隨意米線 (已結業)

今日心郁郁想叫外賣 ,甘我地無留意就揀左呢間，貪佢又有米線又有串燒又有糖水兔花款啲，點知就中伏了⋯⋯⋯清湯超清，剩係得米線同芽菜⋯⋯叫左個麻辣幼薯粉，幼到好似食緊粉絲甘，個湯底都無乜味。叫左個牛筋，舊牛筋都大舊，不過都係好清，連腩汁都無😂串燒就唔差既，外賣 叫上黎炸雲吞仲係好脆腐竹蛋糖水就比較淡我未試過寫食評，但呢間米線真心令我想同其他人講千祈唔好去食😂但係燒物可以試下既。所以⋯⋯下次不了🙈

第一次食呢間就係叫佢外賣😂純粹未試過又諗唔到食乜咁咪試吓囉😩點知真係一個大伏呀‼️‼️我叫嘅係蕃茄湯底配貢丸同雞翼雞翼2隻 加左$11 但鞋烚烚 一啲都唔好食😂貢丸ok啦 好似有3粒 sorry唔太記得 好似加$9個湯底 鬼有蕃茄味 得嗰小小色水😂😂😂😂真係 對唔住都要講： 我 覺得個湯底 完完全全同蕃茄一啲關係都冇……..仲有個米線 一啲都唔好食 我知係外賣一定有影響但點解可以淋到咁….我叫其他食米線嘅餐廳是但一間就算外賣都唔會淋到咁…🥲🥲真係太失望😂 冇諗過佢啲米線同佢個名一樣咁隨意😅🙏🏻

真係好難食嗌咗喇沙湯，又唔辣又淡豬耳食到我隻牙爛都未咬得開唔會再幫襯😅朋友話食過唔錯叫我陪佢食真係試過就算，唔會有下次本身lunch time見冇人好似伏伏地點知真係伏！等碗米線等四個字😅😅本身心情唔錯，食碗咁嘅嘢真係差晒轉頭去食譚仔算50蚊食碗咁嘅嘢真係😅😅😅不如食隔離漢堡包算

再次光顧。換咗新餐牌，多咗選擇，但我有選擇困難症，點揀好…原本諗住試吓酸辣，但由於喉嚨痛，都係乖乖哋食住清雞湯底先。今次食蕨根粉，加紫菜、金菇同炸醬，但冇唯意到個炸醬係辣嘅（都係做唔到乖乖哋）。但好在個炸醬唔係好辣，而且仲好好味添。雖然想試埋份秘製豬扒，但真係食唔落啦！好啦！酸辣我哋下次再見啦！豬扒我下次再試你啦！

今日戇戇居居，路過土瓜灣，咁啱又想食嘢，見到門面招牌又黃又黑，覺得幾得意，好似Lego，盲舂舂衝咗入去食嘢，好似發現新大陸，麻辣湯底做得唔錯，尤其是豬紅值得返轉頭光顧

老公問我：「你噏乜嘢？」我話：「Up To You 啦」話說新開屯馬線 由沙田出土瓜灣都係20分鐘，老公突然想食米線，於是開apps 一search 鐵路附近新開了呢間「隨意米線」。竟然有上海麵選擇👍🏻外形有點似幼身的烏冬，而湯底雖然唔係有肉碎那種，但估唔到辣度有後勁🥵 自家炸醬 更是即叫即炒😯 香味十足！而蘿蔔都夠腍幾入味😋 另外叫小食-椒鹽雞軟骨 必食。咁岩佢o既秘製豬手還在製作中，不過下次一定要試到😊

一碗加一碟。見新開張試試佢，叫咗麻辣湯底要小辣，走芫荽蔥，揀咗豬大腸，蟹柳同牛栢葉，另再加小食滷水雞翼，作為食評新手嘅我，唔知用咩形容詞嚟表達比好食更加好。湯底夠麻夠辣，係小辣已經夠辣（以我唔食得辣嚟講），食完亦唔會有頸渴嘅感覺，冇味精，正。至於蟹柳基本嘢，豬大腸夠淋，牛栢葉唔韌，一咬就斷。滷水雞翼好滑，脹卜卜，唔鞋口，唔錯。仲有其他味道嘅湯底，我諗應該都唔錯，下次再試吓酸辣先，因聽到隔離話幾好味。可以再次光顧。

天熱炎熱，最好食碗米線，就啱啱好啦，我好鍾意食薯粉，呢間煮得剛剛好，又不會太冧，又彈口，配合清湯底，另外，小食蘿蔔煮得入味又夠冧,皮蛋香味濃郁，炸豬扒香口，令胃口大增。 Very Good!!!