陶源酒家

營業中

休息中

星期日，爸爸總是嚷著要飲茶。於是我們便到了觀塘的陶源。由於這邊是工商業區，所以不似我家寶林那邊那麼多人排隊飲茶。很快便有位，也當然快快地看點心紙。不少點心都非常吸引，當中最吸引我相機食先的就是下圖兩款。安格斯牛柳天鵝酥$40，睇得又食得。鬆脆的酥皮外層，包裹著入口即溶的牛柳。還有這個別有洞天鴛鴦脆皮腸$57，其實無論是黑是白，內裡都是一樣卜卜脆的炸兩，邪惡得很美味。雖然不用怎麼等位，食物美味，環境優質寬敞，但4人合共6百多元算是偏貴......偶爾來吃吃也不打緊吧！

今天喺觀塘區做嘢，在附近開餐，由於早上有尐頻撲，所以，搵左間酒樓食晏，順便休息下蟲草花鮮腐皮蟲草花冇草青味，腐皮豆味香濃棉花雞魚肚新鮮，雞肉滑溜，多汁杏仁茶杏仁味比較凊淡，濃尐會好飲尐，好彩唔太甜

陶淵明係大文人，源出世簇隱田間，酒與詩文他靈魂，家傳不貪米五斗。<<陶源酒家>>這個名字已相識二十載，它擁有輝煌菜式多的是，而記憶所及是鮑魚。這款名貴食材，由它帶到一般平民的餐桌上。今天它發展更為廣泛，港式點心質料好，是打工仔午餐的好幫手。❛笋尖鮮蝦餃❜ 的賣相並不可愛，表面呈現不到應有摺叠的數量，所以無法吸引我的視線，只能盡快放進咀裏品嚐。嘩！有油香和蝦香，也有細細小小的笋尖粒，算是十足懷舊蝦餃風格。❛芋角❜ 外表非常有大師傅的手藝，絲絲鬆散如被静電帶動的頭髮，生長在芋角的頂部。當我年幼時，每次小心翼翼地食晒此絲，才享用整個芋角。而它的肉餡也令我喜歡，有小丁方肉粒及冬菇，汁醬恰巧黏貼着它們，没有影響圓圓的内壁。溫馨提示：酒家位置在工廠區，早啲或遲啲才有着數，唔會擠迫。

電話訂位時，預訂HSBC優惠套餐，侍應說不用預訂套餐，直接到酒樓點菜便可以，到達酒樓點菜時，話未能供應優惠套裝，推説是我們冇預訂，要求我們轉食其他套餐，感覺受騙，不知所謂，估不到香港今時今日還有這種服務態度😡男厠的衞生亦很差，尿兜穿了，沒有關閉，照常供人使用，結果一地都係.........

年初二去飲茶，不單止點心味道差，接待員態度仲差。她為了把枱趕快地給下—輪茶客，善自把他們漏單的點心取消！真的不知所謂其實我們凖時到了她都未能比位我們，但是未夠鐘又趕我們走，這些員工真系同老闆倒米，估不到集團式的大酒家會有這些員工

團年飯揀左黎呢度食，訂位時說分兩場時間，第一場忘了是六點還是六點半…因為家人未放工，所以訂了第二場八點半，亦前往付訂金及揀了1席菜當晚八點半前到達，看見全場也滿，不能如時交枱就在門口等，陸續等埋單執枱至八點五十分才入內! 菜單一早揀了，叫了上菜，但至十點也只有乳豬及雞兩碟食左，小朋友們已說很肚餓，點解停了無嘢食!? 不斷追後才黎埋龍蝦伊麵，兩碟菜及湯…之後停了！到十一點了，就欠魚同炒飯未黎，再追問幾次嘅答覆係條魚廚房漏單了，條魚要等15分鐘…我地決定唔要魚…經理就來講，飯可轉荷葉飯就即有! 等到十一點小朋友們都眼瞓，大人老人家都等到飽…真的一肚氣，直接取消飯同魚，上埋甜品就埋單走人!首先既然分兩場時間，根本就做唔到八點半交枱，到九點幾後，人數亦由全場滿減至半，亦開始執拾、搬圓枱預備第二日茶市了，但當我地不斷追問菜，亦可繼續出現漏單，我們相信根本係成圍菜也漏了…去飲宴11點都散席啦，如果等埋魚同飯咪食到12點!!! 甘佢地都唔駛收工啦!!?? 上網睇番資料原來呢間分店開業未夠半年，雖說味道ok，但服務及安排真的不敢再領教了

舊有嘅陶園酒家前幾日去發現唔見咗，就改去第二間飲，今日有一個同事邀請我哋去飲茶，就叫我地喺東廣場嘅陶園酒家飲，我都係嗰陣時先知，原來搬咗去東廣場。要經過兩條自動扶手電梯先至可以到，我去到嘅時候剛好係1:15左右，門口已經有好多人喺度等緊位。幸好同事一早攞位，佢就大概一點鐘來到，九個人，大概等左2分鐘為就入到啦。呢度嘅裝修比起舊嗰度金碧輝煌，而且大廳四四方方，上面仲有一排好靚嘅水晶燈，一坐落去嘅感覺話俾我聽，呢度好適合擺酒。但坐耐咗個感覺係呢個樓底偏低咗少少。叉燒--個叉燒個整出來已經好靚，而且肥瘦剛好，食落去上面有陣蜜糖嘅甜味，仲有燒烤嘅香氣，鹹味剛好，好味。鮑汁鳳爪--不過不失，味道剛好。鳳爪炆到好淋，亦都好入味。涼拌秋葵--其他嘅地方做呢一味小菜都係會用川式嘅做法，會有醋，辣椒。呢度嘅秋葵反而幾特別，冰凍嘅秋葵加上日式嘅Wasabi加豉油，涼爽得來有點刺激。灌湯餃--呢度嘅灌湯餃反而冇咁好食，雖然裝出嚟嘅碗幾靚仔下，但係啲料就唔係好足，食落去淨係感覺到有蟹柳同埋一啲魚肚，湯嘅味道就偏淡。皮亦偏厚同太粉，唔係咁好食。其他蒸點屬正常，沒有特別好吃或不好吃的。整體嚟講都比之前嗰間好，但唯

這間陶源開張冇來，裝修唔錯，地方都幾大，環境舒適！服務就普通啦，侍應比較少，點心來得幾慢！食物就幾好食，推介冰燒三層肉，皮脆肉厚，好有香味，不過份量就小D，58元一碟，都幾貴！