雄記粉麵 (已結業)

拿，而家出面食個普通既麵都要五六十蚊，但係係荃灣 路德圍既雄記都係34蚊仲要不加一。以呢個價錢食到魚肉春卷麵已經二話不說要食，估唔到一食就覺得幾唔錯，間唔中無咩錢既時候都可以黎呢到！😆因為每個魚肉春卷麵都會有兩大個春卷，所以同友人share左一個。春卷自家製架仲要，d魚肉好彈牙之餘，熱辣辣剛炸起，值回票價。👻另外仲加左紫菜，成餅紫菜送比你非常之多，再加杯凍豆漿就真係滿足。雖然細細碗，但勝在夠底食！👏🏻👏🏻👏🏻

和老婆去附近等睇醫生, 打算先吃點簡單的, 見這裡不用等位, 便吃碗牛腩河, 腩肉米線; 誰不知我老婆吃剩了半碗牛腩河, 牛腩煮得唔夠林, 仲要$4X一碗, 實在唔值, 而我叫的米線, 感覺是家庭式的煮面, 全沒米線風味, 真不會再去了

荃灣是米線集中地，單單是路德圍已經有5間提供米線的食店。而這次要推介的是這間老店雄記這裡除了米線，還有魚蛋河之類…小丁每次都會叫一碗牛米線($39)+春卷($12)，牛唔似一般出面食倒既冷盤咁硬，是淋身的非常好味春卷是似牛脷酥的形狀，好有咬口，是必食推介米線淋左少少，所以小丁每次落單都會要求爽口D就剛剛好了食倒辣既朋友一定要試埋佢地自家製既辣醬有別於一般麵店的辣椒油，好野味！但非常辣，相當刺激

今日上晝喺荃灣路德圍附近，做完嘢搵早餐食，10:30左右好多餐廳都未開，見到『雄記』今日唔使等位，就入去食碗麵😄成日嚟到都見到排晒長龍，喺路德圍又大把選擇，所以都有好幾年冇黎『雄記』了～一入到去，研究左個menu一陣，因為枱上面個餐牌同牆上面貼住嗰啲好似唔多一樣，好多個價錢，感覺有點亂🤨個店員走過來催我落單，是但叫咗碗酸辣大腸米線加牛丸😳滷水大腸好淋、好入味，食得過👍🏼👍🏼牛丸就一般，唔係好紮實、好彈牙個種，不過肉味都好濃。仲有枱面樽自製辣醬都好正，好香，味道好豐富💕整體來講，食物味道係好好嘅，不過價錢偏貴，加上啲店員全部黑口黑面，感覺唔係太好，就算好食都唔會想成日過嚟食😕

話說睇完mayday concert搭巴士直達荃灣而5點幾食完晚餐 跳完一晚嗨左一晚又要再食野補充體力夜晚11點有咩好食呢原來想去另一間食車仔麵 點知無開於是就入呢間啦好好彩剛好有位唔駛等叫完野食外面已經排緊隊講緊係夜晚11點幾都要排隊呢度春卷最出名叫左春卷牛丸米線牛丸好有牛味 都彈牙既 無發到漲晒春卷漲卜卜 非常彈牙 入面魚肉足料米線亦都唔係淋晒既 又唔會硬到未熟透咁個湯就好清嫌太清可自加菜浦腐乳通菜 不過不失 腐乳醬剛好食完宵夜 回到現實下年再赴五月之約

來雄記必食招牌自家製魚肉春卷，質感彈牙，魚香味重，好味過南記，今次就叫咗春卷魚蛋河粉！提提大家呢到有最低消費，每人都要叫一樣野，而且唔可以帶外來飲品入嚟飲，見到姐姐有提其他客人唔准飲，不過都係有禮貌嘅，冇其他人講得服務咁差

病病地，想清清地食個晚餐。呢間雄記連住到大埔嘅朋友都要特登來食，但自己住左荃灣廿幾年都未食過，今日忍唔住就行左入去。舊式店舖，容納人數較少，7點鐘左右店都九成滿。第一次食，叫左個招牌魚肉春卷米線（$34）份量對於病左嘅我都算岩岩好，但平日嘅我就少左啲。有兩條春卷，食落彈牙有咬口，開頭半條係叫濃味，但一路食落就有啲咸。米線份量唔多，食落彈牙，唔會好林，普普通通。覺得店內啲姐姐記憶力真好，冇任何單據比客人。叫埋單，收錢唔洗問都記得我order左咩，一路食緊米線會聽到好多熟客嘅口吻order野食，應該做開街方生意。總結：雖然春卷口感唔錯，份量可以再多啲。

