凍嘅吹漲!!! 另外加錢叫洋蔥湯又糸無味都算啦！我問侍應可吾可以整熱件牛柳，點知侍應真系訓練有數：答案系幫你叮番熱！叮熱後會好熟個喎！個一刻我真的被她秒殺了今天我學會牛柳是叮出來的！

諗住boxing day係屋企附近食餐豐富d既，於是黎到聯和墟比較出名既呢間餐廳食。因為之前食過一次lunch都覺得唔錯，所以都好放心。我地大概七點鐘到，等左半個鐘到，大時大節都算幾快。入面只有基本聖誕裝飾，但本身佢格局同氣氛做得唔錯，所以整體環境都好有feel。而員工係一隻手數得哂，但效率好高同地方唔大，所以落單，上餐同收野都算快同做得足。態度無特別好同唔好。而野食我同女朋友都叫左個精選套餐，平均二百蚊一個餐。名一個頭盤（田螺，青口），龍蝦魚翅so皮湯，主菜（西冷牛扒，豬扒），甜點＆飲品。頭盤同野飲都係正正常常，值得一讚係佢用左芝士焗青口可以完全無腥味，就連我唔食青口既女朋友都可以接受到，各位比較怕腥味既朋友可以一試。到左主茶，牛排叫左七成熟，而上到黎的確係我地想要既效果。入面仲係粉紅色而不帶血水，重點係一d都唔韌。而豬扒就無咩特別，但份量就好足，足足有兩大塊咁多。牛扒亦都係比花x餐廳大好多。所以追求份量既朋可以大開殺介！而我覺得成個餐最精彩既係個湯。因為d魚翅係多到你以為佢比既係粉絲。而且個湯好入味，但又做到完全唔膩。我地係飲哂個湯先開始食主菜，就算飲完個湯，我地都唔覺得對食欲有影

今日唔使返office 返工，而係出街，來左個陌生既地方-粉嶺，好在有同事帶路，如果唔係真係是但搵間餐廳坐低就填飽個肚算喇。一入到來，哇！好歐洲式呀啲裝潢，好似睇緊歐洲舊電影入面啲場景咁呀！好靚！聽同事講話呢間野開左幾十年喇！我諗老細應該買左間鋪位架喇，如果唔係應該都開唔到咁耐。我嗌左個牛柳，要七成熟！好淋呀！另外我好鍾意杯咖啡！我通常飲咖啡會就咁飲一啖無糖無奶既齋啡先，飲落好濃，聞落好香，就算唔加奶加糖都已經ok.第二，我好鍾意佢個杯！因為又係好似電影片入面用個啲舊時代既咖啡杯！我個餐88蚊，唔算平，但都唔算貴啦！同花園餐廳個假差唔多。但個裝修個人覺得靚啲。

今日做完野係聯和墟行下，本來諗走，跟住突然見到呢間餐廳好似好懷舊，之前係朋友度都有聽過，今日咁岩見到就走左入去試下。咸牛舌沙律沙律魚最重要嘅一點係沙律入口要夠凍，餐廳呢碟咸牛舌沙律真係極品，入口第一次暖嘅，而且超級多醬，醬嘅份量真係好足不過生果又唔係好見到，跟住果兩次咸牛舌更加極品了，最緊要沙律唔係應該凍架咩，咸牛舌入口熱嘅。。。入口又乾嘅，雖然真係有兩片牛舌都叫多，但係大佬呀，我食緊嘅係沙律呀唔係咸牛舌飯呀，真係完全俾個裝修呃左，真係唔明點解佢可以做到咁多年。。。