陸宜居茶餐廳

營業中

休息中

開工到一半出黎吃飯。。。見個名幾得意就入去試下。。入到去人吾多。。橙色鋪面既裝修。。一個丫姐係出面睇場。。入得茶記預左冇招呼。。但枱冇餐牌。。問丫姐拎餐牌就好大聲咁話咪係哂牆度囉。。。ok..吾緊要。。睇好叫佢點。。一路點一路話我地坐吾好。。搞到佢頭都暈。。心諗已經躁躁地。。算食埋快d走。。叫左個雪菜肉絲炆米。。同咖哩薯仔煎蛋飯。。。雪菜米。。大路野應該吾會衰到點。。一夾起痴埋一pat仲脹哂。。。咖哩飯我地冇叫肉。。但上面有肉。。我男朋友吾食牛肉。。所以我就試左一啖睇佢豬定牛。。我食似牛肉。。問真啲丫姐呢個咩肉。。佢就超大聲咁講。。你叫咖哩雞飯緊係雞肉啦。。我呆左幾秒。。我地叫咖哩薯仔蛋飯。。丫姐話牛肉架。。牛肉黎。。。。其他客又望哂過黎。。。講到我地點錯咁囉。。最後焗住同男朋友掉轉個餐黎食。。。谷鬼氣。。請我都吾再黎。。。老細。。。換樓面啦。。嬲到爆

今日去大埔工作中午時經過呢間茶餐廳，原本打算食飽個肚入來發覺好多要搭枱餐廳好細只有一個樓面兼收銀同一個廚房師傅，正在看餐牌時發覺差不多全部人都係叫海南雞飯，好吧我也叫海南雞飯凍奶茶唔該，餐牌冇寫但係全部人也送例湯一碗，例湯係雞湯味道好濃湯裏有大量雞件，海南雞飯好大碟有半隻雞咁多餸仲有潮州花生同埋生菜，雞肉滑嫩好食，看見其他食客食炒粉麵飯同碟頭飯也好大碟，這裏嘅海南雞飯有兩種一種是有骨一種是冇骨嘅 如果有機會下次我會試埋冇骨嘅。

今朝想食早餐，經過好多間茶餐廳都冇位，最後發現呢間不單有位，仲好多位，後來先知有位係有原因。成間餐廳得一個侍應，我地入去都冇招呼，等左陣先落到order, 又等左好耐先上飲品。奶茶完全冇茶味，都算啦，沙嗲牛咬落係酸臭既，忍無可忍，決定走人，以為唔會再去。

自從麻庳雞同一舖位前身的茶記摺埋之後，食早餐要找最近寫字樓的茶餐廳便是陸宜居了，本來它的價位應是大埔噓附近茶記最平的了，同一價位的單拼港式公仔麵早餐還包油包及兩款其它配料。 我今天叫了一客火腿奄料早餐。 不說不知， Omelette原本是法文，意思異指有餡的蛋餅，中文將之音譯過來，是將打好的雞蛋以牛油煎好，在上面放上餡料後，對摺成蛋餅。 茶餐廳的餡料一般是火腿、芝士、洋蔥、蕃茄或煙肉，而蛋漿會加入水或牛奶，急速拂打後產生大量氣泡，令質感更鬆軟，它的起源可追溯至古波斯，只是將雞蛋混合香草後煎成蛋角，後來傳至歐洲發揚光大，演變成法式、意式、西班牙式奄列。火腿奄列這是最基本的港式奄列，在蛋角內只有洋火腿片切絲及少量洋蔥，表面帶點焦香但不會太乾身，切開時仍有蛋汁流出，囗腔感受到它的嫩滑，奄列有大半隻碟的大小，加上一件油包，足以作為大多數人正常早餐的份量。 跟餐喜歡選茶走，貪煉奶較濃厚的奶味及質感。這店早上較少客人，幫襯大多是熟客，早上入到去阿姐總會講聲早晨，收錢講聲多謝，但近年這些基本的招呼，在很多茶記已消失了。