雄記自家製魚肉春卷，必食！佢地既自家製魚肉春卷，我覺得真係好食過南記好多！雄記既春卷好大條 成個牛俐酥咁既款😍 而且魚肉味算重又算彈牙! 整體上我覺得係有質素既👍🏻 四寶春卷河（$41），有魚肉春卷，魚蛋，魚皮餃同墨丸！佢地既係白魚蛋黎，食落口感非常彈牙，有魚味好食，應該是手打魚蛋👍🏻墨丸都算彈牙但味道較普通！另外想提及嘅就係佢哋嘅蒜蓉辣醬my fav.！我覺得同出邊餐廳嘅辣醬好唔同，佢哋係自家製，個蒜蓉味好出一流呀，好正～極香～

魚肉春卷係呢度招牌，必食之選！魚肉春卷沒有魚腥味，賣相成條油炸鬼咁，好鬼得意，仲要好味，堂食最緊要落佢嘅蒜蓉辣椒醬，我估應該係都係自家製！如果喺屋企打邊爐我必定喺呢買幾條春卷返屋企打邊爐！

說好了要到南豐紗廠走一走😊和病人恩物白粥糾纏了一個星期，大少指明想嘗試一下食雲呑麵。考起我🤔路德圍充斥著各種香港街頭小食，米線，台式料理，韓國料理等等....雲呑麵，呀，還好眼角見到有間雄記。一入去，作為米線控的我已經對住個米線餐牌飄出一對心心眼😍不過為了陪大少，「阿姐，黎碗春卷魚蛋麵呀！」用自家製春卷頂住檔先，米線就下回分解啦🤗魚蛋彈牙，自家製春卷略嫌有少少油膩，跟南記還差一點💁🏻‍♀️重點!係佢蒜味很濃的辣椒醬!!!正呀喂🤤PS. 除了濃濃的蒜味，阿姐見到媽媽級顧客抱住小朋友食得有點兒狼狽，主動提出另給小碗子讓媽媽夾出來捧著吃。很貼心😘

今日同了同事去路德圍食晏，咁見到這間粉麵，就入左來，叫了魚肉春卷四寶粉，仲要加紫菜。這裏的魚肉春卷十分出名，上次同事外賣了回去，請我食了一條，已經覺得好味，好厚實的質感，雖然凍了，不過仲是好香彈牙，唔腥架！！同事也是叫了魚肉春卷四寶麵，但沒有加紫菜。上菜速度快，不是好大碗，應該說是偏小，舖滿了餸，有魚肉春卷，白色魚蛋，魚皮餃，墨魚丸，紫菜，葱粒，幾乎見唔到米粉。湯底唔濃味，不過魚肉春卷略咸，其實也好大條，似一孖油炸鬼。其它的冇乜特別！！同事的雲吞麵加底，就大碗了好多！還有其它選擇！！感覺環境光猛新淨，服務正常，食物幾好，略咸了些，價錢高了些！！

有次經開荃灣，都唔知食乜好，就試下呢間粉麵，叫左個春卷豬大腸米線，拒個春卷係自家制的，於是試下，又出奇地好味丫😍雖然得一條，不過都夠，個豬大味又稔同埋真係好入味嫁，我見到拒牛腩都好似唔錯，下次試下先

一直堂食都覺得冇乜嘢， 好鍾意佢個鹹菜麻辣 肚絲米線同春卷！外賣自取兩次，第一次叫中辣， 返到屋企係清湯…… 完全唔係嗰樣嘢！ 以為佢第一次係搞錯 ，第二次又叫番相同嘅嘢， 已經特別強調男朋友記得嗌中辣，拎到返屋企打開竟然係牛筋河！ 男朋友話當時根本冇人等外賣，咁都可以搞錯唔知係咩玩法！ 諗住好又一餐，唔好又一餐照食啦，但果兩嚿牛筋細到不得了都算， 仲要勁甜， 成碗掉咗冇食！ 兩次都係咁，唔會再有第三次機會！堂食都唔會再去！

春卷牛筋河😎響荃灣算幾出名，成日見人排隊😂牛筋D汁好甜，算係幾好食。不過春卷有D硬，我反而唔太鍾意。整體來說，我就覺得一般$33而言，唔係特別平，純粹過口癮就夠。

這是一家有一定年份的麵店，上月去玩夜歸，想食D有湯嘅嘢，見以前一路食開都ok，就買外賣回家食，點了一個春卷墨丸米，到手時發覺無辣椒油，於是我自己打開個蓋，當場在枱面加落碗麵度，誰不知，被一個女人阻止，話5可以咁做，我就同佢講妳無比，佢話係我無話要，仲同我講，＂不＂咗就算，當我偷咁，我當時已經勁嬲，但都望下店內有否寫明外賣要辣油要提早揚聲，見無我先話佢，如果外賣要辣油要出聲先有就要列明，有寶收起佢，返去食嗰下先知換咗老細，個湯變得5好味，比四十幾蚊，食到一肚氣，唔會再幫襯，已經不是從前的味道！無得揀都5會揀雄記。