每次到陸宜居茶餐廳,都會有一份家庭式街坊生意的感覺正式來說, 只有幾位員工在此,今次嘗試的是店主推介的馳名海南雞飯不過亦有分去骨 與 "正常" 版,當然去骨的就會稍貴一點先來一客羅宋湯 (或可選中湯)味道不會太辣, 略帶酸味, 足料多數以滑雞部分上碟有少量菜伴碟以特製酸甜醬調味飽肚開胃

餓了，順道走進了此餐廳，點了下午茶餐 – 紅腸煙肉公仔麵配凍檸賓。紅腸煎得香軟，煙肉不肥膩，公仔麵不稔，湯底清，另配蔬菜見體胋。凍檸賓不淡，有淡淡的檸檬香。上菜及收碟安排適時，不錯。綜合而言，好味道，會再來呢！

大白天搞了一輪東西回到家, 仲有一個任務要駒車前往的. 就是去大埔某傢私店提貨. 搞好哂所有東西, 搞埋其他不必要的東西. 體力也消耗了不少. 到了晚飯時間. 決定回大埔墟搵車位兼搵野食.在一個日間是非法, 晚上是合法的車位泊好車, 本來預先有目標餐廳的, 但太太過於擔心車子會被抄牌. 討論之下, 我們就地正法. 車剛好在陸宜居門口嘛. 可以邊看著車, 邊補充力量. 此食評既title是夠親切, 因為呢度既服務, 的確係非常之街坊, 非常之warm. 令生客熟客都感覺到大家係幾十年街坊咁, 每個入黎既客人也如是. 我表明了太太是素食者, 他們亦好識照顧佢所需. 說食物了, 普通的茶餐廳當然沒有準備齋湯啦. 一個金銀菜湯, 雖然吃不到肉, 但我敢肯!他們用上了豬骨煲. 雖然稱不上是老火湯, 但豬骨的味道出哂黎. 帶點清, 帶點甜. 是一個不錯的家庭靚湯.我叫了一個肉絲炒麵, 餐飲業式既做法, 家庭式既味道. 點解, 因為佢既味道是偏清淡類, 絲毫味精既味道都食唔出, 肉絲銀芽絲好豐富. 麵底炒得足夠地乾. 雖然當場的我, 食唔哂碟麵, 拿回家, 第日丁返熱黎食, 一樣咁佳.此店有咖喱系列

同朋友去晚飯,同圍都係茶餐廳,都唔知入邊間,睇呢間個名怪怪地就入去試下,因為我地中意新嘗試 ^^我叫左: 小菜餐西lemon雞,有飯有湯有餐飲,都係32蚊,不過我飲凍既加多2蚊朋友叫左:咖哩牛腩飯餐, 都係有湯有野飲 32蚊個樓面好有禮貌,未見過d茶記有禮貌成咁,有d不自在,不過好過出面果d粗聲粗氣,等多秒都嫌你阻住個地球轉咁,所以好滿意~整體來講d野食幾好味夠熱,最怕食暖野, 我個雞好香西lemon味,酸酸甜甜好醒胃, 岩岩好, 雖然d米麻麻地,但我成碗飯食清光, btw,佢個蕃茄什菜湯好足料好好味~朋友的牛腩:佢話好林好正 (我冇試因我唔食牛) d咖哩同出面好唔同, 好香椰汁味,辣味好少好少, 他們的特色招牌新加坡咖哩,我都不左spoon尼 mix飯, 超香好惹味,唔似出面得d色, 係係得個辣...整體上感覺良好,area小小的, 但有2部電視睇,坐咩位都有得睇,岩晒我電視精~

朋友帶我到這裡吃早，第一次到茶餐廳是覺得舒服的，椅子舒服，環境唔noisy，感覺好好。